Apostolu 2
2
Espíritu Santu Mai
1Bainhira too ona loron Pentekosta,#2:1 Loron lima-nulu hosi Festa Páskua. Ida nee tuir regulamentu hosi Levítiku 23:15-21. Sira bolu mos Festa Semana Sira nian, Deuteronómiu 16:10, no iha ligasaun ho loron nebee hetan rezultadu primeiru, Númeru 28:26. sira hotu halibur hamutuk iha fatin ida. 2Derepenti lian ida mai hosi lalehan. Lian nee hanesan anin boot nebee huu makaas no halo uma nakonu iha fatin nebee sira tuur. 3Depois buat ida mosu mai nebee iha oin hanesan nanaal ahi lakan nian, nebee fahe no tuun ba ema ida-idak. 4Sira hotu sai nakonu ho Espíritu Santu no komesa koalia ho lian#2:4 Iha lian Gregu, liafuan ‘lian’ nee hanesan ho ‘nanaal’ iha versíkulu 3. seluk, tuir lian nebee Espíritu foo ba sira.
5Iha tempu nebaa, ema Judeu sira hela iha Jerusalém nebee hamtauk Maromak#2:5 Ka ‘iha hahalok diak’, ho signifika katak sira kuidadu atu halo diak tuir Maromak nia hakarak. no mai hosi nasaun hotu iha lalehan okos. 6No bainhira sira rona lian nee, sira mai hamutuk too ema lubun boot. Sira bilaan tiha tanba sira rona disípulu sira koalia iha sira ida-idak ninia lian rasik. 7Sira hotu hakfodak no admira. No sira dehan, “Tebes, laos ema hotu nebee koalia dadaun nee mak ema Galileia sira? 8Oinsaa mak ita ida-idak rona ita nia lian rasik? 9Ita mai hosi Pártia, Média, no Elam. No iha ema nebee baibain hela iha Mezopotámia, Judeia, Kapadósia, Pontus, Ázia, 10Frígia, Pamfília, Ejitu, no área Líbia nebee besik Sirene, no ema rai liur hosi Roma, 11inklui mos ema Judeu sira no ema nebee simu relijiaun Judeu nian, no ema Kreta no Arábia. Ita rona sira koalia iha ita nia lian rasik kona ba Maromak nia hahalok furak.” 12No sira hotu hakfodak no bilaan. Sira dehan ba malu, “Nee signifika saida?” 13Ema seluk goza sira no dehan, “Ema sira nee nakonu ho tua uvas.”
Pedro Haklaken
14Maibee Pedro hamriik ho sira nain sanulu resin ida. Nia koalia ba ema lubun boot ho lian makaas no dehan, “Ema Judeia sira, no imi hotu imi nebee hela iha Jerusalém, hatene di-diak no rona hau nia liafuan. 15Tanba ema sira nee la lanu, hanesan imi hanoin, tanba oras nee tuku sia dadeer. 16Maibee ida nee mak buat nebee koalia ona liu hosi profeta Joel:
17‘Iha tempu ikus, ida nee sei akontese, dehan Maromak,
Hau sei fakar Hau nia Espíritu ba ema hotu,
no imi nia oan mane sira no imi nia oan feto sira sei foo sai profesia,
no imi nia joven mane sira sei haree vizaun,
no imi nia katuas sira sei hetan mehi.
18Ba Hau nia atan mane no hau nia atan feto sira mos
Hau sei fakar Hau nia Espíritu iha tempu nebaa,
no sira sei foo sai profesia.
19No Hau sei hatudu milagre sira iha lalehan iha leten,
no sinál sira iha mundu iha kraik,
nebee raan, ahi, no ahi suar.
20Loro matan sei sai nakukun
no fulan sei sai raan,
molok Nai nia loron mai,
nebee boot no makaas tebes.
21No ema hotu nebee bolu ba Nai nia naran
sei hetan salvasaun.’#2:17-21 Hosi Joel 2:28-32.
