MAT 26
26
येशुन मतेशेद योजना
1मंग येशुड इ आन्नी वचनलु शप्पेद आयनेंका वाड वान शिष्यलान आन्या, 2“रोंड नाळा बाद वल्हांडनदी फंडगा उंडाद इदी मिक यरका उंडाद इंगा मनशी कोडकुन क्रुस मिंदा मोळाल कोट्टी जेमफडा मतेशेदेंक फट्टी इच्चेदेंक वच्ची.”
3मंग मुख्य याजक मंदी इंगा आब्बागार, महायाजक महलला जमा आय्यीर. मुख्य याजक फेर कैफा उंड्या. 4सभाला वार आंदार कुडी आनीर की, येशुन कपटता फट्टेद इंगा जेमफडा मतेशेद. 5पण वार आंदुर, “फंडगा नाळाला लेद, लेकाते मंदी दंगा शेशार.”
बेथानीला येशुनदी अभिषेक
6वगा नाड येशुड बेथानी उळ्या शिमोन यवाड कुष्ठरोगी उंड्या वान इंटल्या उंड्या. 7येशुड आंदु उंड्या आप्पुड वगा आंडीद वान देगार वच्या. शेंगेम फिर्याम सुगंधी नुन्याद अलबास्त्र कुप्पी दान देगार उंड्या इंगा वाड तिनेदेंक कुसनीन्या आप्पुड आदी वान आदर इचांग वान नत्ती मिंदा येशा. 8पण वान शिष्यल इदी सुशीर, आप्पुड वारकी कोफाम वच्या. शिष्यल आनेदेंक आंटीर, इल्ला सत्यानाश येनटीक? 9आदी शेंगेम दुडलाक आम्मा वस्तुन्या इंगा आय दुडलु गरीबोरकी इच्चेदेंक वस्तुन्या. 10पण येशुनकी यरका उंड्या की वार येम आंटुनार, वाड वारनी आडग्या, “मीर आ आंडीदानकी येनटीक त्रास इस्तुनार? आदी ना इचांग शेंगेम शिंगार फनी शेशीनाद. 11गरीब मंदी मी जताक नेहमी उंड्यार पण निन मी जताक नेहमी उंडाक फोयान. 12येनटीक की आदी ना फय मिंदा जे इदी सुगंधी नुन्या येशा आदी नन्नु बुडशे तैयारी इचांग इदी शेशा. 13निन मिक खरेम शपतान, आंता दुन्यामला यंदु सुवार्ता शप्पेदेंक वच्ची आंदु इ आंडीद येम शेशा दानदी वर्णन दिनदी ध्यानाम आंका शप्पेदेंक वच्ची.”
यहूदा विश्वासघाती
14आप्पुड बारा शिष्यल लोन्केल वगाड यहूदा इस्कर्योत मुख्य याजक तीकुड फोया. 15यहूदाड आन्या, “निन येशुन फट्टी मी शेतल्या इस्तीन की मीर नाक येम इच्यार?” आप्पुड वार वानकी यंडी मुप्पय कलदारलु इच्चीर. 16आप्पुडनोट यहूदाड येशुन फट्टी इच्चेदेंक दावा सुशेदेंक आंट्या.
फंडगाद आखरीद तिंडी
17बेखमीर रोट्या फंडगा पहिला दिनमुनाड येशुन शिष्यल वान देगार वच्चीर. वार आनीर, “मिम नी इचांग वल्हांडनदी तिनेद तैयारी यंदु शेयाला इल्ला नीद इच्छा उंडाद?” 18येशुड आन्या, “मीर नगरलोंग इ मनशी तीकुड फोंडा इंगा वानकी शपना; 'गुरुजी आंटाड, नाद वेळ देगार वच्चीनाद. नी इंटल्या निन ना शिष्यल जताक वल्हांडन साजरा शेशेतोड उंडान.” 19येशुड येम शप्पीन्या आदी वान शिष्यल शेशीर इंगा वार वल्हांडन फंडगाद वंटा तैयार शेशीर.
