Palamba’anna Pasuro’a I Yesus 3
3
Tau tamateen kakina dapamaam
1Jaji andian asona barik di jam talu pamamalamen, waktu bado’ana tau Yahudiin, ira i Petrus nanna i Yohanes inait lo’a Saona Alatala. 2Jaji mondok lo’a mambangan seraan dinen asanna yang Mambangan Dabarangen, andian tau daawaan lo’a dinen kole’a tauen, babakaan yang tamateen kakina dari paranakanga. Mairaso tau dinen daawa lo’a mambangan dinen datiang mamita duit lo’a tau intamaan inang.
3Jaji mondok lo’a dinen, dabele ira i Petrus nanna i Yohanes to’ intama inang, daiapi mamita duit lo’da’. 4Laloang dabele jaji kole’da’, sarata manjarum dinen i Petrus, “Beleang matanu lo’am,” ingka kenang. 5Jaji dabele unding-unding barik kole’a tau dinen. Daasanang to’ datawa’i jaluun kole’da’.
6Jaji manjarum bapi i Petrus, “Kosan daiak duitku’. Ambata pirak amasam kosan. Jangka’a poang jalu bagunaan yang andianen nanku’, din poang pameangku’ lo’u. Jaji manyuro’ak lo’u atas asanna i Yesus Kristus tau Nasaret, lamba’ko daiko barik,” ingka kenang. 7Laloang dajaput dinen di tangan katona, dagulungi akadeng. Laloang padari bakaras barik kakina tau dinen, 8laloang marajuk akadenga. Lamba’ lo’din, lamba’ lo’din, rabarik intama nanda’ lo’a Saona Alatala. Daia lamba’a marajuk-rajuk sarata mamudi-mudi atas asanna Alatala.
9Tau bayu’enpi dinen maita kausa lo’a lamba’a mamudi-mudina lo’a Alatala. 10Tabulanga’ bea tauen mamelena lo’a kole’a dakilalana dinen tau pamita duiten yang aduduken mairaso di baba’ Mambangan Dabarangen dinen. Heran kole’a pandena adari awan dinen.
I Petrus manjarum lo’a tau babangkulungen di Saona Alatala
11Jaji patanga’an tau dinen manangko’a lo’a ira i Petrus nanna i Yohanes, tauenpi pambar lo’da’ dinen di kosan dinen asan yang Tanga’ Sao Raja Salomo, inang di Saona Alatala. Heran samuana.
12Jaji dabele awan dinen kole’a i Petrus, manjarum barik lo’a tauen, “Ikin samuananin arasairunku’ tau Israelen, mai daikin herannin lo’a jalu adariin di’en? Mai tabulanga’in mameleen lo’am? Ungka’ iasanang to’ kuasanam. Ungka’ iasanang kole’a bayokam malola’en lo’a Alatala manyuro’ pande tau di’en ipamaam ikam isuro’ lamba’. Dinen okan,” ingka kenang.
13“Jaji ratina kenang. Alatala yang isembaan iki’ tarangkat dari nanna arabaaki’ka’ baki’ Abraham, baki’ Isak nanna baki’ Yakub, ia yang paraa’en di’en lo’a asanna suro’anna dinen i Yesus. Ialalo dinen i Yesus yang tau iseraan ikin lo’a tanganna pamarintaan, yang ikalibakangen ikin di arona i Pilatusen waktu nanga to’ dapalapasa dinen i Yesus, to’ dasera lo’in. Pal. 3:6,15; Yes. 52:13. 14Alibakkin maku’ lo’a awan tau bareseen dinen, tau yang tapaten. Tau yang maamen ikalibakang ikin, tau pauno’en kakaru’ itarima’en, isuro’ palapas lo’in,” ingka kenang. Mat. 27:15-23; Mk. 15:6-14; Lk. 23:13-23; Yoh. 19:12-15.
15“Jaji i Yesus dinen iduno’ barik ikin, padahal samuana jalu yang tio’en barasal kausa dari nanna. Ia yang panyunyuangen. Poangsi maminna iduno’ ikin, dakatio’ balik bua kole’a Alatala. Mata diri’am yang maitaan. 16Na, tau tamateen kakina yang ikitaan ikin, yang ikilalaan bua ikin, katagal kaparasaya’anen lo’a asanna i Yesus lalo dinen yang manyuro’ bakarasen barik lo’a. Yang manyuro’ bangas barik di’en di aronin samuanin, ialalo kaparasaya’anen lo’a asanna i Yesus. Kenang ratina,” ingka kenang manjaruma i Petrus lo’da’.
17“Na ikin gulungan arasairunku’, ratina ianuna ikin balu’a dinen nanna ambata gulungan panguluannin, kole’a na’anna itamu ikin. Kutamu iak. 18Poangsi kenanga memen bayana Alatala. Ratina dapalaloang adari balu’a dinen, mainto’ tulina bayana yang dajarumangen kole’a ambata panjarumajo, yang manjarumangen memen parinsa’a Kristus yang tau dabayaangen dinen. 19Jaji unjang barik pikirannin yang sala’en dinen. Mole’ balikkin lo’a Alatala mainto’ daapusa barik ambata gulungan dosanin. 20Mole’kin lo’a Paraampuanen, mainto’ mondoka bayana lo’in manyuro’ arawang barik nyawanin. Mole’kin lo’a mainto’ dapamondokanga i Yesus rabarik, Kristus dinen yang dabayaangen itiang lo’in.
