Apostolu 22
22
Paulo Koalia Ba Povu
1“Maun-alin no aman sira, rona hau nia liafuan atu defende aan iha imi nia oin.”
2Bainhira sira rona Paulo koalia ba sira ho lian Ebreu, sira hotu hakmatek liu tan. No nia dehan,
3“Hau ema Judeu ida, moris iha Tarsu iha Silísia. Maibee hau sai boot iha sidade nee. Hau aprende iha Gamaliel nia ain tuir metodu lo-loos hosi ita nia bei-ala sira nia lei. Hau iha laran manas ba Maromak hanesan imi hotu ohin loron. 4Hau haterus Dalan nee too ema mate. Hau kastigu mane no feto no hatama sira ba komarka. 5Saserdote boot no katuas boot sira hotu bele foo sasin kona ba hau nee. Hau simu surat hosi sira atu lori ba maun-alin sira. Nunee hau halo viajen ba Damasku hodi kaer ema sira nee iha nebaa, kesi sira no lori ba Jerusalém atu hetan kastigu.
6Bainhira hau lao dadaun iha dalan no besik ona ba Damasku, maizoumenus iha meiudia, derepenti naroman boot hosi lalehan nabilan haleu hau. 7Hau monu ba rai no rona lian ida dehan mai hau, ‘Saul, Saul, tanba saa mak o haterus Hau?’ 8Hau hataan, ‘See mak Ita, Nai?’ No Nia dehan mai hau, ‘Hau mak Jesus hosi Nazaré, nebee o haterus.’ 9Sira nebee hamutuk ho hau haree naroman nee maibee sira la kompriende lian hosi Ida nebee koalia mai hau. 10Hau dehan, ‘Hau tenki halo saida, Nai?’ No Nai dehan mai hau, ‘Hamriik ba, no tama ba Damasku. Iha nebaa o sei rona kona ba buat hotu nebee o tenki halo.’ 11No hau la bele haree tanba naroman nee nabilan tebes. Nunee sira nebee hamutuk ho hau kaer hau nia liman no lori hau too Damasku.
12Iha nebaa iha ema ida naran Ananias nebee hamtauk Maromak no tuir lei. Ema Judeu hotu nebee hela iha nebaa koalia diak kona ba nia. 13Nia mai hasoru hau, no hamriik iha hau nia sorin no dehan mai hau, ‘Maun Saul, haree fali ba.’ Iha oras nee kedas hau bele haree fali no hau haree nia. 14Nia dehan, ‘Ita nia bei-ala sira nia Maromak hili ona ita atu hatene Ninia hakarak, atu haree Ida Nebee Loos no atu rona lian hosi Ninia ibun. 15Tanba ita sei sai Ninia sasin ba ema hotu kona ba buat nebee ita haree no rona ona. 16No agora, tanba saa mak ita hein tan? Hamriik ba, no simu batizmu. Hamoos ita nia sala sira no bolu ba Ninia naran.’
17Bainhira hau fila fali ba Jerusalém, hau halo orasaun iha Templu no hau hetan vizaun ida. 18Hau haree Jesus dehan mai hau, ‘Lalais, o tenki sai kedas hosi Jerusalém. Tanba sira sei la simu o nia sasin kona ba Hau. 19Hau dehan, ‘Nai, sira rasik hatene katak hau baa hosi sinagoga ida ba sinagoga seluk hodi hatama ba komarka no baku ema sira nebee fiar Ita. 20No bainhira Ita nia sasin Estevão fakar ninia raan, hau mos hamriik iha sorin hodi foo apoiu no tau matan ba ema sira nia ropa nebee oho nia.’ 21No Nia dehan mai hau, ‘Baa! Tanba Hau sei haruka o ba fatin dook, ba ema Jentiu sira.’”