20फद्दु मुनगीनेंका येशुड वान शिष्यल जताक तिनेदेंक कुसन्या. 21रोट्या तिनेताप्पुड वाड वारनी आन्या, “निन मिक खरेम शपतान मी दिंटल्योन्टोड वगाड नन्नु फट्टी इच्ची.” 22वार शेंगेम दु:खी आय्यीर इंगा दांटल्योन्टोड प्रत्येक शिष्य वान आडगेदेंक आंट्या, प्रभुजी, वाड निन तर लेन? 23मंग येशुड उत्तर इच्या, “यवाड ना जताक तल्याला शेय फेट्टीनाड वाडे नाद विश्वासघात शेशी. 24यल्ला मनशी कोडकु बद्दल पवित्र शास्त्रला राशीनेद उंडाद, आल्ले वाड सच्ची खरेम; पण यवाड वानदी विश्वासघात शेशी वानकी धिक्कार उंडाला! आ मनशी जर फुट्टा लेकुंटे तर वान इचांग शिंगार आयतुन्या.” 25मंग यहूदाड, यवाड वानदी विश्वासघात शेशेतोड उंड्या, वाड येशुन तीकुड सुशी आन्या, “रब्बी, वाड निन उंडान येम?” येशुड वान आन्या, “यल्ला नु आंटी, आल्ले उंडाद.”
26वार तिनेताप्पुड येशुड रोट्या तिस्कुन्या. दान बद्दल परमेश्वरकी धन्यवाद इच्या इंगा आदी इरगा मत्या. वाड आदी रोट्या वान शिष्यलकी इच्या. वाड आन्या, “तिस्कोंडा, तिनना. इदी नाद फय उंडाद.” 27मंग येशुड प्याला तिस्कुन्या. दान बद्दल परमेश्वरकी धन्यवाद इच्या इंगा आदी वारकी इच्ची. येशुड आन्या, “मीर आंदार दिंटल्योन्केल तागना. 28येनटीक की इदी नाद करारदी रक्ताम उंडाद. इदी शेंगेम मंदी पापला क्षमा इचांग सल्लेदेंक वस्तुनाद. 29पण निन मिक शपतान की, निन ना आब्बान राज्यला मी जताक कोत्ता अंगुरलाद रस ताग्यान आड नंताक निन अंगुरलाद रस तागाक फोयान.”
शिष्यल येशुन इडशी फोयार दीन बद्दल येशुनदी भविष्यवाणी
30मंग वार वगा स्तोत्र गीत फाडी नेंका वार जैतुन कोंडा मिंदीक यल्ली फोईर. 31येशुड आन्या, “इबद मोब्बुला ना इचांग, मी आंदारदी विश्वास कडमा आय्यी; येनटीक की पवित्र शास्त्रला इल्ला राशीनेद उंडाद की,
‘निन मेंढपाळदी वध शेशान,
इंगा कळपलोन मेंढऱ्यालदी दानादान आय्यी.’
32 पण निन सच्चीनोर लोन्केल लेशीनेंका, मी काना पहिला गालील प्रांतलोंग फोयान.” 33पेत्रड उत्तर इच्ची आन्या, “जरी आंदार निन्नु इडशी फोयना तरी निन निन्नु इडशी फोक फोयान.” 34येशुड वान आन्या, “निन निक खरेम शपतान इबद मोब्बुला फुंजु आरवाकाना मुंची नु मुड तुकुल नाद नकार शेशाव.” 35पेत्रड आन्या, “नाक नी जताक सया जरी बेक आय्या तरी निन नीद नकार शेय्याक फोयान.” इंगा बाकी शिष्यल पण आल्ले आनीर.
गेथशेमनी बागला येशुड
36मंग गेथशेमनी बगीच्यालोंग येशुड वान शिष्यल जताक फोया. येशुड वारनी आन्या, “निन रव्वा मुंदारकी फोई प्रार्थना शेशी नंताक इंदे थांबायना.” 37येशुड पेत्रक इंगा जब्दीन इद्दार कोडकुलाक वान जताक येका फोया. दान बाद येशुड शेंगेम दु:खी इंगा बेचैन आय्या. 38येशुड पेत्र इंगा जब्दीन इद्दार कोडकुलान आन्या, “नाद जेम शेंगेम दु:खी इंगा साव वच्चीन लेका आयतुनाद. इंदु थाबायंडा इंगा ना जताक मेल्का उंडा.” 