MAT 25
25
फदी आनबिळ्ळाद दृष्टांत
1येशुड मुंदारकी आन्या, आप्पुड स्वर्गद राज्य फदी आनबिळ्ळा लेका उंडी, वार वारी दिव्वाल तिस्कुनीर इंगा फेंडली कोडकुन भेटाशेदेंक फोईर. 2दांटल्या आयगुर मुर्ख उंडीर इंगा आयगुर हुशार उंडीर. 3मुर्ख आनबिळ्ळु वारी दिव्वाल तिस्कुनीर, पण दिव्वाल इचांग नुन्या तिस्कुनाक फोईर. 4पण हुशार आनबिळ्ळु दिव्वाल जताक वार बतकुलाला नुन्या तिस्कुनीर. 5इप्पुड फेंडली कोडकुक तडु आय फोयन्या आंका वार आंदारकी निद्दार वच्या इंगा वार फंडका फोईर 6पण निम्मा मोब्बुला यवार तरी दवंडी इच्चीर, सुडना फेंडली कोडकु वस्तुनाड! बैटीक फोई वान भेटायना!
7 दिन बाद आंदार आनबिळ्ळु लेशीर इंगा वार वारी दिव्वाल तैयार शेशीर. 8आप्पुड मुर्ख आनबिळ्ळु हुशार आनबिळ्ळान आनीर, मी नुन्या लोन्केल रवा नुन्या माक इंडा. माय दिव्वाल आरतुनाय. 9पण हुशार आनबिळ्ळु उत्तर इच्ची आनीर; आदी मिक इंगा माक कदाचित सालाक फोई; दिन पेक्षा मीर आम्मेतोर तीकुड फोंडा इंगा मी इचांग कोन्केन तिस्कोंडा. 10वार नुन्या कोन्का वद्देंक फोईर आप्पुड फेंडली कोडकु वच्या. आप्पुड यवार तैयार उंडीर वार फेंडली इल्लुक वान जताक यल्ली फोईर. मंग कवाड आंचकुनीर. 11यंकसार इंगोगो आनबिळ्ळु पण वच्चीर इंगा आनीर, 'प्रभु-प्रभु मा इचांग कवाड तेर' 12पण वाड उत्तर इच्ची आन्या, 'निन मिक खरेम शपतान, निन मिमलान गुरतु फट्टान.' 13दिनिचांग नेहमी तैयार उंडा, येनटीक की मनशी कोडकु यप्पुड वच्ची आदी दिनमु इंगा आदी वेळ मिक यरका लेद.
मुग्गुर नोकरलाद दृष्टांत
14 येनटीक की इदी धुराम देशामकी फोये मनशीलेका उंडाद, यवाड प्रवासकी फोवा काना मुंची वान नोकरलान फिल्ची वानदी संपत्ती वार शेतल्या इच्या. 15इंगा वाड लगेच मना प्रवासकी यल्ली फो वार दिंटल्योन वगानकी आय्यीद साउरलु यंडी कलदारलाय थैलील इच्या, इंगोगोनकी वाड रोंड साउर यंडी कलदारलाय थैलील, इंगा तिसरा मनशीक वाड वगा सावीर यंडी कलदारलाय थैलील इच्या. प्रत्येक मनशीक वार-वार योग्यता लेका वाड दुडलु इच्या. मंग वाड वान प्रवासकी फोया. 16यवानकी आय्यीद साउर यंडी कलदारलाय थैलील इच्चीन्या वाड आल्ले फनी शेशेदेंक सुरु शेशा इंगा आय्यीद साउर कलदारलाय थैलील वाड जमा शेशा. 17आल्ले, यवानकी रोंड साउर यंडी कलदारलाय थैलील शिक्कीन्या वाड इंगा रोंड साउर यंडी कलदारलाय थैलील कमाशा. 18पण यवानकी वगा सावीर यंडी कलदारलाय थैलील शिक्कीन्या, वाड भुमी लोना वगाट गुंता तव्या इंगा मालकुन कलदारलु दांटल्या दाशी फेट्या.
