1 Korinto 11
11
Kona Ba Taka Ulun
1Halo tuir hau, hanesan hau halo tuir Kristu. 2Hau gaba imi tanba iha buat hotu imi hanoin hetan hau, no imi halo tuir hanorin nebee hau foo ona ba imi. 3Maibee hau hakarak imi kompriende katak mane hotu nia ulun mak Kristu, no feto nia ulun mak mane,#11:3 Feto no mane bele tradus ho liafuan feen no laen. Nee mos kona ba versíkulu tuir mai. Iha sira nia kultura feto nebee kaben ona taka ulun. no Kristu nia ulun mak Maromak. 4Mane ida nebee taka ninia ulun hodi halo orasaun ka foo sai profesia, nia hamoe ninia ulun. 5Maibee feto ida nebee halo orasaun ka foo sai profesia no la taka ninia ulun, nia hamoe ninia ulun, tanba ida nee hanesan nia koi ninia ulun. 6Tanba se feto ida lakohi taka ninia ulun, entaun nia tenki tesi ninia fuuk hotu. Maibee tanba nia senti moe se nia tesi ninia fuuk hotu ka koi ninia ulun, entaun diak liu nia taka ninia ulun. 7Tanba mane la bele taka ninia ulun, tanba nia mak Maromak nia ilas no glória. Maibee feto mak mane nia glória. 8Tanba mane la mai hosi feto, maibee feto mai hosi mane. 9No Maromak la kria mane ba feto, maibee feto ba mane.#11:7-9 Paulo koalia kona ba tempu nebee Maromak kria ema. Haree Jénesis 1:26-27, 2:18-23. 10Tanba nee mak feto tenki iha sinál autoridade nian iha ninia ulun, no mos tanba anju sira. 11Maski nunee, iha Nai, feto la ketak hosi mane no mane la ketak hosi feto. 12Tanba hanesan feto mai hosi mane, nunee mos mane mai hosi feto. No buat hotu mai hosi Maromak. 13Imi rasik tetu ba: se feto ida la taka ninia ulun no halo orasaun ba Maromak, ida nee loos ka lae? 14Laos buat naturais hanorin imi katak se mane ida iha fuuk naruk, ida nee mak hamoe nia? 15Maibee se feto ida iha fuuk naruk, ida nee mak ninia glória, tanba Maromak foo ninia fuuk atu taka nia. 16Maibee se ema ruma hakarak diskuti malu, ita la iha kostumi hanesan nee, no Maromak nia igreja sira mos la iha.
Nai Nia Haan Kalan
17Maibee iha liafuan tuir mai nee hau la gaba imi. Tanba bainhira imi halibur hamutuk, imi la halo diak liu tan maibee imi halo aat liu tan. 18Tanba primeiru, bainhira imi halibur hamutuk nudar igreja, hau rona katak imi halo grupu keta-ketak. No hau fiar ida nee uitoan. 19Tanba imi tenki iha grupu keta-ketak iha imi nia leet hodi ema bele hatene see mak loos. 20Bainhira imi halibur hamutuk iha fatin ida, imi la haan Nai nia Haan Kalan. 21Tanba bainhira imi haan, ema ida-idak haan uluk ninia hahaan. Depois ema ida hamlaha maibee ema seluk hemu too lanu. 22Saida mak nee! Laos imi iha uma atu haan no hemu? Ka imi hakribi Maromak nia igreja no hamoe sira nebee la iha ai haan? Hau sei dehan saida ba imi? Hau sei gaba imi kona ba hahalok nee ka? Lae, hau sei la halo ida nee.
23Tanba hau simu ona hosi Nai buat nebee hau mos hatoo ona ba imi, katak iha kalan nebee ema atu faan Nai Jesus, Nia foti paun, 24no bainhira Nia foo ona agradese, Nia silu paun nee, no dehan, “Ida nee mak Hau nia isin nebee Hau foo tanba imi. Halo ida nee nafatin hodi hanoin Hau.” 25Hanesan nee mos bainhira sira haan tiha, Nia foti kopu no dehan, “Kopu nee mak aliansa foun iha Hau nia raan. Halo ida nee, bainhira deit mak imi hemu hodi hanoin Hau.” 26Tanba bainhira deit mak imi haan paun nee, no hemu hosi kopu nee, imi foo sai Nai nia mate too Nia mai fali.
27Nee duni, ema nebee haan paun nee no hemu hosi Nai nia kopu bainhira nia la merese, nia halo sala hasoru Nai nia isin no raan. 28Maibee ema ida-idak tenki buka hatene ninia aan lai, depois nia bele haan paun nee no hemu hosi kopu nee. 29Tanba ema nebee haan no hemu bainhira nia la merese, tanba nia la hanoin Nai nia isin, nunee nia haan no hemu kastigu ba ninia aan rasik. 30Tanba nee mak ema barak iha imi nia leet sai fraku ona no moras, no ema balu mate ona. 31Tanba se ita hatene lo-loos ita nia aan rasik, ita sei la hetan kastigu. 32Maibee bainhira ita simu kastigu, ita simu disiplina hosi Nia, atu ita sei la simu kastigu hamutuk ho mundu.
33Nee duni hau nia maun-alin sira, bainhira imi halibur hamutuk atu haan, hein malu ba. 34Se ema ida hamlaha nia bele haan iha uma, atu nunee bainhira imi halibur hamutuk imi sei la hetan kastigu. Kona ba buat sira seluk, hau sei halo loos bainhira hau too iha nebaa.