39येशुड रव्वा मुंदारकी फोया इंगा वाड भुमी मिंदा मुती मिंदा फडी इदी प्रार्थना शेशेदेंक आंट्या, “हे ना यब्बा, आय्यी शकास्ते तर इदी दु:खद प्याला ना मुंदारकेल यल्ली फोनी, तरी, ना इच्छाता लेद तर नी इच्छाता कानी.” 40मंग वाड शिष्यल तीकुड वापस फोया आप्पुड वार फंडका फोयनार इल्ला वानकी कमशा. येशुड पेत्रन आन्या, “मिक ना जताक वगा घंटा पण मेल्का उंडादाद येम? 41मीर परीक्षाला फडाराद आंका मेल्का उंडा इंगा प्रार्थना शेस्केन उंडा. आत्मा उत्सुक उंडाद खरेम पण फय कमजोर उंडाद.” 42मंग इंगोगा तुक फोई येशुड प्रार्थना शेशेदेंक आंट्या, “हे ना यब्बा, जर दु:खद इदी प्याला निन तागीन शिवाय तिस्कुना दाद तर नीद इच्छा उंडी आल्ले कावाला.” 43मंग येशुड शिष्यल तीकुड वापस फोया आप्पुड वानकी कमशा की, वारी कंडलु भोरु आयनाय इंगा वार फंडका फोयनार. 44मंग येशुड शिष्यलान वापस इडशी मुंदारकी फोया इंगा तिसरातुक प्रार्थना शेशेताप्पुड वाड वापस आद्दे माटा माटलाडी प्रार्थना शेशा. 45आप्पुड येशुड वापस शिष्यल तीकुड फोया इंगा वारनी आन्या, “मीर इंगाना फंडकेन आरामे शेस्तुनार येम? सुडना! मनशी कोडकुन पापी मंदी शेतल्या फट्टी इच्चेदेंक वस्तुनाद. 46लेयना, नंडा. सुडना, नन्नु फट्टी इच्चेतोड देगार वच्चीनाड.”
येशुनकी अटक
47येशुड इदी माटलाडेताप्पुडे बारा शिष्यला लोन्केल वगाड यवाड यहूदाड उंड्या, वाड आंदुक वच्या. वान जताक शेंगेम मंदी उंडीर. मुख्य याजक मंदी इंगा आब्बागार वारनी आंपीनीर. आ मंदी तलवार इंगा कटलु येकेन वच्चीनीर. 48इंगा वान फट्टी इच्चेतोड वारकी पहिलाने इदी शप्पी फेटन्या की, निन यवानदी मुत्ता तिस्कुन्यान वाडे वाड उंडाड, वान मीर फटना, 49मंग यहूदाड येशुन तीकुड फोया इंगा आन्या, “रब्बी,” इंगा यहूदाड येशुनदी मुत्ता तिस्कुन्या. 50येशुड वान आन्या, “जता गंगुडा, येम शेशेदेंक वच्चीनाव आदी शेय.” मंग वार येशुन तीकुड वच्चीर. वार येशुन मिंदा शेय येशी वान फट्टीर 51इदी आयनेंका येशुन जताक उंडीनोड वगाड तलवार तिशा. इंगा दानता वाड महायाजक सेवकदी गुम्मा कोसकाड्या. 52येशुड आ मनशीन आन्या, “नु नीद तलवार म्यानला फेट. यवार तलावारदी वापर शेस्तार वार आंदार तलवारताने सस्तार. 53निन ना आब्बानकी शपतीन की वाड परमेश्वर दुतलाद आर साउरलाद वगा सेना, इल्लोनी बारा काना जास्त सेनाल आंपी, इदी मिक तेल्वाद येम? 54पण इल्ला आय्या की, पवित्र शास्त्रला जे राशीनेद उंडाद की इल्ला कावाने बेक, खरेम काक फोई?” 55इदी आयनेंका येशुड आंता मंदीन आन्या, “निन यवाडाना अपराधी उंडान, इ पद्धतता मीर तलवारलु इंगा कटलु शेतल्या तिस्केन नन्नु फट्टेदेंक वच्चीनार येम? निन धीन्नाम परमेश्वर भवनलोन आंगळामला नेरपेताप्पुड मीर नन्नु फट्टालेद. 56पण इ आन्नी माटलु दिनिचांग आयनाय की, संदेष्ट्याल जे राशीनीर आदी पुर्ण कावाला.” मंग येशुन आंदार शिष्यल वान इडशी फारी फोईर.
