1 Korinto 10
10
Keta Adora Ídulu
1Maun-alin sira, hau hakarak imi hatene katak ita nia bei-ala sira hotu hela iha kalohan nia okos no sira hotu lao liu hosi tasi.#10:1 Maromak akompanha ema Israel ho kalohan no ahi (haree Exodu 13:21-22) no lori sira sai hosi Ejitu liu hosi Tasi Teberau (haree Exodu 14:21-22). 2Sira hotu hetan batizmu iha Moisés bainhira sira iha kalohan no iha tasi. 3Sira hotu haan ai haan espirituál nebee hanesan.#10:3 Maromak foo paun naran ‘maná’ ba sira iha rai fuik. Haree Exodu 16:11-14. 4Sira hotu hemu bee espirituál nebee hanesan. Tanba sira hemu hosi Fatuk Espirituál nebee tuir sira.#10:4 Maromak foo bee hemu hosi fatuk iha rai fuik. Haree Exodu 17:6. Fatuk nee mak Kristu. 5Maski nunee, Maromak la kontenti ho ema barak nee, tanba sira lakon iha rai fuik maran.#10:5 Ema Israel hotu nebee sai hosi Ejitu mate iha rai fuik, só Josué no Kaleb deit tama rai Kanaan. Haree Númeru 14:26-32.
6Agora, buat sira nee sai ezemplu ba ita, atu ita la bele kaan buat aat hanesan sira. 7La bele sai ema nebee adora ídulu hanesan sira balu, nebee ema hakerek nanis ona, “Povu nee tuur hodi haan-hemu, no hamriik hodi halimar.”#10:7 Ema Israel adora karau osan mean iha rai fuik. Haree Exodu 32:6. 8Ita keta halo sala seksuál hanesan sira balu halo, no ema nain rihun rua-nulu resin tolu (23.000) monu mate iha loron ida deit.#10:8 Haree Númeru 25:1-9. 9Ita keta koko Kristu hanesan sira balu halo, no sira lakon liu hosi samea sira.#10:9 Manuskritu balu dehan ‘keta koko Nai’. Haree istória nee iha Númeru 21:5-6, no haree Deuteronómiu 6:16. 10La bele murmura hanesan sira balu murmura, no Estragadór halakon sira.#10:10 Estragadór mak anju nebee oho ema. Paulo halo ligasaun ho Exodu 12:23 no Númeru 16:41-46. 11Agora, buat sira nee akontese ba sira nudar ezemplu. No ema hakerek buat sira nee hodi foo hanoin ba ita, nebee moris iha tempu nia rohan. 12Nunee ema nebee hanoin katak nia hamriik hela, nia tenki kuidadu katak nia la monu. 13Tentasaun hotu nebee hasoru imi nee, baibain hasoru ema seluk. Maromak mak fiel, no Nia sei la husik imi atu hetan tentasaun nebee liu fali imi nia kbiit. Maibee bainhira tentasaun mai, Nia sei foo dalan ida hodi sai, atu nunee imi bele tahan tentasaun nee.
14Nunee, hau nia doben sira, halai sees hosi hahalok nebee adora ídulu. 15Hau koalia ba imi nudar ema matenek. Imi rasik desidi kona ba buat nebee hau dehan. 16Kopu bensaun nian nebee ita foo bensaun, nee laos hola parte ho Kristu nia raan ka? Paun nebee ita silu, nee laos hola parte ho Kristu nia isin? 17Tanba paun fuan nee ida deit, nunee maski ita barak ita mak isin lolon ida deit. Tanba ita hotu simu hosi paun fuan ida deit. 18Hanoin took povu Israel:#10:18 Lian Gregu dehan ‘povu Israel tuir isin’. laos sira nebee haan hosi sakrifísiu mak hola parte iha altár? 19Entaun hau dehan saida? Katak ai haan nebee oferese ona ba ídulu iha folin? Ka ídulu iha folin? 20Lae. Maibee hau dehan katak buat sira nebee ema Jentiu sira oferese nudar sakrifísiu, sira oferese ba diabu sira, laos ba Maromak. No hau lakohi imi hola parte ho diabu sira. 21Imi la bele hemu hosi Nai nia kopu no hosi diabu sira nia kopu. Imi la bele hola parte iha Nai nia meza no iha diabu sira nia meza. 22Ita hakarak provoka Nai atu sai laran moras ka? Ita mak forti liu Nia ka?