Currently Selected:
1 Korinto 11: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
1 Korinto 11
11
Kona Ba Taka Ulun
1Halo tuir hau, hanesan hau halo tuir Kristu. 2Hau gaba imi tanba iha buat hotu imi hanoin hetan hau, no imi halo tuir hanorin nebee hau foo ona ba imi. 3Maibee hau hakarak imi kompriende katak mane hotu nia ulun mak Kristu, no feto nia ulun mak mane,#11:3 Feto no mane bele tradus ho liafuan feen no laen. Nee mos kona ba versíkulu tuir mai. Iha sira nia kultura feto nebee kaben ona taka ulun. no Kristu nia ulun mak Maromak. 4Mane ida nebee taka ninia ulun hodi halo orasaun ka foo sai profesia, nia hamoe ninia ulun. 5Maibee feto ida nebee halo orasaun ka foo sai profesia no la taka ninia ulun, nia hamoe ninia ulun, tanba ida nee hanesan nia koi ninia ulun. 6Tanba se feto ida lakohi taka ninia ulun, entaun nia tenki tesi ninia fuuk hotu. Maibee tanba nia senti moe se nia tesi ninia fuuk hotu ka koi ninia ulun, entaun diak liu nia taka ninia ulun. 7Tanba mane la bele taka ninia ulun, tanba nia mak Maromak nia ilas no glória. Maibee feto mak mane nia glória. 8Tanba mane la mai hosi feto, maibee feto mai hosi mane. 9No Maromak la kria mane ba feto, maibee feto ba mane.#11:7-9 Paulo koalia kona ba tempu nebee Maromak kria ema. Haree Jénesis 1:26-27, 2:18-23. 10Tanba nee mak feto tenki iha sinál autoridade nian iha ninia ulun, no mos tanba anju sira. 11Maski nunee, iha Nai, feto la ketak hosi mane no mane la ketak hosi feto. 12Tanba hanesan feto mai hosi mane, nunee mos mane mai hosi feto. No buat hotu mai hosi Maromak. 13Imi rasik tetu ba: se feto ida la taka ninia ulun no halo orasaun ba Maromak, ida nee loos ka lae? 14Laos buat naturais hanorin imi katak se mane ida iha fuuk naruk, ida nee mak hamoe nia? 15Maibee se feto ida iha fuuk naruk, ida nee mak ninia glória, tanba Maromak foo ninia fuuk atu taka nia. 16Maibee se ema ruma hakarak diskuti malu, ita la iha kostumi hanesan nee, no Maromak nia igreja sira mos la iha.
Nai Nia Haan Kalan
17Maibee iha liafuan tuir mai nee hau la gaba imi. Tanba bainhira imi halibur hamutuk, imi la halo diak liu tan maibee imi halo aat liu tan. 18Tanba primeiru, bainhira imi halibur hamutuk nudar igreja, hau rona katak imi halo grupu keta-ketak. No hau fiar ida nee uitoan. 19Tanba imi tenki iha grupu keta-ketak iha imi nia leet hodi ema bele hatene see mak loos. 20Bainhira imi halibur hamutuk iha fatin ida, imi la haan Nai nia Haan Kalan. 21Tanba bainhira imi haan, ema ida-idak haan uluk ninia hahaan. Depois ema ida hamlaha maibee ema seluk hemu too lanu. 22Saida mak nee! Laos imi iha uma atu haan no hemu? Ka imi hakribi Maromak nia igreja no hamoe sira nebee la iha ai haan? Hau sei dehan saida ba imi? Hau sei gaba imi kona ba hahalok nee ka? Lae, hau sei la halo ida nee.
23Tanba hau simu ona hosi Nai buat nebee hau mos hatoo ona ba imi, katak iha kalan nebee ema atu faan Nai Jesus, Nia foti paun, 24no bainhira Nia foo ona agradese, Nia silu paun nee, no dehan, “Ida nee mak Hau nia isin nebee Hau foo tanba imi. Halo ida nee nafatin hodi hanoin Hau.” 25Hanesan nee mos bainhira sira haan tiha, Nia foti kopu no dehan, “Kopu nee mak aliansa foun iha Hau nia raan. Halo ida nee, bainhira deit mak imi hemu hodi hanoin Hau.” 26Tanba bainhira deit mak imi haan paun nee, no hemu hosi kopu nee, imi foo sai Nai nia mate too Nia mai fali.
27Nee duni, ema nebee haan paun nee no hemu hosi Nai nia kopu bainhira nia la merese, nia halo sala hasoru Nai nia isin no raan. 28Maibee ema ida-idak tenki buka hatene ninia aan lai, depois nia bele haan paun nee no hemu hosi kopu nee. 29Tanba ema nebee haan no hemu bainhira nia la merese, tanba nia la hanoin Nai nia isin, nunee nia haan no hemu kastigu ba ninia aan rasik. 30Tanba nee mak ema barak iha imi nia leet sai fraku ona no moras, no ema balu mate ona. 31Tanba se ita hatene lo-loos ita nia aan rasik, ita sei la hetan kastigu. 32Maibee bainhira ita simu kastigu, ita simu disiplina hosi Nia, atu ita sei la simu kastigu hamutuk ho mundu.
33Nee duni hau nia maun-alin sira, bainhira imi halibur hamutuk atu haan, hein malu ba. 34Se ema ida hamlaha nia bele haan iha uma, atu nunee bainhira imi halibur hamutuk imi sei la hetan kastigu. Kona ba buat sira seluk, hau sei halo loos bainhira hau too iha nebaa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.