मुख्य याजकला मुंदार येशुनदी चौकशी
57आ मंदी येशुन फट्टीर, वार वान महायाजक कैफा इन इल्लुक येका फोईर. आंदु नियमशास्त्रटोर शिक्षकलु इंगा आब्बागार वगातळा आयनीर 58पेत्र रव्वा अंतर फेट्टी येशुन यंका नडस्तुन्या. पेत्रड येशुन यंका महायाजक आंगळाम नंताक फोया इंगा फोई आग्गी कास्का कुसन्या, येम आयताद आदी सुशेदेंक वाड फनी शेशेतोर देगार कुसन्या. 59मुख्य याजकलु इंगा आंता परिषद येशुनकी मृत्यू दंड इच्चेदेंक दावाला आंका वान बद्दल खोटा साक्षीदारलु फुडकेदेंक आंटीर. 60शेंगेम खोटा साक्षीदारलु मुंदारकी वच्चीर इंगा येशुन विरुद्ध साक्ष इच्चेदेंक आंटीर. पण येशुन जेमफडा मतेशेदेंक यादुच कारण यहुदी सभाक शिक्काकुंदु. आखरीक इद्दार मन्सुल मुंदारकी वच्चीर, वार आनेदेंक आंटीर, 61“इ मनशी इल्ला आन्या की, परमेश्वरदी भवन निन केडपी शकास्तान इंगा आदी मुड नाळाला वापस कट्टी शकास्तान.” 62आप्पुड महायाजक लेशी वान आन्या नी देगार येमीच उत्तर लेद येम, “इ मंदी नी विरुद्ध साक्ष इस्तुनार,?” 63पण येशुड येमीच उत्तर इयालेद. वापस वगातुक महायाजक येशुन आन्या, “नीक जिवंत परमेश्वर फेरुद वट्टु इस्तान, खरेम येम उंडाद आदी नु शप! नु परमेश्वर कोडकु ख्रिस्त उंडाव येम?” 64येशुड वारनी आन्या, “हुं, निन उंडान. यल्ला नु आंटी. तरी निन मिक शपतान: भविष्यला मनशी कोडकुन मीर सर्वशक्तिमान मंची शेय तीकुड कुसनीनेद इंगा मोडाम लोन्केल वच्चेत्तापुड सुशार.” 65यप्पुड महायाजक इदी इन्या, आप्पुड वाड शेंगेम कोफाम फड्या. वानी बट्टाल शिंपी वाड आन्या, “इड परमेश्वरदी निंदा शेशीनाड! मनाक इंगा साक्षीदारलाद गरज निलवालेद. इन परमेश्वरदी निंदा शेशेताप्पुड मीर इंटीर! 66मिक येम वाटास्ताद?” यहुदी मंदी उत्तर इच्चीर, “वाड अपराधी उंडाड इंगा वाड सय्याने बेक.” 67आप्पुड वार वान मिंदा उंचीर, वार वान गुद्दीर. इंगोगोर शम्पालकी मत्तीर. 68इंगा आनीर “हे ख्रिस्ता, नु जर संदेष्टा उंटे, तर माक शप निन्नु यवार मत्तीर?”
पेत्र येशुनदी नकार शेस्ताड
69यप्पुड पेत्रड बैट्या आंगळामला कुसनीन्या. आप्पुड महायाजक दासीला लोन्केल वगा दासीद पेत्रन तीकुड वच्या. आदी आन्या, “नु पण गालील प्रांतलोन येशुन जताक उंटी.” 70पण पेत्रड आंदार मुंदार नकार शेशा. वाड आन्या, “नु येम आंटुनाव नाक यरका लेद.” 71मंग वाड आंगळाम लोन्केल यल्ली फाटक देगार फोया. फाटक देगार इंगोगो दासीद वान सुशा. आदी आंदु उंडीने मंदीन आन्या, “नासरेथकर येशुन जताक इड पण उंड्या.” 72पण इंगा वगातुक पेत्र वट्टु येस्केन येशुन नकार शेशी, आन्या, “निन वान गुरतु फट्टान!” 73काही वेळ नंतर आंदु उंडीने मंदी पेत्रन तीकुड तिरगीर इंगा वान आनीर, “नु खरेमे येशुन शिष्यला लोन्केल वगाड उंडाव, इदी माक यरका उंडाद, नी माटला मिंदकेल इदी माक स्पष्ट कमस्ताद.” 74मंग वाड स्वताक श्राप इच्चेदेंक आंट्या. वाड बेग्गे आन्या, “निन परमेश्वर वट्टु येस्केन शपतान, येशुड इ मनशी यवाड उंडाड इदी नाक यरका लेद!” पेत्रड इल्ला आनीन नग्रेम फुंजु कीरल्या. 75मंग येशुड जे आनीन्या इदी पेत्रक ध्यानाम वच्या, “फुंजु आरवाकाना मुंची नु नन्नु मुड तुकुल नकार शेशाव.” यंकसार पेत्रड आंदुकेल बैटीक यल्ली फोया इंगा शेंगेम येडशा.