19 शेंगेम नाळा बाद आ नोकरला मालकुड वच्या इंगा वाड वारदी हिशोब तिस्कुना सुरुवात शेशा. 20यवानकी आय्यीद साउर यंडी कलदारलाय थैलील शिक्कीन्या, वाड मालकुन देगार इंगा आय्यीद साउर यकोची इच्या, वाड आन्या मालक, नु इच्चीने कलदारला मिंदा निन इंगा आय्यीद साउर कलदारलु जमा शेस्तीन. 21वान मालकुड आन्या, शाब्बास, शिंगार इंगा विश्वासु नोकर, नु भरोसा फेट्टे लायक नोकर उंडाव, नु रव्वान कलदारला बद्दल इमानदार निलस्ती, दिनिचांग निन शेंगेम माटला मिंदा निन्नु अधिकारी बनाय मत्यान. लोनीक फो इंगा नी मालकुन आनंदला कुड! 22यंकसार या मनशीक रोंड साउर यंडी कलदारलाय थैलील शिक्कीन्या, वाड मालकुन तीकुड वच्या इंगा आन्या; मालक, नु नाक रोंड साउर यंडी कलदारलाय थैलील इच्चीन्टी दांटल्या निन इंगा रोंड साउर कमाशीनान. 23मालकुड आन्या, शाब्बास, शिंगार इंगा विश्वासयोग्य नोकर, नु भरोसा फेट्टे लायक नोकर उंडाव, नु रव्वान कलदारला बद्दल इमानदार निलस्ती, दिनिचांग निन शेंगेम माटला मिंदा निन्नु अधिकारी बनाय मत्यान. लोनीक फो इंगा नी मालकुन आनंदला कुड! 24यंकसार यवानकी वगा सावीर यंडी कलदारलाय थैलील इच्चीन्या, वाड मालकुन देगार वच्या इंगा आन्या, मालक, नाक यरका उंड्या की नु वगा कडक मनशी उंडाव. यंदु पेरायालेद आंदु नु सोंगास्ताव इंगा यंदु पण पेरायालेद आंदु फंटा तिस्कुंटाव. 25नाक नीद येरपु उंड्या. आंका निन फोई नी वगा सावीर यंडी कलदारला थैलीन भुमीला दाशी फेटनान. इना तिस्को! इ निये उंडाय! 26मालकुड उत्तर इच्या, हे वाईट इंगा आयदी नोकर, निन यंदु पेरायालेद आंदु सोंगास्तान इंगा यंदु पण पेरायालेद आंदु फंटा तिस्कुंटान, इदी निक यरका उंड्या. 27तर नु नाय कलदारलु सावकारोन देगार फेटा बेकुंटी आंटे निन इल्लुक वच्ची नेंका नाक आय व्याज जताक शिकतुन्या. 28दिनिचांग मालकुड इंगोगो नोकरलाक शप्या, इन देगारी वगा सावीर यंडी कलदारलाय थैलील तिस्कोंडा इंगा यवान देगार फदी साउर यंडी कलदारलाय थैलील उंडाय वानकी इंडा. 29येनटीक की मना देगार येम पण उंडाद, दान वापराशेतोरकी इंगा इच्चेदेंक वच्ची इंगा वानकी शेंगेम आय्यी, पण यवार देगार उंडाद वाड दान वापरायाड तर वान देगार येम पण उंडी आदी आंता वान तीकेल तिस्कुनेदेंक वच्ची. 30यंकसार मालकुड आन्या, आ आयदी नोकरनी बैटुड मोब्बुला येयना. आंदु येडशेद इंगा फंडलु तिनेद नडशी, मनशी कोडकु आंदारदी न्याय शेशी.
