Apostolu 13
13
Barnabé No Saul Halo Viajen
1Igreja nebee iha Antiokia iha profeta no mestri sira: Barnabé, Simeão nebee ema bolu Niger, Lúcio hosi Sirene, Manaen nebee membru ida hosi ukun-nain Herodes nia konselhu, no Saul. 2Bainhira sira adora hela Nai no halo jejún, Espíritu Santu dehan, “Haketak Barnabé no Saul ba Hau hodi halo servisu nebee Hau bolu ona sira atu halo.” 3Entaun bainhira sira halo tiha jejún no orasaun, sira tau liman ba sira no haruka sira sai.
Barnabé No Saul Iha Xipre
4Entaun, tanba Espíritu Santu haruka sira sai, sira baa Seléusia. No hosi nebaa sira sae roo ba Xipre. 5Bainhira sira too iha Salamina, sira haklaken Maromak nia liafuan iha ema Judeu nia sinagoga sira. No sira iha mos João hodi ajuda sira. 6Bainhira sira lao liu ilha tomak too iha Pafos, sira hetan matan dook ida nebee profeta falsu. Nia mak ema Judeu ida naran Bar-Jesus. 7Nia mak hamutuk ho xefi postu ba rai nee naran Sérgio Paulo, ema matenek ida. Xefi nee bolu Barnabé no Saul tanba nia hakarak rona Maromak nia liafuan. 8Matan dook nia naran bele tradus ba Elimas. Elimas kontra hasoru sira tanba nia hakarak halo xefi husik fiar nee. 9Entaun Saul (nebee ema bolu Paulo) nakonu ho Espíritu Santu, no hateke di-diak ba Elimas. 10No nia dehan, “O mak diabu nia oan. O mak inimigu ba hahalok loos hotu. O nakonu ho hahalok nebee bosok no aat. O sei la para atu halo kleuk Nai nia dalan loos ka? 11Agora, tebes, Nai nia liman sei kona o, no o sei sai matan delek. O sei la haree loro matan ba tempu balu.” No iha momentu nee kedas abu-abu mahar no nakukun tuun ba Elimas. Nia lao ba-mai buka ema atu kaer nia liman hodi lori nia. 12Bainhira xefi haree ida nee nia fiar, tanba nia hakfodak ho hanorin hosi Nai.
Paulo No Barnabé Iha Antiokia Pisídia
13Paulo no sira nebee hamutuk ho nia sae roo iha Pafos no baa Perga iha Pamfília. No João husik sira no fila fali ba Jerusalém. 14Maibee sira sai hosi Perga no baa too iha Antiokia nebee iha Pisídia. Sira tama ba sinagoga iha loron Sabdu no tuur iha nebaa. 15Bainhira ema lee tiha ona hosi Lei no Profeta sira,#13:15 ‘Lei’ mak livru hosi Moisés nebee Jénesis too Deuteronómiu. ‘Profeta sira’ inklui livru hosi Isaias too Malakias, no bele inklui livru sira seluk iha Testamentu Tuan. nai ulun sira hosi sinagoga nee haruka ema husu sira, no dehan, “Maun-alin sira, se imi iha liafuan ruma hodi foo korajen ba povu nee, koalia ba.” 16Entaun Paulo hamriik, no foo sinál ho ninia liman hodi dehan, “Ema Israel sira, no imi nebee hamtauk Maromak, rona ba. 17Povu Israel nia Maromak hili ita nia bei-ala sira, no foti aas povu nee bainhira sira hela nudar estranjeiru iha rai Ejitu. No ho liman forti Nia lori sira sai hosi rai nebaa.#13:17 Maromak hili Abraão, Jénesis 12:1-3. Ema Israel sai barak iha Ejitu, Exodu 1:7. Maromak lori sira sai hosi Ejitu, Exodu 12:41. 18No durante tinan haat-nulu Maromak hatudu pasiénsia ba sira iha rai fuik.#13:18 Israel nia istória iha rai fuik, Exodu 13 too Deuteronómiu. Haree Deuteronómiu 1:31. 