Buat Hotu Ba Nai Nia Glória
23“Tuir lo-loos, hau bele halo buat hotu-hotu,” maibee laos buat hotu mak diak ba ita. “Tuir lo-loos, hau bele halo buat hotu,” maibee laos buat hotu hametin ema. 24Ema ida-idak la bele buka diak ba ninia aan rasik, maibee ba ninia maluk. 25Haan buat hotu nebee faan iha merkadu, no lalika husu pergunta ida tanba konsiénsia. 26Tanba “mundu mak Nai nian no buat hotu nebee iha mundu laran.”#10:26 Hosi Salmu 24:1. 27Se ema nebee la fiar konvida imi atu baa haan no imi hakarak baa, haan saida deit nebee sira tau iha imi nia oin. Imi lalika husu pergunta ida tanba konsiénsia. 28Maibee se ema ida dehan ba imi, “Ida nee oferese ona nudar sakrifísiu,” entaun la bele haan ai haan nee, tanba ema nebee foo hatene ba imi, no tanba konsiénsia. 29Hau la koalia kona ba imi nia konsiénsia, maibee ninian. Tanba saa mak ema seluk nia konsiénsia bele tesi lia ba hau nia liberdade? 30Se hau haan ho laran nebee foo agradese, tanba saa mak ema koalia aat mai hau tanba ai haan nee, nebee hau foo ona agradese?
31Entaun, se imi haan ka hemu, ka iha buat hotu nebee imi halo, halo buat hotu-hotu ba Maromak nia glória. 32La bele halo ema monu, inklui ema Judeu sira, ema Jentiu sira, ka Maromak nia igreja. 33Tanba hau koko atu halo ema hotu kontenti ho buat hotu nebee hau halo. Hau la buka hau rasik nia diak maibee ema barak nian, atu sira bele hetan salvasaun.
Currently Selected:
1 Korinto 10: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
1 Korinto 10
10
Keta Adora Ídulu
1Maun-alin sira, hau hakarak imi hatene katak ita nia bei-ala sira hotu hela iha kalohan nia okos no sira hotu lao liu hosi tasi.#10:1 Maromak akompanha ema Israel ho kalohan no ahi (haree Exodu 13:21-22) no lori sira sai hosi Ejitu liu hosi Tasi Teberau (haree Exodu 14:21-22). 2Sira hotu hetan batizmu iha Moisés bainhira sira iha kalohan no iha tasi. 3Sira hotu haan ai haan espirituál nebee hanesan.#10:3 Maromak foo paun naran ‘maná’ ba sira iha rai fuik. Haree Exodu 16:11-14. 4Sira hotu hemu bee espirituál nebee hanesan. Tanba sira hemu hosi Fatuk Espirituál nebee tuir sira.#10:4 Maromak foo bee hemu hosi fatuk iha rai fuik. Haree Exodu 17:6. Fatuk nee mak Kristu. 5Maski nunee, Maromak la kontenti ho ema barak nee, tanba sira lakon iha rai fuik maran.#10:5 Ema Israel hotu nebee sai hosi Ejitu mate iha rai fuik, só Josué no Kaleb deit tama rai Kanaan. Haree Númeru 14:26-32.
