1 Ovakorinto 8
8
Ombaveka
1Iya napano matu popi ouhunga nombaveka.
Tu tji i okutya atuhe tu na ounongo. Okwiiwa ku twala omuntu mokulinoma, ohole i tunga. 2Andaa pe na nguma soko okutya u na hiee i, omuntu ngoka ke na hiee i ngahi a thele okwiiwa. 3Iya andaa pe na nguu hole Kalunga, omuntu ngoka u iwe kuKalunga.
4Iya ouhunga nombaveka, nt̯e tu tji i okutya otjikalunga mouye katji na himatji tya, ku na vala Kalunga umo. 5Iya andaa ku na mbyoka mbiku tiwa “ovikalunga” kutya omeulu ne okombanda yohi, nandaku tiwa ku na “ovikalunga” ovingi, “nomalombe” omengi, 6iya nt̯e tu na vala Kalunga umo, oye e li Tate, ovipuka avihe vi dha kuye, nant̯e ngu tu undapela. Muhona wetu yuumo, Jesus Kristus, ovipuka avihe vi pitila muye, nant̯e tu na omwenyo mena lye.
7Iya havantu avehe ve na ounongo motjipuka hehi. Ovantu vamo ve ilila ovikalunga. Iya katee napano amava li ombaveka ndjii li hinyahi, va soka okutya ombaveka. Elityoo lyawo ethupi, va mona okutya onyama ndjii li hinyahi mai ve lundha. 8Ovikulya kaavi tu hweenetha popedhi naKalunga. Andaa kaatu li, katu na himatu keketha, andaa matu li, katu na himatu nganyana.
9Iya lungamen̯i, outhemba wen̯i ahamau putaletha ovingone meitavelo. 10Iya andaa otjingone meitavelo ae ku mono ove nguu na ounongo amo li motempeli yovikalunga onyama yombaveka, iya ye tjau madhi iyilwa hudhi hole atjaa okulya onyama yombaveka. 11Iya ounongo woye mau han̯auna po ovingone meitavelo, ovakwen̯i nawo wo mbava t̯ilwa kuKristus. 12Amo lundha hinyahi komukwen̯i, ho ihameke elityoo lye ethupi, okutya mo lundha kuKristus. 13Iya andaa ovikulya mavi putaletha omukwetu, ame hí mba thele uke okulya onyama ndjoka, opo he mu pukitha.
Currently Selected:
1 Ovakorinto 8: DBNT
Highlight
Copy
Compare
Share
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.