Apostolu 21
21
Paulo Baa Jerusalém
1Bainhira ami foo adeus ba sira,#21:1 Lian Gregu dehan ‘dada aan hosi sira’. ami sae roo, no ami baa loos deit too Kos. Loron tuir mai ami ba Rodes, no hosi nebaa ami too Patara. 2Ami hetan roo ida nebee atu baa Fenísia. Nunee ami sae roo nee no ami baa. 3Bainhira ami haree Xipre, ami kontinua liu ba, ho Xipre iha ami nia sorin karuk. Ami baa Síria, no ami too rai maran iha Tiro tanba roo presiza hatuun sasaan iha nebaa. 4Ami hetan eskolante sira no hela iha nebaa too loron hitu. No liu hosi Espíritu, sira dehan ba Paulo atu la bele sae ba Jerusalém. 5Bainhira loron sira nee hotu ona, ami husik sira hodi kontinua ami nia viajen. Sira hotu, inklui feto no labarik sira, lori ami too iha sidade liur. Depois ami hakneak iha tasi ibun no halo orasaun. 6Bainhira ami foo adeus ba sira, ami sae roo no sira fila fali ba uma.
7Bainhira ami nia viajen hosi Tiro hotu ona, ami too iha Tolome. Ami kumprimenta maun-alin sira no hela ho sira loron ida. 8Loron tuir mai, ami husik sira no baa too Sezareia. Ami tama Evanjelista Filipe nia uma, nebee ema ida hosi sira nain hitu.#21:8 Filipe hosi sira nain hitu nebee Apostolu hili. Haree Apostolu 6:5 no 8:40. No ami hela ho nia. 9Nia iha oan feto nain haat nebee sei klosan no sira hotu foo sai profesia. 10Ami hela iha nebaa loron balu tan no profeta ida naran Ágabo tuun mai hosi Judeia. 11Nia mai too ami no foti Paulo nia sintu. Nia kesi ninia ain no liman rasik no dehan, “Espíritu Santu hatete nunee, ‘Hanesan nee ema Judeu sira iha Jerusalém sei kesi sintu nee nia nain, no entrega nia ba ema Jentiu sira nia liman.’” 12Rona tiha nunee, ami no mos sira nebee hela iha fatin nee husu boot ba Paulo atu la bele sae ba Jerusalém. 13Depois Paulo hataan, “Tanba saa mak imi tanis no hakanek hau nia fuan? Tanba hau prontu laos deit atu ema kesi hau, maibee hau prontu mos atu mate iha Jerusalém tanba Nai Jesus nia naran.” 14No bainhira nia lakohi troka ninia hanoin, ami para tiha no dehan, “Tuir deit Nai nia hakarak ba.”
15Liu tiha loron sira nee, ami prepara aan no sae ba Jerusalém. 16Eskolante balu hosi Sezareia mos lao hamutuk ho ami. Sira lori ami ba Manason nia uma hodi hela ho nia. Nia hosi Xipre no nia mak eskolante hori uluk kedas.