न्यायदी दिनमु
31 मनशी कोडकु यप्पुड वान सामर्थ्यला परमेश्वर दुतला जताक वच्ची आप्पुड वाड वान उंच सिंहासन मिंदा कुसनी. 32मंग आन्नी जातीटोर मंदी वान मुंदार वगातळा वच्यार. वारनी वाड वगामेगारकेल अलग शेशी. यल्ला मेंढपाळ मेंढऱ्यालनी म्याकाल लोन्केल अलग शेस्ताड. 33वाड मेंढऱ्यालनी वान तिने शेय तीकुड कुसनामती पण म्याकालनी वाड रोड्डा शेय तीकुड कुसनामती. 34मंग राजाड यवार वान तिने शेय तीकुड उंडार वारनी आनी, दांडा, मीर ना आब्बान मंदी आशिर्वादीत उंडार! इदी राज्य दुन्याम बनामत्तीन केल मी इचांग तैयार शेशीनेद उंडाद इ राज्यला भागीदार कांडा. 35इदी मिद राज्य उंडाद, येनटीक की यप्पुड नाक आकाल आयन्या आप्पुड मीर नाक तिनेदेंक इस्तीर. नाक नेळ दुपाक आयन्या आप्पुड मीर नाक नेळ तापतीर. निन गुरतु लेन्योड उंटीन इंगा मीर नन्नु इंटल्योंग तिस्कुंटीर 36निन बेत्तालगा उंटीन आप्पुड मीर नाक बट्टाल फेटतीर. निन बिमार उंटीन, आप्पुड मीर नाद काळजी तिस्कुंटीर. निन तुरुंगला उंटीन आप्पुड मीर नन्नु भेटाशेदेंक वस्तीर.
37 मंग यवार नितीमान उंडार वार आन्यार, प्रभु मिम यप्पुड निन्नु आकाल आयनोड सुस्तीम इंगा दुपाकता सुस्तीम इंगा निक तिनेदेंक इंगा तागेदेंक इस्तीम? 38मिम निन्नु गुरतु लेनोड आंका यप्पुड सुस्तीम इंगा निन्नु इंटल्योंग तिस्कुंटीम लेकाते मिम निन्नु यप्पुड बेत्तालगा सुस्तीम इंगा बट्टाल फेटतीम? 39इंगा नु बिमार उंडीनाप्पुड मिम निन्नु यप्पुड भेटाशेदेंक वस्तीम? लेकाते तुरुंगला उंडीनाप्पुड यप्पुड नीक भेटास्तीम?
40 मंग राजा वारकी उत्तर इच्या, 'निन मिक खरेम शपतान इंदु उंडीने ना तम्मुळ्ळालाला शिन्नावोर लोन्केल वगान इचांग येम मीर शेस्तीर, आदी मीर ना इचांगे शेस्तीर'.
41 मंग राजाड यवार वान रोड्डा शेय तीकेल उंडार वारनी आनी, ना देगाटेल धुराम कांडा. मीर शापित उंडार, सार्वकालिक आग्गीलोंग फोंडा, इदी आग्गी शैतान इंगा वान दुतला इचांग तैयार शेशीनेद उंडाद. 42इदी मिक शिक्षा उंडाद येनटीक की नाक आकाल आयन्या पण मीर नाक येमी तिनेदेंक इयालेद, नाक दुपाक आयन्या पण मीर नाक नेळ तापालेद. 43निन प्रवाशी उंडीनाप्पुड नाक पाहुनचार शेयालेद. निन बट्टाल लेनोड उंटीन. पण मीर नाक बट्टाल इयालेद. निन बिमार इंगा तुरुंगला उंटीन पण मीर नाद काळजी तिस्कुनालेद. 44मंग आ मंदी पण वानकी उत्तर इच्चीर, प्रभु मिम यप्पुड निन्नु आकालता इंगा दुपाकता लेकाते प्रवाशी आंका यप्पुड सुस्तीम? लेकाते बट्टाल लेनोड, बिमार लेकाते तुरुंगला यप्पुड सुस्तीम इंगा निक मदत शेयालेद? 45मंग राजा वारकी उत्तर इच्ची, निन मिक खरेम शपतान: ना यंका नडशेतोर शिन्नावोर लोन्केल शिन्नावोरकी यादाना कारण इचांग यप्पुड-यप्पुड मीर लेद आंटीर, आप्पुड-आप्पुड मीर नन्नु लेद आंटीर. 46“मंग वार अनितीमान मंदी सार्वकालिक शिक्षा भोगाशेदेंक फोयार, पण नितीमान मंदी सार्वकालिक जीवन जगाशेदेंक फोयार.”