19No bainhira Nia halakon ona nasaun hitu iha rai Kanaan, Nia fahe rai nee ba sira nudar liman rohan.#13:19 Maromak halakon ema Kanaan iha livru Josué. Depois Nia fahe rai ba sira, Josué 13:8-21:45. 20Buat hotu nee haan maizoumenus tinan atus haat lima-nulu. Depois Nia foo juis sira ba povu nee too profeta Samuel.#13:20 Maromak haruka juis sira hanesan Gideão, Debora no Sansão iha livru Juis Sira. Maromak foo juis ikus nebee Samuel, 1 Samuel 3. 21Tuir mai sira husu liurai ida. No Maromak foo Saul, Kis nia oan mane, ba sira. Nia mak ema hosi suku Benjamin. No Saul ukun too tinan haat-nulu.#13:21 Sira husu liurai, 1 Samuel 8:1, no hetan Saul, 1 Samuel 9:24. 22Bainhira Nia hasai Saul, Nia foti David nudar sira nia liurai. Nia foo sai testemunha no dehan, “Hau hetan David, Jessé nia oan mane. Nia mak mane ida nebee tuir Hau nia fuan laran, no nia sei halo tuir buat hotu nebee Hau hakarak.”#13:22 Haree 1 Samuel 13:14. Samuel fui mina ba David, 1 Samuel 16:1-13. 23Hosi mane nee nia bei-oan, Maromak foti Salvadór ida ba Israel tuir Ninia promesa. Salvadór nee mak Jesus.#13:23 Haree Mateus 1:21. Haree profesia ida iha Jeremias 30:8-11. 24Molok Jesus mai, João foo sai kona ba batizmu arepende nian ba povu Israel hotu. 25No bainhira João halo hotu ninia knaar, nia dehan, ‘Imi hanoin hau nee see? Hau laos Nia. Maibee, tebes, ema ida sei tuir hau. Hau la merese atu kore Ninia sandálias talin iha Ninia ain.’#13:25 Haree Marcos 1:4-8. 26Maun-alin sira, nebee Abraão nia oan sira, no ema iha imi nia leet nebee hamtauk Maromak, Nia haruka ona liafuan salvasaun nian nee mai ita. 27Ema nebee hela iha Jerusalém, no sira nia nai ulun sira, la rekonhese Jesus. No sira la kompriende liafuan hosi Profeta sira nebee ema lee Sabdu-Sabdu. Tanba nee sira kumpri liafuan nee bainhira sira kondena Nia.#13:27 Ezemplu hosi Profeta sira iha Isaias 53. Sira dehan Jesus halo sala no merese atu mate. Haree Mateus 26:66.
28Maski sira la hetan razaun ida atu foo kastigu mate ba Nia, sira husu Pilatos atu oho Nia.#13:28 Haree Mateus 27:2. 29No bainhira sira kumpri ona buat hotu nebee hakerek nanis ona kona ba Nia, sira hatuun Nia hosi ai huun, no tau Nia iha rate ida. 30Maibee Maromak halo Nia moris hias ona hosi mate. 31Durante loron barak nia laran Nia hatudu aan ba sira nebee uluk sae hosi Galileia ba Jerusalém hamutuk ho Nia. Depois sira sai Ninia sasin ba povu nee.#13:29-31 Jesus iha krús, Mateus 27:35. José hatuun mate isin no tau iha rate, Mateus 27:59-60. Jesus moris hias, 28:6. Jesus hatudu aan ba sira, Lucas 24:15, 36. Sira sai sasin, Apostolu 1:8. 32No ami hatoo evanjelhu nee ba imi kona ba promesa nebee Maromak halo ba bei-ala sira. 33Nia kumpri ona promesa nee ba ami, nebee sira nia bei-oan sira. Tanba Nia halo Jesus moris hias ona. Ida nee tuir buat nebee hakerek nanis ona iha Salmu segundu,
‘O mak Hau nia Oan Mane,
ohin loron Hau hamoris O.’#13:33 Hosi Salmu 2:7. Haree mos Marcos 1:11.
