Mâkə 5
5
Yésuwə a pwisí mɔʼ awə̌ a ŋ wɔ́ŋ midî mí bî
1Yésuwə na bawútú bá mɔ bá pílí á pɛsi ɛ mbû ɛ Gálilî ɛníní, á ɛkumbu ɛ́ Gerása. 2Á mulimlim m púndá ngə Yésuwə a nyítíní a bwálu, a bumí na mɔʼ awə̌ a n fí á sɔŋgɔ. Mudî m bî m bílí mɔ ani átin. 3A bílí ɛ dyɛ á sɔŋgɔ. Mɔʼ ká nfɔ́ a púliyǎ pə́ mɔ́ ɛ tfúl á fǔm bufɔ́, ká na mgbɔ́kɔbí. 4Bitî na bitî bá lúŋgú mɔ́ ɛ tfú mákɛ́ na mgbɔ́kɔbí, makwi na mgbɔ́kɔbí, ndé a bílí bɔ́ ɛ lɛ́n ɛtîtɛ́. A ŋ wɔ́ŋ ngínya á nyai ɛyə̌ mɔʼ ká fɔ́ a sî n púl álí bukí mɔ́ fǔm bufɔ́ 5Wudû na lisín tɛ́ a bílí ɛ tam á sɔŋgɔ átin, na á mákul átin, á búna, á sə́mbíyá nyǔ ɛ́ mɔ na malɛ́.
6Ngə a míníní Yésuwə kfwáŋ a kǐ mifílí álí tán mɔ́, ti a shumí mabɔ́ŋ má mɔ áshí á wúsú wú mɔ. 7Ti mɔʼ ani á kándí ámǐn nána, “Yésuwə, Mwǎn a Dyǔ lí Ngvum! Yə̌ ɛ̌ sakání mi? Sûn, nǎn súsúmɛ́ wə á dǐn dí Dyǔ, ɛ si kɔ́ksɛ́ mî.” 8Mɔ ani a m byá nâ á ɛ́tútú nána Yésuwə a m pɔ̌ŋ mudî m bî mû nána, “Wə mudî m bî nyítá á nyǔ ɛ́ mɔ anín!” 9Ti Yésuwə a kɔ́ndɛ́ mɔ́ nána, “Dǐn lí wə njá?” Mɔ ani a púshú mɔ́ nána, “Dǐn dí myə ‘Limuti’, á ɛ́tútú nána sí bwí átin!” 10A bílí wə̂ ɛ súsúmɛ́ Yésuwə nána a si nǎn midî míbî mî á pɛsi ɛ mbú ɛni.
11Sɔnsɔ́nân, ndíŋgí n nə̂n n ngwi m bílí fâ bɛbɛ, ɛ́ bílí ɛ dyá áfâ á nsaŋ ŋ wukul áshí. 12Ti midî mí bî mî mí yɔ́mbí Yésuwə nána “Lúm sə́ á ngwi ɛ́yî, ɛ bə̂ sə́ wunja álí kwilí bɔ́ átin.” 13Yɔ̂ Yésuwə a bəkí midî míbî mî wunja, ti mí nyítí á nyǔ ɛ́ mɔ ani. Ngə mí nyítíní á nyǔ ɛ́ mɔ ani, mí kwílí á nyǔ ɛ́ ngwi ɛ́yî átin. Ndíŋgí ŋ ngwi mû m bílí ká bikúlí bíbɛ̂. Áfâ-áshí-áshí ndíngí ŋ ngwi ɛ́yî ɛ́ búkú, ɛ́ kanán mífílí á mbə́ŋ ámə́ m bílí á nsaŋ m mbô, ɛ́ kfún á mádí átin, ti ɛ́ wúlí.
