Marako 15
15
Yecu i nyim Pilato
(Nen daŋ Matayo 27.1-2, 11-14; Luka 23.1-5; Lakana 18.28-38)
1Oyotoyot ka piny oru, olamdog adoŋo oporo kop karacel kede odoŋe kede opwony-cik kede okiko luŋ. Gin otweo Yecu, otere, ote miye baŋ Pilato. 2Pilato te penye ni, “Yin abaka Ojudaya?” Ogamo doge ni, “Yin ikobo giri.” 3Olamdog adoŋo odote kede kop apol. 4Pilato te penye ni, “Mom koŋ idok i kopporo? Nen kop apol ame odoti kede-ni.” 5Yecu mom omedde i gamo kopporo, omio Pilato owuro.
Oŋolli Yecu kop me to
(Nen daŋ Matayo 27.15-26; Luka 23.13-15; Lakana 18.39–19.16)
6I kare me ecuban, Pilato yam gonnyigi abuccoro acel a jo okwao pire. 7Onwoŋo cen tye lo moro i buc nyiŋe Baraba, ame otweo karacel kede jo otubo lwak; en onwoŋo oneko dano i tubere-nono. 8Eka lwak te bino, te cako kwayo Pilato ni timmigi acalo yam etio. 9Pilato te penyogi ni, “Imito wunu ni agonnyiwu abaka Ojudaya?” 10En onwoŋo oŋeo aber ni olamdog adoŋo omio Yecu baŋe pi nyeko. 11Olamdog adoŋo te cupo lwak ni twara gonnyigi Baraba. 12Pilato dok te penyo lwak ni, “Kara dano ame ilwoŋo wunu ni abaka Ojudaya abino timo nadi?” 13Gin dok oredo ni, “Gure i kom yataria!” 14Pilato openyogi ni “Kara piŋo? Gin aŋo arac ame otimo?” Ento gin omedde i redo ni, “Gure i kom yataria!” 15Pilato omito ni ekwe cuny lwak, omio ogonnyigi Baraba. Opwodo Yecu kede del, te miye me agura i kom yataria.
Cirikale oŋalo Yecu
(Nen daŋ Matayo 27.27-31; Lakana 19.2-3)
16Cirikale otere iyi ot aloc, en Praitorion, ote lwoŋo eryoŋet megi ducu karacel. 17Oruke kede boŋo amaramar, ote kado tok kwogo abaka me okuto, orwako i wie, 18ote cako mote ni, “Oreme ba, Abaka Ojudaya!” 19Ojwato wie kede ogada, opato lao i kome, ote rumo coŋgi ni, me wore. 20A doŋ otyeko ŋale, ote doŋ gonyo boŋo amaramar i kome oko, ote ruke kede boŋŋi mere ikome, ote tere wot gure i kom yataria.
Oguro Yecu i kom yataria
(Nen daŋ Matayo 27.32-44; Luka 23.26-43; Lakana 19.17-27)
21 #
Rom. 16.13
Gin te diyo dano moro ame onwoŋo akato akata i yo me ye yataria mere; onwoŋo abino kun oya i myere, nyiŋe Cimon me Kurene, papa Alegejanda gin kede Rupo. 22Otero Yecu i kabedo ame olwoŋo Golgota, ame te koppere ni, kabedo me Cogo Wic. 23Ote miye vino ame orubo iye yat murra; ento en pe omato. 24#Jab. 22.18Eka doŋ ote gure i kom yataria, daŋ ote poko boŋŋi mere oko i akinagi, kun obolo iye kwir me nwoŋo dano a bino tero ginnoro-ni. 25Ame ogure i kom yataria, onwoŋo caa doŋ oromo adek. 26I waraga ame nyuto kop ame opide pire ocoo ni, “Abaka Ojudaya.” 27Ogure karacel kede oyakkogo, dano acel i laŋete tuŋ cem, acel tuŋ cam. [28#Ica. 53.12Omio coc a yam ocoo ocobere kakare, ame kobo ni, “Okwane i kin obalo.”]
29 #
Jab. 22.7; 109.25; Mar. 14.58; Lak. 2.19 Jo ame nwaŋ abeo akato oyete, kun oyeŋo wigi, ame okobo ni, “Aaa! Yin ame iketo ot Obaŋa, ite gero i nino adek, 30larre keni, iya i kom yat oko!” 31Anaka olamdog adoŋo daŋ oŋale amannono kengi kengi karacel kede opwonycik, kun okobo ni, “Yam laro jo ocele, mom twero larre kene. 32Wek Kricito, Abaka Icrael, koŋ yitto piny, ya i kom yataria amanni, me wan onen ote ye,” Anaka jo ame ogure karacel kede daŋ ocae amannono.