34No kona ba Maromak halo Jesus moris hias ona hosi mate, no Ninia isin sei la sai dodok, Nia dehan ida nee,
‘Hau sei foo ba O bensaun sira nebee santu no loos nebee David nian.’#13:34 Haree Isaias 55:3.
35Nunee Nia dehan mos iha Salmu seluk, ‘O sei la husik O nia Ema Santu atu sai isin dodok.’#13:35 Hosi Salmu 16:10.
36Tanba bainhira David serví tiha ona Maromak nia hakarak ba ninia jerasaun, nia mate.#13:36 Lian Gregu dehan ‘nia toba’ katak nia mate. Haree 1 Liurai 2:10. Depois sira tau nia hamutuk ho ninia bei-ala sira no nia sai isin dodok. 37Maibee Nia nebee Maromak halo moris hias ona la sai isin dodok. 38Nunee hatene ba, maun-alin sira, ami foo sai ba imi katak perdua ba sala mai liu hosi Mane nee. 39Imi la bele sai loos liu hosi Moisés nia lei. Maibee ema hotu nebee fiar bele sai loos hosi buat hotu liu hosi Nia. 40Nunee kuidadu katak liafuan hosi profeta sira la bele akontese:
41‘Haree ba, imi goza door sira,
admira no lakon mohu ba;
tanba Hau halo buat ida iha imi nia tempu,
buat ida nebee imi sei la fiar, maski ema ida foo hatene ba imi.’”#13:41 Hosi Habakuke 1:5.
42Bainhira sira sai dadaun, ema sira nee husu sira atu bele koalia kona ba liafuan nee ba sira iha Sabdu oin. 43Bainhira sinagoga taka tiha, ema Judeu barak no fiar nain sira#13:43 Ema nebee troka relijiaun atu tuir ema Judeu sira nia relijiaun. tuir Paulo no Barnabé. Paulo no Barnabé koalia ba sira no foo korajen ba sira atu lao nafatin iha Maromak nia grasa.
44Iha loron Sabdu tuir mai, besik ema hotu hosi sidade nee halibur hamutuk atu rona Nai nia liafuan. 45Maibee bainhira ema Judeu sira haree ema lubun boot nee, sira sai laran moras tebes. Sira hahuu kontra liafuan hosi Paulo no koalia aat ba nia. 46Depois Paulo no Barnabé koalia ho aten brani, no dehan, “Tuir lo-loos ami tenki foo sai Maromak nia liafuan uluk ba imi. Maibee tanba imi dudu sees liafuan nee, no desidi katak imi la merese atu simu moris rohan laek, tebes, ami sei fila ba ema Jentiu sira. 47Tanba Nai haruka ami, no dehan,
‘Hau halo imi sai naroman ida ba ema Jentiu sira,
katak imi bele lori salvasaun ba mundu tomak.’#13:47 Isaias 49:6.
48Bainhira ema Jentiu sira rona tiha ida nee, sira haksolok no foo glória ba Nai nia liafuan. No ema hotu nebee Maromak hili ona#13:48 Liafuan iha Gregu iha sentidu katak ‘prepara ona’ ka ‘desidi ona’, lian Gregu la dehan ‘Maromak’. atu simu moris rohan laek, ema sira nee fiar. 49No Nai nia liafuan habelar tan ba rejiaun nee tomak. 50Maibee ema Judeu sira lori lia ba feto naran boot sira nebee hamtauk Maromak, no mos sidade nia nai ulun sira, hanehan Paulo no Barnabé, no duni sai sira nain rua hosi sira nia distritu. 51Maibee sira nain rua liki rai rahun hosi sira nia ain hasoru ema sira nee. Depois sira baa Ikónio. 52No eskolante sira sai nakonu ho laran haksolok no ho Espíritu Santu.
