Apostolu 23
23
Paulo Iha Tribunál Judeu Nian
1Paulo hateke di-diak ba tribunál no dehan, “Maun-alin sira, too ohin loron hau sempre halao hau nia moris tuir buat nebee hau hanoin mak loos iha Maromak nia oin.” 2No saserdote boot Ananias haruka sira nebee hamriik besik nia atu baku ninia ibun. 3Depois Paulo dehan ba nia, “Maromak sei baku ita, nebee moru mutin deit!#23:3 Moru nebee aat iha laran maibee ema pinta mutin iha liur. Signifika katak maski nia hatais no lao nudar ema diak maibee nia aat iha laran. Haree Mateus 23:27 no Ezekiel 13:10-12. Nusaa mak ita tuur hodi tesi lia tuir lei, maibee ita haruka ema baku hau maski hahalok ida nee kontra lei?” 4No sira nebee hamriik besik dehan, “O sei koalia aat ba Maromak nia saserdote boot ka?” 5Paulo dehan, “Maun-alin sira, hau la hatene katak nia mak saserdote boot. Tanba ema hakerek nanis ona, ‘O sei la koalia aat hasoru o nia povu nia nai ulun.’”#23:5 Hosi Exodu 22:28.
6Bainhira Paulo haree katak ema balu hosi grupu Saduseu no ema seluk hosi grupu Farizeu, nia koalia ho lian makaas iha tribunál, “Maun-alin sira, hau ema Farizeu ida, oan mane hosi ema Farizeu ida. Ema tesi lia mai hau kona ba ema moris hias hosi mate.” 7Bainhira nia koalia nunee, ema Farizeu sira no ema Saduseu sira komesa haksesuk malu. No sorumutu nee fahe ba rua. 8Tanba ema Saduseu sira dehan katak ema la bele moris hias hosi mate, no la iha anju ka espíritu. Maibee ema Farizeu fiar buat hotu nee. 9No sira komesa hakilar makaas. Ema eskriba balu hosi grupu Farizeu hamriik atu luta no dehan, “Ami la hetan buat aat ida iha mane nee. Karik espíritu ka anju ida koalia ona ba nia.” 10Bainhira sira haksesuk malu makaas, komandante boot tauk katak sira atu lees rahun Paulo. Entaun nia haruka soldadu sira atu tuun ba no foti Paulo hosi sira nia leet ho forsa hodi lori nia ba postu.
11Tuir mai iha kalan, Nai hamriik besik nia no dehan, “Aten brani ba, tanba hanesan o foo sasin kona ba Hau iha Jerusalém, nunee mos o tenki foo sasin iha Roma.”
Planu Atu Oho Paulo
12Loron tuir mai, ema Judeu sira balu halibur hamutuk no halo juramentu ho malisan ida. Sira jura katak sira sei la haan ka hemu fali too sira oho Paulo. 13Ema nain haat-nulu resin mak futu lia nee. 14Sira baa hasoru xefi saserdote no katuas sira, no dehan, “Ami halo ona juramentu ho malisan boot katak ami sei la haan buat ida too ami oho Paulo. 15Entaun agora, imi ho tribunál foo avizu ba komandante boot atu lori Paulo tuun ba imi aban. Finji katak imi atu husu hodi hatene diak liu tan kona ba nia. No ami prontu atu oho nia molok nia besik mai.”
16Maibee Paulo nia feton nia oan mane rona kona ba sira nia emboskada. Entaun joven mane nee baa tama ba postu no foo hatene ba Paulo. 17Depois Paulo bolu kapitaun ida no dehan, “Lori joven mane nee ba komandante boot tanba nia iha buat ruma atu hatoo ba komandante nee. 18Entaun kapitaun foti nia no lori nia ba komandante boot no dehan, “Paulo, nebee iha dadur laran, bolu hau no husu hau atu lori joven mane nee ba ita boot tanba nia iha buat ruma atu hatoo ba ita boot.” 19Depois komandante boot kaer joven mane nia liman, no lori nia ketak atu husu mes-mesak ba nia no dehan, “O hakarak hatoo saida mai hau?” 20Joven mane nee dehan, “Ema Judeu sira futu lia hodi husu ita boot atu aban lori Paulo tuun ba tribunál. Sira sei finji atu husu hodi hatene diak liu tan kona ba nia. 21Maibee keta halo tuir sira nia hakarak. Tanba iha ema nain haat-nulu resin nebee halo emboskada ida atu ataka nia. Sira halo ona juramentu ho malisan ida katak sira sei la haan ka hemu fali too sira oho nia. Sira prontu agora, no hein hela ita boot nia desizaun.” 22Entaun komandante boot husik joven mane atu sai, no haruka nia, “La bele foo hatene ba ema ida katak o hatoo buat sira nee mai hau.”
