Matayo 4

Catan obito Yecu

(Nen daŋ Marako 1.12-13; Luka 4.1-13)

1 # Eb. 2.18; 4.15 Icennere Cuny Acil otero Yecu i tim me Catan bite. 2En ofi nino pyeraŋwen dyeceŋ kede dyewor kun kanyo kec, icennere kec te neke. 3Abit jo te pello, te kobbe ni, “Ka in i Wot Obaŋa, koŋ ikobbi gweŋe magi me lokere dok kwone.” 4#Lodo 8.3En te dok iye ni, “Yam ocoo ni,

‘Dano mom bino bedo kwo ka i kwon keken,

kono ka i kop ducu ame ya i dok Obaŋa!’ ”

5Catan dok te tere i boma acil, te cibe i wi atenni ot Obaŋa malo, 6#Jab. 91.11-12te kobbe ni, “Ka yin Wot Obaŋa, koŋ iŋoye, irette piny, pien yam daŋ ocoo ni,

‘En bino ciko omalaika mere piri’,

‘Gin bino joli i ciŋgi,

me kur itwom tyeni kede gweŋ.’ ”

7 # Lodo 6.16 Yecu te gamo doge ni, “Yam daŋ ocoo ni, ‘Kur iom yi Rwot Obaŋani.’ ” 8Catan dok otere i amiddi kidi amalo meicel, te nyutte loc luŋ me wi podo, anaka kede kwogo a tye i yigi, 9te kobbe ni, “Magu ducu abino miyi, ka iryebere piny, iwora.” 10#Lodo 6.13Yecu te gamo ni, “Jer teŋe, Catan, pien nwaŋ ocoo ni,

‘Wor Rwot Obaŋani, iti pi en keken.’ ”

11Icennere Catan oweke, omalaika obino okonye.

Yecu ocako ticcere i lobo Galilaya

(Nen daŋ 1.14-15; Luka 4.14-15)

12 # Mat. 14.3; Mar. 6.17; Luk. 3.19-20 Yecu ka owinyo ni oketo Lakana i buc, en odok i Galilaya, 13#Lak. 2.12te weko Najaret, te wot bedo i Kapernaum, ame tye i dog nam, i lobo Jabulon kede Naputali, 14wek kop a nwaŋ obino i dog adwarpiny Icaya cobere kakare, ni,

15 # Ica. 9.1-2 “Lobo Jabulon kede lobo Naputali,

tuŋ nam, loka Jordan, Galilaya me Orok.

16Rok a yam bedo i piny acol doŋ oneno lero adwoŋ,

jo a yam bedo i lobo kede tipo me to,

cen doŋ opello i komgi.”

17 # Mat. 3.2 Cakere i kare-nono Yecu ogeo rabo kop kun kobo ni, “Ŋut wunu, pien loc me polo doŋ onoko ceggi.”

Yecu olwoŋo ocik rec aŋwen

(Nen daŋ Marako 1.16-20; Luka 5.1-11)

18Ka Yecu ceŋ tye a be bea i dog nam Galilaya, te neno omego aryo, Cimon ame olwoŋo Petero, kede Anderiya ominnere; otye ka ciko bwo iyi nam, pien ceŋ gin ocik rec. 19En te kobbigi ni, “Biye, iluba wunu, abino lokowu ocok jo akaka rec.” 20Oyotoyot gin oweko bwoyigi, ote lube.

21Dok oya i kuno owoto anyim anonok, te neno jo aryo ocele ame gin omego, Yakobo wot a Jebedayo kede Lakana ominnere; otye i yee karacel kede papagi Jebedayo, oropo bwoyigi. En te lwoŋogi; 22oyotoyot ote weko yee oko, anaka papagi, ote lube.

Yecu okonyo lwak jo ecipan

(Nen daŋ Luka 6.17-19)

23 # Mat. 9.35; Mar. 1.39 En owoto omano Galilaya luŋ, kun pwonyo i kacokeregi, dok rabo amut aber me loc Obaŋa, te caŋo too ducu kede goro luŋ i akina jo. 24Rwoŋe olal i lobo Curia luŋ, ote kelo baŋe jo ducu ame komgi lit, kede jo a kwon too kede rem apapat wunogi, wegi cen areco, jo a two ekwikwiŋ, kede ame two too akwea kom; ocaŋogi. 25Lwak jo ecipan olube ame oya i Galilaya, Dekapoli, Jerucalem, Judaya kede loka Jordan.

Currently Selected:

Matayo 4: La79

Highlight

Copy