Palamba’anna Pasuro’a I Yesus 1
1
1Jaji di’en kaduang kalina manulis buku’ku’, Teopiluse. Di buku’ yang mulakataan dinen, tutulanna i Yesus yang kutulisangen. Samuana ambata jalu dakarajaan, ambata gulungan pangajaranna, kututul kausa inang, dari mulakat karajana 2sampai mondok asona daangkatanga inait lo’a Surga kole’a Amana. Lk. 1:1-4.
Jaji di aso daangkatanga inait i Yesus dinen, darantangang jarum lo’a ambata gulungan palola’a, lo’da’ yang daile’iin itiang padari pasuro’a. Ilalam rantang jaruma dinen i Yesus dauluang kole’a Sumangat Bareseen. 3Jaji nanga nampina daangkatang dinen, maminnajo akaus parinsa’a i Yesus sampai daia mate laloang tio’ balik, dapaitang barik kalena lo’da’ ambata gulungan palola’a. Tabukti tapat tio’ balika dinen, mondok tauen na’an lagi’ dapat manyangkal. Ampat pulo’ asoon launna dinen paitanga kalena lo’da’. Mondok lola’ lo’da’ dinen sarata manjarumang lo’da’ soal Alatala nanga mangkama lo’ka’, padari Rajaka’. JD. 11:17.
4Jaji launna sarilao’a nanda’ dinen, darantangang jarum di’en, “Na daikin di’en barik, na’ankin pande anyap. Lalako’ poangkin di Yerusalem. Marungikin mondoka bayana Ama’ka’ yang maminenjo kujarumang lo’in. Lk. 24:49. 5I Yohanes mambaptisa lo’a tauen di’en, mambaptis nanna danumen, uka’ kenangjo. Poangsi daikin laan. Insa’ asoon poangpi ona’, daikin to’ dabaptiskin kole’a Alatala nanna Sumangat Bareseen, uka’ kenang memen lo’in. Jaji dinenla yang iarungiin ikin, baptisan nanna Sumangat Bareseen,” ingka kenang manjaruma i Yesus lo’da’. Mat. 3:11; Mk. 1:8; Lk. 3:16; Yoh. 1:33; 14:15-31.
I Yesus daangkatang inait lo’a Surga
6Jaji waktu nanga dinen, akombong barik i Yesus nanna pasuro’a. Mamin kombong, mangatoani ira lo’a, “Ai Paraampuane, awandi’enaka to’ ipasutanga iko banuaka’ dari panjaja Roma, ikam barik yang mangkamen banuaka’ awan di tataka arabaki’ka’jo?” ingka kenang mangatoanida’.
7Jaji dasauti bapi kole’a i Yesus, “O dinen na’ankin pande manamu. Urusanna Ama’ku’. Ia yang mamutusiin asona nanna waktuna nanga to’ mondoka bayana,” ingka kenang. 8“Yang pentingen bagi lo’in, ona’ di pamondoka Sumangat Bareseen lalako’en nannin, daikin to’ mandua’ang kuasakin. Laloang barik daikin to’ padari saksiku’kin,” ingka kenang. “To’ mawa jarumku’kin tulak di Yerusalem, mondok lo’a propinsi Yudea, mondok lo’a propinsi Samaria, sampai mondok lo’a maira tatak banuaan inyaunga galung suanen,” ingka kenang jaruma i Yesus darantangen nanda’. Mat. 28:19; Mk. 16:15; Lk. 24:47-48; 1Kor. 15:6. 9Maminna akaus jaruma awan dinen, laloang daangkatang barik inait di aroda’ samuana, sampai damumbuni barik lamba’a kole’a domen. Mk. 16:19; Lk. 24:50-51.
10Jaji akadengpi ira inang mamele unding-unding inait lo’a lamba’a i Yesus dinen, sadinga poang barik andianna tau akadeng inang. Andian babaka duaan nanna kain ute’-ute’a. 11Jaji manjarum lo’da’, “Ne ikin tau Galileaan,” ingka kenang, “maikin tumbas mameleen inait? I Yesus dinen yang daangkatangen inait lo’a Surga, awan dinen bua ona’ tabalika lo’a di’en. Awan yang ikitaan ikin dinen,” ingka kenang manjaruma lo’da’.