Currently Selected:
Apostolu 13: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Apostolu 13
13
Barnabé No Saul Halo Viajen
1Igreja nebee iha Antiokia iha profeta no mestri sira: Barnabé, Simeão nebee ema bolu Niger, Lúcio hosi Sirene, Manaen nebee membru ida hosi ukun-nain Herodes nia konselhu, no Saul. 2Bainhira sira adora hela Nai no halo jejún, Espíritu Santu dehan, “Haketak Barnabé no Saul ba Hau hodi halo servisu nebee Hau bolu ona sira atu halo.” 3Entaun bainhira sira halo tiha jejún no orasaun, sira tau liman ba sira no haruka sira sai.
Barnabé No Saul Iha Xipre
4Entaun, tanba Espíritu Santu haruka sira sai, sira baa Seléusia. No hosi nebaa sira sae roo ba Xipre. 5Bainhira sira too iha Salamina, sira haklaken Maromak nia liafuan iha ema Judeu nia sinagoga sira. No sira iha mos João hodi ajuda sira. 6Bainhira sira lao liu ilha tomak too iha Pafos, sira hetan matan dook ida nebee profeta falsu. Nia mak ema Judeu ida naran Bar-Jesus. 7Nia mak hamutuk ho xefi postu ba rai nee naran Sérgio Paulo, ema matenek ida. Xefi nee bolu Barnabé no Saul tanba nia hakarak rona Maromak nia liafuan. 8Matan dook nia naran bele tradus ba Elimas. Elimas kontra hasoru sira tanba nia hakarak halo xefi husik fiar nee. 9Entaun Saul (nebee ema bolu Paulo) nakonu ho Espíritu Santu, no hateke di-diak ba Elimas. 10No nia dehan, “O mak diabu nia oan. O mak inimigu ba hahalok loos hotu. O nakonu ho hahalok nebee bosok no aat. O sei la para atu halo kleuk Nai nia dalan loos ka? 11Agora, tebes, Nai nia liman sei kona o, no o sei sai matan delek. O sei la haree loro matan ba tempu balu.” No iha momentu nee kedas abu-abu mahar no nakukun tuun ba Elimas. Nia lao ba-mai buka ema atu kaer nia liman hodi lori nia. 12Bainhira xefi haree ida nee nia fiar, tanba nia hakfodak ho hanorin hosi Nai.
Paulo No Barnabé Iha Antiokia Pisídia
13Paulo no sira nebee hamutuk ho nia sae roo iha Pafos no baa Perga iha Pamfília. No João husik sira no fila fali ba Jerusalém. 14Maibee sira sai hosi Perga no baa too iha Antiokia nebee iha Pisídia. Sira tama ba sinagoga iha loron Sabdu no tuur iha nebaa. 15Bainhira ema lee tiha ona hosi Lei no Profeta sira,#13:15 ‘Lei’ mak livru hosi Moisés nebee Jénesis too Deuteronómiu. ‘Profeta sira’ inklui livru hosi Isaias too Malakias, no bele inklui livru sira seluk iha Testamentu Tuan. nai ulun sira hosi sinagoga nee haruka ema husu sira, no dehan, “Maun-alin sira, se imi iha liafuan ruma hodi foo korajen ba povu nee, koalia ba.” 16Entaun Paulo hamriik, no foo sinál ho ninia liman hodi dehan, “Ema Israel sira, no imi nebee hamtauk Maromak, rona ba. 17Povu Israel nia Maromak hili ita nia bei-ala sira, no foti aas povu nee bainhira sira hela nudar estranjeiru iha rai Ejitu. No ho liman forti Nia lori sira sai hosi rai nebaa.#13:17 Maromak hili Abraão, Jénesis 12:1-3. Ema Israel sai barak iha Ejitu, Exodu 1:7. Maromak lori sira sai hosi Ejitu, Exodu 12:41. 18No durante tinan haat-nulu Maromak hatudu pasiénsia ba sira iha rai fuik.