Currently Selected:
MAT 25: WNT
Highlight
Share
Compare
Copy
Want to have your highlights saved across all your devices? Sign up or sign in
MAT 25
25
फदी आनबिळ्ळाद दृष्टांत
1येशुड मुंदारकी आन्या, आप्पुड स्वर्गद राज्य फदी आनबिळ्ळा लेका उंडी, वार वारी दिव्वाल तिस्कुनीर इंगा फेंडली कोडकुन भेटाशेदेंक फोईर. 2दांटल्या आयगुर मुर्ख उंडीर इंगा आयगुर हुशार उंडीर. 3मुर्ख आनबिळ्ळु वारी दिव्वाल तिस्कुनीर, पण दिव्वाल इचांग नुन्या तिस्कुनाक फोईर. 4पण हुशार आनबिळ्ळु दिव्वाल जताक वार बतकुलाला नुन्या तिस्कुनीर. 5इप्पुड फेंडली कोडकुक तडु आय फोयन्या आंका वार आंदारकी निद्दार वच्या इंगा वार फंडका फोईर 6पण निम्मा मोब्बुला यवार तरी दवंडी इच्चीर, सुडना फेंडली कोडकु वस्तुनाड! बैटीक फोई वान भेटायना!
7 दिन बाद आंदार आनबिळ्ळु लेशीर इंगा वार वारी दिव्वाल तैयार शेशीर. 8आप्पुड मुर्ख आनबिळ्ळु हुशार आनबिळ्ळान आनीर, मी नुन्या लोन्केल रवा नुन्या माक इंडा. माय दिव्वाल आरतुनाय. 9पण हुशार आनबिळ्ळु उत्तर इच्ची आनीर; आदी मिक इंगा माक कदाचित सालाक फोई; दिन पेक्षा मीर आम्मेतोर तीकुड फोंडा इंगा मी इचांग कोन्केन तिस्कोंडा. 10वार नुन्या कोन्का वद्देंक फोईर आप्पुड फेंडली कोडकु वच्या. आप्पुड यवार तैयार उंडीर वार फेंडली इल्लुक वान जताक यल्ली फोईर. मंग कवाड आंचकुनीर. 11यंकसार इंगोगो आनबिळ्ळु पण वच्चीर इंगा आनीर, 'प्रभु-प्रभु मा इचांग कवाड तेर' 12पण वाड उत्तर इच्ची आन्या, 'निन मिक खरेम शपतान, निन मिमलान गुरतु फट्टान.' 13दिनिचांग नेहमी तैयार उंडा, येनटीक की मनशी कोडकु यप्पुड वच्ची आदी दिनमु इंगा आदी वेळ मिक यरका लेद.
मुग्गुर नोकरलाद दृष्टांत
14 येनटीक की इदी धुराम देशामकी फोये मनशीलेका उंडाद, यवाड प्रवासकी फोवा काना मुंची वान नोकरलान फिल्ची वानदी संपत्ती वार शेतल्या इच्या. 15इंगा वाड लगेच मना प्रवासकी यल्ली फो वार दिंटल्योन वगानकी आय्यीद साउरलु यंडी कलदारलाय थैलील इच्या, इंगोगोनकी वाड रोंड साउर यंडी कलदारलाय थैलील, इंगा तिसरा मनशीक वाड वगा सावीर यंडी कलदारलाय थैलील इच्या. प्रत्येक मनशीक वार-वार योग्यता लेका वाड दुडलु इच्या. मंग वाड वान प्रवासकी फोया. 16यवानकी आय्यीद साउर यंडी कलदारलाय थैलील इच्चीन्या वाड आल्ले फनी शेशेदेंक सुरु शेशा इंगा आय्यीद साउर कलदारलाय थैलील वाड जमा शेशा. 17आल्ले, यवानकी रोंड साउर यंडी कलदारलाय थैलील शिक्कीन्या वाड इंगा रोंड साउर यंडी कलदारलाय थैलील कमाशा. 18पण यवानकी वगा सावीर यंडी कलदारलाय थैलील शिक्कीन्या, वाड भुमी लोना वगाट गुंता तव्या इंगा मालकुन कलदारलु दांटल्या दाशी फेट्या.
