Mâkə 4
4
Ŋganú ɛ mɔʼ awə̌ ǎ sǔ mbuta
1Yésuwə a butí pə́ baʼ ɛ lɛ́fú á nsaŋ n mbô ɛ Gálilî. Limuti lí bâʼ álə́ lî n kámbú mɔ́ lî n kɔ jǐta. Ɛ́yî ɛ n bwə a kwíli á bwálu. Bwálu bû bú bílí á mádí átin. Ti a shumání áwə́ átin. Limuti lî lí búkɛ́ní á nsaŋ m mádí. 2A n lɛ́fú bɔ́ misam jǐta á ŋganú átin. A pɔŋí bɔ́ ŋganú nána, 3“Wúkání! Mɔ nfɔ́ a bílí awə̌ a kǐ álí sǔ mbuta ɛ ngvwi. 4Ngə a bílíní ɛ sǔ mbuta ɛni, duŋgu lí kfúndí á nji, ti manɔn má pílí má sɔ́mí mbuta ɛyə̌ ɛ kfúndí á mbuka. 5Duŋgu lí kfúndí á málɛ́ átin áfə́ ndɔʼ ɛ búliyaní ɛ bá. Mbuta ɛni, ɛ pámí ɛ kə́ ngə ndɔʼ ɛ búliyaní ɛ bá áwə́. 6Ndé ngə dúlu lí ngínya lí nyítíní, lí wɔ́kí byə̌m bî bísə́sə̌n ti bí wúlí, á ɛ́tútú nána, mikaŋgá mí bɔ mí sî ŋ kwilíyá á ndɔʼ bwǎm. 7Duŋgu lípə́pə̂ lí kfúndí áfə́ mídfvúŋgú mí bílíní. Á púndá ɛyə̌ mbuta ɛ kɔ́líní, mídfvúŋgú mí káŋí mbuta álí kɔʼ, ɛ́yî ɛ́ bwə́lí ɛ́ yɛ̌ ká yǔm. 8Ndé duŋgu lí mbuta lí kfúndí á ndɔʼ ɛ mbâ. Mbuta ɛ́yî ɛ́ kə́kí, ɛ́ kɔ́lí, ɛ yɛ́. Duŋgu lí bílɔŋ bifɔ́ bí wɔ́ŋí mbvum mûm málán, bifɔ́ mûm ntyǔ, bifɔ́ ka mbúki.” 9Yésuwə álí mɛsi ŋganú ɛni, a byábí nána, “Ká njá awə̌ a wɔ́ŋí matwî a wú.”
Yándá álə́ Yésuwə ǎ tfumní ŋganú
10Á púndá ɛyə̌ Yésuwə a bílíní mɔ́mə̌n nfɔ́, bawútú bá mɔ dyǔm na bábɛ̂ na baʼ ábə́ bá bílí na mɔ́, bá pílí ti bá kɔ́ndɛ́ mɔ́ nána a tɛ́lɛ bɔ́ yándá lí ŋganú ɛni. 11Ti Yésuwə a pɔŋí bɔ́ nána, “Dyǔ lí bə́kí nyə́ wunja álí bí kfûn ɛ janya lí Dyǔ. Ndé á baʼ bání, a bwəlí nána, bá bî misam minán mísə́sə̌n á ŋganú átin wɔ̂. 12A bwəlí nâ á ɛ́tútú nána,
ká bá míní, bá si yəmbá,
ká bá wúkí, bá si sɔ́ntáníyá á ɛ́tútú nána,
njí bá sɔ́ntání, bá tim pə́ á Dyǔ, ti lí laksɛ́ bɔ́.”