21“Kristus daia arung lalako’pi di Surga marung mamin dapamaami baru kausa jaluun awan jalu dajarumanga joloon memen malaloi ambata panjaruma Alatala. 22Kole’a andianna memenjo jaruma baki’ Musa manjarumangen Kristus yang to’ mondoken lo’ka’,
Di antaranin ona’, ingka, andian sera daangkatangen kole’a Paraampuanka’ Alatala. To’ dameang tugasa padari panjaruma awan bua iak. Arung itaantalinga ikin samuana ambata gulungan jaruma lo’in. 23Intainkin ona’ yang alibaken malola’ani jaruma, to’ dauser dari antarana anak katio’anna, to’ daukum mate,
ingka kenangjo jaruma baki’ Musa. Ul. 18:15,18-19.
24“Jalu kenanga memenjo jaruma Alatala yang darantangen nanka’ malaloi ambata panjaruma. Tarangkat dari nanna panjaruma, baki’ Samueljo dinen sampai akaus, samuana marantang bayana manjarumang memen jalu adariin barik lo’ka’ di tatakka’ di’en. 25Awan jaruma Alatala lo’a baki’ Abrahamjo dinen,
Samuana anak kanturunan tauen yang tio’en inyaunga galung suanen, to’ mandua’ang jalu maamen kausa malaloi anak kanturunannu,
ingka kenang jaruma Alatala. Mul. 12:3; 22:18; 26:4. Jaji ikin lalo kanturunan yang datujuangen ilalam bayana panjaruma Alatalajo yang darantangen nanna arabakinin dinen. Itiang lo’in bayana dinen. 26Jaji maminna barik daangkatang Kristus, suro’anna yang dabayaangenjo dinen, maminna dameang tugas, dasuro’ mondok tajolo lo’in urang Yahudiin. Daia datiang pamaam lo’in. Daawakin marantang basa kajau’annin. Kenang ratina. Jangka’a dinen jarumku’ lo’in arasairunku’en,” ingka kenang jaruma i Petrus lo’a tau babangkulungen dinen.
Currently Selected:
Palamba’anna Pasuro’a I Yesus 3: EBE
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997
Palamba’anna Pasuro’a I Yesus 3
3
Tau tamateen kakina dapamaam
1Jaji andian asona barik di jam talu pamamalamen, waktu bado’ana tau Yahudiin, ira i Petrus nanna i Yohanes inait lo’a Saona Alatala. 2Jaji mondok lo’a mambangan seraan dinen asanna yang Mambangan Dabarangen, andian tau daawaan lo’a dinen kole’a tauen, babakaan yang tamateen kakina dari paranakanga. Mairaso tau dinen daawa lo’a mambangan dinen datiang mamita duit lo’a tau intamaan inang.
3Jaji mondok lo’a dinen, dabele ira i Petrus nanna i Yohanes to’ intama inang, daiapi mamita duit lo’da’. 4Laloang dabele jaji kole’da’, sarata manjarum dinen i Petrus, “Beleang matanu lo’am,” ingka kenang. 5Jaji dabele unding-unding barik kole’a tau dinen. Daasanang to’ datawa’i jaluun kole’da’.
6Jaji manjarum bapi i Petrus, “Kosan daiak duitku’. Ambata pirak amasam kosan. Jangka’a poang jalu bagunaan yang andianen nanku’, din poang pameangku’ lo’u. Jaji manyuro’ak lo’u atas asanna i Yesus Kristus tau Nasaret, lamba’ko daiko barik,” ingka kenang. 7Laloang dajaput dinen di tangan katona, dagulungi akadeng. Laloang padari bakaras barik kakina tau dinen, 8laloang marajuk akadenga. Lamba’ lo’din, lamba’ lo’din, rabarik intama nanda’ lo’a Saona Alatala. Daia lamba’a marajuk-rajuk sarata mamudi-mudi atas asanna Alatala.
9Tau bayu’enpi dinen maita kausa lo’a lamba’a mamudi-mudina lo’a Alatala. 10Tabulanga’ bea tauen mamelena lo’a kole’a dakilalana dinen tau pamita duiten yang aduduken mairaso di baba’ Mambangan Dabarangen dinen. Heran kole’a pandena adari awan dinen.
I Petrus manjarum lo’a tau babangkulungen di Saona Alatala
11Jaji patanga’an tau dinen manangko’a lo’a ira i Petrus nanna i Yohanes, tauenpi pambar lo’da’ dinen di kosan dinen asan yang Tanga’ Sao Raja Salomo, inang di Saona Alatala. Heran samuana.
