1 Korinto 12
12
Prezenti Espirituál
1Agora, maun-alin sira, hau hakarak atu imi hatene kona ba prezenti espirituál. 2Imi hatene katak bainhira imi sei ema Jentiu hela, ema dada imi atu tuir ídulu nebee la bele koalia, no imi tuir deit. 3Tanba nee hau hakarak imi kompriende katak la iha ema ida nebee koalia liu hosi Maromak nia Espíritu nebee bele dehan, “Malisan ba Jesus!” No la iha ema ida nebee bele dehan, “Jesus mak Nai,” só deit liu hosi Espíritu Santu.
4Agora, iha prezenti oi-oin, maibee Espíritu ida deit. 5No iha ministériu oi-oin, maibee Nai ida deit. 6No iha atividade oi-oin, maibee Maromak ida deit mak halao buat hotu iha ema hotu. 7Ema ida-idak simu Espíritu nebee hatudu Aan hodi foo benefísiu ba ema hotu. 8Ema ida simu liafuan kompriensaun liu hosi Espíritu, no ema seluk simu liafuan matenek liu hosi Espíritu hanesan, 9ema seluk simu fiar liu hosi Espíritu hanesan, ema seluk simu prezenti atu kura moras liu hosi Espíritu ida deit, 10ema seluk simu kbiit atu halo milagre, ema seluk bele foo sai profesia, ema seluk bele hatene espíritu sira nebee diak ka la diak, ema seluk koalia lian oi-oin, no ema seluk bele tradus lian oi-oin. 11Maibee atividade hotu nee mai hosi Espíritu ida nebee hanesan deit. Nia fahe ba ema ida-idak tuir Ninia hakarak.
Isin Ida Ho Membru Barak
12Tanba hanesan isin lolon ida deit iha parte barak, no parte hotu nee, maski barak, mak isin lolon ida deit, nunee mos ho Kristu. 13Tanba liu hosi Espíritu ida deit ita hotu simu batizmu hodi sai tama ba isin lolon ida deit. Maski ita ema Judeu sira ka ema Jentiu sira, maski ita atan ka ema livre - ita hotu hemu hosi Espíritu ida deit.
14Tanba isin lolon laos iha parte ida deit, maibee iha parte barak. 15Se ain dehan karik, “Tanba hau laos liman, hau laos hosi isin lolon nee,” nee katak nia laos hosi isin lolon nee ka? 16No se tilun dehan karik, “Tanba hau laos matan, hau laos hosi isin lolon nee,” nee katak nia laos hosi isin lolon nee ka? 17Se isin lolon tomak mak matan karik, oinsaa mak nia bele rona? Se isin lolon tomak mak tilun karik, oinsaa mak nia bele horon? 18Maibee hanesan nee, Maromak tau parte ida-idak iha isin-lolon nee tuir Ninia hakarak. 19No se sira hotu hanesan deit, entaun isin lolon nee iha nebee? 20Maibee hanesan nee, iha parte barak, maibee isin lolon ida deit.
21Matan la bele dehan ba liman, “Hau la presiza o,” no ulun mos la bele dehan ba ain, “Hau la presiza o.” 22Maibee isin lolon nia parte ruma nebee ita hanoin mak fraku liu, afinál ita presiza duni. 23No isin lolon nia parte ruma nebee ita hanoin iha onra uitoan deit, afinál ita foo onra barak liu. No ita nia parte sira nebee la furak, afinál ita halo furak liu. 24Tanba ita nia parte ruma nebee furak ona la presiza ita hafurak sira. Maibee Maromak tau isin lolon hamutuk hanesan nee, no Nia foo onra liu tan ba parte nebee onra la iha. 25Nia halo nunee hodi isin lolon la fera, maibee atu parte sira nee bele tau matan ba malu. 26Se parte ida hetan terus, parte hotu hetan terus hamutuk. Se parte ida hetan onra, parte hotu haksolok hamutuk.
27Agora imi mak Kristu nia isin lolon no imi ida-idak mak parte hosi isin lolon nee. 28No Maromak foo knaar ba ema iha igreja, primeiru apostolu sira, segundu profeta sira, terseiru mestri sira, tuir mai milagre sira, tuir mai prezenti nebee kura, ajuda, diriji, no koalia lian oi-oin. 29Ita hotu apostolu sira ka? Ita hotu profeta sira ka? Ita hotu mestri sira ka? Ita hotu halo milagre sira ka? 30Ita hotu hetan prezenti atu kura ka? Ita hotu koalia ho lian oi-oin ka? Ita hotu bele tradus ka? 31Maibee hakaas aan atu buka prezenti sira nebee diak liu. No agora hau sei hatudu ba imi dalan ida nebee diak liu tan.