Currently Selected:
MAT 26: WNT
Highlight
Share
Compare
Copy
Want to have your highlights saved across all your devices? Sign up or sign in
MAT 26
26
येशुन मतेशेद योजना
1मंग येशुड इ आन्नी वचनलु शप्पेद आयनेंका वाड वान शिष्यलान आन्या, 2“रोंड नाळा बाद वल्हांडनदी फंडगा उंडाद इदी मिक यरका उंडाद इंगा मनशी कोडकुन क्रुस मिंदा मोळाल कोट्टी जेमफडा मतेशेदेंक फट्टी इच्चेदेंक वच्ची.”
3मंग मुख्य याजक मंदी इंगा आब्बागार, महायाजक महलला जमा आय्यीर. मुख्य याजक फेर कैफा उंड्या. 4सभाला वार आंदार कुडी आनीर की, येशुन कपटता फट्टेद इंगा जेमफडा मतेशेद. 5पण वार आंदुर, “फंडगा नाळाला लेद, लेकाते मंदी दंगा शेशार.”
बेथानीला येशुनदी अभिषेक
6वगा नाड येशुड बेथानी उळ्या शिमोन यवाड कुष्ठरोगी उंड्या वान इंटल्या उंड्या. 7येशुड आंदु उंड्या आप्पुड वगा आंडीद वान देगार वच्या. शेंगेम फिर्याम सुगंधी नुन्याद अलबास्त्र कुप्पी दान देगार उंड्या इंगा वाड तिनेदेंक कुसनीन्या आप्पुड आदी वान आदर इचांग वान नत्ती मिंदा येशा. 8पण वान शिष्यल इदी सुशीर, आप्पुड वारकी कोफाम वच्या. शिष्यल आनेदेंक आंटीर, इल्ला सत्यानाश येनटीक? 9आदी शेंगेम दुडलाक आम्मा वस्तुन्या इंगा आय दुडलु गरीबोरकी इच्चेदेंक वस्तुन्या. 10पण येशुनकी यरका उंड्या की वार येम आंटुनार, वाड वारनी आडग्या, “मीर आ आंडीदानकी येनटीक त्रास इस्तुनार? आदी ना इचांग शेंगेम शिंगार फनी शेशीनाद. 11गरीब मंदी मी जताक नेहमी उंड्यार पण निन मी जताक नेहमी उंडाक फोयान. 12येनटीक की आदी ना फय मिंदा जे इदी सुगंधी नुन्या येशा आदी नन्नु बुडशे तैयारी इचांग इदी शेशा. 13निन मिक खरेम शपतान, आंता दुन्यामला यंदु सुवार्ता शप्पेदेंक वच्ची आंदु इ आंडीद येम शेशा दानदी वर्णन दिनदी ध्यानाम आंका शप्पेदेंक वच्ची.”
यहूदा विश्वासघाती
14आप्पुड बारा शिष्यल लोन्केल वगाड यहूदा इस्कर्योत मुख्य याजक तीकुड फोया. 15यहूदाड आन्या, “निन येशुन फट्टी मी शेतल्या इस्तीन की मीर नाक येम इच्यार?” आप्पुड वार वानकी यंडी मुप्पय कलदारलु इच्चीर. 16आप्पुडनोट यहूदाड येशुन फट्टी इच्चेदेंक दावा सुशेदेंक आंट्या.
फंडगाद आखरीद तिंडी
17बेखमीर रोट्या फंडगा पहिला दिनमुनाड येशुन शिष्यल वान देगार वच्चीर. वार आनीर, “मिम नी इचांग वल्हांडनदी तिनेद तैयारी यंदु शेयाला इल्ला नीद इच्छा उंडाद?” 18येशुड आन्या, “मीर नगरलोंग इ मनशी तीकुड फोंडा इंगा वानकी शपना; 'गुरुजी आंटाड, नाद वेळ देगार वच्चीनाद. नी इंटल्या निन ना शिष्यल जताक वल्हांडन साजरा शेशेतोड उंडान.” 19येशुड येम शप्पीन्या आदी वान शिष्यल शेशीर इंगा वार वल्हांडन फंडगाद वंटा तैयार शेशीर.