22Ema hosi Israel, rona liafuan nee: Maromak hatudu katak Nia haruka Jesus hosi Nazaré, tanba Maromak halao kbiit, milagre no sinál sira liu hosi Jesus iha imi nia leet. Imi mos hatene ida nee. 23Ema entrega Jesus ba imi tuir Maromak nia planu no Nia hatene ida nee uluk kedas. No imi prega Jesus ba krús no oho Nia liu hosi ema aat sira nia liman. 24Maromak halo Jesus moris hias ona. Nia kore terus mate nian hosi Jesus. Tanba terus mate nee la iha kbiit atu kaer Jesus. 25Tanba David koalia kona ba Nia,
‘Hau haree Nai sempre iha Hau nia oin,
Hau sei la nakdedar tanba Nia iha Hau nia liman loos,
26Nunee mak Hau nia fuan laran haksolok,
no Hau nia nanaal kontenti liu,
no Hau nia isin mos sei hela metin ho esperansa.
27Tanba O sei la husik Hau nia klamar iha Fatin Mate,#2:27 Lian Gregu dehan ades.
no O sei la husik O nia Ema Santu nee sai isin dodok.
28O foo hatene dalan moris nian mai Hau,
O sei halo Hau nakonu ho haksolok iha O nia oin.’#2:25-28 Hosi Salmu 16:8-11.
29Maun-alin sira, hau bele koalia lo-loos ba imi kona ba ita nia bei-ala David, katak nia mate ona no mos ema hakoi ona nia. No ninia rate sei iha ita nia leet too ohin loron. 30Nunee tanba David mak profeta ida, nia hatene katak Maromak jura ona ba nia katak Maromak sei tau ninia bei-oan ida iha ninia kadunan. 31Tanba nee David hatene uluk no dehan katak Kristu sei moris hias, no Maromak sei la husik Ninia klamar iha Fatin Mate, no mos Ninia isin sei la sai dodok. 32Maromak halo Jesus nee moris hias ona. No ami hotu sai sasin kona ba ida nee. 33Nunee tanba Nia sae ona ba Maromak nia liman loos, no Nia simu ona Espíritu Santu nebee Aman promete, Nia fakar buat nee, nebee imi haree no rona. 34Tanba David la sae ba lalehan, maibee nia rasik dehan,
‘Nai dehan ba hau nia Nai,
“Tuur iha Hau nia liman loos,
35too Hau tau O nia inimigu sira iha O nia ain okos.”’#2:34-35 Lian Gregu dehan ‘too Hau halo o nia inimigu sira sai o nia ain nia tuur fatin.’ Hosi Salmu 110:1. Haree mos Mateus 22:44.
36Nunee Israel nia uma kain tomak bele hatene lo-loos katak Maromak halo Jesus nee, nebee imi prega ona ba krús, nudar Nai no Kristu.”
37Bainhira sira rona tiha nunee, sira nia laran kanek, no sira dehan ba Pedro no apostolu sira seluk, “Maun-alin sira, ami tenki halo saida?” 38Depois Pedro dehan ba sira, “Arepende ba, no imi ida-idak simu batizmu hodi Jesus Kristu nia naran atu hetan perdaun ba sala, no imi sei simu prezenti Espíritu Santu nian. 39Tanba promesa nee ba imi, no ba imi nia oan sira, no ba ema hotu nebee dook, ema hotu nebee Nai, ita nia Maromak, sei bolu.” 40Pedro koalia liafuan barak hodi foo sasin no foo korajen ba sira, no dehan, “Salva aan hosi jerasaun aat nee.” 41Depois sira nebee simu ninia liafuan ho laran kontenti hetan batizmu. Iha loron nee, sira aumenta maizoumenus ema nain rihun tolu.
Sarani Sira Ajuda Malu
42Sira kontinua tuir metin ba apostolu sira nia hanorin no lao hamutuk, silu paun no halo orasaun. 43Ema hotu tauk sira. Tanba apostolu sira halo milagre no sinál barak. 44No ema hotu nebee fiar halibur hamutuk, no sira fahe buat hotu nebee sira iha ba malu. 45Sira faan sira nia riku-soin no sasaan, no fahe osan nee ba ema hotu, tuir buat nebee ema ida-idak presiza. 46Loro-loron, sira halibur hamutuk iha Templu no silu paun hosi uma ba uma. Sira haan sira nia hahaan ho haksolok no laran luak. 47Sira hahii Maromak, no simu favór hosi povu tomak. No loro-loron, Nai aumenta sira nia igreja#2:47 Liafuan iha Gregu nee ‘eklesia’ katak ‘ema nebee bolu’ hamutuk, nebee sorumutu. Igreja mak ema, laos uma. ho ema nebee hakarak simu salvasaun.