Yésuwə a paŋjí ŋganú ɛ mɔʼ awə̌ ǎ sǔ mbuta
13Ti Yésuwə a kɔndɛ́ bɔ́ nána, “Á ɔ, ká nyə́ nyí sɔ́ntániyǎ ŋganú ɛni? Njí nyí sɔ́ntániyǎ ɛnínán, yán kə́ nyí sɔ́ntání ŋganú ɛyíní? 14Ntə́má-a-ndukú a wúní ɛyala ɛ́ Dyǔ. 15Duŋgu lí baʼ bá dí ngə mbuta ɛyə̌ ɛ kfúndí á mbuka ámǐn. Njí bá wúkí ɛyala ɛ́ Dyǔ, á mulimlim m púndá Sátan ǎ pa, ǎ fúl bɔ́ yɔ́ á mílə́m átin. 16Baʼ bápə́pə̂ bá dí ngə mbuta ɛyə̌ ɛ kfúndí á malɛ́ átin. Njí bá wúkí ɛyala ɛ́ Dyǔ, á mulimlim m púndá bá kasí yɔ́ na munyɛŋgɛ. 17Ndé ɛyala ɛ Dyǔ ɛ́yî ɛ́ wúnaniyǎ á milə́m mí bɔ átin, bá dúbɛ́ yɔ́ á mǎ púndá wɔ̂. Áfánikə̌, njí ndutu na mutakaʼ m pílí á ɛ́tútú ɛ́yala ɛ Dyǔ ɛ́yî, bá pámí wə́ ɛ́ dfvǔl nyǔ á mbís. 18Duŋgu lí baʼ bápə́pə̂ bá dí ngə mbuta ɛyə̌ ɛ kfúndí á mídfvúŋgú átin. Bá dí baʼ ábə́ bá wúkí ɛyala ɛ́ Dyǔ, 19ndé misam mí nkínshíyə, nyɔ́ŋgí ɛ wudiʼ, na nyɔ́ŋgí ɛ misam mípə́pə̂ mí pa mí káŋ bɔ́ nlə́m á nyai ɛyə̌ bá tíŋganiyaní ɛ yɛ́ bipum. 20Ndé baʼ bápə́pə̂ ka bá dí ngə mbuta ɛyə̌ ɛ kfúndí á ndɔʼ ɛ mbâ. Bá wúkí ɛyala ɛ́ Dyǔ, bá kásí yɔ́, ti bá yɛ́ bílɔŋ ábə́ bí wɔ́ŋí mbvum mûm malán, mûm ntyǔ, na mbúki.”
Bá sə̌ ɛ yúl ɛtrúkán bá shwə́lí yɔ́
21Ti Yésuwə a pɔŋí limuti lî nána, Mɔʼ ǎ kwili á ndáʼ na ɛtrúkán ɛyə̌ a yulíní, ǎ dí yɔ́ á tíbili áshí, tɔ̌ á wúti áshí? Nga á ɛbuŋ ɛ́ ɛ́trúkán ámǐn ǎ shumní yɔ́? 22Yǔm tɛ́ ɛ́yə́ ɛ́ sɔ́mɔ́ní ɛ́ nyít á mpóma. Ká njá yǔm ɛ́yə́ bá shwɛ́líní ɛ́ nyít á ɛbúkatîn. 23Ká njá awə̌ a wɔ́ŋí matwî a wú.
24“Nyí wási misam ámə́ nyí wúní bwǎm. Mulimlim mú limɛnɛ á ə́ ɛ bwəlání á nsún n wə, mɔ́ pə́ Dyǔ lí bwəlání á wə, ndé lí bwəlan lɔ́ litúm ngə ɛ bwəlání lɔ́ á nsún n wə. 25Ká njá awə̌ a wɔ́ŋí sɔ́ntan á kfun ɛ janiya lí Dyǔ, Dyǔ lí bán pə́ mɔ́ sɔ́ntan. Ká njá awə̌ a wɔ́ŋiyǎ, ká mǎ yǔm awə̌ a wɔ́ŋíní, Dyǔ lí kúwan mɔ́ yɔ́.”