19 शेंगेम नाळा बाद आ नोकरला मालकुड वच्या इंगा वाड वारदी हिशोब तिस्कुना सुरुवात शेशा. 20यवानकी आय्यीद साउर यंडी कलदारलाय थैलील शिक्कीन्या, वाड मालकुन देगार इंगा आय्यीद साउर यकोची इच्या, वाड आन्या मालक, नु इच्चीने कलदारला मिंदा निन इंगा आय्यीद साउर कलदारलु जमा शेस्तीन. 21वान मालकुड आन्या, शाब्बास, शिंगार इंगा विश्वासु नोकर, नु भरोसा फेट्टे लायक नोकर उंडाव, नु रव्वान कलदारला बद्दल इमानदार निलस्ती, दिनिचांग निन शेंगेम माटला मिंदा निन्नु अधिकारी बनाय मत्यान. लोनीक फो इंगा नी मालकुन आनंदला कुड! 22यंकसार या मनशीक रोंड साउर यंडी कलदारलाय थैलील शिक्कीन्या, वाड मालकुन तीकुड वच्या इंगा आन्या; मालक, नु नाक रोंड साउर यंडी कलदारलाय थैलील इच्चीन्टी दांटल्या निन इंगा रोंड साउर कमाशीनान. 23मालकुड आन्या, शाब्बास, शिंगार इंगा विश्वासयोग्य नोकर, नु भरोसा फेट्टे लायक नोकर उंडाव, नु रव्वान कलदारला बद्दल इमानदार निलस्ती, दिनिचांग निन शेंगेम माटला मिंदा निन्नु अधिकारी बनाय मत्यान. लोनीक फो इंगा नी मालकुन आनंदला कुड! 24यंकसार यवानकी वगा सावीर यंडी कलदारलाय थैलील इच्चीन्या, वाड मालकुन देगार वच्या इंगा आन्या, मालक, नाक यरका उंड्या की नु वगा कडक मनशी उंडाव. यंदु पेरायालेद आंदु नु सोंगास्ताव इंगा यंदु पण पेरायालेद आंदु फंटा तिस्कुंटाव. 25नाक नीद येरपु उंड्या. आंका निन फोई नी वगा सावीर यंडी कलदारला थैलीन भुमीला दाशी फेटनान. इना तिस्को! इ निये उंडाय! 26मालकुड उत्तर इच्या, हे वाईट इंगा आयदी नोकर, निन यंदु पेरायालेद आंदु सोंगास्तान इंगा यंदु पण पेरायालेद आंदु फंटा तिस्कुंटान, इदी निक यरका उंड्या. 27तर नु नाय कलदारलु सावकारोन देगार फेटा बेकुंटी आंटे निन इल्लुक वच्ची नेंका नाक आय व्याज जताक शिकतुन्या. 28दिनिचांग मालकुड इंगोगो नोकरलाक शप्या, इन देगारी वगा सावीर यंडी कलदारलाय थैलील तिस्कोंडा इंगा यवान देगार फदी साउर यंडी कलदारलाय थैलील उंडाय वानकी इंडा. 29येनटीक की मना देगार येम पण उंडाद, दान वापराशेतोरकी इंगा इच्चेदेंक वच्ची इंगा वानकी शेंगेम आय्यी, पण यवार देगार उंडाद वाड दान वापरायाड तर वान देगार येम पण उंडी आदी आंता वान तीकेल तिस्कुनेदेंक वच्ची. 30यंकसार मालकुड आन्या, आ आयदी नोकरनी बैटुड मोब्बुला येयना. आंदु येडशेद इंगा फंडलु तिनेद नडशी, मनशी कोडकु आंदारदी न्याय शेशी.
