Mateus 18
18
Omunene aan̯i?
(Mark. 9:33-37; Luk. 9:46-48)
1Iya powola yatjo ndjoka ovalongwa ve ya kuJesus, hava tyaa: “Omunene ngwaa pon̯a ovakwawo motjilongo tjeulu aan̯i?”#Luk. 22:24
2Jesus wa ithana okalele, he ke kulametha mokati kawo, 3ha tyaa: “Ame me mu heele otjatjili okutya andaa kaamu liteyulula, hamu ngala oulele, kaamu ka ya motjilongo tjeulu.#Mark. 10:15; Luk. 18:17 4Iya mena lyanyahoka ngume linunupike ngokalele, oye e li omunene okupon̯a ovakwawo motjilongo tjeulu. 5Nguma tambula okalele ngaheha mena lyandje, oye ma ntambula.
Omatyoletho
(Mark. 9:42-48; Luk. 17:1-2)
6“Iya nguma tyoletha omuntu umo owomovanunu mboka mbava ndjitavela, we thewa okukutilwa ekunkwa mothingo, ye ha yumbwa meiva lyelunga. 7Utatyei ouye mena lyomatyoletho! Iya omatyoletho a tha okuya, atjaa utatyei omuntu ngoka ngume e eta!
8“Iya okuwoko kwoye ne ompadhi yoye, andaa mai ku tyoletha, i teta ko, ove u i yekelehi. Okuya momwenyo au li otjingolomena ne otjilema hahe, hatjo ngokukala nomawoko avali ne odhompadhi mbali, ove ho yumbwa momulilo waapehe.#Mat. 5:30 9Iya eho lyoye andaa mali ku tyoletha, li dhoola mo, ove u li yekelehi. Okuya momwenyo au na eho limo hahe, hatjo ngokukala nomeho avali, ove ho yumbwa momulilo woheli.#Mat. 5:29
10“Talen̯i, hámu tombo omuntu noumo owomountu hembu oununu. Iya me mu heele okutya ovaengeli vawo meulu apehe va tala otjipala tjaTate meulu. 11Iya Omuna wOmuntu we ya okuhupitha mbava keka.#Luk. 19:10
Ondhu ndjaa keka
(Luk. 15:3-7)
12“Mamu soko tji? Andaa pe na omuntu nguu na odhondhu ethele limo, iya imo hai keka, kaa thii po ndhoka omilongo omoovi nomoovi modhondundu, ye ha ka taendha ndjaa keka? 13Iya andaa we i mono, me mu heele otjatjili okutya me i hulukilwa okupon̯a ndhoka omilongo omoovi nomoovi ndhihadhi kekele. 14Iya hehi hahalo lyaIho owomeulu okutya pa keke omuntu umo owomuhembu oununu.
Okulipukulula
15“Iya omukwen̯i andaa we ku ningi navi, enda ko, u ke mu pukulule amu li amweevali. Iya andaa we ku tee, okutya wa popile omukwen̯i.#Luk. 17:3 16Iya andaa kee ku tee, ka ithane uke umo ne vavali, opo otjipuka atjihe tji kalelwe po kodhombangi mbali ne ndatu.#Deut. 19:15 17Iya andaa kee ve tee, tji heela eongalo. Andaa neongalo kee li tee, mu tala ngomupaani ne omuthendelethi.
18“Me mu heele otjatjili okutya himamu kutu kombanda yohi, nomeulu matji kutwa, nahimamu kutulula kombanda yohi, matji kala atja kutululwa nomeulu.#Mat. 16:19; Joh. 20:23
19“Me mu heele otjatjili okutya andaa vavali mun̯e kombanda yohi ve litee motjipuka himava kumbu, mave tji pewa kuTate owomeulu. 20Iya mpape na vavali navatatu ava ongana mena lyandje, ame me kala mokati kawo.”
Eeli lyomuntu nguhe na onkenda
21Petrus we ya kuJesus ha tyaa: “Muhona, omukwetu ngwaa ndingi navi mba thele oku mu ithila po ovikando vingapi? Ovikando epanduvali?”#Luk. 17:3-4
22Jesus we mu yaka ha tyaa: “Ame híme ku heele okutya omukwen̯i mu ithila po ovikando epanduvali, iya omilongo epanduvali twepanduvali.#Gen. 4:24 23Iya otjilongo tjeulu tji ngala omulumentu ohamba nguma hala okuhava odhongele dhovapika vayo. 24Hiaa utu okuhava, wa etelwa po umo nguu na odhongele, odhombongo dhotjingoldo omayovi omulongo. 25Iya hiaa li ahe na hime mu thutu, omuhona we wa yandja elaka okutya nga landethwe po pamo nomukadhe novana notjipuka atjihe hiaa vadhwa natjo, odhongele dhe dhi thutwe, 26iya omupika wa twika odhongolo kotjipala tje ha tyaa: ‘Nt̯ila ndje onkenda, me ke ku thuta ovipuka avihe.’ 27Iya omuhona wa t̯ila omupika ngoka onkenda. Odhongele dhe ke mu pulile dho uke, we mu yetha.
28“Iya omupika ngoka hiaa i pondje, wa mona omupika omukwawo, ngwee mu lila ongele yodhondenari ethele limo. We mu lombokela pothingo, ha tyaa: ‘Thuta ongele yandje.’ 29Iya omupika ngoka omukwawo wa twika odhongolo, he mu kumbu ha tyaa: ‘Nt̯ila ndje onkenda, me ke ku thuta.’ 30Iya ngunya kaa li ama hala oku mu yetha. We mu twala mokaliwoso katee a thutu odhongele dhe ndhaa lya. 31Iya ovapika ovakwawo hiva mono soka hitja ningwa, va li ave yuvite navi unene. Va ka hipululila omuhona wawo ovipuka avihe mbyaa undapwa. 32Iya omuhona we we mu ithana ha tyaa: ‘Mupika ove omuvi, odhongele dhoye adhihe mbe dhi yetha, hiwa ndjayela. 33Ove nan̯i kuwa thele wo okut̯ila onkenda omupika omukwen̯i, ngaame himbe ku t̯ile onkenda?’ 34Iya omuhona wa li aa yumana unene, he mu yandja, a twalwe mokaliwoso katee ma thutu odhongele dhe adhihe ndhaa lya.
35“Iya Tate owomeulu otjo me mu ningi wo nyahoka andaa kaamu ithile po ovakwen̯i nomitima vyen̯i.”
Currently Selected:
Mateus 18: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.