Ŋganú ɛ mbuta ɛyə̌ ɛ̌ kɔ
26Yésuwə a byábí pə́ nána, Janiya lí Dyǔ lí dí ngə mɔʼ awə̌ a kǐ ɛ sǔ mbuta á mûm átin, 27ǎ tím mbís á ndáʼ, wudû ǎ nalí, lisín ǎ bwə ɛbulú ɛ́ mɔ. Á púndá ɛni ɛ́sə́sə̌n, mbuta ɛ̌ kə́, ɛ́ kɔlɔ ɛ́yə́ a bíyaní ngə ɛ́ bwəlání. 28Ndɔʼ yɔ́mə̌n yɔ́ ɛ̌ bwə byə̌m bí kɔlɔ ti bí yɛ́ bípum. Byɛ̌ bí wúsúwə bɔ́ bí kɔ́sɛ́ ɛ́ nyít, ti bí nyítí mbunji ti bí yɛ́ bílɔŋ. 29Njí bilɔŋ bí mə́ ɛ wû, mɔ ani ǎ nǔŋ pɛ́ álí fúl mbuta á ndfukú á ɛ́tútú nána, púndá ɛli kí bilɔŋ ɛ mə̌ ɛ paʼ.
Ŋganú ɛ mbvum ɛtə́kə̂n
30Yésuwə a byábí pə́ nána, “Na yə̌ si tíŋgání ɛ láŋgán janiya lí Dyǔ? Ŋganú ɛfə́ sí tíŋgání ɛ bwəlan álí lúfú ngə janiya lî lí díní? 31Ɛ́ dí ngə mbvum ɛ́tə́kə̂n, ɛ́yə́ mɔʼ ǎ nuŋní, ti a suwí yɔ́ á ndɔʼ átin. Mbvum ɛni ɛ́ kɔ́ŋí jǐta njí bá mɛ́nɛ́ yɔ́ na mbvum ɛ́pə́pə̌ ɛ́yə́ ɛ́ dí á nkínshíyə. 32Ndé njí bá wúní yɔ́, ɛ̌ kɔ litúm bishum bísə́sə̌n, ti ɛ wɔ́ŋ pə́ mílâʼ áfə́ manɔn má lúŋní madfún má bɔ.” 33Yésuwə a bílí ɛ bwəlán ŋganú ɛ́pə́pə̌ jǐta ngə ɛ́yín, álí lɛ́fú bɔ́ ɛyala ɛ́ Dyǔ ngə bá púlní ɛ sɔ́ntan. 34A sî n byábá ká yǔm á bɔ́ ɛ sí bá na a bwəlání ŋganú, ndé njí a bílí na bawútú bá mɔ, a bílí ɛ panjí misam mísə́sə̌n ámə́ ŋganú yî ɛ̌ byání.
Yésuwə a fwə́sí ɛkful
35Á bǔn bû ngə nkwin m pílíní, Yésuwə a pɔŋí bawútú bá mɔ nána, “Sí túm á pɛsi ɛ mbô ɛníní.” 36Bawútú bá mákú limuti á mbís, bá kwílí á bwálu ábə́ Yésuwə a mə́ní ɛ bá átin, bá bútí mɔ́ ɛ kanan. Mabwálu mápə́pə̂ má bílí áwə́. 37Áfâ áshí áshí ɛkful ɛ́nə̂n ɛ́ bútí ɛ túm, ti madí má kwilíyá á bwálu átin á nyai ɛyə̌ madí má pɛ́pɛ́ní ɛ mwí bwálu. 38Yésuwə a bílí á bwálu átin á mbís á naliya. A n nali a nanjí nlú m mɔ́ á ɛ́buŋ-ɛ́-nlú. Ti bawútú bá mɔ bá kǐ mɔ́ ɛ wumí, ti bá pɔ́ŋí nána, “Mulɛ̂, ɛ wɔ́ŋiyǎ púndá ngə sí wání nán ɛ̌?” 39Ti Yésuwə a tyə́bí ámín, a kándí ɛkful ɛ́yî nána ɛ dyɛ pǐ, ti a pɔŋí madí ná má shúl. Ti ɛkful ɛ́ shúlí, wǔm másə́sə̌n má dyɛ́ pǐ. 40Yésuwə a byábí á bawútú bá mɔ nána, “Yə̌ nyí báŋní, kə́ŋ ti sɔnsɔ́nǎn nyí wɔ́ŋiyǎ dúbɛ?” 41Ndé bɔ̌ŋ bú kúwí bɔ́ jǐta, bá kɔndɛ bɔ́mə̌n nána, “Njá mɔ́ anín? Ká ɛkful na madí bí wúkán mɔ́?”