14Batátiya bá ngwi ɛ́yî bá kí mifílí álí kə ɛ́ pɔ̌ŋ bâʼ yə̌ ɛ́yə́ ɛ́ bwə́lání á nkí mú na á mábú ámə́ mǎ n wútán fǔmbû. Baʼ bâ bá nyítí álí kə ɛ́ mín yǔm ɛ́yə́ ɛ́ bwə́lání. 15Ngə bá pílíní áfə́ Yésuwə a bílíní, bá míní mɔʼ awə̌ midî míbî mí bílíní jǐta á nyǔ ɛ́ mɔ átin. Bá tání mɔ́ a shumání na mabaʼ á nyǔ bwǎm, lɔŋ lí mɔ pə́ lî m mə̌ tǐm á líbú, ti bá bútí ɛ wú bɔ̂ŋ. 16Baʼ ábə́ bá míní yə̌ ɛ́yə́ ɛ́ bwə́lání, bá pɔ́ŋí baʼ ábâ yǔm ɛ́yə́ ɛ́ bwə́lání na mɔ awə̌ midî míbî mí bílíní átin. Ti bá pɔ̌ŋ pə́ bɔ́ yǔm ɛ́yə́ ɛ́ bwə́lání ndíŋgí n ngwi ɛ́yî. 17Ngə bá wúkíní nâ, bá butí ɛ yɔ́m Yésuwə nána a fálú á pɛsi ɛ mbû ɛ́ bɔ. 18Ngə Yésuwə a bílíní ɛ kwili á bwálu álí kə, mɔ awə̌ a ŋ wɔ́ŋ midî míbî, a butí ɛ yɔ́m Yésuwə nána bú mɔ́ bá kə. 19Ndé Yésuwə a pushuwǎ. Ti a pɔŋí mɔ́ nána, “Tím mbí á litúmbá lí wə ɛ pɔ̌ŋ bɔ́ nsam n nə̂n ámə́ Sáŋgúwə́ a bwəlíní wə, na ngə a lúfúní wə likini lí nlə́m.” 20Yɔ̂ mɔ ani a falúní a kǐ á pɛsi ɛ mbû ɛ mikí dyǔm. A pɔŋí baʼ yə̌ ɛ́yə́ Yésuwə a bwəlíní mɔ́. Baʼ básə́sə̌n ábə́ bá wúkí bá bílí manyáká.
Yésuwə a pwisí mwalân nfɔ́, a púmú mwǎn n Jáyírusə.
21Yésuwə a timbí mbís á bwálu á pɛsi ɛ mbû ɛníní. Ngə a pílíní á nsaŋ m mádí limuti lí baʼ lí shwínjání á wə́. 22Ti mɔ a nə̂n nfɔ́ á ndáʼ ɛ makáni ɛ baʼ bá Ísrɛl, awə̌ bá bə́ŋákíní Jáyírusə, á pílí á wə́. Ngə a míníní Yésuwə, a kfúndí á mákwi má mɔ. 23Ti a yɔ́mbí mɔ́ na ngínya nána, “Mǎ wukɔn wú myə wú kfulu, wú mə́ ɛ wútan álí wá. Sûn, pǎ ɛ bán makɛ́ má wə á nyǔ ɛ́ mɔ, álí bwə nána a pwî, na nána a bá luŋgɛ́!” 24Áfánikə̌, Yésuwə a kǐ na mɔ́. Limuti lí baʼ lí bílí ɛ pɔ̌ŋ mɔ́ á mbís, lí kámbú mɔ́ á pɛsi ɛ́sə́sə̌n.
25Mwalân nfɔ́ a bílí áwə́ a wə̌ a ŋ wɔ́ŋ nyambɛ̂ ɛyə̌ makǐ má bílíní mɔ́ ɛ nyít á nyǔ m mɔ ɛ mwalân ɛtîtɛ́. Nyambɛ̂ ani a bílí mɔ́ á nyǔ mimbvú dyǔm na míbɛ̂. 26A m mə̌ ɛ́ taʼ jǐta á mákɛ́ má baʼ bá bíbú, a m mə̌ ɛ́ fɛ̌nj ngáʼ ɛ́ mɔ ɛ́sə́sə̌n ɛyə̌ a n wɔ́ŋní, kánâwə̌ nyambɛ̂ m mɔ a bílí wə̌ ɛ́ kə á wusú. 27Mwalân ani a m mə̌ ɛ́ wú misam ámə́ Yésuwə a bílíní ɛ bwə, áfánikə̌ a túmbí á limuti átin a nyítí á mbísí Yésuwə, ti a nyɔtí nku n Yésuwə. 28Á ɛ́tútú nána, a byábí á nlɛ́m m mɔ nána, “Njí n nyɔtí ká nku m mɔ, ní m pwî.” 29Ngə mwalân ani a nyɔtíní nku n Yésuwə, áfâ-áshí-áshí makǐ ámə́ má bílí mɔ́ ɛ fí á nyǔ má lɛ́ní, ti a yəmbí á nyǔ ɛ mɔ átin nána mú mə́ ɛ pwî á mutaka mû. 30Áfâ-áshí-áshí ngə Yésuwə a yəmbíní nána ngínya ɛ falú mɔ́ á nyǔ, a wɛ́sí nyǔ á límuti, ti a kɔndɛ́ nána, “Njá a nyɔtí nku m myə?”
