MAT 24
24
भवन विनाशदी भविष्यवाणी
1मंग येशुड परमेश्वर भवन लोन्केल बैटीक वच्ची मुंदारकी फोयतुन्या, वान शिष्यल वान देगार परमेश्वरदी भवन सुपदेंक वच्चीर. 2पण वाड, वारकी उत्तर इच्ची आन्या, “मीर इ भवननी सुस्तार? इप्पुड, निन मिक खरेम शपतान, इंदु वगा राय इंगोगो राय मिंदा निलवानीयाक फोयार.”
3मंग येशुड जैतुन कोंडा मिंदा कुसनीन्याप्पुड, वान शिष्यल वान देगार वच्ची आनीर, “माक शप की इ माटलु यप्पुड आय्यी? नीद वच्चेद इंगा युगदी शेवट आय्येद वेळ देगार वच्चीनाद इदी मिम या चिन्हला मिंदकेल गुरतु फटदुम?” 4येशुड वारकी उत्तर इच्या, “सावधान उंडा, यवार पण मिमलान फसाय मताराद. 5येनटीक की ना फेरता शेंगेम मंदी वच्यार इंगा आन्यार, निन ख्रिस्त उंडान इंगा वार शेंगेम मंदीन फसाय मत्यार.
6 सावधान उंडा, मीर युद्धला बद्दल इंगा युद्धला अफवाल बद्दल इन्यार पण दिनिचांग मीर वारकी यरस्कुनाकुंडा. इ माटलु कावाने बेक. तरी आप्पुड शेवट काक फोई. 7येनटीक की, वगा जाती इंगोगो जाती मिंदा इंगा वगा राष्ट्र इंगोगो राष्ट्र मिंदा लेशी. शेंगेम जागालला भुकंप आय्यी इंगा दुष्काळ फडी. 8पण इ आन्नी माटलु दुखलाद सुरुवात उंडी. 9वार मिद छळ शेशेदेंक मिमलान फट्टी इच्यार इंगा जेमफडा मतेशार इंगा ना फेर इचांग आन्नी राष्ट्रल मिद कोफाम शेशी. 10आप्पुड शेंगेम मंदीक अडखळन आय्यी. वार वगा-मेगारनी फट्टी इच्यार इंगा वगा-मेगारदी कोफाम शेशार. 11शेंगेम खोटा संदेष्ट्याल लेशार इंगा, वार शेंगेम मंदीन फसाय मत्यार. 12एकसारख वाढाशे दुष्टाई इचांग शेंगेम मंदीद प्रेम सल्लांग आय्यी. 13पण या मनशी आखरी नंताक टीकाशी उंडी वानदे तारण आय्यी.
फेद्दा संकट दिनमुद सुरुवात
14येशुड मुंदारकी आन्या, आन्नी राष्ट्रलाक साक्ष कावाला आंका राज्यद इदी सुवार्ता आंता दुन्यामला शप्पेदेंक वच्ची इंगा आप्पुड शेवट आय्यी. 15तर यप्पुड मीर दानीएल संदेष्ट्याड शप्पीनेय, उजाड शेशेय घान माटलु, पवित्र भवनला नीला फडीनेय मीर सुशार.” (वाचाशेतोर इदी लक्षला तिस्कोंडा.)#दानिएल 9:27; 11:31; 12:11. 16आ वेळला यहुदी प्रांत लोन्टोर मंदी कोंडा मिंदीक फारका फोवाला. 17यवाड पण इल्लु मिंदा उंडी वाड इंटल्योनदी सामान तिस्कुनेदेंक किंदीक दावाराद. 18जर यवाराना शेल्ला उंटे तर वाड वानी बट्टाल तिस्कुनेदेंक यंकाक वापस फोवाराद. 19आ नाळाला रंजलमनशी उंडीनोरकी इंगा फाल तापेतोर आंड्योरी शेंगेम येल्याल आय्यी. 20प्रार्थना शेयना की मिक सलीकालाम इंगा शब्बाथ दिनमुला फारेद फनी फडाराद. 21येनटीक की दुन्याम निर्माण आय्यीननोट यबदुच कालेद इंगा काक फोई इल्लोन फेद्दा संकटलु आप्पुड वच्ची. 22इंगा, परमेश्वर आय नाळ जर कमी फेट्टा लेकुंटे तर यादुच मनशी बतकाकुन्या. पण वान निवडाशनोर इचांग वाड आय नाळ कमी शेशी. 23आ वेळला जर यवाडाना मिमलान आन्या, सुड! ख्रिस्त इंदु उंडाड लेकाते वाड आंदु उंडाड, तर वान मिंदा विश्वास फेट्टाकुंडा. 24येनटीक की खोटा ख्रिस्त इंगा खोटा संदेष्ट्याल लेशी नीला फड्यार. वार फेद्दाय आश्चर्य कारक चिन्हल सुपीच्यार. शक्य आयते तर परमेश्वर निवडाशीने मंदीन पण फसाय मतेद प्रयत्न शेशार. 25सुडना इ माटलु कावा काना पहिलाने निन मिमलान सावध शेशीनान. 26जर वार मिमलान आंटार, सुडना, ख्रिस्त जंगलला उंडाड. तर आंदुक फोकुंडा. लेकाते जर वार आनीर, सुडना, वाड लोना खोलीला उंडाड, तर वान मिंदा विश्वास फेट्टाकुंडा. 27निन इल्ला आंटुनान येनटीक की वीज यल्ला पुर्व तीकेल पश्चिम नंताक चमकाशेताप्पुड आंदारकी कमस्ताद आल्ले मनशी कोडकुद वच्चेद आय्यी. 28यंदु पण फिनग्या उंडी आंदु गेद्दाल पण जमा आय्यी.
