Lukas 12
12
Pengajaran khusus akan kawan murid
(Mat. 10:26-27)
1Metuh je, are tutu ulun bakupul sapai ulun-ulun hakicak kulai ice umba je beken. Yesus napara bapander umba kawan murid-E helu, kuai-E: “Jaga arep kame bara ragi ulun Farisi, iyeje ise ulun munafik.” 2Ela kilau ise gawin uras taluh je nutu-nutup gawin kalunen akan kana kuka gawin Tuhan. Kame dia tau nyuhuk nara-narai sapai katatahie. 3Gawin narai je mandermu metuh ukan batinget akan hening metuh tarang, dan narai je nyibukmu melai pinding melai suang kamar nih akan mender lun ngambu sapau pasah. 4Yesus malanjut pander-E: Hening tuh bua-buah, kawan kawal-Ku. Ela mikeh umba kalunen, aluh ise tau patei ikau. Tapi ise dia tau nguan nara-narai jua umba kame limbas je! 5Jadi, je harus Ikau mikeh iyeje Hatalla. Mikeh umba Hatalla je dia baya tepun kuasa akan patei ulun, tapi tege kia kuasa je akan ngirim e guang suang naraka. Aku bapander umba ikau sinde jua: Je harus kau mikeh e iyeje Hatalla. 6Diakah kame tawai amun lime kungan burung apit je kana njual baya dinun due koin tambaga? Tapi, Hatalla dia beci dia ingat ice pun bara ise! 7Tuhan labih paduli umba ikau sapai balau melai kulukmu tawai-E jumlah e. Dan Hatalla labih mikir ikau! Ikau labih bareha bara kawan burung apit je. 8Aku bapander umba ikau: “Amun ice beti ulun mangaku sacara tabuka amun ie yakin umba-Ku, maka Aku, Anak Manusia kia akan manyatakan sacara tabuka melai taharep malaikat utusan bara Hatalla amun ulun je yakin umba-ku. 9Tapi, sebalik e, ewei je mander akan ulun beken sacara tabuka amun ie dia yakin umba-ku, maka Aku kia akan mander akan kawan malaikat utusan bara Hatalla amun ie dia yakin umba-Ku. 10Hatalla tau mangampun ewei bewei ih mahina Aku, Anak Manusia, tapi Ie dia akan mangampun ewei bewei ulun je mahina Roh Kudus. 11Metuh ulun are akan nekap dan nuduh ikau melai pasah ukan sambayang atau melai sambang baun pamarintah atau panguasa. Ela pehe atei tentang en rak tapai ikau akan mambela arepmu atau narai je harus ikau mander e. 12Gawin metuh ikau akan kana kisek, Roh Kudus akan ngacar ikau narai je pas akammu mander e metuh je kia.”
Ulun baduit je bureng
13Ice beti ulun bara antara ulun are je bapander umba Yesus: “Guru, mander dai akan paharikku akan mbagi akakku belah e panatau je ngalihi apang kei je.” 14Tapi Yesus manimai ulun je: “Eweikah je nunjuk Aku akan jadi hakim atau mbagi warisan je antara mere badue? Heamti.” 15Limbas je Yesus bapander umba ulun are: “Bajaga-jaga ih! Masti arep kame ela sarakah akan taluh are, gawin heam paduli pire kakaren panatau je kame tepui atau pire karen panatau kame, beken jije je paling penting melai pambelum tuh.”
16Limbas je Yesus ngesah ice tanding akan ise, Ie bapander: “Behin tege ice beti ulun tatau je melai kabun e mahasil panen je lamus. 17Ie bakisek melai suang atei: ‘Naraikah je harus aku nguai, gawin aku heamti tepun ukan melai nguwei aku tau ngina hasil kabunku.’ 18Limbas je ie bapander umba arep e kabuat: ‘Wayah tuh aku tawan narai je akan aku nguai. Aku akan ngarak gudang jituh dan pendeng gudang je labih hae akan ngina uras akan hasil kabun gandum umba panatauku je beken. 19Limbas je aku tau bapander umba arepku kabuat amun aku jadi ngina uras taluh je are je aku perlu salama banyelu-nyelu. Aku dia perlu bagawi jua! Aku tau nguan are pesta dan hanjak!’ 20Tapi Hatalla bapander umba e: ‘Oo ulun dia paham! Aku akan ngindu hasengmu hamalem tuh kia. Enkah ikau bapikir amun ikau dinu kauntungan bara uras je jadi ikau ngina akan arepmu kabuat?’”
