1 Samuel L 7
7
1Ne ɔso Kiriat-Yearim marɛrɛ̃ ɔba maasu Bosate ndamu aɖaka. Masu wã makɛlɛgu Abinadab iyo i kabemi iso. Ne masekelera ɔ̃ ɔbi Eleazar si ɔnyɔ Bosate ndamu aɖaka iso.
Samuel Ɔkpese Israel Kaɖe Kɔdze
2Ndamu aɖaka ɔwe i Kiriat-Yearim akɔ gbodzoo, ɔwi ɔɖuɖu ɔɖe akɔ sinyɔ. I akɔ wagbe ame ne, Israel mabi ɔɖuɖu ɔla maɔbiɛ maɔkpere Bosate. 3Ne Samuel ɔɣere Israel kaɖe ɔɖuɖu sɔ, "Si mito mifiriki misiai Bosate ku mi ɔtu ɔɖuɖu ne, iyɔ ikote sɔ miaɖi nɖebi mama aɣɔ igbã biara i mi ndɛ̃. Minyua kuɣɔrɔ̃go Astarte arapɔa ana, si mitã mi ɔtu si ɔsia i Bosate iso. Misumu ɔ̃ ɔnɔwɛ̃saã, iyɔ ne ɔto ɔ̃aɖi mi ɔbɔrɛgu i ma Filistise nrɔɔ̃ ame." 4Ne ɔso Israel mabi ɔɖi Baal arapɔa gu kuɣɔrɔ̃go Astarte arapɔa i ma ndɛ̃ ne masumu Bosate ɔnɔwɛ̃ ne.
5Ne Samuel ɔtã Israel kaɖe ɔɖuɖu silɔ sɔ, "Isreal kaɖe, miba miasikanya i Mizpa si lokparamakayi lopɛ Bosate nrɔɔ̃ i mi iti." 6Ɔwi wɔ maɔsakanya i Mizpa ne, maka ndu ne mafere i karɔ̃ matã Bosate. Ikpɛnɛ nɛmɔ ne manyikanya ne maɖi ma akpi maɣɛ sɔ, "Bobara ikpi i Bosate iso." Samuel ɔɖe kaɖe kɔdze ɔtã Israel i Mizpa.
7Ɔwi wɔ i ma Filistise ɔnɔ sɔ Israel mabi ɔɔsikanya i Mizpa ne, ma Filistise maɖeisoi ɔtsɛ kakpã ita i ma iso. Gɔ Israel mabi ɔnɔ itɔ̃me nɛgbe ne, manigã gbaã ala ma Filistise ɔso. 8Maɣere Samuel sɔ, "Daanyua kayiikparama itã Bosate, bo Ɣaa, i bo iti, si ɔɖi bo ɔbɔrɛgu i ma Filistise nrɔɔ̃ ame." 9Ne Samuel ɔsu sɛrɛrerɔ̃ kosoi ɔbara araifɛ̃ isɔrɛ ɔtã Bosate. Ɔkparamakayi ɔpɛ nrɔɔ̃ ɔtã Bosate i Israel kaɖe iti, ne Bosate ɔkã wũ atsue ne.
10Gɔ Samuel to ɔbara araifɛ̃ isɔrɛ ne, ma Filistise ɔta mato maba i Israel mabi iso si makpɛ̃gu ma kakpã. Ɣɛɛ ikpɛnɛ nɛmɔ ne, Bosate ɔɖu kadoiɖu teteree ɔpia ma Filistise, ɔtã manigã gbaã ne Israel mabi ɔɖe ma iso ne. 11Ne Israel mabi ɔbɔrɛ ku siwa i Mizpa matere masiai ma Filistise, mato maɖoe ma i ɔri iso gbɔgbɔɔgbɔ mabo Bet-Kar karɔ̃isɛkɔ̃.
12Ne Samuel ɔsu ita ne ɔkarã ne i Mizpa gu Sen ndɛ̃. Ne ɔtã ne iyere sɔ "Ebenezer" ɔɣɛ sɔ, "Ngbe i Bosate ɔɔbuai bo ɔsɛ ɔ̃abo ne." 13Ne ɔso maɖe ma Filistise iso gɔ itã sɔ maisita sɔ maata mabo i Israel karɔ̃ ame ana. Ayi kumɛgɔ i Samuel ɔwe ngbã ne, Bosate ɔsu ɔ̃ ɔle ɔta ɔya i Filistise iso. 14Bosate ɔkpesera simagɛ̃ ɔɖuɖu dzɛ ma Filistise ɔfɔ i Israel mabi kɔrɛ ita i Ekron isɛ iabo Gat ɔtã Israel maturi. Ne Israel ɔɖi magbamikui karɔ̃ i ma Filistise ɔle kayirinɔ. Ne isobuɛ ɔwe i Israel mabi gu ma Amorise ndɛ̃.
15Samuel ɔkɛlɛgu Israel kaɖe ikɔ i ɔ̃ agbanayi tsɔra ɔɖuɖu ame. 16Ikɔ biara ne, Samuel ɔsɛ ɔki ɔlɔ ita i Betel, Gilgal gu Mizpa simagɛ̃ ame fiɛ ɔɣɛ atɔ̃me ɔtã Israel mabi i mmɔ ɔɖuɖu. 17Ɣɛɛ ɔwi biara ɔsɛ ɔkpese ɔkɛlɛ Rama, ngbegɔ i ɔ̃ iyo ɔwe, mmɔ ana ɔɣɛ Israel mabi atɔ̃me. Ɔpɛ isɔrɛkasege i mmɔ ɔtã Bosate.