Paulo No Komandante Boot
22Sira rona Paulo too nia foo sai liafuan nee. Depois sira hakilar dehan, “Halakon tiha mane nee hosi mundu, tanba nia la merese atu moris!” 23No bainhira sira hakilar hela, sira hasai sira nia ropa no soe rai rahun ba leten. 24Komandante boot haruka soldadu sira lori Paulo ba postu laran. Nia haruka sira baku Paulo ho sikote hodi buka hatene tanba saa mak ema lubun boot nee hakilar hasoru nia hanesan nee. 25No bainhira sira kesi nia ho tali atu baku nia, Paulo dehan ba kapitaun nebee hamriik besik, “Tuir lei, imi bele baku sidadaun Roma ida ho sikote maski seidauk tesi lia ba nia?”#22:25 Lee kona ba sidadaun Roma iha Apostolu 16:37 no nota. 26Rona tiha nunee, kapitaun baa no foo hatene ba komandante boot. Nia dehan, “Ita boot atu halo saida? Tanba mane nee mak sidadaun Roma.” 27Depois komandante boot mai no dehan ba nia, “Foo hatene mai hau, ita mak sidadaun Roma ka?” Nia dehan, “Sin.” 28Komandante boot hataan, “Hau tenki selu osan boot hodi sai sidadaun.” Paulo dehan, “Maibee hau moris mai nudar sidadaun.” 29Nunee sira nebee atu baku nia hakiduk kedas. No komandante boot mos sai tauk bainhira nia hatene ona katak Paulo mak sidadaun Roma tanba nia kesi ona Paulo. 30Loron tuir mai, komandante boot hakarak hatene lo-loos tanba saa mak ema Judeu sira akuza Paulo. Entaun nia kore korenti hosi Paulo nia liman. Nia bolu xefi saserdote sira no ema Judeu nia tribunál tomak#22:30 Liafuan iha Gregu ‘Sanedriu’ nebee ema Judeu boot sira nia sorumutu relijiaun nian hodi tesi lia. atu halibur hamutuk. No nia lori Paulo tuun ba no tau nia iha sira nia oin.
Currently Selected:
Apostolu 22: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Apostolu 22
22
Paulo Koalia Ba Povu
1“Maun-alin no aman sira, rona hau nia liafuan atu defende aan iha imi nia oin.”
2Bainhira sira rona Paulo koalia ba sira ho lian Ebreu, sira hotu hakmatek liu tan. No nia dehan,
3“Hau ema Judeu ida, moris iha Tarsu iha Silísia. Maibee hau sai boot iha sidade nee. Hau aprende iha Gamaliel nia ain tuir metodu lo-loos hosi ita nia bei-ala sira nia lei. Hau iha laran manas ba Maromak hanesan imi hotu ohin loron. 4Hau haterus Dalan nee too ema mate. Hau kastigu mane no feto no hatama sira ba komarka. 5Saserdote boot no katuas boot sira hotu bele foo sasin kona ba hau nee. Hau simu surat hosi sira atu lori ba maun-alin sira. Nunee hau halo viajen ba Damasku hodi kaer ema sira nee iha nebaa, kesi sira no lori ba Jerusalém atu hetan kastigu.
6Bainhira hau lao dadaun iha dalan no besik ona ba Damasku, maizoumenus iha meiudia, derepenti naroman boot hosi lalehan nabilan haleu hau. 7Hau monu ba rai no rona lian ida dehan mai hau, ‘Saul, Saul, tanba saa mak o haterus Hau?’ 8Hau hataan, ‘See mak Ita, Nai?’ No Nia dehan mai hau, ‘Hau mak Jesus hosi Nazaré, nebee o haterus.’ 9Sira nebee hamutuk ho hau haree naroman nee maibee sira la kompriende lian hosi Ida nebee koalia mai hau. 10Hau dehan, ‘Hau tenki halo saida, Nai?’ No Nai dehan mai hau, ‘Hamriik ba, no tama ba Damasku. Iha nebaa o sei rona kona ba buat hotu nebee o tenki halo.’ 11No hau la bele haree tanba naroman nee nabilan tebes. Nunee sira nebee hamutuk ho hau kaer hau nia liman no lori hau too Damasku.
