Palamba’anna Pasuro’a I Yesus 2
2
Pamondoka Sumangat Bareseen#2:1 Akat jarum pasal 2 - Dispensasi ke-6 Gereja/Anugerah Allah
1Jaji maminna dinen, mondok barik aso maramiang Pentakostaan, babangkulung kausa di sao seraan.#2:1 Lima pulo’ aso maminna aso Palaloien baru’ daramiang aso Pentakosta. Bele Pal. 23:19. Di aso Pentakosta daawa lo’a saona Alatala pameangda’ lo’a Alatala ambata bua’ bungasa dari tanamanna nanna umaan itiang tanda asela samuana. Im. 23:15-21; Ul. 16:9-11; Rm. 8:9b. 2Maminna kombong dinen, sadinga poang barik mondok unyi dari suanen. Balu’ unyi sariut balasaan dadalingana kole’da’. Apano’ saoen kole’a unyi sariuten dinen. 3Laloang andian jalu dakitaan kole’da’ balu’ dale’ api manyalangen. Malila’-lila’ dinen dale’ apiin. Tambor lo’din, tambor lo’din manando’i lo’a mantuarida’ sera-serana. 4Jaji barik maminna datando’i, samuana dakuasai kole’a Sumangat Bareseen. Laloang mulai barik manjarum ira pakai jarum baruun, yang okanen jarum diri’a. Ai poang dasuro’angen kole’a Sumangat Bareseen lo’da’, dinen lalo jarum yang dajarumangen kole’da’.
5Jaji waktu nanga dinen, bayu’ tau manamoeen di banua Yerusalem, ambata tau Yahudiin yang paduliin tapat lo’a Alatala. Andian maira tatak banuaan inyaunga galung suanen yang mondoken to’ marami aso Pentakosta. 6Jaji maminna mondok unyi sariuten dinen, pambar kausa lo’a kosan dinen. Mondok lo’a dinen tatakau tauen mandalingana lo’da’ manjarumen. Kole’a mandalingana lo’da’, jarum banua diri’a yang daawaan. 7Jaji tatakau barik, heran. “Bo! Asi kenanga ira dinen? Kusanang tau Galilea yang manjarumen dinen. Okan banuaka’. 8Datamu kakaru’ ambata jarumka’! Idalinga iki’ sera-seraka’ dalam jarum diri’ka’,” ingka kenang. 9“Kole’a iki’ mandalingaan silaan kausa jarumka’. Bayu’ baranaka’. Andian tau propinsi Partia, tau Media, tau Elan, tau Mesopotamia, tau propinsi Yudea, tau Kapadokia, tau Pontus, tau Asia, 10tau Pergia, tau Pampelia, tau Mesir, tau Libia yang maro lo’a banua Kirene. Kapi bayu’ baranaka’, samuaka’ mandalinga lo’da’ ilalam jarum diri’ka’. Andian urangka’ mondoken dari Roma. 11Andian tau Yahudi. Andian bea tau banua bokanen yang masoken lo’a agama Yahudi. Andian tau Kareta nanna tau Arab. Samuaka’ mandalinga lo’da’ mawa jarum dirika’ manjarumang ambata panyunyuanna Alatala yang palin baraa’en,” ingka kenang. 12Jaji raranga’ samuana, heran. “Ai te’ ratina?” ingka kenang sera lo’a seraan.
13Poangsi andian bea tauen sapa dua dinen mangangara’, “A, dinen kole’a mangalona uluna. Ialalo kenanga dinen jaruma,” ingka kenang sapa dua manjaruma.
Manjarum i Petrus lo’a tau babangkulungen
14Jaji maminna dinen akadeng barik i Petrus inang nanna ira sabelasen laloang manjarum lo’da’ nanna unyi baraana, “Jaji manjarumak lo’in ambata gulungan tau Yudeaan di’en nanna samuanin lalako’en di banua Yerusalem,” ingka kenang. “Taantalinganinjo lo’ku’. To’ kujarumang lo’in ratina jalu adariin di’en. 15Awan lalo jarumin, iasanenkam mangalo ulunam, dinen okan mangalo ulunam. Asi lo’a mangalona ulunam? Baru’ bua jam sumilan makapen,” ingka kenang.#2:15 Di adat tau Yahudiin, ti’ nampi talalo jam bado’a, kosan tau angkaan, kosan tau mainyum. 16“Ratina jalu idalingaan ikin di’en, mondoka lalo di’en bayana Alatala yang datulisangen kole’a baki’ Yoel panjaruma Alatalajo,
17 Di mainso’a di katuntunganna duniaan ona’, ingka kenang manjaruma Alatala, anak mantuariin to’ kuambori nanna Sumangatku’. Ambata araanakin babaka babainyeen to’ mawa jarumku’ rabarik. Gulungan anak bakasen to’ maita jalu kusuro’ paitang kalena lo’da’. Ambata gulungan tamatoa babakaan ona’, to’ mamui. 18Ambata gulungan suro’anku’pi dinen babaka, babainyeen, samuana ona’ mandua’ang Sumangatku’ laloang to’ mawa jarumku’ lo’a tauen.