Paulo Baa Governadór Felix
23Depois komandante boot bolu kapitaun nain rua no dehan, “Prepara soldadu nain atus rua, soldadu nain hitu-nulu nebee sae kuda, no soldadu nain atus rua nebee lori dima. Orsida kalan tuku sia imi sei baa Sezareia. 24Prepara mos kuda atu Paulo bele sae no lori nia kuidadu too governadór Felix.” 25Depois nia hakerek surat ida hanesan nee:
26“Ba sua eselénsia governadór Felix. Hosi Cláudio Lísias. Kumprimentus. 27Ema Judeu sira kaer mane nee no sira besik atu oho nia. Maibee hau mai ho soldadu sira no salva nia, tanba hau rona katak nia mak sidadaun Roma ida. 28Hau hakarak hatene tanba saa mak sira akuza nia, entaun hau lori nia ba sira nia tribunál. 29Hau haree katak sira akuza nia kona ba asuntu ruma hosi sira nia lei. Maibee sira la iha akuzasaun nebee merese atu foo kastigu mate ba nia ka hatama nia ba komarka. 30No bainhira ema foo hatene mai hau katak ema Judeu sira halo emboskada atu ataka nia, hau manda kedas atu ema lori nia baa ita boot. No hau haruka ninia akuzadór sira atu hatoo sira nia liafuan hasoru nia.”
31Depois soldadu sira halo tuir orden nee. Sira foti Paulo iha kalan nee no lori nia ba Antipátride. 32Loron tuir mai, sira husik soldadu nebee sae kuda atu kontinua lori nia. No soldadu sira seluk fila fali ba postu. 33Bainhira sira too iha Sezareia, sira foo surat ba governadór, no lori mos Paulo atu hamriik iha ninia oin. 34Bainhira governadór lee tiha ona surat nee, nia husu Paulo nee hosi distritu ida nebee. No bainhira nia hatene katak Paulo hosi Silísia, 35nia dehan, “Hau sei rona o nia kazu bainhira o nia akuzadór sira mai. No nia haruka ema tau matan ba nia iha Herodes nia postu.”#23:35 Gregu ‘praetoria’; Governadór hela iha uma boot nee nebee iha kampu no soldadu sira nia hela fatin. Haree Mateus 27:27 no Filipe 1:13.
Currently Selected:
Apostolu 23: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Apostolu 23
23
Paulo Iha Tribunál Judeu Nian
1Paulo hateke di-diak ba tribunál no dehan, “Maun-alin sira, too ohin loron hau sempre halao hau nia moris tuir buat nebee hau hanoin mak loos iha Maromak nia oin.” 2No saserdote boot Ananias haruka sira nebee hamriik besik nia atu baku ninia ibun. 3Depois Paulo dehan ba nia, “Maromak sei baku ita, nebee moru mutin deit!#23:3 Moru nebee aat iha laran maibee ema pinta mutin iha liur. Signifika katak maski nia hatais no lao nudar ema diak maibee nia aat iha laran. Haree Mateus 23:27 no Ezekiel 13:10-12. Nusaa mak ita tuur hodi tesi lia tuir lei, maibee ita haruka ema baku hau maski hahalok ida nee kontra lei?” 4No sira nebee hamriik besik dehan, “O sei koalia aat ba Maromak nia saserdote boot ka?” 5Paulo dehan, “Maun-alin sira, hau la hatene katak nia mak saserdote boot. Tanba ema hakerek nanis ona, ‘O sei la koalia aat hasoru o nia povu nia nai ulun.’”#23:5 Hosi Exodu 22:28.
6Bainhira Paulo haree katak ema balu hosi grupu Saduseu no ema seluk hosi grupu Farizeu, nia koalia ho lian makaas iha tribunál, “Maun-alin sira, hau ema Farizeu ida, oan mane hosi ema Farizeu ida. Ema tesi lia mai hau kona ba ema moris hias hosi mate.” 7Bainhira nia koalia nunee, ema Farizeu sira no ema Saduseu sira komesa haksesuk malu. No sorumutu nee fahe ba rua. 8Tanba ema Saduseu sira dehan katak ema la bele moris hias hosi mate, no la iha anju ka espíritu. Maibee ema Farizeu fiar buat hotu nee. 9No sira komesa hakilar makaas. Ema eskriba balu hosi grupu Farizeu hamriik atu luta no dehan, “Ami la hetan buat aat ida iha mane nee. Karik espíritu ka anju ida koalia ona ba nia.” 10Bainhira sira haksesuk malu makaas, komandante boot tauk katak sira atu lees rahun Paulo. Entaun nia haruka soldadu sira atu tuun ba no foti Paulo hosi sira nia leet ho forsa hodi lori nia ba postu.