Currently Selected:
Mâkə 4: bwt
Highlight
Copy
Compare
Share
Want to have your highlights saved across all your devices? Sign up or sign in
Mâkə 4
4
Ŋganú ɛ mɔʼ awə̌ ǎ sǔ mbuta
1Yésuwə a butí pə́ baʼ ɛ lɛ́fú á nsaŋ n mbô ɛ Gálilî. Limuti lí bâʼ álə́ lî n kámbú mɔ́ lî n kɔ jǐta. Ɛ́yî ɛ n bwə a kwíli á bwálu. Bwálu bû bú bílí á mádí átin. Ti a shumání áwə́ átin. Limuti lî lí búkɛ́ní á nsaŋ m mádí. 2A n lɛ́fú bɔ́ misam jǐta á ŋganú átin. A pɔŋí bɔ́ ŋganú nána, 3“Wúkání! Mɔ nfɔ́ a bílí awə̌ a kǐ álí sǔ mbuta ɛ ngvwi. 4Ngə a bílíní ɛ sǔ mbuta ɛni, duŋgu lí kfúndí á nji, ti manɔn má pílí má sɔ́mí mbuta ɛyə̌ ɛ kfúndí á mbuka. 5Duŋgu lí kfúndí á málɛ́ átin áfə́ ndɔʼ ɛ búliyaní ɛ bá. Mbuta ɛni, ɛ pámí ɛ kə́ ngə ndɔʼ ɛ búliyaní ɛ bá áwə́. 6Ndé ngə dúlu lí ngínya lí nyítíní, lí wɔ́kí byə̌m bî bísə́sə̌n ti bí wúlí, á ɛ́tútú nána, mikaŋgá mí bɔ mí sî ŋ kwilíyá á ndɔʼ bwǎm. 7Duŋgu lípə́pə̂ lí kfúndí áfə́ mídfvúŋgú mí bílíní. Á púndá ɛyə̌ mbuta ɛ kɔ́líní, mídfvúŋgú mí káŋí mbuta álí kɔʼ, ɛ́yî ɛ́ bwə́lí ɛ́ yɛ̌ ká yǔm. 8Ndé duŋgu lí mbuta lí kfúndí á ndɔʼ ɛ mbâ. Mbuta ɛ́yî ɛ́ kə́kí, ɛ́ kɔ́lí, ɛ yɛ́. Duŋgu lí bílɔŋ bifɔ́ bí wɔ́ŋí mbvum mûm málán, bifɔ́ mûm ntyǔ, bifɔ́ ka mbúki.” 9Yésuwə álí mɛsi ŋganú ɛni, a byábí nána, “Ká njá awə̌ a wɔ́ŋí matwî a wú.”
Yándá álə́ Yésuwə ǎ tfumní ŋganú
10Á púndá ɛyə̌ Yésuwə a bílíní mɔ́mə̌n nfɔ́, bawútú bá mɔ dyǔm na bábɛ̂ na baʼ ábə́ bá bílí na mɔ́, bá pílí ti bá kɔ́ndɛ́ mɔ́ nána a tɛ́lɛ bɔ́ yándá lí ŋganú ɛni. 11Ti Yésuwə a pɔŋí bɔ́ nána, “Dyǔ lí bə́kí nyə́ wunja álí bí kfûn ɛ janya lí Dyǔ. Ndé á baʼ bání, a bwəlí nána, bá bî misam minán mísə́sə̌n á ŋganú átin wɔ̂. 12A bwəlí nâ á ɛ́tútú nána,
ká bá míní, bá si yəmbá,
ká bá wúkí, bá si sɔ́ntáníyá á ɛ́tútú nána,
njí bá sɔ́ntání, bá tim pə́ á Dyǔ, ti lí laksɛ́ bɔ́.”