19 Kenang bea di suanen nanna tana’en, bayu’ ona’ tanda jalu laan-laanen kupaitangen lo’in. Andian ona’ dara’, andian api, andian rimbuun. 20Matasoon ona’ to’ padari araun. Bulanen to’ padari dadara’ rabarik. Kenang tandana ona’ nampina mondok aso baraa’en dinen, aso laan-laanen, asona Paraampuanka’. JD. 6:12-14.
21 Jaji waktu nanga dinen ona’, intain tau mangalongen lo’a asanna Paraampuanen, ia ona’ yang dakatio’en dari ukum dosaan, Yl. 2:28-32.
ingka kenangjo manjaruma baki’ Yoel.
22“Na, taantalinganin, arasairunku’kin urang Israelen. I Yesus tau Nasaret dinen, daia mamin datugas kole’a Alatala. Tabukti bua lo’ka’ kole’a ialalo yang datugasen. Ambata panyunyuana, ambata jalu laan-laanen, ambata tanda yang dapolaan kole’a Alatala di matanin malaloi i Yesus di tio’ajo, dinen lalo yang dala itiang pambukti tugasa. Mamin bea itamu ikin.
23“Na, waktu nanga iawana ikin i Yesus madap lo’a arona tau okanen Yahudiin dinen, ialalo daparuaranga dinen kole’a Alatala. Kaputusanna memen, ialalo panamuna. Iduno’ ikin nanga isuro’ panandapana lo’da’ yang na’anen malola’ani Ukuma baki’ Musa. Mat. 27:35; Mk. 15:24; Lk. 23:33; Yoh. 19:18. 24Poangsi maminna barik iduno’ ikin, dakatio’ balik antarana gulungan tau mateen. Dapalapas barik dari parinsa’ kamateanen dinen. Na’an lagi’ dapat tagurung inang. Mat. 28:5-6; Mk. 16:6; Lk. 24:5. 25-26Kole’a andian mamin bayana Alatala lo’a matena Kristus yang dajarumangen kole’a baki’ Raja Daud,
Sasau nyawaku’ kole’a andian lapoang kukitana Paraampuanku’ ijolona aroku’. Andian lapoang di biring katoku’ mainto’ na’anna akaru nyawaku’. Dinen lalo kukasuang nyawana. Jaji kapiaksi mate, tetap andian arapanku’. 27Kole’a Sumangatku’ di’en na’an ipalaloang inang di banuana tau mateen. Yang Tau dong-dongen malola’aniin panamunu, na’an ona’ iparuarang padari bauruk bangkayoanku’. 28Mamin ipayoang lo’ku’ dalan pangatio’en. Insang sasau ona’ nyawaku’ sarilao’en nannu,
ingka kenangjo jalu datulisangen kole’a baki’ Daud. Msm. 16:8-11.
29“Jaji terus-terangak lo’in arasairunku’en,” ingka kenang jaruma i Petrus lo’da’, “awan baki’ Dauden dinen, daia mamin mate. Mamin lalo dakubur. Ne, kubura di banuaka’ di’en mondok di aso di’en,” ingka kenang. 30“Jaji ratina jaruma dinen, baki’ Dauden dinen panjaruma Alatala. Datamu mamin bayana Alatala yang dajarumangen lo’a atas asanna diri’a. To’ andian ona’ kanturunanna yang daangkatangen padari raja awan bua ia, ingka kenang bayana. 2Sam. 7:12-13; Msm. 132:11. 31Jaji tio’ balika Kristus dinen dakita-kita kole’a baki’ Daud. Ialalo ratina jaruma dinen dajarumanga memen kanturunanna dinen. Na’an ingka to’ dapalaloang inang di banuana tau mateen, na’an ingka bangkayoanna to’ padari bauruk, ingka kenang manjaruma.