#13:18 Israel nia istória iha rai fuik, Exodu 13 too Deuteronómiu. Haree Deuteronómiu 1:31. 19No bainhira Nia halakon ona nasaun hitu iha rai Kanaan, Nia fahe rai nee ba sira nudar liman rohan.#13:19 Maromak halakon ema Kanaan iha livru Josué. Depois Nia fahe rai ba sira, Josué 13:8-21:45. 20Buat hotu nee haan maizoumenus tinan atus haat lima-nulu. Depois Nia foo juis sira ba povu nee too profeta Samuel.#13:20 Maromak haruka juis sira hanesan Gideão, Debora no Sansão iha livru Juis Sira. Maromak foo juis ikus nebee Samuel, 1 Samuel 3. 21Tuir mai sira husu liurai ida. No Maromak foo Saul, Kis nia oan mane, ba sira. Nia mak ema hosi suku Benjamin. No Saul ukun too tinan haat-nulu.#13:21 Sira husu liurai, 1 Samuel 8:1, no hetan Saul, 1 Samuel 9:24. 22Bainhira Nia hasai Saul, Nia foti David nudar sira nia liurai. Nia foo sai testemunha no dehan, “Hau hetan David, Jessé nia oan mane. Nia mak mane ida nebee tuir Hau nia fuan laran, no nia sei halo tuir buat hotu nebee Hau hakarak.”#13:22 Haree 1 Samuel 13:14. Samuel fui mina ba David, 1 Samuel 16:1-13. 23Hosi mane nee nia bei-oan, Maromak foti Salvadór ida ba Israel tuir Ninia promesa. Salvadór nee mak Jesus.#13:23 Haree Mateus 1:21. Haree profesia ida iha Jeremias 30:8-11. 24Molok Jesus mai, João foo sai kona ba batizmu arepende nian ba povu Israel hotu. 25No bainhira João halo hotu ninia knaar, nia dehan, ‘Imi hanoin hau nee see? Hau laos Nia. Maibee, tebes, ema ida sei tuir hau. Hau la merese atu kore Ninia sandálias talin iha Ninia ain.’#13:25 Haree Marcos 1:4-8. 26Maun-alin sira, nebee Abraão nia oan sira, no ema iha imi nia leet nebee hamtauk Maromak, Nia haruka ona liafuan salvasaun nian nee mai ita. 27Ema nebee hela iha Jerusalém, no sira nia nai ulun sira, la rekonhese Jesus. No sira la kompriende liafuan hosi Profeta sira nebee ema lee Sabdu-Sabdu. Tanba nee sira kumpri liafuan nee bainhira sira kondena Nia.#13:27 Ezemplu hosi Profeta sira iha Isaias 53. Sira dehan Jesus halo sala no merese atu mate. Haree Mateus 26:66.
28Maski sira la hetan razaun ida atu foo kastigu mate ba Nia, sira husu Pilatos atu oho Nia.#13:28 Haree Mateus 27:2. 29No bainhira sira kumpri ona buat hotu nebee hakerek nanis ona kona ba Nia, sira hatuun Nia hosi ai huun, no tau Nia iha rate ida. 30Maibee Maromak halo Nia moris hias ona hosi mate. 31Durante loron barak nia laran Nia hatudu aan ba sira nebee uluk sae hosi Galileia ba Jerusalém hamutuk ho Nia. Depois sira sai Ninia sasin ba povu nee.#13:29-31 Jesus iha krús, Mateus 27:35. José hatuun mate isin no tau iha rate, Mateus 27:59-60. Jesus moris hias, 28:6. Jesus hatudu aan ba sira, Lucas 24:15, 36. Sira sai sasin, Apostolu 1:8. 32No ami hatoo evanjelhu nee ba imi kona ba promesa nebee Maromak halo ba bei-ala sira. 33Nia kumpri ona promesa nee ba ami, nebee sira nia bei-oan sira. Tanba Nia halo Jesus moris hias ona. Ida nee tuir buat nebee hakerek nanis ona iha Salmu segundu,
‘O mak Hau nia Oan Mane,
ohin loron Hau hamoris O.’#13:33 Hosi Salmu 2:7. Haree mos Marcos 1:11.