Yésuwə a paŋjí ŋganú ɛ mɔʼ awə̌ ǎ sǔ mbuta
13Ti Yésuwə a kɔndɛ́ bɔ́ nána, “Á ɔ, ká nyə́ nyí sɔ́ntániyǎ ŋganú ɛni? Njí nyí sɔ́ntániyǎ ɛnínán, yán kə́ nyí sɔ́ntání ŋganú ɛyíní? 14Ntə́má-a-ndukú a wúní ɛyala ɛ́ Dyǔ. 15Duŋgu lí baʼ bá dí ngə mbuta ɛyə̌ ɛ kfúndí á mbuka ámǐn. Njí bá wúkí ɛyala ɛ́ Dyǔ, á mulimlim m púndá Sátan ǎ pa, ǎ fúl bɔ́ yɔ́ á mílə́m átin. 16Baʼ bápə́pə̂ bá dí ngə mbuta ɛyə̌ ɛ kfúndí á malɛ́ átin. Njí bá wúkí ɛyala ɛ́ Dyǔ, á mulimlim m púndá bá kasí yɔ́ na munyɛŋgɛ. 17Ndé ɛyala ɛ Dyǔ ɛ́yî ɛ́ wúnaniyǎ á milə́m mí bɔ átin, bá dúbɛ́ yɔ́ á mǎ púndá wɔ̂. Áfánikə̌, njí ndutu na mutakaʼ m pílí á ɛ́tútú ɛ́yala ɛ Dyǔ ɛ́yî, bá pámí wə́ ɛ́ dfvǔl nyǔ á mbís. 18Duŋgu lí baʼ bápə́pə̂ bá dí ngə mbuta ɛyə̌ ɛ kfúndí á mídfvúŋgú átin. Bá dí baʼ ábə́ bá wúkí ɛyala ɛ́ Dyǔ, 19ndé misam mí nkínshíyə, nyɔ́ŋgí ɛ wudiʼ, na nyɔ́ŋgí ɛ misam mípə́pə̂ mí pa mí káŋ bɔ́ nlə́m á nyai ɛyə̌ bá tíŋganiyaní ɛ yɛ́ bipum. 20Ndé baʼ bápə́pə̂ ka bá dí ngə mbuta ɛyə̌ ɛ kfúndí á ndɔʼ ɛ mbâ. Bá wúkí ɛyala ɛ́ Dyǔ, bá kásí yɔ́, ti bá yɛ́ bílɔŋ ábə́ bí wɔ́ŋí mbvum mûm malán, mûm ntyǔ, na mbúki.”
Bá sə̌ ɛ yúl ɛtrúkán bá shwə́lí yɔ́
21Ti Yésuwə a pɔŋí limuti lî nána, Mɔʼ ǎ kwili á ndáʼ na ɛtrúkán ɛyə̌ a yulíní, ǎ dí yɔ́ á tíbili áshí, tɔ̌ á wúti áshí? Nga á ɛbuŋ ɛ́ ɛ́trúkán ámǐn ǎ shumní yɔ́? 22Yǔm tɛ́ ɛ́yə́ ɛ́ sɔ́mɔ́ní ɛ́ nyít á mpóma. Ká njá yǔm ɛ́yə́ bá shwɛ́líní ɛ́ nyít á ɛbúkatîn. 23Ká njá awə̌ a wɔ́ŋí matwî a wú.
24“Nyí wási misam ámə́ nyí wúní bwǎm. Mulimlim mú limɛnɛ á ə́ ɛ bwəlání á nsún n wə, mɔ́ pə́ Dyǔ lí bwəlání á wə, ndé lí bwəlan lɔ́ litúm ngə ɛ bwəlání lɔ́ á nsún n wə. 25Ká njá awə̌ a wɔ́ŋí sɔ́ntan á kfun ɛ janiya lí Dyǔ, Dyǔ lí bán pə́ mɔ́ sɔ́ntan. Ká njá awə̌ a wɔ́ŋiyǎ, ká mǎ yǔm awə̌ a wɔ́ŋíní, Dyǔ lí kúwan mɔ́ yɔ́.”