Yecu oto
(Nen daŋ Matayo 27.45-56; Luka 23.44-49; Lakana 19.28-30)
33A doŋ caa oromo abicel, piny te doko col i wi lobo luŋ, tuno anaka i caa aboŋwen. 34#Jab. 22.1Caa aboŋwen Yecu oredo kede dwon aloŋo ni, “Eloi, Eloi, lama cabaktani?” ame te koppere ni, “Obaŋana, Obaŋana, iweka piŋo?” 35Jo mogo ame Ocuŋ kuno, ka gin owinyo, ote kobo ni, “Winy wunu, alwoŋo Elia.” 36#Jab. 69.21Dano acel oriŋo, oluto abwaŋarot i vino awac, orwako i wi tir, te miye ni jwi, kun kobo ni, “Weku koŋ onen ka Elia abino me kwanye oko i kom yat.” 37Yecu oredo kede dwon aloŋo, te to oko. 38#Yaa 26.31-33Eka boŋo icika me ot Obaŋa te yec oko dul aryo, ocakere i malo, odwogo kede piny. 39Adwoŋ me cirikale, ame onwoŋo ocuŋ kuno i nyime, ka oneno kit ame oto kede, te kobo ni, “Dano man kara atin Obaŋa ateni!”
40 #
Luk. 8.2-3
Onwoŋo tye monnogo daŋ ame obedo ka nene i teŋe; i akinagi onwoŋo tye Maliam me Magdala, Maliam tota a Yucepu atidi kede Yoce, kede Calume. 41Ka yam en tye i Galilaya gin olube, dok okonye; dok daŋ tye mon ocele apol ame obino kede i Jerucalem.
Yiko kom Yecu i lyel
(Nen daŋ Matayo 27.57-61; Luka 23.50-56; Lakana 19.38-42)
42Onwoŋo ceŋ nino me Yikere, en nino ame ceŋ me cabit Ojudaya lubo. A doŋ piny oyuto. 43Yucepu me Arimataya te bino; en amemba me okiko ame opwoo, en daŋ ikome yam kuro loc Obaŋa. Odio cunye, odonyo baŋ Pilato, okwao kom Yecu. 44Pilato owuro, ka ce en doŋ oto oko; olwoŋo adwoŋ me cirikale, openye ka onyo doŋ oto. 45A doŋ oniaŋ pire i baŋ adwoŋ me cirikale, en te ye me miyo kome baŋe. 46Yucepu te wilo cuka camanini, ogweto kome i kom yat, te boyo kede cuka camanini, te pyele iyi Iyel ame oboro abora i lela, oloro kidi, ogacakino i dog lyel. 47Maliam me Magdala kede Maliam tota a Yoce gin oneno kan ame oyike iye.
Currently Selected:
Marako 15: La79
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.
Marako 15
15
Yecu i nyim Pilato
(Nen daŋ Matayo 27.1-2, 11-14; Luka 23.1-5; Lakana 18.28-38)
1Oyotoyot ka piny oru, olamdog adoŋo oporo kop karacel kede odoŋe kede opwony-cik kede okiko luŋ. Gin otweo Yecu, otere, ote miye baŋ Pilato. 2Pilato te penye ni, “Yin abaka Ojudaya?” Ogamo doge ni, “Yin ikobo giri.” 3Olamdog adoŋo odote kede kop apol. 4Pilato te penye ni, “Mom koŋ idok i kopporo? Nen kop apol ame odoti kede-ni.” 5Yecu mom omedde i gamo kopporo, omio Pilato owuro.
Oŋolli Yecu kop me to
(Nen daŋ Matayo 27.15-26; Luka 23.13-15; Lakana 18.39–19.16)
6I kare me ecuban, Pilato yam gonnyigi abuccoro acel a jo okwao pire. 7Onwoŋo cen tye lo moro i buc nyiŋe Baraba, ame otweo karacel kede jo otubo lwak; en onwoŋo oneko dano i tubere-nono. 8Eka lwak te bino, te cako kwayo Pilato ni timmigi acalo yam etio. 9Pilato te penyogi ni, “Imito wunu ni agonnyiwu abaka Ojudaya?” 10En onwoŋo oŋeo aber ni olamdog adoŋo omio Yecu baŋe pi nyeko. 11Olamdog adoŋo te cupo lwak ni twara gonnyigi Baraba. 12Pilato dok te penyo lwak ni, “Kara dano ame ilwoŋo wunu ni abaka Ojudaya abino timo nadi?” 13Gin dok oredo ni, “Gure i kom yataria!” 14Pilato openyogi ni “Kara piŋo? Gin aŋo arac ame otimo?” Ento gin omedde i redo ni, “Gure i kom yataria!” 15Pilato omito ni ekwe cuny lwak, omio ogonnyigi Baraba. Opwodo Yecu kede del, te miye me agura i kom yataria.
Cirikale oŋalo Yecu
(Nen daŋ Matayo 27.27-31; Lakana 19.2-3)
16Cirikale otere iyi ot aloc, en Praitorion, ote lwoŋo eryoŋet megi ducu karacel. 17Oruke kede boŋo amaramar, ote kado tok kwogo abaka me okuto, orwako i wie, 18ote cako mote ni, “Oreme ba, Abaka Ojudaya!” 19Ojwato wie kede ogada, opato lao i kome, ote rumo coŋgi ni, me wore. 20A doŋ otyeko ŋale, ote doŋ gonyo boŋo amaramar i kome oko, ote ruke kede boŋŋi mere ikome, ote tere wot gure i kom yataria.
