Apostolu 28
28
Paulo Iha Malta
1Bainhira ami too rai maran ho diak, ami foin hatene katak ilha nee naran Malta. 2Ema hosi rai nebaa hatudu laran diak tebes mai ami. Sira sunu ahi no simu ami hotu, tanba udan tau no rai malirin. 3Bainhira Paulo halibur ai sunu ruma no tau iha ahi, samea sai mai tanba manas no tata metin ninia liman. 4Bainhira ema hosi rai nebaa haree animál perigu nee tabele hela iha ninia liman, sira dehan ba malu, “Tebes duni, mane nee mak oho door. Maski nia konsege sai hosi tasi ho isin diak, maibee justisa la husik nia moris.” 5Paulo hisik tiha animál nee ba ahi no nia la sai moras. 6Sira hein nia isin bubu ka monu mate derepenti deit. Maibee bainhira sira hein kleur ona, no sira haree nia la sai moras, entaun sira troka sira nia hanoin no dehan katak nia mak maromak ida.
7Xefi iha ilha nee mak rai nain iha área nebaa. Xefi nia naran Públio no nia simu ami no tau matan ba ami durante loron tolu. 8Tuir mai, Públio nia aman toba hela tanba moras ho isin manas no tee been. Paulo tama ba ninia fatin no halo orasaun, no tau liman ba nia no kura nia. 9Bainhira Paulo halo tiha ida nee, ema seluk nebee iha moras iha ilha nee mai no nia kura sira hotu. 10Sira hatudu respeitu boot mai ami. No bainhira ami atu sai, sira foo buat hotu nebee ami presiza.
Paulo Too Roma
11Liu tiha fulan tolu, ami sae roo ida hosi Alexandria, nebee hela iha ilha nee durante tempu malirin. Roo nia sinál mak ‘maromak kaduak’.#28:11 Sira tau ilas iha roo nia ulun nebee maromak naran Castor no Pólux nebee maromak Zeus nia oan kaduak. 12Ami baa too rai maran iha Sirakuza no hela iha nebaa loron tolu. 13Hosi nebaa ami kontinua baa too iha Régio. Liu tiha loron ida, anin huu hosi parte súl no loron tuir mai ami too iha Puteoli. 14Iha nebaa ami hetan maun-alin sira. Sira konvida ami atu hela loron hitu ho sira. Depois ami baa Roma. 15Bainhira maun-alin sira iha Roma rona kona ba ami, sira mai dook too iha Merkadu Ápio no Loja Tolu.#28:15 Roma ba Merkadu Ápio nee 69km (hanesan Dili ba Manatuto). Roma ba Loja Tolu nee 53km. Bainhira Paulo haree sira, nia foo agradese ba Maromak no sai aten brani. 16Bainhira ami too iha Roma, komandante foo lisensa ba Paulo atu hela mesak ho soldadu ida nebee hein nia.
Paulo Iha Roma
17Liu tiha loron tolu, Paulo bolu ema Judeu sira nia xefi sira atu mai hamutuk. Bainhira sira halibur hamutuk ona, nia dehan ba sira, “Maun-alin sira, maski hau la halo buat ida hasoru ita nia povu ka ita nia bei-ala sira nia kostumi, maibee iha Jerusalém sira entrega hau nudar ema dadur ba iha ema Roma sira nia liman. 18Bainhira ema Roma sira husu di-diak mai hau, sira hakarak husik hau tanba la iha razaun atu foo kastigu mate ba hau. 19Maibee bainhira ema Judeu sira kontra hasoru ida nee, hau presiza husu atu baa César - maski hau la iha kazu ida hasoru hau nia nasaun. 20Tanba razaun nee mak hau husu atu hasoru imi no koalia ho imi. Tanba sira kesi hau ho korenti nee tanba Israel nia esperansa.” 21No sira dehan ba nia, “Ami seidauk simu surat ruma hosi Judeia kona ba ita. No hosi maun-alin sira nebee mai iha nee, la iha ida mak konta ka koalia aat kona ba ita. 22Maibee ami hakarak rona hosi ita kona ba ita nia hanoin. Tanba kona ba grupu relijiaun nee, ami hatene katak ema iha fatin hotu koalia hasoru grupu nee.”