32“Jaji yang dajarumangen kole’a baki’ Daud dinen, yang dakenangiin, ialalo i Yesus dinen yang dakatio’ baliken kole’a Alatala. Ikam lalo di’en yang maitaan. 33Mamin daangkatang inait laloang aduduk tamba mangkam di biring katona Amana. Mamin daia manarima’ Sumangat Bareseen yang dabayaangen kole’a Amana laloang daamborang lo’ka’ rabarik di’en. Ialalo ratina jalu ikitaan ikin di’en, yang jalu idalingaan, saja karajana Sumangat Bareseen.
34“Na, baki’ Daudjo dinen, daia na’an inait lo’a Surga awan i Yesus dinen. Poangsi andian jaruma baki’ Daud diri’a manjarumang jalu adariin lo’a Kristus dinen,
Manjarum Paraampuanen lo’a Paraampuanku’, Adudukko indi’angen ibiringa katoku’ 35sampai akaus atalona gulungan lawannu kole’ku’,
ingka kenang jalu datulisangen kole’a baki’ Daud. Msm. 110:1. 36Jaji arung itamuna jaji ikin samuanin arasairunku’ tau Israelen, i Yesus lalo di’en yang ipanandapaan ikinjo, ialalo yang datugasen kole’a Alatala padari Paraampuanen. Ialalo dinen Kristus yang Tau Dabayaangen dinen. Jangka’a dinen jarumku’ lo’in arasairunku’en,” ingka kenang manjaruma i Petrus lo’a tau pambaren lo’a dinen.
37Jaji maminna dadalinga barik awan dinen kole’a gulungan tau takampiten dinen, atakut barik pikira. Basungut-sungut nyawana. Jaji manjarum barik lo’a ira i Petrus nanna pasuro’ bokanen, “Ai yang arung ipolaan ikam barik di’en itiang pamaami sala’am, arasairune?” ingka kenang jarumda’. Ams. 28:13.
38Jaji dasauti barik kole’a i Petrus, “Daikin arungkin maunjang pikirannin yang sala’en. Arung ibaptis atas asanna i Yesus Kristus mainto’ dosanin daamponi. Baru’ itarima’ barik ikin pameanga Alatala dinen, itarima’ Sumangat Bareseen. 1Kor. 3:16; 6:19; 12:27; 2Kor. 6:16. 39Kole’a bayana dinen untu’in nanna ambata kanturunannin. Untu’ ambata gulungan tau bajao’en bea, lo’a tauen samuana yang maminen dakampitang kole’a Paraampuan Alatala yang isembaan iki’,” ingka kenang. Yes. 57:19.
40Awan dinen jaruma i Petrus lo’da’. Bayu’ bea jaruma bokanen lo’da’, to’ mawa lo’da’ pasutang kalena mainto’ na’anna tamba dalao’i ukumanen nanna uranga yang tau na’anen balolok dinen. 41Jaji ambata tau yang manarima’en lo’a jaruma i Petrus dinen dabaptis barik. Andian kira-kira tiga ribu mantuariin yang tambaan parasaya’ di aso dinen. 42Maminna dinen dong-dong ira malola’a. Sarilao’ lapoang balajar nanna pasuro’a i Yesus. Sarilao’ angkaanen, sarilao’ bado’aan rabarik ira.
Maam tapat kalakuan tio’a tau yang parasaya’en
43Jaji tauen mameleen ambata panyunyana nanna jalu laan-laanen yang dapolaan kole’a ambata gulungan pasuro’a i Yesus dinen, palin dakatakutangen barik. 44Sarilao’ lapoang ira ambata tau parasaya’en dinen. Samuana ambata gulungan jaluda’ dinen dapasipakai-pakaien. PalPa. 4:32-35. 45Ambata jalu yang pandeen dapet, dapet barik. Laloang datawa’i lo’a tau yang andianen kaparuluanna. 46Mairaso bua bakumpulda’ di Saona Alatala. Sisurang sipangkaanan ira, angkaan lo’a sao dinen, lo’a sao dinen. Nanna sasauna nyawana angkaanda’ dinen, nanna ate pario-rioon. 47Mamudi lapoang ira lo’a Alatala. Sarata dakamainya’i bua kole’a tauen. Jaji sikadanan bayu’a mairaso kole’a Paraampuanka’ tau parasaya’en, yang tau dakatio’ baruun. Yoh. 13:34-35.