Currently Selected:
1 Korinto 12: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
1 Korinto 12
12
Prezenti Espirituál
1Agora, maun-alin sira, hau hakarak atu imi hatene kona ba prezenti espirituál. 2Imi hatene katak bainhira imi sei ema Jentiu hela, ema dada imi atu tuir ídulu nebee la bele koalia, no imi tuir deit. 3Tanba nee hau hakarak imi kompriende katak la iha ema ida nebee koalia liu hosi Maromak nia Espíritu nebee bele dehan, “Malisan ba Jesus!” No la iha ema ida nebee bele dehan, “Jesus mak Nai,” só deit liu hosi Espíritu Santu.
4Agora, iha prezenti oi-oin, maibee Espíritu ida deit. 5No iha ministériu oi-oin, maibee Nai ida deit. 6No iha atividade oi-oin, maibee Maromak ida deit mak halao buat hotu iha ema hotu. 7Ema ida-idak simu Espíritu nebee hatudu Aan hodi foo benefísiu ba ema hotu. 8Ema ida simu liafuan kompriensaun liu hosi Espíritu, no ema seluk simu liafuan matenek liu hosi Espíritu hanesan, 9ema seluk simu fiar liu hosi Espíritu hanesan, ema seluk simu prezenti atu kura moras liu hosi Espíritu ida deit, 10ema seluk simu kbiit atu halo milagre, ema seluk bele foo sai profesia, ema seluk bele hatene espíritu sira nebee diak ka la diak, ema seluk koalia lian oi-oin, no ema seluk bele tradus lian oi-oin. 11Maibee atividade hotu nee mai hosi Espíritu ida nebee hanesan deit. Nia fahe ba ema ida-idak tuir Ninia hakarak.
Isin Ida Ho Membru Barak
12Tanba hanesan isin lolon ida deit iha parte barak, no parte hotu nee, maski barak, mak isin lolon ida deit, nunee mos ho Kristu. 13Tanba liu hosi Espíritu ida deit ita hotu simu batizmu hodi sai tama ba isin lolon ida deit. Maski ita ema Judeu sira ka ema Jentiu sira, maski ita atan ka ema livre - ita hotu hemu hosi Espíritu ida deit.
14Tanba isin lolon laos iha parte ida deit, maibee iha parte barak. 15Se ain dehan karik, “Tanba hau laos liman, hau laos hosi isin lolon nee,” nee katak nia laos hosi isin lolon nee ka? 16No se tilun dehan karik, “Tanba hau laos matan, hau laos hosi isin lolon nee,” nee katak nia laos hosi isin lolon nee ka? 17Se isin lolon tomak mak matan karik, oinsaa mak nia bele rona? Se isin lolon tomak mak tilun karik, oinsaa mak nia bele horon? 18Maibee hanesan nee, Maromak tau parte ida-idak iha isin-lolon nee tuir Ninia hakarak. 19No se sira hotu hanesan deit, entaun isin lolon nee iha nebee? 20Maibee hanesan nee, iha parte barak, maibee isin lolon ida deit.
21Matan la bele dehan ba liman, “Hau la presiza o,” no ulun mos la bele dehan ba ain, “Hau la presiza o.” 22Maibee isin lolon nia parte ruma nebee ita hanoin mak fraku liu, afinál ita presiza duni. 23No isin lolon nia parte ruma nebee ita hanoin iha onra uitoan deit, afinál ita foo onra barak liu. No ita nia parte sira nebee la furak, afinál ita halo furak liu. 24Tanba ita nia parte ruma nebee furak ona la presiza ita hafurak sira. Maibee Maromak tau isin lolon hamutuk hanesan nee, no Nia foo onra liu tan ba parte nebee onra la iha. 25Nia halo nunee hodi isin lolon la fera, maibee atu parte sira nee bele tau matan ba malu. 26Se parte ida hetan terus, parte hotu hetan terus hamutuk. Se parte ida hetan onra, parte hotu haksolok hamutuk.
27Agora imi mak Kristu nia isin lolon no imi ida-idak mak parte hosi isin lolon nee. 28No Maromak foo knaar ba ema iha igreja, primeiru apostolu sira, segundu profeta sira, terseiru mestri sira, tuir mai milagre sira, tuir mai prezenti nebee kura, ajuda, diriji, no koalia lian oi-oin. 29Ita hotu apostolu sira ka? Ita hotu profeta sira ka? Ita hotu mestri sira ka? Ita hotu halo milagre sira ka? 30Ita hotu hetan prezenti atu kura ka? Ita hotu koalia ho lian oi-oin ka? Ita hotu bele tradus ka? 31Maibee hakaas aan atu buka prezenti sira nebee diak liu. No agora hau sei hatudu ba imi dalan ida nebee diak liu tan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.