31Bawútú bá mɔ bá púshú mɔ́ nána, “Yán kə́ ɛ́ mín ní ngə limuti lí kámbúní wə á pɛsi ɛ́sə́sə̌n, ti ɛ̌ kɔndɛ́ nána njá a nyɔtí wə̂ nku?” 32Kánâwə̂, Yésuwə a bílí wə̂ ɛ́ táti álí mín mɔ awə̌ a nyɔtí nku m mɔ. 33Ngə mwalân ani a yəmbíní yǔm ɛ́yə́ ɛ́ bwə́lání mɔ́, ǎ sáká na bɔŋ. Yɔ́ a pilíní á Yésuwə, a kfún mɔ́ á mákwi, ti a pɔŋí mɔ́ mbálɛ ɛsə́sə̌n á yǔm ɛ́yə́ ɛ́ bwə́lání mɔ́. 34Yésuwə a pushú mɔ́ nána, “Mwǎn-a-mwalân, dúbɛ lí wə lí bwə́lí wə ɛ mə́ ɛ pwî. Kə̌ na musaŋgu, mutaka n wə m mə́.”
35Ngə Yésuwə a bílíní wə̌ ɛ́ byá, duŋgu lí baʼ ábə́ bá fí á ndáʼ ɛ́ Jáyírusə, bá pɔ́ŋí Jáyírusə nána, “Mwǎn n wə a mwalân a mə̌yí ɛ́ wá. Yán kə́ ɛ díní wə̌ ɛ takí mulɛ̂ nána a paʼ á ndáʼ ɛ́ wə?” 36Yésuwə a wúkaniyǎ bɔ́ á yǔm ɛ́yə́ baʼ bâ bá bílíní ɛ byá. Yɔ́ a pɔŋíní nlú mû nána, “Ɛ si wú bɔ̂ŋ, dúbɛ́ wɔ̂.” 37Yésuwə a púshuwǎ nána baʼ bá pɔ̂ŋ mɔ́ á mbís ɛ́sitúm Píta, Jémsə, bú mǎ nyâ m mɔ Jɔnə́. 38Ngə bá pílíní á ndáʼ ɛ́ Jáyírusə, Yésuwə a míní ngə wǔm má bílíní páŋtíkí paŋtiki a wú pə́ lijiʼ línə̂n ngə baʼ bá bílíní ɛ ji. 39Ngə a kwilíní a ndáʼ a kɔndɛ́ bɔ́ nána, “Yə̌ nyí pananí mpugú mún, yə̌ nyí jiní? Mwǎn anín a nan wúlíyá wə́, wuyɔ́ bɔ́ ǎ naliní.”
40Ndé baʼ bâ bá bútí ɛ wɛlí Yésuwə. A bwəlí bɔ́ baʼ básə́sə̌n bá nyítí á ɛbúkatîn. Ti a nɔŋí sáŋ na nyǎ bá mwǎn ani, na bawútú bá mɔ bálán, ti bá kwílí á tfǔŋ ɛyə̌ bá nánjíní mwǎn. 41A wálí ɛkɛ́ ɛ́ mǎ mwǎn a mwalân ani, ti a byábí á mɔ́ nána, “Talíta, Kum,” (ɛ́yə́ ɛ́ dí yándá nána “Mǎ mwǎn a mwalân, nân pɔ̌ŋ wə̂, wumú.”) 42Áfâ-áshí-áshí mwǎn ani wumú, ti a butí ɛkə. (A bílí mimbvú dyǔm na míbɛ̂.) Ngə ɛ́ bwə́lání nâ, baʼ bá bílí manyáká jǐta. 43Yésuwə a kú bɔ́ matwî nána bá si pɔ̌ŋ ká mɔ̂ʼ yǔm ɛ́yə́ ɛ́ bwə́lání. Ti a pɔŋí bɔ́ nána bá bə̂ mwǎn ani yǔm ɛ́ lídyá.
