Masmur 54
54
Amisye anajo arono sya marova umarovave rinai
1Daud apa ransyerano ananyao. Nto irati akari po vatano matayao ukiny maugavo ransyerane rai ai. Ukinyo rai, wo itari#54:1 itari ranigwano ‘‘kecapi’’ rai. raeyan dai. 2Arono vatano Sipi inta ude wo raura nanto Saul ai, ware: ‘‘Daud opamo to kokaibe no reama munijo Sipi.’’#54:2 1Sam. 23:19, 26:1
3Sya Amisy, syare Nyo inapaya irati kakai raijo Nya vambunine rai,
Nyo patimu moyare raugaje rinai Nya vambunine rai.
4Sya Amisy, syare Nyo sya ana danajo raraniv,
namarikoame rasakinavo sya ana idatore so rai.
5Weye vatano mararine ubesea ware umarovave rinai,
vatano sivuiny dave ware wo rinaubaisy,
onawamo wo Amisye winatantona ramu.
6Weramu tugae, Amisy Winyi Nyo inayaranande;
Sya Akoe, Winyirati Nyo sopambe rinai.
7Koveamo sya marova awa ana udave ti mamune mamo nsakinav akare ra mo taune makep,
syare Nyo maupaeta ra makanive weye winteto Nya urairi rai.
8Sya AMISY, inanuga rananibe syo maere rameseo Winai,
muno syo kove raura seo Winai weye Winyamo ngkov dave.
9Weye Winyi Nyo inapaya irati anakotaro nsosobe ama uga rai,
muno inami ntami sya marova maijo Nyo mapinde.
Currently Selected:
Masmur 54: yva
Highlight
Copy
Compare
Share
Want to have your highlights saved across all your devices? Sign up or sign in
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)