Currently Selected:
Apostolu 2: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Apostolu 2
2
Espíritu Santu Mai
1Bainhira too ona loron Pentekosta,#2:1 Loron lima-nulu hosi Festa Páskua. Ida nee tuir regulamentu hosi Levítiku 23:15-21. Sira bolu mos Festa Semana Sira nian, Deuteronómiu 16:10, no iha ligasaun ho loron nebee hetan rezultadu primeiru, Númeru 28:26. sira hotu halibur hamutuk iha fatin ida. 2Derepenti lian ida mai hosi lalehan. Lian nee hanesan anin boot nebee huu makaas no halo uma nakonu iha fatin nebee sira tuur. 3Depois buat ida mosu mai nebee iha oin hanesan nanaal ahi lakan nian, nebee fahe no tuun ba ema ida-idak. 4Sira hotu sai nakonu ho Espíritu Santu no komesa koalia ho lian#2:4 Iha lian Gregu, liafuan ‘lian’ nee hanesan ho ‘nanaal’ iha versíkulu 3. seluk, tuir lian nebee Espíritu foo ba sira.
5Iha tempu nebaa, ema Judeu sira hela iha Jerusalém nebee hamtauk Maromak#2:5 Ka ‘iha hahalok diak’, ho signifika katak sira kuidadu atu halo diak tuir Maromak nia hakarak. no mai hosi nasaun hotu iha lalehan okos. 6No bainhira sira rona lian nee, sira mai hamutuk too ema lubun boot. Sira bilaan tiha tanba sira rona disípulu sira koalia iha sira ida-idak ninia lian rasik. 7Sira hotu hakfodak no admira. No sira dehan, “Tebes, laos ema hotu nebee koalia dadaun nee mak ema Galileia sira? 8Oinsaa mak ita ida-idak rona ita nia lian rasik? 9Ita mai hosi Pártia, Média, no Elam. No iha ema nebee baibain hela iha Mezopotámia, Judeia, Kapadósia, Pontus, Ázia, 10Frígia, Pamfília, Ejitu, no área Líbia nebee besik Sirene, no ema rai liur hosi Roma, 11inklui mos ema Judeu sira no ema nebee simu relijiaun Judeu nian, no ema Kreta no Arábia. Ita rona sira koalia iha ita nia lian rasik kona ba Maromak nia hahalok furak.” 12No sira hotu hakfodak no bilaan. Sira dehan ba malu, “Nee signifika saida?” 13Ema seluk goza sira no dehan, “Ema sira nee nakonu ho tua uvas.”
Pedro Haklaken
14Maibee Pedro hamriik ho sira nain sanulu resin ida. Nia koalia ba ema lubun boot ho lian makaas no dehan, “Ema Judeia sira, no imi hotu imi nebee hela iha Jerusalém, hatene di-diak no rona hau nia liafuan. 15Tanba ema sira nee la lanu, hanesan imi hanoin, tanba oras nee tuku sia dadeer. 16Maibee ida nee mak buat nebee koalia ona liu hosi profeta Joel:
17‘Iha tempu ikus, ida nee sei akontese, dehan Maromak,
Hau sei fakar Hau nia Espíritu ba ema hotu,
no imi nia oan mane sira no imi nia oan feto sira sei foo sai profesia,
no imi nia joven mane sira sei haree vizaun,
no imi nia katuas sira sei hetan mehi.
18Ba Hau nia atan mane no hau nia atan feto sira mos
Hau sei fakar Hau nia Espíritu iha tempu nebaa,
no sira sei foo sai profesia.
19No Hau sei hatudu milagre sira iha lalehan iha leten,
no sinál sira iha mundu iha kraik,
nebee raan, ahi, no ahi suar.
20Loro matan sei sai nakukun
no fulan sei sai raan,
molok Nai nia loron mai,
nebee boot no makaas tebes.
21No ema hotu nebee bolu ba Nai nia naran
sei hetan salvasaun.’#2:17-21 Hosi Joel 2:28-32.