न्यायदी दिनमु
31 मनशी कोडकु यप्पुड वान सामर्थ्यला परमेश्वर दुतला जताक वच्ची आप्पुड वाड वान उंच सिंहासन मिंदा कुसनी. 32मंग आन्नी जातीटोर मंदी वान मुंदार वगातळा वच्यार. वारनी वाड वगामेगारकेल अलग शेशी. यल्ला मेंढपाळ मेंढऱ्यालनी म्याकाल लोन्केल अलग शेस्ताड. 33वाड मेंढऱ्यालनी वान तिने शेय तीकुड कुसनामती पण म्याकालनी वाड रोड्डा शेय तीकुड कुसनामती. 34मंग राजाड यवार वान तिने शेय तीकुड उंडार वारनी आनी, दांडा, मीर ना आब्बान मंदी आशिर्वादीत उंडार! इदी राज्य दुन्याम बनामत्तीन केल मी इचांग तैयार शेशीनेद उंडाद इ राज्यला भागीदार कांडा. 35इदी मिद राज्य उंडाद, येनटीक की यप्पुड नाक आकाल आयन्या आप्पुड मीर नाक तिनेदेंक इस्तीर. नाक नेळ दुपाक आयन्या आप्पुड मीर नाक नेळ तापतीर. निन गुरतु लेन्योड उंटीन इंगा मीर नन्नु इंटल्योंग तिस्कुंटीर 36निन बेत्तालगा उंटीन आप्पुड मीर नाक बट्टाल फेटतीर. निन बिमार उंटीन, आप्पुड मीर नाद काळजी तिस्कुंटीर. निन तुरुंगला उंटीन आप्पुड मीर नन्नु भेटाशेदेंक वस्तीर.
37 मंग यवार नितीमान उंडार वार आन्यार, प्रभु मिम यप्पुड निन्नु आकाल आयनोड सुस्तीम इंगा दुपाकता सुस्तीम इंगा निक तिनेदेंक इंगा तागेदेंक इस्तीम? 38मिम निन्नु गुरतु लेनोड आंका यप्पुड सुस्तीम इंगा निन्नु इंटल्योंग तिस्कुंटीम लेकाते मिम निन्नु यप्पुड बेत्तालगा सुस्तीम इंगा बट्टाल फेटतीम? 39इंगा नु बिमार उंडीनाप्पुड मिम निन्नु यप्पुड भेटाशेदेंक वस्तीम? लेकाते तुरुंगला उंडीनाप्पुड यप्पुड नीक भेटास्तीम?
40 मंग राजा वारकी उत्तर इच्या, 'निन मिक खरेम शपतान इंदु उंडीने ना तम्मुळ्ळालाला शिन्नावोर लोन्केल वगान इचांग येम मीर शेस्तीर, आदी मीर ना इचांगे शेस्तीर'.
41 मंग राजाड यवार वान रोड्डा शेय तीकेल उंडार वारनी आनी, ना देगाटेल धुराम कांडा. मीर शापित उंडार, सार्वकालिक आग्गीलोंग फोंडा, इदी आग्गी शैतान इंगा वान दुतला इचांग तैयार शेशीनेद उंडाद. 42इदी मिक शिक्षा उंडाद येनटीक की नाक आकाल आयन्या पण मीर नाक येमी तिनेदेंक इयालेद, नाक दुपाक आयन्या पण मीर नाक नेळ तापालेद. 43निन प्रवाशी उंडीनाप्पुड नाक पाहुनचार शेयालेद. निन बट्टाल लेनोड उंटीन. पण मीर नाक बट्टाल इयालेद. निन बिमार इंगा तुरुंगला उंटीन पण मीर नाद काळजी तिस्कुनालेद. 44मंग आ मंदी पण वानकी उत्तर इच्चीर, प्रभु मिम यप्पुड निन्नु आकालता इंगा दुपाकता लेकाते प्रवाशी आंका यप्पुड सुस्तीम? लेकाते बट्टाल लेनोड, बिमार लेकाते तुरुंगला यप्पुड सुस्तीम इंगा निक मदत शेयालेद? 45मंग राजा वारकी उत्तर इच्ची, निन मिक खरेम शपतान: ना यंका नडशेतोर शिन्नावोर लोन्केल शिन्नावोरकी यादाना कारण इचांग यप्पुड-यप्पुड मीर लेद आंटीर, आप्पुड-आप्पुड मीर नन्नु लेद आंटीर. 46“मंग वार अनितीमान मंदी सार्वकालिक शिक्षा भोगाशेदेंक फोयार, पण नितीमान मंदी सार्वकालिक जीवन जगाशेदेंक फोयार.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in