Arung andian tau manyurangen lo’a i Yudas Iskariot
12Maminna dinen, ambata palola’a dinen mole’ dari ukit Saitunen dinen lo’a banua Yerusalem. Ukit dinen na’an bajao’ lo’a banua Yerusalem. Kira-kira sapalamba’an yang daparuarangen di aso Sabaten manurut agama Yahudiin.#1:12 Ira agama Yahudiin, na’an daparuarang lamba’ bajao’ di aso Sabaten. Jangka’a 800 meter lamba’da’ di aso Sabaten. 13Jaji mondok lo’a Yerusalem, mole’ ira lo’a sao yang dakosaniin dinen laloang inait lo’a kamar iboen. Yang inaiten dinen ari Petrus, ari Yohanes, ari Yakobus, ari Andreas, ari Pilipus, ari Tomas, ari Bartolomeus, ari Matius, ari Yakobus anaka i Alpeus. Andian bea ari Simon tau dari partai Patriot,#1:13 I Simon dinen kuat panatika. Nampina sidua’ nanna i Yesus daia kuat marungiin Tau Dabayaangen. Kole’a daasanang ti’ mamin mondok Tau Dabayaangen daia to’ mamasut lo’da’ dari panjaja’an Roma laloang mangkam awan Rajaan ibona tau Israelen. Na’an datamu kole’a Kristus arung mate jolo, baru’ ona’ di mondoka kaduang kaliin to’ mangkam awan rajaan. nanna ari Yudas anaka i Yakobus. Mat. 10:2-4; Mk. 3:16-19; Lk. 6:14-16. 14Jaji bakumpul lapoang saate inang nanna ambata gulungan babainyeen, nanna ari Maria induna i Yesus, sarata ambata arina babakaan. Sama bado’a ira inang.
15Jaji babangkulung ira inang, bayu’. Andian mo’i saratus dua pulo’ ambatda’ tau parasaya’en yang babangkulungen. Jaji akadeng barik i Petrus di arona tauen laloang manjarum, 16“Na manjarumak lo’in arasairunku’ saimanen, manjarumang bayana Alatala yang dajarumangen kole’a Sumangat Bareseen malaloi arabaki’ka’ Raja Daudjo. Dinen tapaksa adari di’en. Kole’a darantanga memen bayana manjarumang soala tau mate i Yudas dinen yang mauluangen lo’da’ tau maningkamen lo’a i Yesus. 17Kole’a i Yudasajo dinen tau nanka’ bua. Mamin daile’i itiang karaja sama nanka’,” ingka kenang.
18-19“Jaji ambata tau banua Yerusalem manamu kausa lo’a soala i Yudas, tau manduangen lo’a i Yesus lo’a musuna dinen mainto’ dakule’a datingkam. Duit dadua’angen dari basa kajau’anna dinen dala pamali tana’ rabarik. Inang lalo alao’a i Yudas dinen. Atatas batanga sampai maruar inang paruta. Ialalo barik daasan tana’ dinen Hakal-Dama kole’a tauen. Ratina ilalam jarumda’ dinen, Tana’ Dara’.” Mat. 26:14-16; 27:3-8.
20Jaji manjarum, “Kole’a lo’a matena i Yudas dinen andian jarum datulisangen kole’a baki’ Daud ilalam buku’ Masmur dinen,
Arung ateeng barik kosanna. Na’an pande dalalako’i tau,
ingka kenang ilalam Jaruma Alatala. Msm. 69:26. Mamin dinen andian bapi datulisangen,
Tugasa dinen arung dala tau,
ingka kenang. Msm. 109:8. 21-22Ialalo barik arung isari panyuranga itiang padari panyaksi lo’a tio’ balika i Yesus. Jaji yang idile’iin dinen arung tau yang sarilao’en nannam launna andianna Paraampuanka’ Yesus nanka’. Arung tau andianen tamba nanka’ dari mulakata i Yohanes Pambaptis mambaptis tauna mondok lo’a asona Paraampuanka’ marantang lo’ka’ daangkatang inait. Jangka’a dinen jarumku’ lo’in,” ingka kenang manjaruma i Petrus lo’da’ yang babangkulungen. Mat. 3:16; Mk. 1:9; 16:19; Lk. 3:21; 24:51.
23Jaji maminna dinen ira maile’i tau. Yang daile’iin barik dua mantuariin. Yang seraan dinen i Yusup asanna. I Yusup dinen andian bapi asanna, i Barsabas atau i Yustus. Tau daile’iin yang kaduaan, i Matias asanna. 24Jaji maminna daile’i ira duaan, bado’a barik samuana inang, “O Paraampuane,” ingka kenang, “ate tauen mamin akaus itamu iko. Mamita tujuankam lo’u. Inde antarana ira duaan yang idile’iin iko 25itiang mala tugas pasuro’u, yang pandeen mala tugas darantangen kole’a tumate i Yudas yang mole’en lo’ kosan patuten itiang lo’a?” ingka kenang bado’ada’. 26Jaji maminna dado’aang kole’da’, dasabut undi kole’da’ rabarik. Jaji yang dadua’en sabut undina dinen, i Matias. Dinen rabarik yang daangkatang datiang tamba nanda’ sabelasen padari pasuro’a i Yesus.