29 आ दिनमुलाला याय संकटलु वच्ची दान लगेच बाद सुर्य नल्लांग फडी फोई, चंद्र यलगु इयाक फोई मोडाम लोन्केल सुक्काल फडी फोई इंगा मोडामला फेद्दा शक्तील हालाशी फोई 30आप्पुड मनशी कोडकुद वच्चेद चिन्ह मोडामला कमशी. आप्पुड दुन्यामलोनी आन्नी पिढील वारी यदाल कोटकेन येडशार. मनशी कोडकुन मोडाम मिंदा कुसनी सामर्थ्यता इंगा फेद्दा गौरवता वच्चेताप्पुड सुशार. 31मनशी कोडकु कर्णा फेद्दा आवाजला वान स्वर्गदुतलान पृथ्वी भोवती आंपी. वार पृथ्वी नालुंग कोपर्यालकेल, मोडामलोन वगा कोनाकेल इंगोगो कोना नंताक निवडाशी नोरनी जमा शेशार.
लेशेद गरज
32येशुड मुंदारकी आन्या, अंजीर शट्टु दृष्टांत मिंदकेल इदी नेरस्कोंडा; अंजीर शट्टुय डांकुल यप्पुड फच्चांग इंगा कवळांग उंटाय इंगा आकलु फुटदेंक आंटताय आप्पुड यंडाकालाम देगार वच्चीनाद इदी मिक तेलस्ताद. 33आल्ले मीर इ आन्नी माटलु सुशार आप्पुड इदी गुरतु फटना की, वाड कवाड देगार उंडाड. 34निन मिक खरेम शपतान, इ आन्नी माटलु पुर्ण आय्यी नंताक इदी पिढी संपायाक फोई. 35मोडाम इंगा पृथ्वी नष्ट आय फोई पण नाय वचनलु यबदुच नष्ट काक फोई. 36पण आ दिनमु बद्दल इंगा आ वेळ बद्दल आब्बान शिवाय यवारकीच येमीच यरका लेद. स्वर्गलोन स्वर्गदुतलाक पण यरका लेद इंगा कोडकुक पण यरका लेद. 37नोहान आप्पुड आय्या आल्ले मनशी कोडकु वच्चेताप्पुड आय्यी.#उत्पत्ती 6:5-8; 7:6-24. 38आप्पुड यल्ला महाप्पुर दावा काना मुंची मंदी तिनदुर तागदुर, मंदी फेंडलील शेस्कुंदुर, फेंडलील शेशी इद्दुर. नोहाड जहाजला फोई नंताक मंदी इ माटलु शेस्तुनीर. 39इंगा जलप्रलय वच्ची वारनी येकेन फोया आप्पुड नंताक वारकी तेल्वालेद. आल्ले मनशी कोडकुद वचकाम आय्यी. 40इद्दार शेल्ला फनी शेस्तुन्यार तर दांटल्योन्केल वगान मिंदीक तिस्कुनेदेंक वच्ची इंगा इंगोगोड आंदे निलची. 41इद्दार आंड्योर इसराय मिंदा इसुर तुन्याला तर इद्दार लोन्केल वगादान मिंदीक तिस्कुनेदेंक वच्ची इंगा वगात आंदे निलची.