20फद्दु मुनगीनेंका येशुड वान शिष्यल जताक तिनेदेंक कुसन्या. 21रोट्या तिनेताप्पुड वाड वारनी आन्या, “निन मिक खरेम शपतान मी दिंटल्योन्टोड वगाड नन्नु फट्टी इच्ची.” 22वार शेंगेम दु:खी आय्यीर इंगा दांटल्योन्टोड प्रत्येक शिष्य वान आडगेदेंक आंट्या, प्रभुजी, वाड निन तर लेन? 23मंग येशुड उत्तर इच्या, “यवाड ना जताक तल्याला शेय फेट्टीनाड वाडे नाद विश्वासघात शेशी. 24यल्ला मनशी कोडकु बद्दल पवित्र शास्त्रला राशीनेद उंडाद, आल्ले वाड सच्ची खरेम; पण यवाड वानदी विश्वासघात शेशी वानकी धिक्कार उंडाला! आ मनशी जर फुट्टा लेकुंटे तर वान इचांग शिंगार आयतुन्या.” 25मंग यहूदाड, यवाड वानदी विश्वासघात शेशेतोड उंड्या, वाड येशुन तीकुड सुशी आन्या, “रब्बी, वाड निन उंडान येम?” येशुड वान आन्या, “यल्ला नु आंटी, आल्ले उंडाद.”
26वार तिनेताप्पुड येशुड रोट्या तिस्कुन्या. दान बद्दल परमेश्वरकी धन्यवाद इच्या इंगा आदी इरगा मत्या. वाड आदी रोट्या वान शिष्यलकी इच्या. वाड आन्या, “तिस्कोंडा, तिनना. इदी नाद फय उंडाद.” 27मंग येशुड प्याला तिस्कुन्या. दान बद्दल परमेश्वरकी धन्यवाद इच्या इंगा आदी वारकी इच्ची. येशुड आन्या, “मीर आंदार दिंटल्योन्केल तागना. 28येनटीक की इदी नाद करारदी रक्ताम उंडाद. इदी शेंगेम मंदी पापला क्षमा इचांग सल्लेदेंक वस्तुनाद. 29पण निन मिक शपतान की, निन ना आब्बान राज्यला मी जताक कोत्ता अंगुरलाद रस ताग्यान आड नंताक निन अंगुरलाद रस तागाक फोयान.”
शिष्यल येशुन इडशी फोयार दीन बद्दल येशुनदी भविष्यवाणी
30मंग वार वगा स्तोत्र गीत फाडी नेंका वार जैतुन कोंडा मिंदीक यल्ली फोईर. 31येशुड आन्या, “इबद मोब्बुला ना इचांग, मी आंदारदी विश्वास कडमा आय्यी; येनटीक की पवित्र शास्त्रला इल्ला राशीनेद उंडाद की,
‘निन मेंढपाळदी वध शेशान,
इंगा कळपलोन मेंढऱ्यालदी दानादान आय्यी.’
32 पण निन सच्चीनोर लोन्केल लेशीनेंका, मी काना पहिला गालील प्रांतलोंग फोयान.” 33पेत्रड उत्तर इच्ची आन्या, “जरी आंदार निन्नु इडशी फोयना तरी निन निन्नु इडशी फोक फोयान.” 34येशुड वान आन्या, “निन निक खरेम शपतान इबद मोब्बुला फुंजु आरवाकाना मुंची नु मुड तुकुल नाद नकार शेशाव.” 35पेत्रड आन्या, “नाक नी जताक सया जरी बेक आय्या तरी निन नीद नकार शेय्याक फोयान.” इंगा बाकी शिष्यल पण आल्ले आनीर.