Currently Selected:
1 Samuel L 7: AKP
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation
1 Samuel L 7
7
1Ne ɔso Kiriat-Yearim marɛrɛ̃ ɔba maasu Bosate ndamu aɖaka. Masu wã makɛlɛgu Abinadab iyo i kabemi iso. Ne masekelera ɔ̃ ɔbi Eleazar si ɔnyɔ Bosate ndamu aɖaka iso.
Samuel Ɔkpese Israel Kaɖe Kɔdze
2Ndamu aɖaka ɔwe i Kiriat-Yearim akɔ gbodzoo, ɔwi ɔɖuɖu ɔɖe akɔ sinyɔ. I akɔ wagbe ame ne, Israel mabi ɔɖuɖu ɔla maɔbiɛ maɔkpere Bosate. 3Ne Samuel ɔɣere Israel kaɖe ɔɖuɖu sɔ, "Si mito mifiriki misiai Bosate ku mi ɔtu ɔɖuɖu ne, iyɔ ikote sɔ miaɖi nɖebi mama aɣɔ igbã biara i mi ndɛ̃. Minyua kuɣɔrɔ̃go Astarte arapɔa ana, si mitã mi ɔtu si ɔsia i Bosate iso. Misumu ɔ̃ ɔnɔwɛ̃saã, iyɔ ne ɔto ɔ̃aɖi mi ɔbɔrɛgu i ma Filistise nrɔɔ̃ ame." 4Ne ɔso Israel mabi ɔɖi Baal arapɔa gu kuɣɔrɔ̃go Astarte arapɔa i ma ndɛ̃ ne masumu Bosate ɔnɔwɛ̃ ne.
5Ne Samuel ɔtã Israel kaɖe ɔɖuɖu silɔ sɔ, "Isreal kaɖe, miba miasikanya i Mizpa si lokparamakayi lopɛ Bosate nrɔɔ̃ i mi iti." 6Ɔwi wɔ maɔsakanya i Mizpa ne, maka ndu ne mafere i karɔ̃ matã Bosate. Ikpɛnɛ nɛmɔ ne manyikanya ne maɖi ma akpi maɣɛ sɔ, "Bobara ikpi i Bosate iso." Samuel ɔɖe kaɖe kɔdze ɔtã Israel i Mizpa.
7Ɔwi wɔ i ma Filistise ɔnɔ sɔ Israel mabi ɔɔsikanya i Mizpa ne, ma Filistise maɖeisoi ɔtsɛ kakpã ita i ma iso. Gɔ Israel mabi ɔnɔ itɔ̃me nɛgbe ne, manigã gbaã ala ma Filistise ɔso. 8Maɣere Samuel sɔ, "Daanyua kayiikparama itã Bosate, bo Ɣaa, i bo iti, si ɔɖi bo ɔbɔrɛgu i ma Filistise nrɔɔ̃ ame." 9Ne Samuel ɔsu sɛrɛrerɔ̃ kosoi ɔbara araifɛ̃ isɔrɛ ɔtã Bosate. Ɔkparamakayi ɔpɛ nrɔɔ̃ ɔtã Bosate i Israel kaɖe iti, ne Bosate ɔkã wũ atsue ne.
10Gɔ Samuel to ɔbara araifɛ̃ isɔrɛ ne, ma Filistise ɔta mato maba i Israel mabi iso si makpɛ̃gu ma kakpã. Ɣɛɛ ikpɛnɛ nɛmɔ ne, Bosate ɔɖu kadoiɖu teteree ɔpia ma Filistise, ɔtã manigã gbaã ne Israel mabi ɔɖe ma iso ne. 11Ne Israel mabi ɔbɔrɛ ku siwa i Mizpa matere masiai ma Filistise, mato maɖoe ma i ɔri iso gbɔgbɔɔgbɔ mabo Bet-Kar karɔ̃isɛkɔ̃.
12Ne Samuel ɔsu ita ne ɔkarã ne i Mizpa gu Sen ndɛ̃. Ne ɔtã ne iyere sɔ "Ebenezer" ɔɣɛ sɔ, "Ngbe i Bosate ɔɔbuai bo ɔsɛ ɔ̃abo ne." 13Ne ɔso maɖe ma Filistise iso gɔ itã sɔ maisita sɔ maata mabo i Israel karɔ̃ ame ana. Ayi kumɛgɔ i Samuel ɔwe ngbã ne, Bosate ɔsu ɔ̃ ɔle ɔta ɔya i Filistise iso. 14Bosate ɔkpesera simagɛ̃ ɔɖuɖu dzɛ ma Filistise ɔfɔ i Israel mabi kɔrɛ ita i Ekron isɛ iabo Gat ɔtã Israel maturi. Ne Israel ɔɖi magbamikui karɔ̃ i ma Filistise ɔle kayirinɔ. Ne isobuɛ ɔwe i Israel mabi gu ma Amorise ndɛ̃.
15Samuel ɔkɛlɛgu Israel kaɖe ikɔ i ɔ̃ agbanayi tsɔra ɔɖuɖu ame. 16Ikɔ biara ne, Samuel ɔsɛ ɔki ɔlɔ ita i Betel, Gilgal gu Mizpa simagɛ̃ ame fiɛ ɔɣɛ atɔ̃me ɔtã Israel mabi i mmɔ ɔɖuɖu. 17Ɣɛɛ ɔwi biara ɔsɛ ɔkpese ɔkɛlɛ Rama, ngbegɔ i ɔ̃ iyo ɔwe, mmɔ ana ɔɣɛ Israel mabi atɔ̃me. Ɔpɛ isɔrɛkasege i mmɔ ɔtã Bosate.
2026 Ghana Institute of Linguistics, Literacy and Bible Translation