42 दिनिचांग मीर मेल्का उंडा, येनटीक की मिक यरका लेद की यबद मी प्रभुड वच्चेतोड उंडाड, 43इदी ध्यानाम फेटना, दोंगा यप्पुड वच्ची इदी जर इंटल्योन्टोन मनशीक यरका उंटे तर वाड दानिचांग तैयारीला उंटुन्या इंगा वाड दोंगान वानदी इल्लु फगला मतानीयाक उंटुन्या. 44इ कारण इचांग मीर पण तैयार उंडाबेक. यप्पुड मिक वाटायाक पण फोई आप्पुड मनशी कोडकु वच्ची.
विश्वासु दास इंगा दुष्ट दास इरदी दुष्टांत
45 तर वाड विश्वासयोग्य इंगा बुद्धिमान नोकर यवाड उंडाड, यवान माल्कुड वान इल्लु मिंदा अधिकारी निवडाशीनाड दिनिचांग की वाड इंगोगो नोकरलाक वेळ मिंदा तिनेदेंक आन्नाम इयाला? 46धन्य उंडाड आ नोकर यवान मालकुड वच्ची वान इद्दे फनी शेशेताप्पुड सुशी! 47निन मिक खरेम शपतान की, मालकुड वान आंता संपत्ती मिंदा आ नोकरनी अधिकारी निवडाशी. 48पण जर आ दुष्ट नोकर वान मनला इल्ला आन्या की, ना मालकुनकी वच्चेदेंक वेळ उंडाद, 49वाड नोकर इंगोगो नोकरलान मत्ती इंगा सराय तागेतोर जताक तिनी-तागी, 50तर आ नोकर मालकुड इल्लोन दिनमुला वच्ची यबद वान नोकर वानदी दावा सुडाकुंडी, इंगा इल्लोन वेळला वच्ची याद वानकी यरका लेद. 51मंग मालकुड वानकी कडक शिक्षा इच्ची, इंगा आ नोकरनी मालकुड ढोंगी मंदी जताक निलचेदेंक आंपी इंगा आंदु येडशेद इंगा फंडलु तिनेद नडशी.
Currently Selected:
MAT 24: WNT
Highlight
Share
Compare
Copy
Want to have your highlights saved across all your devices? Sign up or sign in
MAT 24
24
भवन विनाशदी भविष्यवाणी
1मंग येशुड परमेश्वर भवन लोन्केल बैटीक वच्ची मुंदारकी फोयतुन्या, वान शिष्यल वान देगार परमेश्वरदी भवन सुपदेंक वच्चीर. 2पण वाड, वारकी उत्तर इच्ची आन्या, “मीर इ भवननी सुस्तार? इप्पुड, निन मिक खरेम शपतान, इंदु वगा राय इंगोगो राय मिंदा निलवानीयाक फोयार.”
3मंग येशुड जैतुन कोंडा मिंदा कुसनीन्याप्पुड, वान शिष्यल वान देगार वच्ची आनीर, “माक शप की इ माटलु यप्पुड आय्यी? नीद वच्चेद इंगा युगदी शेवट आय्येद वेळ देगार वच्चीनाद इदी मिम या चिन्हला मिंदकेल गुरतु फटदुम?” 4येशुड वारकी उत्तर इच्या, “सावधान उंडा, यवार पण मिमलान फसाय मताराद. 5येनटीक की ना फेरता शेंगेम मंदी वच्यार इंगा आन्यार, निन ख्रिस्त उंडान इंगा वार शेंगेम मंदीन फसाय मत्यार.
6 सावधान उंडा, मीर युद्धला बद्दल इंगा युद्धला अफवाल बद्दल इन्यार पण दिनिचांग मीर वारकी यरस्कुनाकुंडा. इ माटलु कावाने बेक. तरी आप्पुड शेवट काक फोई. 7येनटीक की, वगा जाती इंगोगो जाती मिंदा इंगा वगा राष्ट्र इंगोगो राष्ट्र मिंदा लेशी. शेंगेम जागालला भुकंप आय्यी इंगा दुष्काळ फडी. 8पण इ आन्नी माटलु दुखलाद सुरुवात उंडी. 9वार मिद छळ शेशेदेंक मिमलान फट्टी इच्यार इंगा जेमफडा मतेशार इंगा ना फेर इचांग आन्नी राष्ट्रल मिद कोफाम शेशी. 10आप्पुड शेंगेम मंदीक अडखळन आय्यी. वार वगा-मेगारनी फट्टी इच्यार इंगा वगा-मेगारदी कोफाम शेशार. 11शेंगेम खोटा संदेष्ट्याल लेशार इंगा, वार शेंगेम मंदीन फसाय मत्यार. 12एकसारख वाढाशे दुष्टाई इचांग शेंगेम मंदीद प्रेम सल्लांग आय्यी. 13पण या मनशी आखरी नंताक टीकाशी उंडी वानदे तारण आय्यी.