गेथशेमनी बागला येशुड
36मंग गेथशेमनी बगीच्यालोंग येशुड वान शिष्यल जताक फोया. येशुड वारनी आन्या, “निन रव्वा मुंदारकी फोई प्रार्थना शेशी नंताक इंदे थांबायना.” 37येशुड पेत्रक इंगा जब्दीन इद्दार कोडकुलाक वान जताक येका फोया. दान बाद येशुड शेंगेम दु:खी इंगा बेचैन आय्या. 38येशुड पेत्र इंगा जब्दीन इद्दार कोडकुलान आन्या, “नाद जेम शेंगेम दु:खी इंगा साव वच्चीन लेका आयतुनाद. इंदु थाबायंडा इंगा ना जताक मेल्का उंडा.” 39येशुड रव्वा मुंदारकी फोया इंगा वाड भुमी मिंदा मुती मिंदा फडी इदी प्रार्थना शेशेदेंक आंट्या, “हे ना यब्बा, आय्यी शकास्ते तर इदी दु:खद प्याला ना मुंदारकेल यल्ली फोनी, तरी, ना इच्छाता लेद तर नी इच्छाता कानी.” 40मंग वाड शिष्यल तीकुड वापस फोया आप्पुड वार फंडका फोयनार इल्ला वानकी कमशा. येशुड पेत्रन आन्या, “मिक ना जताक वगा घंटा पण मेल्का उंडादाद येम? 41मीर परीक्षाला फडाराद आंका मेल्का उंडा इंगा प्रार्थना शेस्केन उंडा. आत्मा उत्सुक उंडाद खरेम पण फय कमजोर उंडाद.” 42मंग इंगोगा तुक फोई येशुड प्रार्थना शेशेदेंक आंट्या, “हे ना यब्बा, जर दु:खद इदी प्याला निन तागीन शिवाय तिस्कुना दाद तर नीद इच्छा उंडी आल्ले कावाला.” 43मंग येशुड शिष्यल तीकुड वापस फोया आप्पुड वानकी कमशा की, वारी कंडलु भोरु आयनाय इंगा वार फंडका फोयनार. 44मंग येशुड शिष्यलान वापस इडशी मुंदारकी फोया इंगा तिसरातुक प्रार्थना शेशेताप्पुड वाड वापस आद्दे माटा माटलाडी प्रार्थना शेशा. 45आप्पुड येशुड वापस शिष्यल तीकुड फोया इंगा वारनी आन्या, “मीर इंगाना फंडकेन आरामे शेस्तुनार येम? सुडना! मनशी कोडकुन पापी मंदी शेतल्या फट्टी इच्चेदेंक वस्तुनाद. 46लेयना, नंडा. सुडना, नन्नु फट्टी इच्चेतोड देगार वच्चीनाड.”
येशुनकी अटक
47येशुड इदी माटलाडेताप्पुडे बारा शिष्यला लोन्केल वगाड यवाड यहूदाड उंड्या, वाड आंदुक वच्या. वान जताक शेंगेम मंदी उंडीर. मुख्य याजक मंदी इंगा आब्बागार वारनी आंपीनीर. आ मंदी तलवार इंगा कटलु येकेन वच्चीनीर. 48इंगा वान फट्टी इच्चेतोड वारकी पहिलाने इदी शप्पी फेटन्या की, निन यवानदी मुत्ता तिस्कुन्यान वाडे वाड उंडाड, वान मीर फटना, 49मंग यहूदाड येशुन तीकुड फोया इंगा आन्या, “रब्बी,” इंगा यहूदाड येशुनदी मुत्ता तिस्कुन्या. 50येशुड वान आन्या, “जता गंगुडा, येम शेशेदेंक वच्चीनाव आदी शेय.” मंग वार येशुन तीकुड वच्चीर. वार येशुन मिंदा शेय येशी वान फट्टीर 51इदी आयनेंका येशुन जताक उंडीनोड वगाड तलवार तिशा. इंगा दानता वाड महायाजक सेवकदी गुम्मा कोसकाड्या. 52येशुड आ मनशीन आन्या, “नु नीद तलवार म्यानला फेट. यवार तलावारदी वापर शेस्तार वार आंदार तलवारताने सस्तार. 53निन ना आब्बानकी शपतीन की वाड परमेश्वर दुतलाद आर साउरलाद वगा सेना, इल्लोनी बारा काना जास्त सेनाल आंपी, इदी मिक तेल्वाद येम? 54पण इल्ला आय्या की, पवित्र शास्त्रला जे राशीनेद उंडाद की इल्ला कावाने बेक, खरेम काक फोई?” 55इदी आयनेंका येशुड आंता मंदीन आन्या, “निन यवाडाना अपराधी उंडान, इ पद्धतता मीर तलवारलु इंगा कटलु शेतल्या तिस्केन नन्नु फट्टेदेंक वच्चीनार येम? निन धीन्नाम परमेश्वर भवनलोन आंगळामला नेरपेताप्पुड मीर नन्नु फट्टालेद. 56पण इ आन्नी माटलु दिनिचांग आयनाय की, संदेष्ट्याल जे राशीनीर आदी पुर्ण कावाला.” मंग येशुन आंदार शिष्यल वान इडशी फारी फोईर.
