GENESIS 36
36
Oludalo laEsau
1Ndele eli oludalo laEsau, nokutya Edom. 2Esau okwa kufa ovalikadi vaye moukadona vomuKaanan: Ada, omona okakadona kaElon, Omuheti, naOholibama, omona okakadona kaAna, omona okakadona kaSibeon, Omuhevi; 3naBasmat, omona okakadona kaIsmael, omumwaina waNebajot.
4NaAda okwa dalela Esau Elifas, naBasmat okwa dala Rehuel. 5Ndele Oholibama okwa dala Jehus naJaelam naKora. Ava ovana vaEsau, ava ve mu dalelwa medu laKaanan.
6Opo nee Esau okwa kufa ovalikadi vaye novana vaye ovamati noukadona vaye novanhu aveshe vomeumbo laye, oimuna yaye noinamwenyo yaye aishe nomamona aeshe aye e a likola medu laKaanan, ndele okwa tembukila moshilongo shi li kokule nomumwaina Jakob, 7shaashi omamona avo okwa li manene unene, inava dula okukala pamwe, nedu loweendanandjila inali wana kuvo omolwouhapu woimuna yavo. 8Ndele Esau okwa ka tula keemhunda daSeir; Esau, nokutya Edom.
9Eli oludalo laEsau, xe yOvaedom vokeemhunda daSeir. 10Omadina ovana ovamati vaEsau oyaa: Elifas, omona waAda, omwalikadi waEsau. Rehuel, omona waBasmat, omwalikadi waEsau. 11Novana ovamati vaElifas ovo: Teman, Omar, Sefo naGaetam naKenas. 12Ndele Timna okwa li omwalikadi wopomunghulo waElifas, omona waEsau. Ndele ye okwa dalela Elifas Amalek. Ovo ovana vamati vaAda, omwalikadi waEsau. 13Ndele ovana ovamati vaRehuel ovava: Nahat naSera, Samma naMissa. Vo ovana vaBasmat, omwalikadi waEsau. 14Ndele ovo ovana ovamati vaOholibama, omona omukainhu waAna, omona omukainhu waSibeon, omwalikadi waEsau; ye okwa dalela Esau Jehus, Jaelam naKora.
15Ava eehamba mokati kovana vaEsau. Ovana vaElifas, oshiveli shaEsau: ohamba Teman, ohamba Omar, ohamba Sefo, ohamba Kenas, 16ohamba Kora, ohamba Gaetam, ohamba Amalek. Vo eehamba domuElifas medu laEdom. Vo ovana vaAda. 17Ndele ovana ovamati vaRehuel, omona waEsau, ovava: ohamba Nahat, ohamba Sera, ohamba Samma, ohamba Missa; odo hano eehamba da dja muRehuel medu laEdom. Vo ovana vaBasmat, omwalikadi waEsau. 18Ndele ovana ovamati vaOholibama, omwalikadi waEsau, ovava: ohamba Jehus, ohamba Jaelam, ohamba Kora. Odo hano eehamba da dja muOholibama, omona okakadona kaAna, omwalikadi waEsau.
19Ovo hano ovana vaEsau osho yo Edom neehamba davo.
20Ovana ovamati vaSeir, Omuhori, oonakukalamo votete medu linya, ovava: Lotan naSobal naSibeon naAna, 21naDison naEser naDisan. Ovo eehamba dOvahori, ovana vaSeir medu laEdom. 22Ndele ovana ovamati vaLotan va li Hori naHeman. Nomona okakadona kaLotan oye Timna.
23Novana ovamati vaSobal ovava: Aluan naManahat naEbal, Shefo naOnam.
24Ndele ovana ovamati vaSibeon ovava: Aja naAna. Ana oye ou a mona eefifiya domeva mapyu mofuka, eshi ta lifa eendongi daxe Sibeon. 25Novana vaAna: oDison, naOholibama, oye okwa li omona okakadona kaAna.
26Novana vaDison ovava: Hemdan naEsban naJitran naKeran. 27Ovana vaEser ovava: Bilhan naSaavan naAkan. 28Novana vaDisan ovava: Us naAran. 29Eehamba dOvahori edi: ohamba Lotan nohamba Sobal nohamba Sibeon nohamba Ana, 30nohamba Dison, nohamba Eser, nohamba Disan. Hano eehamba dOvahori pamapata avo medu laSeir.
31Neehamba edi odo da pangela oshilongo shaEdom fimbo Ovaisraeli va li inava kala nohamba nande imwe. 32Bela, omona waBeor ya pangela muEdom. Nedina loshilando shaye la li Dinhaba. 33Ndele konima yefyo laBela, Jobab yaSera wokuBosra okwa pangela ponhele yaye. 34Ndele konima yefyo laJobab, Husam womedu lOvatemani okwa pangela ponhele yaye. 35Ndele konima yefyo laHusam, Hadad yaBedad, ou a taataa Ovamidian mofuka yaMoab, okwa pangela ponhele yaye, nedina loshilando oAvit. 36Ndele konima yefyo laHadad, Samla wokuMasreka okwa pangela ponhele yaye. 37Ndele konima yefyo laSamla, Saul wokuRehobot shopuEufrat, okwa pangela ponhele yaye. 38Ndele konima yefyo laSaul, Baal-Hanan yaAkbor okwa pangela ponhele yaye. 39Ndele konima yefyo laBaal-Hanan yaAkbor, Hadar okwa pangela ponhele yaye. Nedina loshilando ola li Pau. Nedina lomwalikadi waye ola li Mehetabel, omona okakadona kaMatred, omona waMesahab.
40Omadina eehamba domepatalongo laEsau, pashikulafano lomapata ado, leenhele dado nolomadina ado: ohamba Timna, ohamba Alua, ohamba Jetet, 41ohamba Oholibama, ohamba Ela, ohamba Pinon, 42ohamba Kenas, ohamba Teman, ohamba Mibsar, 43ohamba Magdiel, ohamba Iram. Hano odo eehamba domuEsau pashikulafano leenhele dado medu lavo. Osho Esau, oxekulu yOvaedom.
Currently Selected:
GENESIS 36: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