12Iha nebaa iha ema ida naran Ananias nebee hamtauk Maromak no tuir lei. Ema Judeu hotu nebee hela iha nebaa koalia diak kona ba nia. 13Nia mai hasoru hau, no hamriik iha hau nia sorin no dehan mai hau, ‘Maun Saul, haree fali ba.’ Iha oras nee kedas hau bele haree fali no hau haree nia. 14Nia dehan, ‘Ita nia bei-ala sira nia Maromak hili ona ita atu hatene Ninia hakarak, atu haree Ida Nebee Loos no atu rona lian hosi Ninia ibun. 15Tanba ita sei sai Ninia sasin ba ema hotu kona ba buat nebee ita haree no rona ona. 16No agora, tanba saa mak ita hein tan? Hamriik ba, no simu batizmu. Hamoos ita nia sala sira no bolu ba Ninia naran.’
17Bainhira hau fila fali ba Jerusalém, hau halo orasaun iha Templu no hau hetan vizaun ida. 18Hau haree Jesus dehan mai hau, ‘Lalais, o tenki sai kedas hosi Jerusalém. Tanba sira sei la simu o nia sasin kona ba Hau. 19Hau dehan, ‘Nai, sira rasik hatene katak hau baa hosi sinagoga ida ba sinagoga seluk hodi hatama ba komarka no baku ema sira nebee fiar Ita. 20No bainhira Ita nia sasin Estevão fakar ninia raan, hau mos hamriik iha sorin hodi foo apoiu no tau matan ba ema sira nia ropa nebee oho nia.’ 21No Nia dehan mai hau, ‘Baa! Tanba Hau sei haruka o ba fatin dook, ba ema Jentiu sira.’”
Paulo No Komandante Boot
22Sira rona Paulo too nia foo sai liafuan nee. Depois sira hakilar dehan, “Halakon tiha mane nee hosi mundu, tanba nia la merese atu moris!” 23No bainhira sira hakilar hela, sira hasai sira nia ropa no soe rai rahun ba leten. 24Komandante boot haruka soldadu sira lori Paulo ba postu laran. Nia haruka sira baku Paulo ho sikote hodi buka hatene tanba saa mak ema lubun boot nee hakilar hasoru nia hanesan nee. 25No bainhira sira kesi nia ho tali atu baku nia, Paulo dehan ba kapitaun nebee hamriik besik, “Tuir lei, imi bele baku sidadaun Roma ida ho sikote maski seidauk tesi lia ba nia?”#22:25 Lee kona ba sidadaun Roma iha Apostolu 16:37 no nota. 26Rona tiha nunee, kapitaun baa no foo hatene ba komandante boot. Nia dehan, “Ita boot atu halo saida? Tanba mane nee mak sidadaun Roma.” 27Depois komandante boot mai no dehan ba nia, “Foo hatene mai hau, ita mak sidadaun Roma ka?” Nia dehan, “Sin.” 28Komandante boot hataan, “Hau tenki selu osan boot hodi sai sidadaun.” Paulo dehan, “Maibee hau moris mai nudar sidadaun.” 29Nunee sira nebee atu baku nia hakiduk kedas. No komandante boot mos sai tauk bainhira nia hatene ona katak Paulo mak sidadaun Roma tanba nia kesi ona Paulo. 30Loron tuir mai, komandante boot hakarak hatene lo-loos tanba saa mak ema Judeu sira akuza Paulo. Entaun nia kore korenti hosi Paulo nia liman. Nia bolu xefi saserdote sira no ema Judeu nia tribunál tomak#22:30 Liafuan iha Gregu ‘Sanedriu’ nebee ema Judeu boot sira nia sorumutu relijiaun nian hodi tesi lia. atu halibur hamutuk. No nia lori Paulo tuun ba no tau nia iha sira nia oin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.