फेद्दा संकट दिनमुद सुरुवात
14येशुड मुंदारकी आन्या, आन्नी राष्ट्रलाक साक्ष कावाला आंका राज्यद इदी सुवार्ता आंता दुन्यामला शप्पेदेंक वच्ची इंगा आप्पुड शेवट आय्यी. 15तर यप्पुड मीर दानीएल संदेष्ट्याड शप्पीनेय, उजाड शेशेय घान माटलु, पवित्र भवनला नीला फडीनेय मीर सुशार.” (वाचाशेतोर इदी लक्षला तिस्कोंडा.)#दानिएल 9:27; 11:31; 12:11. 16आ वेळला यहुदी प्रांत लोन्टोर मंदी कोंडा मिंदीक फारका फोवाला. 17यवाड पण इल्लु मिंदा उंडी वाड इंटल्योनदी सामान तिस्कुनेदेंक किंदीक दावाराद. 18जर यवाराना शेल्ला उंटे तर वाड वानी बट्टाल तिस्कुनेदेंक यंकाक वापस फोवाराद. 19आ नाळाला रंजलमनशी उंडीनोरकी इंगा फाल तापेतोर आंड्योरी शेंगेम येल्याल आय्यी. 20प्रार्थना शेयना की मिक सलीकालाम इंगा शब्बाथ दिनमुला फारेद फनी फडाराद. 21येनटीक की दुन्याम निर्माण आय्यीननोट यबदुच कालेद इंगा काक फोई इल्लोन फेद्दा संकटलु आप्पुड वच्ची. 22इंगा, परमेश्वर आय नाळ जर कमी फेट्टा लेकुंटे तर यादुच मनशी बतकाकुन्या. पण वान निवडाशनोर इचांग वाड आय नाळ कमी शेशी. 23आ वेळला जर यवाडाना मिमलान आन्या, सुड! ख्रिस्त इंदु उंडाड लेकाते वाड आंदु उंडाड, तर वान मिंदा विश्वास फेट्टाकुंडा. 24येनटीक की खोटा ख्रिस्त इंगा खोटा संदेष्ट्याल लेशी नीला फड्यार. वार फेद्दाय आश्चर्य कारक चिन्हल सुपीच्यार. शक्य आयते तर परमेश्वर निवडाशीने मंदीन पण फसाय मतेद प्रयत्न शेशार. 25सुडना इ माटलु कावा काना पहिलाने निन मिमलान सावध शेशीनान. 26जर वार मिमलान आंटार, सुडना, ख्रिस्त जंगलला उंडाड. तर आंदुक फोकुंडा. लेकाते जर वार आनीर, सुडना, वाड लोना खोलीला उंडाड, तर वान मिंदा विश्वास फेट्टाकुंडा. 27निन इल्ला आंटुनान येनटीक की वीज यल्ला पुर्व तीकेल पश्चिम नंताक चमकाशेताप्पुड आंदारकी कमस्ताद आल्ले मनशी कोडकुद वच्चेद आय्यी. 28यंदु पण फिनग्या उंडी आंदु गेद्दाल पण जमा आय्यी.
29 आ दिनमुलाला याय संकटलु वच्ची दान लगेच बाद सुर्य नल्लांग फडी फोई, चंद्र यलगु इयाक फोई मोडाम लोन्केल सुक्काल फडी फोई इंगा मोडामला फेद्दा शक्तील हालाशी फोई 30आप्पुड मनशी कोडकुद वच्चेद चिन्ह मोडामला कमशी. आप्पुड दुन्यामलोनी आन्नी पिढील वारी यदाल कोटकेन येडशार. मनशी कोडकुन मोडाम मिंदा कुसनी सामर्थ्यता इंगा फेद्दा गौरवता वच्चेताप्पुड सुशार. 31मनशी कोडकु कर्णा फेद्दा आवाजला वान स्वर्गदुतलान पृथ्वी भोवती आंपी. वार पृथ्वी नालुंग कोपर्यालकेल, मोडामलोन वगा कोनाकेल इंगोगो कोना नंताक निवडाशी नोरनी जमा शेशार.