21Tapi limbas Yesus bapander umba e: “Ikau iyeje ulun je dia mangerti! Hamalem tuh ikau akan matei. Percuma ikau ngupul are panataumu akammu kabuat, tapi ikau dia tatau melai taharep Hatalla!”
Tende dai pehe atei dan percaya umba Tuhan
(Mat. 6:25-34)
22Limbas je Yesus bapander umba kawan murid-E: “Gawin je sebab e Aku mander akammu, ela dai ikau pehe atei tentang enkah ikau tege panginan akan kinan atau pakaian akan hapa.” 23Gawin pambelummu labih penting bara panginan je ikau kinai. Betimmu labih penting bara pakaian je ikau hapa e. 24Perhati kawan burung gagak je ise dia perlu ngimbul dan dia perlu manen dan heamti lumbung atau gudang, tapi Hatalla tatap nenga panginan akan ise, kame labih barega bara kawan burung je! 25Gawin pambelummu labih penting bara panginan je ikau kinai. Betimmu labih barega bara pakaian je ikau hapa e. 26Amun taluh kakorik jie ih heam tau kame nguai e, embat pehe atei tentang taluh je beken melai pambelum kame? 27Payah en rak tapai kambang-kambang je dia kana tundang ise: ise dia bagawi melai kabun atau napa pakaian akan arep se kabuat. Tapi, Aku bapander akammu, malah Raja Salomo umba kakaren panatau e mahi heamti pakaian katarang ice bara kambang-kambang je. 28Amun Hatalla paduli tutu umba kambang-kambang je dia kana tundang umba uru je beken je dia kana tundang, aluh andau jituh tege melai ngituh dan andau jewu e kana kanan melai apui. Maka, Ie pasti akan marawat ikau. Tapi ikau ngina iman je korik tutu. 29Ela tarus mikir narai je akan kau kinan dan narai je akan ikau ngihup e. Ela mafokus pikiranmu umba panginan dan minuman je ikau perlu. Ela pehe atei enkah Tuhan akan manyiap akammu. 30Uras taluh kilau je gau gawi ise je dia ngasene Hatalla. Tapi Bapamu tawai amun ikau mamerlu taluh kilau je. 31Gawin je, fokus umba narai je tau kau nguai akan Karajaan Hatalla. Metuh kau nguai e, taluh je akan kana tenga akammu kia. 32Ela pehe atei umba narai bewei. Aluh ikau sama kilau kumpulan domba je isut, tapi Bapamu, Hatallamu, hanjak gawin kame jadi tame melai Karajaan Hatalla. 33Jadi, njual ih narai je ikau tepui e dan nenga ih duit e akan ulun-ulun susah. Ngupul panatau akan arepmu kabuat melai surga. Dompet sorgawi dia akan jadi dia baguna dan isi e dia akan beci nihau. Melai surga, panakau umba metu satua dia tau nukep akan mahancur dompetmu. 34Melai nguwei ukan hartamu tege, nginje ukan atei pikiranmu akan tarus mikir e.
Pandumah Anak Manusia
35Yesus malanjut e dan bapander: “Basiap tarus akan Aku, sama kilau palayan-palayan je hapa pakaian akan bagawi umba sumbu je belum tarus 36Kame harus sama kilau palayan je nunggu tuan e buli bara pesta kawin, sapai metuh ie haluli guang pasah dan ngatok atep, langsung ise tau mbuka atep akai e. 37Metuh tuan se haluli dan dinu kawan palayan e jadi misik dan siap akan nyambut pandumah e, ie akan hanjak tutu umba ise dan manyiap panginan akan akai-E. 38Malah amun tuan e haluli metuh gatung alem atau sahelu bara andau balawa, metuh ie dumah dan nyundau kawan palayan jadi hikat dan siap akan pandumah e, ie akan hanjak tutu umba ise. 39Jituh iyeje contoh beken je tau kau mikir e. Amun ikau tawan pea ulun ice beti panakau barencana akan nakau taluh bara pasahmu, ikau akan siap tarus dan dia akan mambiar panakau je nakau melai pasahmu. 40Kilau je kia ikau, ikau harus selalu siap sadia, gawin Aku, Anak Manusia, akan dumah haluli metuh je dia kau nyangka e.”