Currently Selected:
Palamba’anna Pasuro’a I Yesus 2: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Palamba’anna Pasuro’a I Yesus 2
2
Pamondoka Sumangat Bareseen#2:1 Akat jarum pasal 2 - Dispensasi ke-6 Gereja/Anugerah Allah
1Jaji maminna dinen, mondok barik aso maramiang Pentakostaan, babangkulung kausa di sao seraan.#2:1 Lima pulo’ aso maminna aso Palaloien baru’ daramiang aso Pentakosta. Bele Pal. 23:19. Di aso Pentakosta daawa lo’a saona Alatala pameangda’ lo’a Alatala ambata bua’ bungasa dari tanamanna nanna umaan itiang tanda asela samuana. Im. 23:15-21; Ul. 16:9-11; Rm. 8:9b. 2Maminna kombong dinen, sadinga poang barik mondok unyi dari suanen. Balu’ unyi sariut balasaan dadalingana kole’da’. Apano’ saoen kole’a unyi sariuten dinen. 3Laloang andian jalu dakitaan kole’da’ balu’ dale’ api manyalangen. Malila’-lila’ dinen dale’ apiin. Tambor lo’din, tambor lo’din manando’i lo’a mantuarida’ sera-serana. 4Jaji barik maminna datando’i, samuana dakuasai kole’a Sumangat Bareseen. Laloang mulai barik manjarum ira pakai jarum baruun, yang okanen jarum diri’a. Ai poang dasuro’angen kole’a Sumangat Bareseen lo’da’, dinen lalo jarum yang dajarumangen kole’da’.
5Jaji waktu nanga dinen, bayu’ tau manamoeen di banua Yerusalem, ambata tau Yahudiin yang paduliin tapat lo’a Alatala. Andian maira tatak banuaan inyaunga galung suanen yang mondoken to’ marami aso Pentakosta. 6Jaji maminna mondok unyi sariuten dinen, pambar kausa lo’a kosan dinen. Mondok lo’a dinen tatakau tauen mandalingana lo’da’ manjarumen. Kole’a mandalingana lo’da’, jarum banua diri’a yang daawaan. 7Jaji tatakau barik, heran. “Bo! Asi kenanga ira dinen? Kusanang tau Galilea yang manjarumen dinen. Okan banuaka’. 8Datamu kakaru’ ambata jarumka’! Idalinga iki’ sera-seraka’ dalam jarum diri’ka’,” ingka kenang. 9“Kole’a iki’ mandalingaan silaan kausa jarumka’. Bayu’ baranaka’. Andian tau propinsi Partia, tau Media, tau Elan, tau Mesopotamia, tau propinsi Yudea, tau Kapadokia, tau Pontus, tau Asia, 10tau Pergia, tau Pampelia, tau Mesir, tau Libia yang maro lo’a banua Kirene. Kapi bayu’ baranaka’, samuaka’ mandalinga lo’da’ ilalam jarum diri’ka’. Andian urangka’ mondoken dari Roma. 11Andian tau Yahudi. Andian bea tau banua bokanen yang masoken lo’a agama Yahudi. Andian tau Kareta nanna tau Arab. Samuaka’ mandalinga lo’da’ mawa jarum dirika’ manjarumang ambata panyunyuanna Alatala yang palin baraa’en,” ingka kenang. 12Jaji raranga’ samuana, heran. “Ai te’ ratina?” ingka kenang sera lo’a seraan.
13Poangsi andian bea tauen sapa dua dinen mangangara’, “A, dinen kole’a mangalona uluna. Ialalo kenanga dinen jaruma,” ingka kenang sapa dua manjaruma.
Manjarum i Petrus lo’a tau babangkulungen
14Jaji maminna dinen akadeng barik i Petrus inang nanna ira sabelasen laloang manjarum lo’da’ nanna unyi baraana, “Jaji manjarumak lo’in ambata gulungan tau Yudeaan di’en nanna samuanin lalako’en di banua Yerusalem,” ingka kenang. “Taantalinganinjo lo’ku’. To’ kujarumang lo’in ratina jalu adariin di’en. 15Awan lalo jarumin, iasanenkam mangalo ulunam, dinen okan mangalo ulunam. Asi lo’a mangalona ulunam? Baru’ bua jam sumilan makapen,” ingka kenang.#2:15 Di adat tau Yahudiin, ti’ nampi talalo jam bado’a, kosan tau angkaan, kosan tau mainyum. 16“Ratina jalu idalingaan ikin di’en, mondoka lalo di’en bayana Alatala yang datulisangen kole’a baki’ Yoel panjaruma Alatalajo,
17 Di mainso’a di katuntunganna duniaan ona’, ingka kenang manjaruma Alatala, anak mantuariin to’ kuambori nanna Sumangatku’. Ambata araanakin babaka babainyeen to’ mawa jarumku’ rabarik. Gulungan anak bakasen to’ maita jalu kusuro’ paitang kalena lo’da’. Ambata gulungan tamatoa babakaan ona’, to’ mamui. 18Ambata gulungan suro’anku’pi dinen babaka, babainyeen, samuana ona’ mandua’ang Sumangatku’ laloang to’ mawa jarumku’ lo’a tauen.