11Tuir mai iha kalan, Nai hamriik besik nia no dehan, “Aten brani ba, tanba hanesan o foo sasin kona ba Hau iha Jerusalém, nunee mos o tenki foo sasin iha Roma.”
Planu Atu Oho Paulo
12Loron tuir mai, ema Judeu sira balu halibur hamutuk no halo juramentu ho malisan ida. Sira jura katak sira sei la haan ka hemu fali too sira oho Paulo. 13Ema nain haat-nulu resin mak futu lia nee. 14Sira baa hasoru xefi saserdote no katuas sira, no dehan, “Ami halo ona juramentu ho malisan boot katak ami sei la haan buat ida too ami oho Paulo. 15Entaun agora, imi ho tribunál foo avizu ba komandante boot atu lori Paulo tuun ba imi aban. Finji katak imi atu husu hodi hatene diak liu tan kona ba nia. No ami prontu atu oho nia molok nia besik mai.”
16Maibee Paulo nia feton nia oan mane rona kona ba sira nia emboskada. Entaun joven mane nee baa tama ba postu no foo hatene ba Paulo. 17Depois Paulo bolu kapitaun ida no dehan, “Lori joven mane nee ba komandante boot tanba nia iha buat ruma atu hatoo ba komandante nee. 18Entaun kapitaun foti nia no lori nia ba komandante boot no dehan, “Paulo, nebee iha dadur laran, bolu hau no husu hau atu lori joven mane nee ba ita boot tanba nia iha buat ruma atu hatoo ba ita boot.” 19Depois komandante boot kaer joven mane nia liman, no lori nia ketak atu husu mes-mesak ba nia no dehan, “O hakarak hatoo saida mai hau?” 20Joven mane nee dehan, “Ema Judeu sira futu lia hodi husu ita boot atu aban lori Paulo tuun ba tribunál. Sira sei finji atu husu hodi hatene diak liu tan kona ba nia. 21Maibee keta halo tuir sira nia hakarak. Tanba iha ema nain haat-nulu resin nebee halo emboskada ida atu ataka nia. Sira halo ona juramentu ho malisan ida katak sira sei la haan ka hemu fali too sira oho nia. Sira prontu agora, no hein hela ita boot nia desizaun.” 22Entaun komandante boot husik joven mane atu sai, no haruka nia, “La bele foo hatene ba ema ida katak o hatoo buat sira nee mai hau.”
Paulo Baa Governadór Felix
23Depois komandante boot bolu kapitaun nain rua no dehan, “Prepara soldadu nain atus rua, soldadu nain hitu-nulu nebee sae kuda, no soldadu nain atus rua nebee lori dima. Orsida kalan tuku sia imi sei baa Sezareia. 24Prepara mos kuda atu Paulo bele sae no lori nia kuidadu too governadór Felix.” 25Depois nia hakerek surat ida hanesan nee:
26“Ba sua eselénsia governadór Felix. Hosi Cláudio Lísias. Kumprimentus. 27Ema Judeu sira kaer mane nee no sira besik atu oho nia. Maibee hau mai ho soldadu sira no salva nia, tanba hau rona katak nia mak sidadaun Roma ida. 28Hau hakarak hatene tanba saa mak sira akuza nia, entaun hau lori nia ba sira nia tribunál. 29Hau haree katak sira akuza nia kona ba asuntu ruma hosi sira nia lei. Maibee sira la iha akuzasaun nebee merese atu foo kastigu mate ba nia ka hatama nia ba komarka. 30No bainhira ema foo hatene mai hau katak ema Judeu sira halo emboskada atu ataka nia, hau manda kedas atu ema lori nia baa ita boot. No hau haruka ninia akuzadór sira atu hatoo sira nia liafuan hasoru nia.”
31Depois soldadu sira halo tuir orden nee. Sira foti Paulo iha kalan nee no lori nia ba Antipátride. 32Loron tuir mai, sira husik soldadu nebee sae kuda atu kontinua lori nia. No soldadu sira seluk fila fali ba postu. 33Bainhira sira too iha Sezareia, sira foo surat ba governadór, no lori mos Paulo atu hamriik iha ninia oin. 34Bainhira governadór lee tiha ona surat nee, nia husu Paulo nee hosi distritu ida nebee. No bainhira nia hatene katak Paulo hosi Silísia, 35nia dehan, “Hau sei rona o nia kazu bainhira o nia akuzadór sira mai. No nia haruka ema tau matan ba nia iha Herodes nia postu.”#23:35 Gregu ‘praetoria’; Governadór hela iha uma boot nee nebee iha kampu no soldadu sira nia hela fatin. Haree Mateus 27:27 no Filipe 1:13.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.