Currently Selected:
Mâkə 5: bwt
Highlight
Copy
Compare
Share
Want to have your highlights saved across all your devices? Sign up or sign in
Mâkə 5
5
Yésuwə a pwisí mɔʼ awə̌ a ŋ wɔ́ŋ midî mí bî
1Yésuwə na bawútú bá mɔ bá pílí á pɛsi ɛ mbû ɛ Gálilî ɛníní, á ɛkumbu ɛ́ Gerása. 2Á mulimlim m púndá ngə Yésuwə a nyítíní a bwálu, a bumí na mɔʼ awə̌ a n fí á sɔŋgɔ. Mudî m bî m bílí mɔ ani átin. 3A bílí ɛ dyɛ á sɔŋgɔ. Mɔʼ ká nfɔ́ a púliyǎ pə́ mɔ́ ɛ tfúl á fǔm bufɔ́, ká na mgbɔ́kɔbí. 4Bitî na bitî bá lúŋgú mɔ́ ɛ tfú mákɛ́ na mgbɔ́kɔbí, makwi na mgbɔ́kɔbí, ndé a bílí bɔ́ ɛ lɛ́n ɛtîtɛ́. A ŋ wɔ́ŋ ngínya á nyai ɛyə̌ mɔʼ ká fɔ́ a sî n púl álí bukí mɔ́ fǔm bufɔ́ 5Wudû na lisín tɛ́ a bílí ɛ tam á sɔŋgɔ átin, na á mákul átin, á búna, á sə́mbíyá nyǔ ɛ́ mɔ na malɛ́.
6Ngə a míníní Yésuwə kfwáŋ a kǐ mifílí álí tán mɔ́, ti a shumí mabɔ́ŋ má mɔ áshí á wúsú wú mɔ. 7Ti mɔʼ ani á kándí ámǐn nána, “Yésuwə, Mwǎn a Dyǔ lí Ngvum! Yə̌ ɛ̌ sakání mi? Sûn, nǎn súsúmɛ́ wə á dǐn dí Dyǔ, ɛ si kɔ́ksɛ́ mî.” 8Mɔ ani a m byá nâ á ɛ́tútú nána Yésuwə a m pɔ̌ŋ mudî m bî mû nána, “Wə mudî m bî nyítá á nyǔ ɛ́ mɔ anín!” 9Ti Yésuwə a kɔ́ndɛ́ mɔ́ nána, “Dǐn lí wə njá?” Mɔ ani a púshú mɔ́ nána, “Dǐn dí myə ‘Limuti’, á ɛ́tútú nána sí bwí átin!” 10A bílí wə̂ ɛ súsúmɛ́ Yésuwə nána a si nǎn midî míbî mî á pɛsi ɛ mbú ɛni.
11Sɔnsɔ́nân, ndíŋgí n nə̂n n ngwi m bílí fâ bɛbɛ, ɛ́ bílí ɛ dyá áfâ á nsaŋ ŋ wukul áshí. 12Ti midî mí bî mî mí yɔ́mbí Yésuwə nána “Lúm sə́ á ngwi ɛ́yî, ɛ bə̂ sə́ wunja álí kwilí bɔ́ átin.” 13Yɔ̂ Yésuwə a bəkí midî míbî mî wunja, ti mí nyítí á nyǔ ɛ́ mɔ ani. Ngə mí nyítíní á nyǔ ɛ́ mɔ ani, mí kwílí á nyǔ ɛ́ ngwi ɛ́yî átin. Ndíŋgí ŋ ngwi mû m bílí ká bikúlí bíbɛ̂. Áfâ-áshí-áshí ndíngí ŋ ngwi ɛ́yî ɛ́ búkú, ɛ́ kanán mífílí á mbə́ŋ ámə́ m bílí á nsaŋ m mbô, ɛ́ kfún á mádí átin, ti ɛ́ wúlí.