Paulo Hasoru Tiago
17Bainhira ami too iha Jerusalém, maun-alin sira nee simu ami ho laran kontenti. 18Loron tuir mai, Paulo hamutuk ho ami baa hasoru Tiago. No katuas hotu mos iha nebaa. 19Nia kumprimenta sira, depois nia hatoo buat hotu nebee Maromak halo ona iha ema Jentiu sira nia leet liu hosi ninia ministériu. 20Rona tiha nunee, sira foo glória ba Maromak. No sira dehan ba nia, “Maun, ita haree katak ema Judeu rihun ba rihun fiar ona. No sira hotu iha laran manas atu tuir lei. 21No ema dehan ona ba sira kona ba ita, katak ita hanorin ema Judeu hotu iha nasaun seluk atu husik Moisés. Sira dehan katak ita haruka ema atu la bele foo sirkunsizaun ba sira nia oan sira no la lao tuir ita nia kostumi sira. 22Nunee ita atu halo saida? Sira sei rona duni katak ita too mai ona. 23Entaun halo tuir buat nebee ami atu dehan ba ita. Ami iha mane nain haat nebee halo ona juramentu. 24Lori mane sira nee no hamoos ita nia aan hamutuk ho sira. Selu buat nebee sira presiza hodi ema bele koi sira nia fuuk.#21:24 Karik mane nain haat nee halo juramentu Nazireu nian. Haree Númeru 6:1-21. Nunee ema hotu bele hatene katak liafuan nebee sira rona kona ba ita nee la loos. No sira sei hatene katak ita rasik moris tuir lei. 25Maibee kona ba ema Jentiu sira nebee fiar, ami hakerek ona surat ho ami nia desizaun katak sira hadook aan hosi buat sira nebee foer hosi ídulu sira, hosi raan, hosi animál nebee buti mate no hosi sala seksuál.”#21:25 Haree surat nee iha Apostolu 15:23-29. 26Depois Paulo lori mane sira nee, no loron tuir mai nia hamoos aan hamutuk ho sira no tama ba Templu. Nia foo hatene ba ema iha Templu kona ba bainhira mak loron hamoos aan nian hotu ona no oferta nebee nia sei foo kona ba mane ida-idak nee.
Ema Kaer Paulo Iha Templu
27Bainhira loron hitu nee besik hotu ona, ema Judeu sira hosi Ázia haree Paulo iha Templu. Sira halo rungu-ranga ho ema hotu iha nebaa no kaer nia. 28Sira hakilar, “Ema Israel, ajuda ba! Mane nee mak hanorin ema hotu iha fatin hotu atu kontra hasoru ita nia povu, lei no fatin iha nee. No mos nia lori ema Gregu sira tama mai Templu no hafoer fatin santu nee.” 29Tanba uluk sira haree Trófimo hosi Éfezu hamutuk ho Paulo iha sidade, no sira hanoin katak Paulo lori ona nia tama ba Templu. 30No sidade tomak sai rungu-ranga. Povu nee halai nadodon mai. Sira foti Paulo no dada nia sai hosi Templu. No ema taka kedas portaun. 31Bainhira sira koko atu oho nia, ema lori lia menon baa too komandante boot ba batalhaun atu foo hatene katak Jerusalém tomak sai rungu-ranga. 32Nia foti kedas soldadu no kapitaun#21:32 Lian Gregu dehan ‘senturiaun’. Haree Mateus 8:5 no nota. sira no halai tuun ba sira. Bainhira povu haree komandante boot nee no soldadu sira, sira la baku tan Paulo. 33Komandante boot hakbesik no kaer Paulo. Nia haruka ema kesi Paulo ho korenti rua. Depois nia husu ema nee mak see no saida mak ema nee halo. 34Iha ema lubun nee, balu hakilar buat ida no balu hakilar buat seluk. Tanba rungu-ranga nee, nia la bele hatene lo-loos. Entaun nia haruka soldadu sira lori Paulo ba postu laran. 35No bainhira Paulo too iha eskada, soldadu sira tenki hiit no lori nia tanba ema lubun boot nia violénsia. 36Tanba ema lubun boot nee tuir hela nia no hakilar, “Halakon tiha nia!”
37Bainhira sira besik atu lori Paulo tama ba postu, nia dehan ba komandante boot, “Hau bele koalia buat ruma ba ita?” Komandante boot hataan, “Ita hatene lian Gregu ka? 38Laos ita mak ema Ejitu nebee foin lalais halibur ema atu hatuun governu, depois ita lori oho door nain rihun haat ba rai fuik laran?” 39Maibee Paulo dehan, “Hau mak ema Judeu ida hosi Tarsu, sidade ida iha Silísia. Hau sidadaun hosi sidade boot nee. No hau husu favór ida, husik hau koalia ba povu nee.” 40Bainhira komandante boot foo lisensa ba nia, Paulo hamriik iha eskada no foti liman ba povu nee. Bainhira sira hotu nonook, nia koalia ba sira iha lian Ebreu.