6Agora, buat sira nee sai ezemplu ba ita, atu ita la bele kaan buat aat hanesan sira. 7La bele sai ema nebee adora ídulu hanesan sira balu, nebee ema hakerek nanis ona, “Povu nee tuur hodi haan-hemu, no hamriik hodi halimar.”#10:7 Ema Israel adora karau osan mean iha rai fuik. Haree Exodu 32:6. 8Ita keta halo sala seksuál hanesan sira balu halo, no ema nain rihun rua-nulu resin tolu (23.000) monu mate iha loron ida deit.#10:8 Haree Númeru 25:1-9. 9Ita keta koko Kristu hanesan sira balu halo, no sira lakon liu hosi samea sira.#10:9 Manuskritu balu dehan ‘keta koko Nai’. Haree istória nee iha Númeru 21:5-6, no haree Deuteronómiu 6:16. 10La bele murmura hanesan sira balu murmura, no Estragadór halakon sira.#10:10 Estragadór mak anju nebee oho ema. Paulo halo ligasaun ho Exodu 12:23 no Númeru 16:41-46. 11Agora, buat sira nee akontese ba sira nudar ezemplu. No ema hakerek buat sira nee hodi foo hanoin ba ita, nebee moris iha tempu nia rohan. 12Nunee ema nebee hanoin katak nia hamriik hela, nia tenki kuidadu katak nia la monu. 13Tentasaun hotu nebee hasoru imi nee, baibain hasoru ema seluk. Maromak mak fiel, no Nia sei la husik imi atu hetan tentasaun nebee liu fali imi nia kbiit. Maibee bainhira tentasaun mai, Nia sei foo dalan ida hodi sai, atu nunee imi bele tahan tentasaun nee.
14Nunee, hau nia doben sira, halai sees hosi hahalok nebee adora ídulu. 15Hau koalia ba imi nudar ema matenek. Imi rasik desidi kona ba buat nebee hau dehan. 16Kopu bensaun nian nebee ita foo bensaun, nee laos hola parte ho Kristu nia raan ka? Paun nebee ita silu, nee laos hola parte ho Kristu nia isin? 17Tanba paun fuan nee ida deit, nunee maski ita barak ita mak isin lolon ida deit. Tanba ita hotu simu hosi paun fuan ida deit. 18Hanoin took povu Israel:#10:18 Lian Gregu dehan ‘povu Israel tuir isin’. laos sira nebee haan hosi sakrifísiu mak hola parte iha altár? 19Entaun hau dehan saida? Katak ai haan nebee oferese ona ba ídulu iha folin? Ka ídulu iha folin? 20Lae. Maibee hau dehan katak buat sira nebee ema Jentiu sira oferese nudar sakrifísiu, sira oferese ba diabu sira, laos ba Maromak. No hau lakohi imi hola parte ho diabu sira. 21Imi la bele hemu hosi Nai nia kopu no hosi diabu sira nia kopu. Imi la bele hola parte iha Nai nia meza no iha diabu sira nia meza. 22Ita hakarak provoka Nai atu sai laran moras ka? Ita mak forti liu Nia ka?
Buat Hotu Ba Nai Nia Glória
23“Tuir lo-loos, hau bele halo buat hotu-hotu,” maibee laos buat hotu mak diak ba ita. “Tuir lo-loos, hau bele halo buat hotu,” maibee laos buat hotu hametin ema. 24Ema ida-idak la bele buka diak ba ninia aan rasik, maibee ba ninia maluk. 25Haan buat hotu nebee faan iha merkadu, no lalika husu pergunta ida tanba konsiénsia. 26Tanba “mundu mak Nai nian no buat hotu nebee iha mundu laran.”#10:26 Hosi Salmu 24:1. 27Se ema nebee la fiar konvida imi atu baa haan no imi hakarak baa, haan saida deit nebee sira tau iha imi nia oin. Imi lalika husu pergunta ida tanba konsiénsia. 28Maibee se ema ida dehan ba imi, “Ida nee oferese ona nudar sakrifísiu,” entaun la bele haan ai haan nee, tanba ema nebee foo hatene ba imi, no tanba konsiénsia. 29Hau la koalia kona ba imi nia konsiénsia, maibee ninian. Tanba saa mak ema seluk nia konsiénsia bele tesi lia ba hau nia liberdade? 30Se hau haan ho laran nebee foo agradese, tanba saa mak ema koalia aat mai hau tanba ai haan nee, nebee hau foo ona agradese?
31Entaun, se imi haan ka hemu, ka iha buat hotu nebee imi halo, halo buat hotu-hotu ba Maromak nia glória. 32La bele halo ema monu, inklui ema Judeu sira, ema Jentiu sira, ka Maromak nia igreja. 33Tanba hau koko atu halo ema hotu kontenti ho buat hotu nebee hau halo. Hau la buka hau rasik nia diak maibee ema barak nian, atu sira bele hetan salvasaun.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.