Oguro Yecu i kom yataria
(Nen daŋ Matayo 27.32-44; Luka 23.26-43; Lakana 19.17-27)
21 #
Rom. 16.13
Gin te diyo dano moro ame onwoŋo akato akata i yo me ye yataria mere; onwoŋo abino kun oya i myere, nyiŋe Cimon me Kurene, papa Alegejanda gin kede Rupo. 22Otero Yecu i kabedo ame olwoŋo Golgota, ame te koppere ni, kabedo me Cogo Wic. 23Ote miye vino ame orubo iye yat murra; ento en pe omato. 24#Jab. 22.18Eka doŋ ote gure i kom yataria, daŋ ote poko boŋŋi mere oko i akinagi, kun obolo iye kwir me nwoŋo dano a bino tero ginnoro-ni. 25Ame ogure i kom yataria, onwoŋo caa doŋ oromo adek. 26I waraga ame nyuto kop ame opide pire ocoo ni, “Abaka Ojudaya.” 27Ogure karacel kede oyakkogo, dano acel i laŋete tuŋ cem, acel tuŋ cam. [28#Ica. 53.12Omio coc a yam ocoo ocobere kakare, ame kobo ni, “Okwane i kin obalo.”]
29 #
Jab. 22.7; 109.25; Mar. 14.58; Lak. 2.19 Jo ame nwaŋ abeo akato oyete, kun oyeŋo wigi, ame okobo ni, “Aaa! Yin ame iketo ot Obaŋa, ite gero i nino adek, 30larre keni, iya i kom yat oko!” 31Anaka olamdog adoŋo daŋ oŋale amannono kengi kengi karacel kede opwonycik, kun okobo ni, “Yam laro jo ocele, mom twero larre kene. 32Wek Kricito, Abaka Icrael, koŋ yitto piny, ya i kom yataria amanni, me wan onen ote ye,” Anaka jo ame ogure karacel kede daŋ ocae amannono.
Yecu oto
(Nen daŋ Matayo 27.45-56; Luka 23.44-49; Lakana 19.28-30)
33A doŋ caa oromo abicel, piny te doko col i wi lobo luŋ, tuno anaka i caa aboŋwen. 34#Jab. 22.1Caa aboŋwen Yecu oredo kede dwon aloŋo ni, “Eloi, Eloi, lama cabaktani?” ame te koppere ni, “Obaŋana, Obaŋana, iweka piŋo?” 35Jo mogo ame Ocuŋ kuno, ka gin owinyo, ote kobo ni, “Winy wunu, alwoŋo Elia.” 36#Jab. 69.21Dano acel oriŋo, oluto abwaŋarot i vino awac, orwako i wi tir, te miye ni jwi, kun kobo ni, “Weku koŋ onen ka Elia abino me kwanye oko i kom yat.” 37Yecu oredo kede dwon aloŋo, te to oko. 38#Yaa 26.31-33Eka boŋo icika me ot Obaŋa te yec oko dul aryo, ocakere i malo, odwogo kede piny. 39Adwoŋ me cirikale, ame onwoŋo ocuŋ kuno i nyime, ka oneno kit ame oto kede, te kobo ni, “Dano man kara atin Obaŋa ateni!”
40 #
Luk. 8.2-3
Onwoŋo tye monnogo daŋ ame obedo ka nene i teŋe; i akinagi onwoŋo tye Maliam me Magdala, Maliam tota a Yucepu atidi kede Yoce, kede Calume. 41Ka yam en tye i Galilaya gin olube, dok okonye; dok daŋ tye mon ocele apol ame obino kede i Jerucalem.
Yiko kom Yecu i lyel
(Nen daŋ Matayo 27.57-61; Luka 23.50-56; Lakana 19.38-42)
42Onwoŋo ceŋ nino me Yikere, en nino ame ceŋ me cabit Ojudaya lubo. A doŋ piny oyuto. 43Yucepu me Arimataya te bino; en amemba me okiko ame opwoo, en daŋ ikome yam kuro loc Obaŋa. Odio cunye, odonyo baŋ Pilato, okwao kom Yecu. 44Pilato owuro, ka ce en doŋ oto oko; olwoŋo adwoŋ me cirikale, openye ka onyo doŋ oto. 45A doŋ oniaŋ pire i baŋ adwoŋ me cirikale, en te ye me miyo kome baŋe. 46Yucepu te wilo cuka camanini, ogweto kome i kom yat, te boyo kede cuka camanini, te pyele iyi Iyel ame oboro abora i lela, oloro kidi, ogacakino i dog lyel. 47Maliam me Magdala kede Maliam tota a Yoce gin oneno kan ame oyike iye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lango New Testament © Bible Society of Uganda, 1979.