Currently Selected:
Palamba’anna Pasuro’a I Yesus 1: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Palamba’anna Pasuro’a I Yesus 1
1
1Jaji di’en kaduang kalina manulis buku’ku’, Teopiluse. Di buku’ yang mulakataan dinen, tutulanna i Yesus yang kutulisangen. Samuana ambata jalu dakarajaan, ambata gulungan pangajaranna, kututul kausa inang, dari mulakat karajana 2sampai mondok asona daangkatanga inait lo’a Surga kole’a Amana. Lk. 1:1-4.
Jaji di aso daangkatanga inait i Yesus dinen, darantangang jarum lo’a ambata gulungan palola’a, lo’da’ yang daile’iin itiang padari pasuro’a. Ilalam rantang jaruma dinen i Yesus dauluang kole’a Sumangat Bareseen. 3Jaji nanga nampina daangkatang dinen, maminnajo akaus parinsa’a i Yesus sampai daia mate laloang tio’ balik, dapaitang barik kalena lo’da’ ambata gulungan palola’a. Tabukti tapat tio’ balika dinen, mondok tauen na’an lagi’ dapat manyangkal. Ampat pulo’ asoon launna dinen paitanga kalena lo’da’. Mondok lola’ lo’da’ dinen sarata manjarumang lo’da’ soal Alatala nanga mangkama lo’ka’, padari Rajaka’. JD. 11:17.
4Jaji launna sarilao’a nanda’ dinen, darantangang jarum di’en, “Na daikin di’en barik, na’ankin pande anyap. Lalako’ poangkin di Yerusalem. Marungikin mondoka bayana Ama’ka’ yang maminenjo kujarumang lo’in. Lk. 24:49. 5I Yohanes mambaptisa lo’a tauen di’en, mambaptis nanna danumen, uka’ kenangjo. Poangsi daikin laan. Insa’ asoon poangpi ona’, daikin to’ dabaptiskin kole’a Alatala nanna Sumangat Bareseen, uka’ kenang memen lo’in. Jaji dinenla yang iarungiin ikin, baptisan nanna Sumangat Bareseen,” ingka kenang manjaruma i Yesus lo’da’. Mat. 3:11; Mk. 1:8; Lk. 3:16; Yoh. 1:33; 14:15-31.
I Yesus daangkatang inait lo’a Surga
6Jaji waktu nanga dinen, akombong barik i Yesus nanna pasuro’a. Mamin kombong, mangatoani ira lo’a, “Ai Paraampuane, awandi’enaka to’ ipasutanga iko banuaka’ dari panjaja Roma, ikam barik yang mangkamen banuaka’ awan di tataka arabaki’ka’jo?” ingka kenang mangatoanida’.
7Jaji dasauti bapi kole’a i Yesus, “O dinen na’ankin pande manamu. Urusanna Ama’ku’. Ia yang mamutusiin asona nanna waktuna nanga to’ mondoka bayana,” ingka kenang. 8“Yang pentingen bagi lo’in, ona’ di pamondoka Sumangat Bareseen lalako’en nannin, daikin to’ mandua’ang kuasakin. Laloang barik daikin to’ padari saksiku’kin,” ingka kenang. “To’ mawa jarumku’kin tulak di Yerusalem, mondok lo’a propinsi Yudea, mondok lo’a propinsi Samaria, sampai mondok lo’a maira tatak banuaan inyaunga galung suanen,” ingka kenang jaruma i Yesus darantangen nanda’. Mat. 28:19; Mk. 16:15; Lk. 24:47-48; 1Kor. 15:6. 9Maminna akaus jaruma awan dinen, laloang daangkatang barik inait di aroda’ samuana, sampai damumbuni barik lamba’a kole’a domen. Mk. 16:19; Lk. 24:50-51.
10Jaji akadengpi ira inang mamele unding-unding inait lo’a lamba’a i Yesus dinen, sadinga poang barik andianna tau akadeng inang. Andian babaka duaan nanna kain ute’-ute’a. 11Jaji manjarum lo’da’, “Ne ikin tau Galileaan,” ingka kenang, “maikin tumbas mameleen inait? I Yesus dinen yang daangkatangen inait lo’a Surga, awan dinen bua ona’ tabalika lo’a di’en. Awan yang ikitaan ikin dinen,” ingka kenang manjaruma lo’da’.