Currently Selected:
Apostolu 21: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Apostolu 21
21
Paulo Baa Jerusalém
1Bainhira ami foo adeus ba sira,#21:1 Lian Gregu dehan ‘dada aan hosi sira’. ami sae roo, no ami baa loos deit too Kos. Loron tuir mai ami ba Rodes, no hosi nebaa ami too Patara. 2Ami hetan roo ida nebee atu baa Fenísia. Nunee ami sae roo nee no ami baa. 3Bainhira ami haree Xipre, ami kontinua liu ba, ho Xipre iha ami nia sorin karuk. Ami baa Síria, no ami too rai maran iha Tiro tanba roo presiza hatuun sasaan iha nebaa. 4Ami hetan eskolante sira no hela iha nebaa too loron hitu. No liu hosi Espíritu, sira dehan ba Paulo atu la bele sae ba Jerusalém. 5Bainhira loron sira nee hotu ona, ami husik sira hodi kontinua ami nia viajen. Sira hotu, inklui feto no labarik sira, lori ami too iha sidade liur. Depois ami hakneak iha tasi ibun no halo orasaun. 6Bainhira ami foo adeus ba sira, ami sae roo no sira fila fali ba uma.
7Bainhira ami nia viajen hosi Tiro hotu ona, ami too iha Tolome. Ami kumprimenta maun-alin sira no hela ho sira loron ida. 8Loron tuir mai, ami husik sira no baa too Sezareia. Ami tama Evanjelista Filipe nia uma, nebee ema ida hosi sira nain hitu.#21:8 Filipe hosi sira nain hitu nebee Apostolu hili. Haree Apostolu 6:5 no 8:40. No ami hela ho nia. 9Nia iha oan feto nain haat nebee sei klosan no sira hotu foo sai profesia. 10Ami hela iha nebaa loron balu tan no profeta ida naran Ágabo tuun mai hosi Judeia. 11Nia mai too ami no foti Paulo nia sintu. Nia kesi ninia ain no liman rasik no dehan, “Espíritu Santu hatete nunee, ‘Hanesan nee ema Judeu sira iha Jerusalém sei kesi sintu nee nia nain, no entrega nia ba ema Jentiu sira nia liman.’” 12Rona tiha nunee, ami no mos sira nebee hela iha fatin nee husu boot ba Paulo atu la bele sae ba Jerusalém. 13Depois Paulo hataan, “Tanba saa mak imi tanis no hakanek hau nia fuan? Tanba hau prontu laos deit atu ema kesi hau, maibee hau prontu mos atu mate iha Jerusalém tanba Nai Jesus nia naran.” 14No bainhira nia lakohi troka ninia hanoin, ami para tiha no dehan, “Tuir deit Nai nia hakarak ba.”
15Liu tiha loron sira nee, ami prepara aan no sae ba Jerusalém. 16Eskolante balu hosi Sezareia mos lao hamutuk ho ami. Sira lori ami ba Manason nia uma hodi hela ho nia. Nia hosi Xipre no nia mak eskolante hori uluk kedas.