लेशेद गरज
32येशुड मुंदारकी आन्या, अंजीर शट्टु दृष्टांत मिंदकेल इदी नेरस्कोंडा; अंजीर शट्टुय डांकुल यप्पुड फच्चांग इंगा कवळांग उंटाय इंगा आकलु फुटदेंक आंटताय आप्पुड यंडाकालाम देगार वच्चीनाद इदी मिक तेलस्ताद. 33आल्ले मीर इ आन्नी माटलु सुशार आप्पुड इदी गुरतु फटना की, वाड कवाड देगार उंडाड. 34निन मिक खरेम शपतान, इ आन्नी माटलु पुर्ण आय्यी नंताक इदी पिढी संपायाक फोई. 35मोडाम इंगा पृथ्वी नष्ट आय फोई पण नाय वचनलु यबदुच नष्ट काक फोई. 36पण आ दिनमु बद्दल इंगा आ वेळ बद्दल आब्बान शिवाय यवारकीच येमीच यरका लेद. स्वर्गलोन स्वर्गदुतलाक पण यरका लेद इंगा कोडकुक पण यरका लेद. 37नोहान आप्पुड आय्या आल्ले मनशी कोडकु वच्चेताप्पुड आय्यी.#उत्पत्ती 6:5-8; 7:6-24. 38आप्पुड यल्ला महाप्पुर दावा काना मुंची मंदी तिनदुर तागदुर, मंदी फेंडलील शेस्कुंदुर, फेंडलील शेशी इद्दुर. नोहाड जहाजला फोई नंताक मंदी इ माटलु शेस्तुनीर. 39इंगा जलप्रलय वच्ची वारनी येकेन फोया आप्पुड नंताक वारकी तेल्वालेद. आल्ले मनशी कोडकुद वचकाम आय्यी. 40इद्दार शेल्ला फनी शेस्तुन्यार तर दांटल्योन्केल वगान मिंदीक तिस्कुनेदेंक वच्ची इंगा इंगोगोड आंदे निलची. 41इद्दार आंड्योर इसराय मिंदा इसुर तुन्याला तर इद्दार लोन्केल वगादान मिंदीक तिस्कुनेदेंक वच्ची इंगा वगात आंदे निलची.
42 दिनिचांग मीर मेल्का उंडा, येनटीक की मिक यरका लेद की यबद मी प्रभुड वच्चेतोड उंडाड, 43इदी ध्यानाम फेटना, दोंगा यप्पुड वच्ची इदी जर इंटल्योन्टोन मनशीक यरका उंटे तर वाड दानिचांग तैयारीला उंटुन्या इंगा वाड दोंगान वानदी इल्लु फगला मतानीयाक उंटुन्या. 44इ कारण इचांग मीर पण तैयार उंडाबेक. यप्पुड मिक वाटायाक पण फोई आप्पुड मनशी कोडकु वच्ची.
विश्वासु दास इंगा दुष्ट दास इरदी दुष्टांत
45 तर वाड विश्वासयोग्य इंगा बुद्धिमान नोकर यवाड उंडाड, यवान माल्कुड वान इल्लु मिंदा अधिकारी निवडाशीनाड दिनिचांग की वाड इंगोगो नोकरलाक वेळ मिंदा तिनेदेंक आन्नाम इयाला? 46धन्य उंडाड आ नोकर यवान मालकुड वच्ची वान इद्दे फनी शेशेताप्पुड सुशी! 47निन मिक खरेम शपतान की, मालकुड वान आंता संपत्ती मिंदा आ नोकरनी अधिकारी निवडाशी. 48पण जर आ दुष्ट नोकर वान मनला इल्ला आन्या की, ना मालकुनकी वच्चेदेंक वेळ उंडाद, 49वाड नोकर इंगोगो नोकरलान मत्ती इंगा सराय तागेतोर जताक तिनी-तागी, 50तर आ नोकर मालकुड इल्लोन दिनमुला वच्ची यबद वान नोकर वानदी दावा सुडाकुंडी, इंगा इल्लोन वेळला वच्ची याद वानकी यरका लेद. 51मंग मालकुड वानकी कडक शिक्षा इच्ची, इंगा आ नोकरनी मालकुड ढोंगी मंदी जताक निलचेदेंक आंपी इंगा आंदु येडशेद इंगा फंडलु तिनेद नडशी.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in