12Jaji dabele awan dinen kole’a i Petrus, manjarum barik lo’a tauen, “Ikin samuananin arasairunku’ tau Israelen, mai daikin herannin lo’a jalu adariin di’en? Mai tabulanga’in mameleen lo’am? Ungka’ iasanang to’ kuasanam. Ungka’ iasanang kole’a bayokam malola’en lo’a Alatala manyuro’ pande tau di’en ipamaam ikam isuro’ lamba’. Dinen okan,” ingka kenang.
13“Jaji ratina kenang. Alatala yang isembaan iki’ tarangkat dari nanna arabaaki’ka’ baki’ Abraham, baki’ Isak nanna baki’ Yakub, ia yang paraa’en di’en lo’a asanna suro’anna dinen i Yesus. Ialalo dinen i Yesus yang tau iseraan ikin lo’a tanganna pamarintaan, yang ikalibakangen ikin di arona i Pilatusen waktu nanga to’ dapalapasa dinen i Yesus, to’ dasera lo’in. Pal. 3:6,15; Yes. 52:13. 14Alibakkin maku’ lo’a awan tau bareseen dinen, tau yang tapaten. Tau yang maamen ikalibakang ikin, tau pauno’en kakaru’ itarima’en, isuro’ palapas lo’in,” ingka kenang. Mat. 27:15-23; Mk. 15:6-14; Lk. 23:13-23; Yoh. 19:12-15.
15“Jaji i Yesus dinen iduno’ barik ikin, padahal samuana jalu yang tio’en barasal kausa dari nanna. Ia yang panyunyuangen. Poangsi maminna iduno’ ikin, dakatio’ balik bua kole’a Alatala. Mata diri’am yang maitaan. 16Na, tau tamateen kakina yang ikitaan ikin, yang ikilalaan bua ikin, katagal kaparasaya’anen lo’a asanna i Yesus lalo dinen yang manyuro’ bakarasen barik lo’a. Yang manyuro’ bangas barik di’en di aronin samuanin, ialalo kaparasaya’anen lo’a asanna i Yesus. Kenang ratina,” ingka kenang manjaruma i Petrus lo’da’.
17“Na ikin gulungan arasairunku’, ratina ianuna ikin balu’a dinen nanna ambata gulungan panguluannin, kole’a na’anna itamu ikin. Kutamu iak. 18Poangsi kenanga memen bayana Alatala. Ratina dapalaloang adari balu’a dinen, mainto’ tulina bayana yang dajarumangen kole’a ambata panjarumajo, yang manjarumangen memen parinsa’a Kristus yang tau dabayaangen dinen. 19Jaji unjang barik pikirannin yang sala’en dinen. Mole’ balikkin lo’a Alatala mainto’ daapusa barik ambata gulungan dosanin. 20Mole’kin lo’a Paraampuanen, mainto’ mondoka bayana lo’in manyuro’ arawang barik nyawanin. Mole’kin lo’a mainto’ dapamondokanga i Yesus rabarik, Kristus dinen yang dabayaangen itiang lo’in.
21“Kristus daia arung lalako’pi di Surga marung mamin dapamaami baru kausa jaluun awan jalu dajarumanga joloon memen malaloi ambata panjaruma Alatala. 22Kole’a andianna memenjo jaruma baki’ Musa manjarumangen Kristus yang to’ mondoken lo’ka’,
Di antaranin ona’, ingka, andian sera daangkatangen kole’a Paraampuanka’ Alatala. To’ dameang tugasa padari panjaruma awan bua iak. Arung itaantalinga ikin samuana ambata gulungan jaruma lo’in. 23Intainkin ona’ yang alibaken malola’ani jaruma, to’ dauser dari antarana anak katio’anna, to’ daukum mate,
ingka kenangjo jaruma baki’ Musa. Ul. 18:15,18-19.
24“Jalu kenanga memenjo jaruma Alatala yang darantangen nanka’ malaloi ambata panjaruma. Tarangkat dari nanna panjaruma, baki’ Samueljo dinen sampai akaus, samuana marantang bayana manjarumang memen jalu adariin barik lo’ka’ di tatakka’ di’en. 25Awan jaruma Alatala lo’a baki’ Abrahamjo dinen,
Samuana anak kanturunan tauen yang tio’en inyaunga galung suanen, to’ mandua’ang jalu maamen kausa malaloi anak kanturunannu,
ingka kenang jaruma Alatala. Mul. 12:3; 22:18; 26:4. Jaji ikin lalo kanturunan yang datujuangen ilalam bayana panjaruma Alatalajo yang darantangen nanna arabakinin dinen. Itiang lo’in bayana dinen. 26Jaji maminna barik daangkatang Kristus, suro’anna yang dabayaangenjo dinen, maminna dameang tugas, dasuro’ mondok tajolo lo’in urang Yahudiin. Daia datiang pamaam lo’in. Daawakin marantang basa kajau’annin. Kenang ratina. Jangka’a dinen jarumku’ lo’in arasairunku’en,” ingka kenang jaruma i Petrus lo’a tau babangkulungen dinen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright New Tribes Mission 1997