1 Samuel L ATƆ̃MEƉEAKATƆ̃
ATƆ̃MEƉEAKATƆ̃
Samuel Ɔko Ɖeakatɔ̃ ɔɖeika i kaɖe makɔdze ɔwi kawirikɔ̃ gu sigaraiɖe karɔ̃ isɛ i Israel kaɖe ame iso. Ara ifiriki wa loba i kaɖe ngbãsɛa ame ɔpɛgu maturi nyaa itɛ mawɛ̃. Maturi magbe loɖe Samuel, kaɖe makɔdze siare ɔtsɔra; Saul, Israel igara ɖeakatɔ̃ gu David, nwɔ sikpãrɛrɛĩ kurabarara ɔɖe katɔ̃ fiɛ ɔba ɔ̃akpese igara, ɔpia kanya i Samuel gu Saul ngbãsɛa atɔ̃me ame.
Ɔko ame atɔ̃medziri ɔkategu nwa mpia i Ndamu Kuere ara wa loɔba afe siko mama ame. Itɔ̃medziri nɖe sɔ, si ɔturi ɔɖe ɔnukuare ɔtã Ɣaa ne, ɔsɛ ɔna isaruɛ i ngbã ame, si ɔ̃ikã Ɣaa atsue ne, kukpakpi nsɛ kuba wũ iso. Nnɛgbe ɔɖiite i Bosate kanya ga ɔsese sɔrɛdze Eli i 2.30 ame sɔ, "Loawarɛ mma nsɛ mawarɛ me, mma nsɛ manyɔ me pupurii ne, mme wũ loanyɔ ma pupurii." (2.30)
Ɔko atɔ̃me ɔɖi kumɛgɔ i maturi adzuni ɔkpɔkpɔtɔ i sigaraiɖe karɔ̃ isɛ i Israel kaɖe ame iso ate. Mabu Bosate sɔ ɔ̃ kowũ nɖe Israel igara, ɣɛɛ maturi ɔla maɔbie igara mama. Ɣɛɛ lɛ kumɛgɔ i maturi ɔbie teteree fiɛ makarɛ ne, Bosate ɔbara i ma kuɖɔɛ iso ɔtã ma, ne ɔso ɔsɛ igara ɔtã ma. Ira nyaare nɛ mpia i kame loɖe sɔ, atoasɔ Bosate ɔsɛ igara ɔtã kaɖe kɔraa ne, igara gu kaɖe ɔɖuɖu ɔwe i Ɣaa sigaraiɖe kayirinɔ fiɛ Ɣaa ɔɖe ma tɔ̃meɣɛdze (2.7-10). Ɣaa mmara ɔse sɔ maturi ɔɖuɖu ɔwe kaɖekɔ̃ ga mamɔɛ̃ mala makate matã maranase gu mawɛrɛba pelepele.
Ɔko Iɣɛɣɛ
Samuel ɔɖe Israel kɔdze. 1.1-7.17
Saul ɔkpese igara 8.1-10.27
Saul Sigaraiɖe 11.1-15.35
David gu Saul 16.1-30.31
Saul gu ɔ̃ mabibirɛrɛĩ kukpi 31.1.13
Currently Selected:
1 Samuel L ATƆ̃MEƉEAKATƆ̃: AKP
Highlight
Copy
Compare
Share
Want to have your highlights saved across all your devices? Sign up or sign in
2026 Ghana Institute of Linguistics, Literacy and Bible Translation