14Batátiya bá ngwi ɛ́yî bá kí mifílí álí kə ɛ́ pɔ̌ŋ bâʼ yə̌ ɛ́yə́ ɛ́ bwə́lání á nkí mú na á mábú ámə́ mǎ n wútán fǔmbû. Baʼ bâ bá nyítí álí kə ɛ́ mín yǔm ɛ́yə́ ɛ́ bwə́lání. 15Ngə bá pílíní áfə́ Yésuwə a bílíní, bá míní mɔʼ awə̌ midî míbî mí bílíní jǐta á nyǔ ɛ́ mɔ átin. Bá tání mɔ́ a shumání na mabaʼ á nyǔ bwǎm, lɔŋ lí mɔ pə́ lî m mə̌ tǐm á líbú, ti bá bútí ɛ wú bɔ̂ŋ. 16Baʼ ábə́ bá míní yə̌ ɛ́yə́ ɛ́ bwə́lání, bá pɔ́ŋí baʼ ábâ yǔm ɛ́yə́ ɛ́ bwə́lání na mɔ awə̌ midî míbî mí bílíní átin. Ti bá pɔ̌ŋ pə́ bɔ́ yǔm ɛ́yə́ ɛ́ bwə́lání ndíŋgí n ngwi ɛ́yî. 17Ngə bá wúkíní nâ, bá butí ɛ yɔ́m Yésuwə nána a fálú á pɛsi ɛ mbû ɛ́ bɔ. 18Ngə Yésuwə a bílíní ɛ kwili á bwálu álí kə, mɔ awə̌ a ŋ wɔ́ŋ midî míbî, a butí ɛ yɔ́m Yésuwə nána bú mɔ́ bá kə. 19Ndé Yésuwə a pushuwǎ. Ti a pɔŋí mɔ́ nána, “Tím mbí á litúmbá lí wə ɛ pɔ̌ŋ bɔ́ nsam n nə̂n ámə́ Sáŋgúwə́ a bwəlíní wə, na ngə a lúfúní wə likini lí nlə́m.” 20Yɔ̂ mɔ ani a falúní a kǐ á pɛsi ɛ mbû ɛ mikí dyǔm. A pɔŋí baʼ yə̌ ɛ́yə́ Yésuwə a bwəlíní mɔ́. Baʼ básə́sə̌n ábə́ bá wúkí bá bílí manyáká.
Yésuwə a pwisí mwalân nfɔ́, a púmú mwǎn n Jáyírusə.
21Yésuwə a timbí mbís á bwálu á pɛsi ɛ mbû ɛníní. Ngə a pílíní á nsaŋ m mádí limuti lí baʼ lí shwínjání á wə́. 22Ti mɔ a nə̂n nfɔ́ á ndáʼ ɛ makáni ɛ baʼ bá Ísrɛl, awə̌ bá bə́ŋákíní Jáyírusə, á pílí á wə́. Ngə a míníní Yésuwə, a kfúndí á mákwi má mɔ. 23Ti a yɔ́mbí mɔ́ na ngínya nána, “Mǎ wukɔn wú myə wú kfulu, wú mə́ ɛ wútan álí wá. Sûn, pǎ ɛ bán makɛ́ má wə á nyǔ ɛ́ mɔ, álí bwə nána a pwî, na nána a bá luŋgɛ́!” 24Áfánikə̌, Yésuwə a kǐ na mɔ́. Limuti lí baʼ lí bílí ɛ pɔ̌ŋ mɔ́ á mbís, lí kámbú mɔ́ á pɛsi ɛ́sə́sə̌n.
25Mwalân nfɔ́ a bílí áwə́ a wə̌ a ŋ wɔ́ŋ nyambɛ̂ ɛyə̌ makǐ má bílíní mɔ́ ɛ nyít á nyǔ m mɔ ɛ mwalân ɛtîtɛ́. Nyambɛ̂ ani a bílí mɔ́ á nyǔ mimbvú dyǔm na míbɛ̂. 26A m mə̌ ɛ́ taʼ jǐta á mákɛ́ má baʼ bá bíbú, a m mə̌ ɛ́ fɛ̌nj ngáʼ ɛ́ mɔ ɛ́sə́sə̌n ɛyə̌ a n wɔ́ŋní, kánâwə̌ nyambɛ̂ m mɔ a bílí wə̌ ɛ́ kə á wusú. 27Mwalân ani a m mə̌ ɛ́ wú misam ámə́ Yésuwə a bílíní ɛ bwə, áfánikə̌ a túmbí á limuti átin a nyítí á mbísí Yésuwə, ti a nyɔtí nku n Yésuwə. 28Á ɛ́tútú nána, a byábí á nlɛ́m m mɔ nána, “Njí n nyɔtí ká nku m mɔ, ní m pwî.” 29Ngə mwalân ani a nyɔtíní nku n Yésuwə, áfâ-áshí-áshí makǐ ámə́ má bílí mɔ́ ɛ fí á nyǔ má lɛ́ní, ti a yəmbí á nyǔ ɛ mɔ átin nána mú mə́ ɛ pwî á mutaka mû. 30Áfâ-áshí-áshí ngə Yésuwə a yəmbíní nána ngínya ɛ falú mɔ́ á nyǔ, a wɛ́sí nyǔ á límuti, ti a kɔndɛ́ nána, “Njá a nyɔtí nku m myə?”