23Bainhira sira marka loron ida ba Paulo, ema barak mai iha ninia hela fatin. Nia haklaken no foo sasin kona ba Maromak nia reinu. Hosi dadeer too kalan, nia koko dada sira atu fiar no hatudu oinsaa lei hosi Moisés no profeta sira koalia kona ba Jesus. 24Ema balu fiar buat nebee nia dehan, maibee ema seluk la fiar. 25Sira diskuti malu depois sira sai bainhira Paulo foo sai liafuan ida nee, “Espíritu Santu koalia loos bainhira Nia dehan ba ita nia bei-ala sira liu hosi profeta Isaias,
26‘Baa povu nee, no dehan,
Imi sei rona duni maibee nunka kompriende,
no imi sei haree duni maibee nunka hatene.
27Tanba povu nee nia fuan laran sai toos,
no sira nia tilun laduun rona,
no sira taka ona sira nia matan.
Keta halo be sira haree ho sira nia matan,
no rona ho sira nia tilun,
no kompriende ho sira nia fuan laran,
no fila fali mai hodi Hau bele kura sira.’#28:26-27 Hosi Isaias 6:9-10.
28Nunee hatene di-diak katak Maromak haruka Ninia salvasaun ba ema Jentiu sira, no sira sei rona tuir.”#28:28 Manuskritu balu aumenta versíkulu 29, ‘No bainhira nia koalia liafuan nee, ema Judeu sira sai no sira diskuti malu makaas.’
30Paulo hela tinan rua iha nebaa iha uma nebee nia aluga. No nia simu ema hotu nebee baa vizita nia. 31Ho brani nia haklaken Maromak nia reinu no hanorin kona ba Nai Jesus Kristu, no ema la bandu nia.
Currently Selected:
Apostolu 28: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Apostolu 28
28
Paulo Iha Malta
1Bainhira ami too rai maran ho diak, ami foin hatene katak ilha nee naran Malta. 2Ema hosi rai nebaa hatudu laran diak tebes mai ami. Sira sunu ahi no simu ami hotu, tanba udan tau no rai malirin. 3Bainhira Paulo halibur ai sunu ruma no tau iha ahi, samea sai mai tanba manas no tata metin ninia liman. 4Bainhira ema hosi rai nebaa haree animál perigu nee tabele hela iha ninia liman, sira dehan ba malu, “Tebes duni, mane nee mak oho door. Maski nia konsege sai hosi tasi ho isin diak, maibee justisa la husik nia moris.” 5Paulo hisik tiha animál nee ba ahi no nia la sai moras. 6Sira hein nia isin bubu ka monu mate derepenti deit. Maibee bainhira sira hein kleur ona, no sira haree nia la sai moras, entaun sira troka sira nia hanoin no dehan katak nia mak maromak ida.
7Xefi iha ilha nee mak rai nain iha área nebaa. Xefi nia naran Públio no nia simu ami no tau matan ba ami durante loron tolu. 8Tuir mai, Públio nia aman toba hela tanba moras ho isin manas no tee been. Paulo tama ba ninia fatin no halo orasaun, no tau liman ba nia no kura nia. 9Bainhira Paulo halo tiha ida nee, ema seluk nebee iha moras iha ilha nee mai no nia kura sira hotu. 10Sira hatudu respeitu boot mai ami. No bainhira ami atu sai, sira foo buat hotu nebee ami presiza.