Ŋganú ɛ mbuta ɛyə̌ ɛ̌ kɔ
26Yésuwə a byábí pə́ nána, Janiya lí Dyǔ lí dí ngə mɔʼ awə̌ a kǐ ɛ sǔ mbuta á mûm átin, 27ǎ tím mbís á ndáʼ, wudû ǎ nalí, lisín ǎ bwə ɛbulú ɛ́ mɔ. Á púndá ɛni ɛ́sə́sə̌n, mbuta ɛ̌ kə́, ɛ́ kɔlɔ ɛ́yə́ a bíyaní ngə ɛ́ bwəlání. 28Ndɔʼ yɔ́mə̌n yɔ́ ɛ̌ bwə byə̌m bí kɔlɔ ti bí yɛ́ bípum. Byɛ̌ bí wúsúwə bɔ́ bí kɔ́sɛ́ ɛ́ nyít, ti bí nyítí mbunji ti bí yɛ́ bílɔŋ. 29Njí bilɔŋ bí mə́ ɛ wû, mɔ ani ǎ nǔŋ pɛ́ álí fúl mbuta á ndfukú á ɛ́tútú nána, púndá ɛli kí bilɔŋ ɛ mə̌ ɛ paʼ.
Ŋganú ɛ mbvum ɛtə́kə̂n
30Yésuwə a byábí pə́ nána, “Na yə̌ si tíŋgání ɛ láŋgán janiya lí Dyǔ? Ŋganú ɛfə́ sí tíŋgání ɛ bwəlan álí lúfú ngə janiya lî lí díní? 31Ɛ́ dí ngə mbvum ɛ́tə́kə̂n, ɛ́yə́ mɔʼ ǎ nuŋní, ti a suwí yɔ́ á ndɔʼ átin. Mbvum ɛni ɛ́ kɔ́ŋí jǐta njí bá mɛ́nɛ́ yɔ́ na mbvum ɛ́pə́pə̌ ɛ́yə́ ɛ́ dí á nkínshíyə. 32Ndé njí bá wúní yɔ́, ɛ̌ kɔ litúm bishum bísə́sə̌n, ti ɛ wɔ́ŋ pə́ mílâʼ áfə́ manɔn má lúŋní madfún má bɔ.” 33Yésuwə a bílí ɛ bwəlán ŋganú ɛ́pə́pə̌ jǐta ngə ɛ́yín, álí lɛ́fú bɔ́ ɛyala ɛ́ Dyǔ ngə bá púlní ɛ sɔ́ntan. 34A sî n byábá ká yǔm á bɔ́ ɛ sí bá na a bwəlání ŋganú, ndé njí a bílí na bawútú bá mɔ, a bílí ɛ panjí misam mísə́sə̌n ámə́ ŋganú yî ɛ̌ byání.
Yésuwə a fwə́sí ɛkful
35Á bǔn bû ngə nkwin m pílíní, Yésuwə a pɔŋí bawútú bá mɔ nána, “Sí túm á pɛsi ɛ mbô ɛníní.” 36Bawútú bá mákú limuti á mbís, bá kwílí á bwálu ábə́ Yésuwə a mə́ní ɛ bá átin, bá bútí mɔ́ ɛ kanan. Mabwálu mápə́pə̂ má bílí áwə́. 37Áfâ áshí áshí ɛkful ɛ́nə̂n ɛ́ bútí ɛ túm, ti madí má kwilíyá á bwálu átin á nyai ɛyə̌ madí má pɛ́pɛ́ní ɛ mwí bwálu. 38Yésuwə a bílí á bwálu átin á mbís á naliya. A n nali a nanjí nlú m mɔ́ á ɛ́buŋ-ɛ́-nlú. Ti bawútú bá mɔ bá kǐ mɔ́ ɛ wumí, ti bá pɔ́ŋí nána, “Mulɛ̂, ɛ wɔ́ŋiyǎ púndá ngə sí wání nán ɛ̌?” 39Ti Yésuwə a tyə́bí ámín, a kándí ɛkful ɛ́yî nána ɛ dyɛ pǐ, ti a pɔŋí madí ná má shúl. Ti ɛkful ɛ́ shúlí, wǔm másə́sə̌n má dyɛ́ pǐ. 40Yésuwə a byábí á bawútú bá mɔ nána, “Yə̌ nyí báŋní, kə́ŋ ti sɔnsɔ́nǎn nyí wɔ́ŋiyǎ dúbɛ?” 41Ndé bɔ̌ŋ bú kúwí bɔ́ jǐta, bá kɔndɛ bɔ́mə̌n nána, “Njá mɔ́ anín? Ká ɛkful na madí bí wúkán mɔ́?”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in