34No kona ba Maromak halo Jesus moris hias ona hosi mate, no Ninia isin sei la sai dodok, Nia dehan ida nee,
‘Hau sei foo ba O bensaun sira nebee santu no loos nebee David nian.’#13:34 Haree Isaias 55:3.
35Nunee Nia dehan mos iha Salmu seluk, ‘O sei la husik O nia Ema Santu atu sai isin dodok.’#13:35 Hosi Salmu 16:10.
36Tanba bainhira David serví tiha ona Maromak nia hakarak ba ninia jerasaun, nia mate.#13:36 Lian Gregu dehan ‘nia toba’ katak nia mate. Haree 1 Liurai 2:10. Depois sira tau nia hamutuk ho ninia bei-ala sira no nia sai isin dodok. 37Maibee Nia nebee Maromak halo moris hias ona la sai isin dodok. 38Nunee hatene ba, maun-alin sira, ami foo sai ba imi katak perdua ba sala mai liu hosi Mane nee. 39Imi la bele sai loos liu hosi Moisés nia lei. Maibee ema hotu nebee fiar bele sai loos hosi buat hotu liu hosi Nia. 40Nunee kuidadu katak liafuan hosi profeta sira la bele akontese:
41‘Haree ba, imi goza door sira,
admira no lakon mohu ba;
tanba Hau halo buat ida iha imi nia tempu,
buat ida nebee imi sei la fiar, maski ema ida foo hatene ba imi.’”#13:41 Hosi Habakuke 1:5.
42Bainhira sira sai dadaun, ema sira nee husu sira atu bele koalia kona ba liafuan nee ba sira iha Sabdu oin. 43Bainhira sinagoga taka tiha, ema Judeu barak no fiar nain sira#13:43 Ema nebee troka relijiaun atu tuir ema Judeu sira nia relijiaun. tuir Paulo no Barnabé. Paulo no Barnabé koalia ba sira no foo korajen ba sira atu lao nafatin iha Maromak nia grasa.
44Iha loron Sabdu tuir mai, besik ema hotu hosi sidade nee halibur hamutuk atu rona Nai nia liafuan. 45Maibee bainhira ema Judeu sira haree ema lubun boot nee, sira sai laran moras tebes. Sira hahuu kontra liafuan hosi Paulo no koalia aat ba nia. 46Depois Paulo no Barnabé koalia ho aten brani, no dehan, “Tuir lo-loos ami tenki foo sai Maromak nia liafuan uluk ba imi. Maibee tanba imi dudu sees liafuan nee, no desidi katak imi la merese atu simu moris rohan laek, tebes, ami sei fila ba ema Jentiu sira. 47Tanba Nai haruka ami, no dehan,
‘Hau halo imi sai naroman ida ba ema Jentiu sira,
katak imi bele lori salvasaun ba mundu tomak.’#13:47 Isaias 49:6.
48Bainhira ema Jentiu sira rona tiha ida nee, sira haksolok no foo glória ba Nai nia liafuan. No ema hotu nebee Maromak hili ona#13:48 Liafuan iha Gregu iha sentidu katak ‘prepara ona’ ka ‘desidi ona’, lian Gregu la dehan ‘Maromak’. atu simu moris rohan laek, ema sira nee fiar. 49No Nai nia liafuan habelar tan ba rejiaun nee tomak. 50Maibee ema Judeu sira lori lia ba feto naran boot sira nebee hamtauk Maromak, no mos sidade nia nai ulun sira, hanehan Paulo no Barnabé, no duni sai sira nain rua hosi sira nia distritu. 51Maibee sira nain rua liki rai rahun hosi sira nia ain hasoru ema sira nee. Depois sira baa Ikónio. 52No eskolante sira sai nakonu ho laran haksolok no ho Espíritu Santu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.