मुख्य याजकला मुंदार येशुनदी चौकशी
57आ मंदी येशुन फट्टीर, वार वान महायाजक कैफा इन इल्लुक येका फोईर. आंदु नियमशास्त्रटोर शिक्षकलु इंगा आब्बागार वगातळा आयनीर 58पेत्र रव्वा अंतर फेट्टी येशुन यंका नडस्तुन्या. पेत्रड येशुन यंका महायाजक आंगळाम नंताक फोया इंगा फोई आग्गी कास्का कुसन्या, येम आयताद आदी सुशेदेंक वाड फनी शेशेतोर देगार कुसन्या. 59मुख्य याजकलु इंगा आंता परिषद येशुनकी मृत्यू दंड इच्चेदेंक दावाला आंका वान बद्दल खोटा साक्षीदारलु फुडकेदेंक आंटीर. 60शेंगेम खोटा साक्षीदारलु मुंदारकी वच्चीर इंगा येशुन विरुद्ध साक्ष इच्चेदेंक आंटीर. पण येशुन जेमफडा मतेशेदेंक यादुच कारण यहुदी सभाक शिक्काकुंदु. आखरीक इद्दार मन्सुल मुंदारकी वच्चीर, वार आनेदेंक आंटीर, 61“इ मनशी इल्ला आन्या की, परमेश्वरदी भवन निन केडपी शकास्तान इंगा आदी मुड नाळाला वापस कट्टी शकास्तान.” 62आप्पुड महायाजक लेशी वान आन्या नी देगार येमीच उत्तर लेद येम, “इ मंदी नी विरुद्ध साक्ष इस्तुनार,?” 63पण येशुड येमीच उत्तर इयालेद. वापस वगातुक महायाजक येशुन आन्या, “नीक जिवंत परमेश्वर फेरुद वट्टु इस्तान, खरेम येम उंडाद आदी नु शप! नु परमेश्वर कोडकु ख्रिस्त उंडाव येम?” 64येशुड वारनी आन्या, “हुं, निन उंडान. यल्ला नु आंटी. तरी निन मिक शपतान: भविष्यला मनशी कोडकुन मीर सर्वशक्तिमान मंची शेय तीकुड कुसनीनेद इंगा मोडाम लोन्केल वच्चेत्तापुड सुशार.” 65यप्पुड महायाजक इदी इन्या, आप्पुड वाड शेंगेम कोफाम फड्या. वानी बट्टाल शिंपी वाड आन्या, “इड परमेश्वरदी निंदा शेशीनाड! मनाक इंगा साक्षीदारलाद गरज निलवालेद. इन परमेश्वरदी निंदा शेशेताप्पुड मीर इंटीर! 66मिक येम वाटास्ताद?” यहुदी मंदी उत्तर इच्चीर, “वाड अपराधी उंडाड इंगा वाड सय्याने बेक.” 67आप्पुड वार वान मिंदा उंचीर, वार वान गुद्दीर. इंगोगोर शम्पालकी मत्तीर. 68इंगा आनीर “हे ख्रिस्ता, नु जर संदेष्टा उंटे, तर माक शप निन्नु यवार मत्तीर?”
पेत्र येशुनदी नकार शेस्ताड
69यप्पुड पेत्रड बैट्या आंगळामला कुसनीन्या. आप्पुड महायाजक दासीला लोन्केल वगा दासीद पेत्रन तीकुड वच्या. आदी आन्या, “नु पण गालील प्रांतलोन येशुन जताक उंटी.” 70पण पेत्रड आंदार मुंदार नकार शेशा. वाड आन्या, “नु येम आंटुनाव नाक यरका लेद.” 71मंग वाड आंगळाम लोन्केल यल्ली फाटक देगार फोया. फाटक देगार इंगोगो दासीद वान सुशा. आदी आंदु उंडीने मंदीन आन्या, “नासरेथकर येशुन जताक इड पण उंड्या.” 72पण इंगा वगातुक पेत्र वट्टु येस्केन येशुन नकार शेशी, आन्या, “निन वान गुरतु फट्टान!” 73काही वेळ नंतर आंदु उंडीने मंदी पेत्रन तीकुड तिरगीर इंगा वान आनीर, “नु खरेमे येशुन शिष्यला लोन्केल वगाड उंडाव, इदी माक यरका उंडाद, नी माटला मिंदकेल इदी माक स्पष्ट कमस्ताद.” 74मंग वाड स्वताक श्राप इच्चेदेंक आंट्या. वाड बेग्गे आन्या, “निन परमेश्वर वट्टु येस्केन शपतान, येशुड इ मनशी यवाड उंडाड इदी नाक यरका लेद!” पेत्रड इल्ला आनीन नग्रेम फुंजु कीरल्या. 75मंग येशुड जे आनीन्या इदी पेत्रक ध्यानाम वच्या, “फुंजु आरवाकाना मुंची नु नन्नु मुड तुकुल नकार शेशाव.” यंकसार पेत्रड आंदुकेल बैटीक यल्ली फोया इंगा शेंगेम येडशा.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in