Paulo Too Roma
11Liu tiha fulan tolu, ami sae roo ida hosi Alexandria, nebee hela iha ilha nee durante tempu malirin. Roo nia sinál mak ‘maromak kaduak’.#28:11 Sira tau ilas iha roo nia ulun nebee maromak naran Castor no Pólux nebee maromak Zeus nia oan kaduak. 12Ami baa too rai maran iha Sirakuza no hela iha nebaa loron tolu. 13Hosi nebaa ami kontinua baa too iha Régio. Liu tiha loron ida, anin huu hosi parte súl no loron tuir mai ami too iha Puteoli. 14Iha nebaa ami hetan maun-alin sira. Sira konvida ami atu hela loron hitu ho sira. Depois ami baa Roma. 15Bainhira maun-alin sira iha Roma rona kona ba ami, sira mai dook too iha Merkadu Ápio no Loja Tolu.#28:15 Roma ba Merkadu Ápio nee 69km (hanesan Dili ba Manatuto). Roma ba Loja Tolu nee 53km. Bainhira Paulo haree sira, nia foo agradese ba Maromak no sai aten brani. 16Bainhira ami too iha Roma, komandante foo lisensa ba Paulo atu hela mesak ho soldadu ida nebee hein nia.
Paulo Iha Roma
17Liu tiha loron tolu, Paulo bolu ema Judeu sira nia xefi sira atu mai hamutuk. Bainhira sira halibur hamutuk ona, nia dehan ba sira, “Maun-alin sira, maski hau la halo buat ida hasoru ita nia povu ka ita nia bei-ala sira nia kostumi, maibee iha Jerusalém sira entrega hau nudar ema dadur ba iha ema Roma sira nia liman. 18Bainhira ema Roma sira husu di-diak mai hau, sira hakarak husik hau tanba la iha razaun atu foo kastigu mate ba hau. 19Maibee bainhira ema Judeu sira kontra hasoru ida nee, hau presiza husu atu baa César - maski hau la iha kazu ida hasoru hau nia nasaun. 20Tanba razaun nee mak hau husu atu hasoru imi no koalia ho imi. Tanba sira kesi hau ho korenti nee tanba Israel nia esperansa.” 21No sira dehan ba nia, “Ami seidauk simu surat ruma hosi Judeia kona ba ita. No hosi maun-alin sira nebee mai iha nee, la iha ida mak konta ka koalia aat kona ba ita. 22Maibee ami hakarak rona hosi ita kona ba ita nia hanoin. Tanba kona ba grupu relijiaun nee, ami hatene katak ema iha fatin hotu koalia hasoru grupu nee.”
23Bainhira sira marka loron ida ba Paulo, ema barak mai iha ninia hela fatin. Nia haklaken no foo sasin kona ba Maromak nia reinu. Hosi dadeer too kalan, nia koko dada sira atu fiar no hatudu oinsaa lei hosi Moisés no profeta sira koalia kona ba Jesus. 24Ema balu fiar buat nebee nia dehan, maibee ema seluk la fiar. 25Sira diskuti malu depois sira sai bainhira Paulo foo sai liafuan ida nee, “Espíritu Santu koalia loos bainhira Nia dehan ba ita nia bei-ala sira liu hosi profeta Isaias,
26‘Baa povu nee, no dehan,
Imi sei rona duni maibee nunka kompriende,
no imi sei haree duni maibee nunka hatene.
27Tanba povu nee nia fuan laran sai toos,
no sira nia tilun laduun rona,
no sira taka ona sira nia matan.
Keta halo be sira haree ho sira nia matan,
no rona ho sira nia tilun,
no kompriende ho sira nia fuan laran,
no fila fali mai hodi Hau bele kura sira.’#28:26-27 Hosi Isaias 6:9-10.
28Nunee hatene di-diak katak Maromak haruka Ninia salvasaun ba ema Jentiu sira, no sira sei rona tuir.”#28:28 Manuskritu balu aumenta versíkulu 29, ‘No bainhira nia koalia liafuan nee, ema Judeu sira sai no sira diskuti malu makaas.’
30Paulo hela tinan rua iha nebaa iha uma nebee nia aluga. No nia simu ema hotu nebee baa vizita nia. 31Ho brani nia haklaken Maromak nia reinu no hanorin kona ba Nai Jesus Kristu, no ema la bandu nia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.