1 Ovakorinto 5
5
Ovihulo ovivi hávi kala meongalo
1Apehe mpamo i, mapa popiwa ovihulo ovivi mokati ken̯i. Iya ovapaani hátjo va kala uke movihulo hinyahi. Iya mba tyaa okutya ku na omulumentu umo nguu lala nomukadhintu waihe.#Deut. 22:30 2Mu litangela tji? Mwa thele okweetetha onkenda. Omuntu nguu ninga nyahi, wa thele okwiithwa mo mokati ken̯i. 3Ame nandaku tiwa katu li pamo monkalo yountu, iya tu li pamo pambepo. Omuntu nguma ningi nyahoka mbe mu koyo ae lukulu, me ngala ngundji li pun̯e. 4Amwa ongana mena lyaMuhona wetu Jesus, ame ndji li pamo nan̯e pambepo, odhonkono dhaMuhona wetu opo dhi li, 5yandjen̯i omulumentu hengu kuSatana, olutu lwe lu han̯aunwe po, pamo ombepo ye mai ka hupithwa metango lyaMuhona.
6Okulitanga kwen̯i, hakuwa. Kamu tji i okutya okantathi okanunu ka pitha ombulunga aihe?#Gal. 5:9 7Ithen̯i mo ontathi onkulu, opo mu kale amwa kohoka. Iya mamu kala ngombulunga ombwa, ngahi mu li. Iya ondjona yetu yOpaasa, Kristus, ya dhipawa.#Eks. 12:5 8Ngatu dhanen̯i otjipito hitji na omingome mbihavi twiilwe ontathi onkulu, ontathi onkulu ya lundhaka, yo ombi, iya omingome mbihavi twiilwe ontathi, mbyaa kohoka, ovyatjatjili.#Eks. 13:7; Deut. 16:3
9Momukanda mbumbe mu sonekela, mbe mu heela okutya hámu i kumo novantu mbave litwaa movihulo. 10Híme popi ovantu wouye mbave litwaa movihulo ne mbave na olwiho ne mbava kengelela ovantu ne mbava undapela ovikalunga, mena lyokutya ngaile otjo nyahoka, ngai mouye mwa dha mo. 11Iya napano mbe mu sonekela okutya andaa pe na ngume litya omwiitaveli mukwen̯i, atjaa ye we litwaa movihulo ne u na olwiho ne u undapela ovikalunga ne u penya ovantu, ne u pyaluka ne u kengelela ovantu hámu i kumo naye, n̯e hámu li naye nokanunu.
12Ndji na tji nokukoya mbahave li meongalo? N̯e kamu koyo mbave li meongalo? 13Kalunga ma ka koya mbahave li meongalo. Omusonekwa ngahi mau tyaa: “Ithen̯i mo omuntu omuvi mokati ken̯i.”#Deut. 13:5; 17:7
Currently Selected:
1 Ovakorinto 5: DBNT
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.