Paulo Hasoru Tiago
17Bainhira ami too iha Jerusalém, maun-alin sira nee simu ami ho laran kontenti. 18Loron tuir mai, Paulo hamutuk ho ami baa hasoru Tiago. No katuas hotu mos iha nebaa. 19Nia kumprimenta sira, depois nia hatoo buat hotu nebee Maromak halo ona iha ema Jentiu sira nia leet liu hosi ninia ministériu. 20Rona tiha nunee, sira foo glória ba Maromak. No sira dehan ba nia, “Maun, ita haree katak ema Judeu rihun ba rihun fiar ona. No sira hotu iha laran manas atu tuir lei. 21No ema dehan ona ba sira kona ba ita, katak ita hanorin ema Judeu hotu iha nasaun seluk atu husik Moisés. Sira dehan katak ita haruka ema atu la bele foo sirkunsizaun ba sira nia oan sira no la lao tuir ita nia kostumi sira. 22Nunee ita atu halo saida? Sira sei rona duni katak ita too mai ona. 23Entaun halo tuir buat nebee ami atu dehan ba ita. Ami iha mane nain haat nebee halo ona juramentu. 24Lori mane sira nee no hamoos ita nia aan hamutuk ho sira. Selu buat nebee sira presiza hodi ema bele koi sira nia fuuk.#21:24 Karik mane nain haat nee halo juramentu Nazireu nian. Haree Númeru 6:1-21. Nunee ema hotu bele hatene katak liafuan nebee sira rona kona ba ita nee la loos. No sira sei hatene katak ita rasik moris tuir lei. 25Maibee kona ba ema Jentiu sira nebee fiar, ami hakerek ona surat ho ami nia desizaun katak sira hadook aan hosi buat sira nebee foer hosi ídulu sira, hosi raan, hosi animál nebee buti mate no hosi sala seksuál.”#21:25 Haree surat nee iha Apostolu 15:23-29. 26Depois Paulo lori mane sira nee, no loron tuir mai nia hamoos aan hamutuk ho sira no tama ba Templu. Nia foo hatene ba ema iha Templu kona ba bainhira mak loron hamoos aan nian hotu ona no oferta nebee nia sei foo kona ba mane ida-idak nee.
Ema Kaer Paulo Iha Templu
27Bainhira loron hitu nee besik hotu ona, ema Judeu sira hosi Ázia haree Paulo iha Templu. Sira halo rungu-ranga ho ema hotu iha nebaa no kaer nia. 28Sira hakilar, “Ema Israel, ajuda ba! Mane nee mak hanorin ema hotu iha fatin hotu atu kontra hasoru ita nia povu, lei no fatin iha nee. No mos nia lori ema Gregu sira tama mai Templu no hafoer fatin santu nee.” 29Tanba uluk sira haree Trófimo hosi Éfezu hamutuk ho Paulo iha sidade, no sira hanoin katak Paulo lori ona nia tama ba Templu. 30No sidade tomak sai rungu-ranga. Povu nee halai nadodon mai. Sira foti Paulo no dada nia sai hosi Templu. No ema taka kedas portaun. 31Bainhira sira koko atu oho nia, ema lori lia menon baa too komandante boot ba batalhaun atu foo hatene katak Jerusalém tomak sai rungu-ranga. 32Nia foti kedas soldadu no kapitaun#21:32 Lian Gregu dehan ‘senturiaun’. Haree Mateus 8:5 no nota. sira no halai tuun ba sira. Bainhira povu haree komandante boot nee no soldadu sira, sira la baku tan Paulo. 33Komandante boot hakbesik no kaer Paulo. Nia haruka ema kesi Paulo ho korenti rua. Depois nia husu ema nee mak see no saida mak ema nee halo. 34Iha ema lubun nee, balu hakilar buat ida no balu hakilar buat seluk. Tanba rungu-ranga nee, nia la bele hatene lo-loos. Entaun nia haruka soldadu sira lori Paulo ba postu laran. 35No bainhira Paulo too iha eskada, soldadu sira tenki hiit no lori nia tanba ema lubun boot nia violénsia. 36Tanba ema lubun boot nee tuir hela nia no hakilar, “Halakon tiha nia!”
37Bainhira sira besik atu lori Paulo tama ba postu, nia dehan ba komandante boot, “Hau bele koalia buat ruma ba ita?” Komandante boot hataan, “Ita hatene lian Gregu ka? 38Laos ita mak ema Ejitu nebee foin lalais halibur ema atu hatuun governu, depois ita lori oho door nain rihun haat ba rai fuik laran?” 39Maibee Paulo dehan, “Hau mak ema Judeu ida hosi Tarsu, sidade ida iha Silísia. Hau sidadaun hosi sidade boot nee. No hau husu favór ida, husik hau koalia ba povu nee.” 40Bainhira komandante boot foo lisensa ba nia, Paulo hamriik iha eskada no foti liman ba povu nee. Bainhira sira hotu nonook, nia koalia ba sira iha lian Ebreu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.