19 Kenang bea di suanen nanna tana’en, bayu’ ona’ tanda jalu laan-laanen kupaitangen lo’in. Andian ona’ dara’, andian api, andian rimbuun. 20Matasoon ona’ to’ padari araun. Bulanen to’ padari dadara’ rabarik. Kenang tandana ona’ nampina mondok aso baraa’en dinen, aso laan-laanen, asona Paraampuanka’. JD. 6:12-14.
21 Jaji waktu nanga dinen ona’, intain tau mangalongen lo’a asanna Paraampuanen, ia ona’ yang dakatio’en dari ukum dosaan, Yl. 2:28-32.
ingka kenangjo manjaruma baki’ Yoel.
22“Na, taantalinganin, arasairunku’kin urang Israelen. I Yesus tau Nasaret dinen, daia mamin datugas kole’a Alatala. Tabukti bua lo’ka’ kole’a ialalo yang datugasen. Ambata panyunyuana, ambata jalu laan-laanen, ambata tanda yang dapolaan kole’a Alatala di matanin malaloi i Yesus di tio’ajo, dinen lalo yang dala itiang pambukti tugasa. Mamin bea itamu ikin.
23“Na, waktu nanga iawana ikin i Yesus madap lo’a arona tau okanen Yahudiin dinen, ialalo daparuaranga dinen kole’a Alatala. Kaputusanna memen, ialalo panamuna. Iduno’ ikin nanga isuro’ panandapana lo’da’ yang na’anen malola’ani Ukuma baki’ Musa. Mat. 27:35; Mk. 15:24; Lk. 23:33; Yoh. 19:18. 24Poangsi maminna barik iduno’ ikin, dakatio’ balik antarana gulungan tau mateen. Dapalapas barik dari parinsa’ kamateanen dinen. Na’an lagi’ dapat tagurung inang. Mat. 28:5-6; Mk. 16:6; Lk. 24:5. 25-26Kole’a andian mamin bayana Alatala lo’a matena Kristus yang dajarumangen kole’a baki’ Raja Daud,
Sasau nyawaku’ kole’a andian lapoang kukitana Paraampuanku’ ijolona aroku’. Andian lapoang di biring katoku’ mainto’ na’anna akaru nyawaku’. Dinen lalo kukasuang nyawana. Jaji kapiaksi mate, tetap andian arapanku’. 27Kole’a Sumangatku’ di’en na’an ipalaloang inang di banuana tau mateen. Yang Tau dong-dongen malola’aniin panamunu, na’an ona’ iparuarang padari bauruk bangkayoanku’. 28Mamin ipayoang lo’ku’ dalan pangatio’en. Insang sasau ona’ nyawaku’ sarilao’en nannu,
ingka kenangjo jalu datulisangen kole’a baki’ Daud. Msm. 16:8-11.
29“Jaji terus-terangak lo’in arasairunku’en,” ingka kenang jaruma i Petrus lo’da’, “awan baki’ Dauden dinen, daia mamin mate. Mamin lalo dakubur. Ne, kubura di banuaka’ di’en mondok di aso di’en,” ingka kenang. 30“Jaji ratina jaruma dinen, baki’ Dauden dinen panjaruma Alatala. Datamu mamin bayana Alatala yang dajarumangen lo’a atas asanna diri’a. To’ andian ona’ kanturunanna yang daangkatangen padari raja awan bua ia, ingka kenang bayana. 2Sam. 7:12-13; Msm. 132:11. 31Jaji tio’ balika Kristus dinen dakita-kita kole’a baki’ Daud. Ialalo ratina jaruma dinen dajarumanga memen kanturunanna dinen. Na’an ingka to’ dapalaloang inang di banuana tau mateen, na’an ingka bangkayoanna to’ padari bauruk, ingka kenang manjaruma.