31Bawútú bá mɔ bá púshú mɔ́ nána, “Yán kə́ ɛ́ mín ní ngə limuti lí kámbúní wə á pɛsi ɛ́sə́sə̌n, ti ɛ̌ kɔndɛ́ nána njá a nyɔtí wə̂ nku?” 32Kánâwə̂, Yésuwə a bílí wə̂ ɛ́ táti álí mín mɔ awə̌ a nyɔtí nku m mɔ. 33Ngə mwalân ani a yəmbíní yǔm ɛ́yə́ ɛ́ bwə́lání mɔ́, ǎ sáká na bɔŋ. Yɔ́ a pilíní á Yésuwə, a kfún mɔ́ á mákwi, ti a pɔŋí mɔ́ mbálɛ ɛsə́sə̌n á yǔm ɛ́yə́ ɛ́ bwə́lání mɔ́. 34Yésuwə a pushú mɔ́ nána, “Mwǎn-a-mwalân, dúbɛ lí wə lí bwə́lí wə ɛ mə́ ɛ pwî. Kə̌ na musaŋgu, mutaka n wə m mə́.”
35Ngə Yésuwə a bílíní wə̌ ɛ́ byá, duŋgu lí baʼ ábə́ bá fí á ndáʼ ɛ́ Jáyírusə, bá pɔ́ŋí Jáyírusə nána, “Mwǎn n wə a mwalân a mə̌yí ɛ́ wá. Yán kə́ ɛ díní wə̌ ɛ takí mulɛ̂ nána a paʼ á ndáʼ ɛ́ wə?” 36Yésuwə a wúkaniyǎ bɔ́ á yǔm ɛ́yə́ baʼ bâ bá bílíní ɛ byá. Yɔ́ a pɔŋíní nlú mû nána, “Ɛ si wú bɔ̂ŋ, dúbɛ́ wɔ̂.” 37Yésuwə a púshuwǎ nána baʼ bá pɔ̂ŋ mɔ́ á mbís ɛ́sitúm Píta, Jémsə, bú mǎ nyâ m mɔ Jɔnə́. 38Ngə bá pílíní á ndáʼ ɛ́ Jáyírusə, Yésuwə a míní ngə wǔm má bílíní páŋtíkí paŋtiki a wú pə́ lijiʼ línə̂n ngə baʼ bá bílíní ɛ ji. 39Ngə a kwilíní a ndáʼ a kɔndɛ́ bɔ́ nána, “Yə̌ nyí pananí mpugú mún, yə̌ nyí jiní? Mwǎn anín a nan wúlíyá wə́, wuyɔ́ bɔ́ ǎ naliní.”
40Ndé baʼ bâ bá bútí ɛ wɛlí Yésuwə. A bwəlí bɔ́ baʼ básə́sə̌n bá nyítí á ɛbúkatîn. Ti a nɔŋí sáŋ na nyǎ bá mwǎn ani, na bawútú bá mɔ bálán, ti bá kwílí á tfǔŋ ɛyə̌ bá nánjíní mwǎn. 41A wálí ɛkɛ́ ɛ́ mǎ mwǎn a mwalân ani, ti a byábí á mɔ́ nána, “Talíta, Kum,” (ɛ́yə́ ɛ́ dí yándá nána “Mǎ mwǎn a mwalân, nân pɔ̌ŋ wə̂, wumú.”) 42Áfâ-áshí-áshí mwǎn ani wumú, ti a butí ɛkə. (A bílí mimbvú dyǔm na míbɛ̂.) Ngə ɛ́ bwə́lání nâ, baʼ bá bílí manyáká jǐta. 43Yésuwə a kú bɔ́ matwî nána bá si pɔ̌ŋ ká mɔ̂ʼ yǔm ɛ́yə́ ɛ́ bwə́lání. Ti a pɔŋí bɔ́ nána bá bə̂ mwǎn ani yǔm ɛ́ lídyá.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in