41Limbas je Petrus bakisek umba Yesus: “Tuhan, enkah tanding jituh dimaksudkan baya akan kei ih atau berlaku akan uras ulun je hening Ikau?” 42Limbas je Tuhan manimai e: “Tege ice beti pangurus je bijaksana dan satia. Tuan e manugaskan dan nenga tanggung jawab akai e ngatur kawan palayan e je beken dan nenga bagian panginan akan se sasuai jadwal. 43Limbas pire-pire katahie, metuh tuan e haluli guang pasah, amun ie payah palayan jadi nguan gawi e umba baik, maka tuan e hanjak tutu hening e. 44Aku bapander umba ikau: Katutu e aku bapander umba kame, amun tuan e akan manetapkan ie jadi panguasa umba taluh je ie tepui e. 45Tapi, amun palayan e je jahat bapikir amun Tuan e akan tahi buli. Ie mungkin akan napara hawi kawan palayan bawi umba hatue baulang kali. Dan ie kia mungkin palepah are waktu e akan bapesta umba busau. 46Limbas je tuan e akan haluli metuh andau dan waktu je sama sekali dia palayan e je nyangka e. Ie akan nenga e hukuman je babehat dan ngirim e miar akan bagabung umba je beken e je dia taat.
47Palayan je tawan narai je kanahuang tuan e tapi dia siap, atau dia nguan narai je kanahuang tuan e, ie akan hukum je labih babehat. 48Tapi pelayan je dia ye tawai kanahuang tuan e, ie akan kana hukum labih ringan. Palayan je kana percaya gawin tuan e akan nggawi are taluh akan kana laku pertanggungjawaban umba satiap tugas e je. Dan palayan je kana tenga kapercayaan hae akan kana tuntut hasil je hae kia.”
Ulun are akan saling manantang ice umba je beken gawin ajaran Yesus
(Mat. 10:34-36)
49Limbas je Yesus bapander: “Tujuan-Ku dumah guang dunia iyeje akan pelum apui melai antara kalunen. Dan aku baharap tutu apui je jadi belum. 50Tapi sahelu gawi je terjadi, Aku keme pangalaman babehat je luar biasa dan aku tabeban tutu sapai taluh je salesai. 51Ela bapikir amun pandumah-Ku guang dunia akan ngaya perdamaian bara antara kalunen. Sebalik e, aku akan napa perpercahan melai antara kalunen. 52Napara bara wayah tuh amun lime beti dalam ice keluarga akan bertentangan, telu beti akan malawan due beti dan due beti akan malawan telu beti. 53Ise akan kana pisah, apang e akan malawan anak e hatue dan anak e hatue akan malawan umba apang e. Indang e akan malawan anak e bawi dan anak e bawi akan malawan umba indang e. Epu e je bawi akan malawan banatui e je bawi dan banatui e akan malawan umba epu e.”
Mamaham akhir zaman
(Mat. 16:2-3)
54Limbas je Yesus bapander umba lun are: “Metuh kame payah baun andau kupul melai hela barat, kame capat pander, Andau huang duruh, dan andau tutu duruh.” 55Metuh kame keme riwut hariwut bara selatan, kame pander, andau tuh kan balasut dan taluh kilau je memang terjadi. 56Oo ulun-ulun munafik kame bapikir amun kame pintar tutu. Kame tawan en rak tapai ngira tanda-tanda cuaca melai bumi umba langit. Jadi, seharus e kame harus mamaham arti bara narai je Tuhan jadi nguai e akhir-akhir jituh!
57Embat ikau dia mamutuskan kabuat narai taluh je pas akan ikau nguai e. 58Amun ice beti ulun nuduh ikau dan huang ngaya ikau guang pangadilan, nguan uras je ikau tau akan manyalesai masalah metuh miar guang pangadilan. Amun dia, ie akan manyeret ikau guang sambang baun Hakim dan Hakim akan manyerahkan ikau akan patugas panjara dan ie akan patame ikau melai suang panjara. 59Aku mander jituh, ikau harus mbayar uras utangmu sahelu bara ikau balua bara panjara.
Currently Selected:
Lukas 12: CAV
Highlight
Copy
Compare
Share
Want to have your highlights saved across all your devices? Sign up or sign in
capur açu Bible by Beyond Translation is licensed under Creative Commons Attribution-ShareAlike 4.0 License.