32“Jaji yang dajarumangen kole’a baki’ Daud dinen, yang dakenangiin, ialalo i Yesus dinen yang dakatio’ baliken kole’a Alatala. Ikam lalo di’en yang maitaan. 33Mamin daangkatang inait laloang aduduk tamba mangkam di biring katona Amana. Mamin daia manarima’ Sumangat Bareseen yang dabayaangen kole’a Amana laloang daamborang lo’ka’ rabarik di’en. Ialalo ratina jalu ikitaan ikin di’en, yang jalu idalingaan, saja karajana Sumangat Bareseen.
34“Na, baki’ Daudjo dinen, daia na’an inait lo’a Surga awan i Yesus dinen. Poangsi andian jaruma baki’ Daud diri’a manjarumang jalu adariin lo’a Kristus dinen,
Manjarum Paraampuanen lo’a Paraampuanku’, Adudukko indi’angen ibiringa katoku’ 35sampai akaus atalona gulungan lawannu kole’ku’,
ingka kenang jalu datulisangen kole’a baki’ Daud. Msm. 110:1. 36Jaji arung itamuna jaji ikin samuanin arasairunku’ tau Israelen, i Yesus lalo di’en yang ipanandapaan ikinjo, ialalo yang datugasen kole’a Alatala padari Paraampuanen. Ialalo dinen Kristus yang Tau Dabayaangen dinen. Jangka’a dinen jarumku’ lo’in arasairunku’en,” ingka kenang manjaruma i Petrus lo’a tau pambaren lo’a dinen.
37Jaji maminna dadalinga barik awan dinen kole’a gulungan tau takampiten dinen, atakut barik pikira. Basungut-sungut nyawana. Jaji manjarum barik lo’a ira i Petrus nanna pasuro’ bokanen, “Ai yang arung ipolaan ikam barik di’en itiang pamaami sala’am, arasairune?” ingka kenang jarumda’. Ams. 28:13.
38Jaji dasauti barik kole’a i Petrus, “Daikin arungkin maunjang pikirannin yang sala’en. Arung ibaptis atas asanna i Yesus Kristus mainto’ dosanin daamponi. Baru’ itarima’ barik ikin pameanga Alatala dinen, itarima’ Sumangat Bareseen. 1Kor. 3:16; 6:19; 12:27; 2Kor. 6:16. 39Kole’a bayana dinen untu’in nanna ambata kanturunannin. Untu’ ambata gulungan tau bajao’en bea, lo’a tauen samuana yang maminen dakampitang kole’a Paraampuan Alatala yang isembaan iki’,” ingka kenang. Yes. 57:19.
40Awan dinen jaruma i Petrus lo’da’. Bayu’ bea jaruma bokanen lo’da’, to’ mawa lo’da’ pasutang kalena mainto’ na’anna tamba dalao’i ukumanen nanna uranga yang tau na’anen balolok dinen. 41Jaji ambata tau yang manarima’en lo’a jaruma i Petrus dinen dabaptis barik. Andian kira-kira tiga ribu mantuariin yang tambaan parasaya’ di aso dinen. 42Maminna dinen dong-dong ira malola’a. Sarilao’ lapoang balajar nanna pasuro’a i Yesus. Sarilao’ angkaanen, sarilao’ bado’aan rabarik ira.
Maam tapat kalakuan tio’a tau yang parasaya’en
43Jaji tauen mameleen ambata panyunyana nanna jalu laan-laanen yang dapolaan kole’a ambata gulungan pasuro’a i Yesus dinen, palin dakatakutangen barik. 44Sarilao’ lapoang ira ambata tau parasaya’en dinen. Samuana ambata gulungan jaluda’ dinen dapasipakai-pakaien. PalPa. 4:32-35. 45Ambata jalu yang pandeen dapet, dapet barik. Laloang datawa’i lo’a tau yang andianen kaparuluanna. 46Mairaso bua bakumpulda’ di Saona Alatala. Sisurang sipangkaanan ira, angkaan lo’a sao dinen, lo’a sao dinen. Nanna sasauna nyawana angkaanda’ dinen, nanna ate pario-rioon. 47Mamudi lapoang ira lo’a Alatala. Sarata dakamainya’i bua kole’a tauen. Jaji sikadanan bayu’a mairaso kole’a Paraampuanka’ tau parasaya’en, yang tau dakatio’ baruun. Yoh. 13:34-35.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997