22Ema hosi Israel, rona liafuan nee: Maromak hatudu katak Nia haruka Jesus hosi Nazaré, tanba Maromak halao kbiit, milagre no sinál sira liu hosi Jesus iha imi nia leet. Imi mos hatene ida nee. 23Ema entrega Jesus ba imi tuir Maromak nia planu no Nia hatene ida nee uluk kedas. No imi prega Jesus ba krús no oho Nia liu hosi ema aat sira nia liman. 24Maromak halo Jesus moris hias ona. Nia kore terus mate nian hosi Jesus. Tanba terus mate nee la iha kbiit atu kaer Jesus. 25Tanba David koalia kona ba Nia,
‘Hau haree Nai sempre iha Hau nia oin,
Hau sei la nakdedar tanba Nia iha Hau nia liman loos,
26Nunee mak Hau nia fuan laran haksolok,
no Hau nia nanaal kontenti liu,
no Hau nia isin mos sei hela metin ho esperansa.
27Tanba O sei la husik Hau nia klamar iha Fatin Mate,#2:27 Lian Gregu dehan ades.
no O sei la husik O nia Ema Santu nee sai isin dodok.
28O foo hatene dalan moris nian mai Hau,
O sei halo Hau nakonu ho haksolok iha O nia oin.’#2:25-28 Hosi Salmu 16:8-11.
29Maun-alin sira, hau bele koalia lo-loos ba imi kona ba ita nia bei-ala David, katak nia mate ona no mos ema hakoi ona nia. No ninia rate sei iha ita nia leet too ohin loron. 30Nunee tanba David mak profeta ida, nia hatene katak Maromak jura ona ba nia katak Maromak sei tau ninia bei-oan ida iha ninia kadunan. 31Tanba nee David hatene uluk no dehan katak Kristu sei moris hias, no Maromak sei la husik Ninia klamar iha Fatin Mate, no mos Ninia isin sei la sai dodok. 32Maromak halo Jesus nee moris hias ona. No ami hotu sai sasin kona ba ida nee. 33Nunee tanba Nia sae ona ba Maromak nia liman loos, no Nia simu ona Espíritu Santu nebee Aman promete, Nia fakar buat nee, nebee imi haree no rona. 34Tanba David la sae ba lalehan, maibee nia rasik dehan,
‘Nai dehan ba hau nia Nai,
“Tuur iha Hau nia liman loos,
35too Hau tau O nia inimigu sira iha O nia ain okos.”’#2:34-35 Lian Gregu dehan ‘too Hau halo o nia inimigu sira sai o nia ain nia tuur fatin.’ Hosi Salmu 110:1. Haree mos Mateus 22:44.
36Nunee Israel nia uma kain tomak bele hatene lo-loos katak Maromak halo Jesus nee, nebee imi prega ona ba krús, nudar Nai no Kristu.”
37Bainhira sira rona tiha nunee, sira nia laran kanek, no sira dehan ba Pedro no apostolu sira seluk, “Maun-alin sira, ami tenki halo saida?” 38Depois Pedro dehan ba sira, “Arepende ba, no imi ida-idak simu batizmu hodi Jesus Kristu nia naran atu hetan perdaun ba sala, no imi sei simu prezenti Espíritu Santu nian. 39Tanba promesa nee ba imi, no ba imi nia oan sira, no ba ema hotu nebee dook, ema hotu nebee Nai, ita nia Maromak, sei bolu.” 40Pedro koalia liafuan barak hodi foo sasin no foo korajen ba sira, no dehan, “Salva aan hosi jerasaun aat nee.” 41Depois sira nebee simu ninia liafuan ho laran kontenti hetan batizmu. Iha loron nee, sira aumenta maizoumenus ema nain rihun tolu.
Sarani Sira Ajuda Malu
42Sira kontinua tuir metin ba apostolu sira nia hanorin no lao hamutuk, silu paun no halo orasaun. 43Ema hotu tauk sira. Tanba apostolu sira halo milagre no sinál barak. 44No ema hotu nebee fiar halibur hamutuk, no sira fahe buat hotu nebee sira iha ba malu. 45Sira faan sira nia riku-soin no sasaan, no fahe osan nee ba ema hotu, tuir buat nebee ema ida-idak presiza. 46Loro-loron, sira halibur hamutuk iha Templu no silu paun hosi uma ba uma. Sira haan sira nia hahaan ho haksolok no laran luak. 47Sira hahii Maromak, no simu favór hosi povu tomak. No loro-loron, Nai aumenta sira nia igreja#2:47 Liafuan iha Gregu nee ‘eklesia’ katak ‘ema nebee bolu’ hamutuk, nebee sorumutu. Igreja mak ema, laos uma. ho ema nebee hakarak simu salvasaun.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.