Arung andian tau manyurangen lo’a i Yudas Iskariot
12Maminna dinen, ambata palola’a dinen mole’ dari ukit Saitunen dinen lo’a banua Yerusalem. Ukit dinen na’an bajao’ lo’a banua Yerusalem. Kira-kira sapalamba’an yang daparuarangen di aso Sabaten manurut agama Yahudiin.#1:12 Ira agama Yahudiin, na’an daparuarang lamba’ bajao’ di aso Sabaten. Jangka’a 800 meter lamba’da’ di aso Sabaten. 13Jaji mondok lo’a Yerusalem, mole’ ira lo’a sao yang dakosaniin dinen laloang inait lo’a kamar iboen. Yang inaiten dinen ari Petrus, ari Yohanes, ari Yakobus, ari Andreas, ari Pilipus, ari Tomas, ari Bartolomeus, ari Matius, ari Yakobus anaka i Alpeus. Andian bea ari Simon tau dari partai Patriot,#1:13 I Simon dinen kuat panatika. Nampina sidua’ nanna i Yesus daia kuat marungiin Tau Dabayaangen. Kole’a daasanang ti’ mamin mondok Tau Dabayaangen daia to’ mamasut lo’da’ dari panjaja’an Roma laloang mangkam awan Rajaan ibona tau Israelen. Na’an datamu kole’a Kristus arung mate jolo, baru’ ona’ di mondoka kaduang kaliin to’ mangkam awan rajaan. nanna ari Yudas anaka i Yakobus. Mat. 10:2-4; Mk. 3:16-19; Lk. 6:14-16. 14Jaji bakumpul lapoang saate inang nanna ambata gulungan babainyeen, nanna ari Maria induna i Yesus, sarata ambata arina babakaan. Sama bado’a ira inang.
15Jaji babangkulung ira inang, bayu’. Andian mo’i saratus dua pulo’ ambatda’ tau parasaya’en yang babangkulungen. Jaji akadeng barik i Petrus di arona tauen laloang manjarum, 16“Na manjarumak lo’in arasairunku’ saimanen, manjarumang bayana Alatala yang dajarumangen kole’a Sumangat Bareseen malaloi arabaki’ka’ Raja Daudjo. Dinen tapaksa adari di’en. Kole’a darantanga memen bayana manjarumang soala tau mate i Yudas dinen yang mauluangen lo’da’ tau maningkamen lo’a i Yesus. 17Kole’a i Yudasajo dinen tau nanka’ bua. Mamin daile’i itiang karaja sama nanka’,” ingka kenang.
18-19“Jaji ambata tau banua Yerusalem manamu kausa lo’a soala i Yudas, tau manduangen lo’a i Yesus lo’a musuna dinen mainto’ dakule’a datingkam. Duit dadua’angen dari basa kajau’anna dinen dala pamali tana’ rabarik. Inang lalo alao’a i Yudas dinen. Atatas batanga sampai maruar inang paruta. Ialalo barik daasan tana’ dinen Hakal-Dama kole’a tauen. Ratina ilalam jarumda’ dinen, Tana’ Dara’.” Mat. 26:14-16; 27:3-8.
20Jaji manjarum, “Kole’a lo’a matena i Yudas dinen andian jarum datulisangen kole’a baki’ Daud ilalam buku’ Masmur dinen,
Arung ateeng barik kosanna. Na’an pande dalalako’i tau,
ingka kenang ilalam Jaruma Alatala. Msm. 69:26. Mamin dinen andian bapi datulisangen,
Tugasa dinen arung dala tau,
ingka kenang. Msm. 109:8. 21-22Ialalo barik arung isari panyuranga itiang padari panyaksi lo’a tio’ balika i Yesus. Jaji yang idile’iin dinen arung tau yang sarilao’en nannam launna andianna Paraampuanka’ Yesus nanka’. Arung tau andianen tamba nanka’ dari mulakata i Yohanes Pambaptis mambaptis tauna mondok lo’a asona Paraampuanka’ marantang lo’ka’ daangkatang inait. Jangka’a dinen jarumku’ lo’in,” ingka kenang manjaruma i Petrus lo’da’ yang babangkulungen. Mat. 3:16; Mk. 1:9; 16:19; Lk. 3:21; 24:51.
23Jaji maminna dinen ira maile’i tau. Yang daile’iin barik dua mantuariin. Yang seraan dinen i Yusup asanna. I Yusup dinen andian bapi asanna, i Barsabas atau i Yustus. Tau daile’iin yang kaduaan, i Matias asanna. 24Jaji maminna daile’i ira duaan, bado’a barik samuana inang, “O Paraampuane,” ingka kenang, “ate tauen mamin akaus itamu iko. Mamita tujuankam lo’u. Inde antarana ira duaan yang idile’iin iko 25itiang mala tugas pasuro’u, yang pandeen mala tugas darantangen kole’a tumate i Yudas yang mole’en lo’ kosan patuten itiang lo’a?” ingka kenang bado’ada’. 26Jaji maminna dado’aang kole’da’, dasabut undi kole’da’ rabarik. Jaji yang dadua’en sabut undina dinen, i Matias. Dinen rabarik yang daangkatang datiang tamba nanda’ sabelasen padari pasuro’a i Yesus.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997