Masmur 16
16
Amisye obo Pi aijaro usye rai
1Daud apa ransyerano Masmur po ratoe.
Sya Amisy, syare Nyo inayaranande,
weye Winyirati syakaore gaugambe Nai.
2Syayao to irati AMISY Ai, syare: ‘‘AMISY Winyirati sya Akoe Pi Winy,
sya anakotar tenambe ngkovo rinai mamo Winyirati ndaunande rinai!’’
3 # 16:3 Anemo 3-4 no ayao Ibrani raijamo ama ine mbare ramu. Vatano ubeta Amisy Winai una no muni so nao,
onawirati mamaisyo maijaseo vombe,
muno rimayaro no matavon.
4Vatano wo anawayo kotare masyanive nanawamo, awa anakotaro nsosobe mai mamo manakoe rave kobe.
Wo maere mavu rameseo anawayo kotare mai mamo syonaeyo tavondi raiji,
muno syonae inawa mpaato anawayo kotare awa tame rai no sya sambaya raiji.
5Sya AMISY, Wibuiny irati ribekero Nai,
Winyirati Nyo sya anakotaro ibekedai raunande,
muno sya tumo merere nto mamo no no winanem uga rai.
6Tugae, maisyare tauno wai rapayaje mino minsine rai rinamarome wemaisy,
kovo Nyo raosoro inamarome mamo mo anayanambe raugavo inanuga so rai.
7Syo AMISY ararimbe, weye Opirati Po ananyao raugaje rinai,
tugae, arono naman Apa ananyao ntairi inanuga rai weti mo inanyao unanui ngkove rai.
8 # 16:8 Anemo 8-11 raen tavon no Arakov. 2:25-28. Syo AMISY aijaro sya usye rai tutir,
Opamo no inautan#16:8 Ayao Ibrani maisyare so: ‘‘Opamo no no rinaneme ngkove rai,’’ ama ine mare Opamo no inautan. weti riteto tindimuve tawan.
9Wemi mbewar inanuga so rananibe muno sya jugara anayanambe,
muno inanasine tename so no mariraave kovo saumane rai.
10Risyamo Nya vatano atawandi tavondi Nai pi risy,
indati Nyo inapaya ti rituna tawan no wene ama uga raije ramu,
muno Nyo inapaya ti inanasine so ntami mauge ramu.#16:10 Arakov. 13:35
11Winyirati Nyo unanuijo nto no kovo nuge nuganuije rarorono rinai;
Wintuna rinautan weti rinanayanambe,
muno rino Winatavon weamo rinananibe tutir ntoa nuge nuganui.
Currently Selected:
Masmur 16: yva
Highlight
Share
Copy
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)
