Roma 1
1
Kumprimetus
1Paulo, atan ida hosi Jesus Kristu, nebee Jesus bolu atu sai apostolu, no haketak nia ba Maromak nia evanjelhu. 2Hori uluk kedas Maromak promesa evanjelhu nee liu hosi Ninia profeta sira iha Eskritura santu. 3Evanjelhu nee kona ba Ninia Oan Mane, nebee David nia bei-oan tuir isin. 4Maromak deklara katak Nia mak Maromak nia Oan ho kbiit, tuir Espíritu santidade nian. Maromak halo Nia moris hias ona hosi mate. Nia mak Jesus Kristu, ita nia Nai. 5Liu hosi Nia, ami simu ona grasa no knaar apostolu nian atu dada nasaun hotu hodi halo tuir fiar tanba Ninia naran. 6Ida nee inklui mos imi, nebee Nia bolu atu sai Jesus Kristu nian.
7Ba ema hotu iha Roma, nebee Maromak hadomi no bolu atu sai santu sira: Grasa no dame ba imi hosi ita nia Aman Maromak no Nai Jesus Kristu.
Paulo Hakarak Ba Roma
8Uluk nanain, hau foo agradese ba hau nia Maromak liu hosi Jesus Kristu tanba imi hotu. Tanba ema iha mundu tomak konta kona ba imi nia fiar. 9Hau serví Maromak ho hau nia espíritu atu foo sai evanjelhu kona ba Ninia Oan Mane. Nia mak hau nia sasin katak hau la para atu temi imi iha hau nia orasaun. 10Hau sempre husu oinsaa, tuir Maromak nia hakarak, katak loron ida hau bele halo viajen ba imi. 11Tanba hau hakarak tebes atu haree imi, atu nunee hau bele hatoo prezenti espirituál ruma ba imi hodi hametin imi. 12Atu nunee ita bele foo korajen ba malu, liu hosi ita nia fiar - imi nian no hau nian. 13Hau hakarak foo hatene ba imi, maun-alin sira, katak dala barak ona hau hanoin atu baa vizita imi. Maibee too agora buat ruma taka dalan. Hau hakarak hetan rezultadu ruma iha imi nia leet, hanesan iha ema Jentiu seluk sira nia leet. 14Hau iha obrigasaun ba ema Gregu sira, no mos ba sira nebee laos ema Gregu, inklui ema matenek no ema beik. 15Nunee hau prontu duni atu haklaken evanjelhu ba imi mos, nebee iha Roma.
Moris Liu Hosi Fiar
16Hau la moe kona ba evanjelhu. Tanba evanjelhu nee mak kbiit hosi Maromak atu foo salvasaun ba ema hotu nebee fiar, primeiru ba ema Judeu no mos ba ema Gregu. 17Tanba evanjelhu nee hatudu Maromak nia hahalok loos, hosi fiar ba fiar, tuir buat nebee ema hakerek nanis ona, “Ema loos sei moris liu hosi fiar.”#1:17 Hosi Habakuke 2:4.
Maromak Nia Hirus Manas
18Tanba Maromak nia laran hirus mosu mai hosi lalehan hasoru ema nia hahalok nebee la hamtauk no la loos. Tanba liu hosi hahalok la loos ema hanehan lia loos. 19Tanba buat nebee ema bele hatene kona ba Maromak, ema bele hatene mo-moos deit, tanba Maromak hatudu ona buat sira nee ba ema. 20Tanba maski ema la haree ho matan buat nebee Maromak nian, katak Ninia kbiit rohan laek no Ninia karakter nudar Maromak, sira sei bele hatene mo-moos. Tanba dezde Nia kria mundu, ema bele kompriende buat sira nee liu hosi buat nebee Nia halo ona. Nunee ema la iha razaun atu la fiar. 21Tanba maski sira hatene Maromak, sira la foo glória ba Nia nudar Maromak no sira la foo agradese ba Nia. Maibee sira nia hanoin lakon ona folin, no sira nia laran beik sai nakukun. 22Sira foti aan nudar ema matenek klean, afinál sira sai ema beik. 23Sira husik glória hosi Maromak nebee nunka mate hodi hetan estátua ho modelu hanesan ema nebee bele mate, no hanesan manu, animál ain haat no animál sira nebee dolar.
24Nunee Maromak entrega sira ba sira nia laran nebee kaan atu sai foer no estraga sira nia isin lolon ho ema seluk. 25Tanba sira troka Maromak nia lia loos ho lia bosok. Sira adora no serví kriasaun laos Kriadór, nebee simu bensaun too rohan laek! Amén.
26Tanba razaun nee Maromak husik sira tuir sira nia hakarak nebee la loos. Sira nia feto sira troka relasaun naturál atu halo tuir buat nebee kontra hasoru hahalok naturál. 27Hanesan nee mos mane sira husik relasaun naturál ho feto sira no kaan fali mane seluk. Mane halao hahalok moe nian ho mane sira seluk, no sira simu kastigu tuir sira nia sala.
28Sira lakohi atu hanoin Maromak, entaun Maromak husik sira ba hanoin folin laek atu halo buat nebee tuir lo-loos la bele halo. 29Sira sai nakonu ho buat oi-oin nebee la loos, hahalok sala, laran kaan no hahalok aat. Sira sai nakonu ho laran moras no sira oho ema. Sira sempre istori malu, bosok malu, hanoin aat no lori lia. 30Sira koalia aat kona ba ema seluk, odi Maromak, la iha respeitu, foti aan, gaba aan, halo planu aat no la halo tuir inan-aman. 31Sira beik no la fiel. Sira la hatudu laran diak ka laran luak. 32Maski sira hatene Maromak nia estatutu katak sira nebee halo buat sira nee merese atu mate, sira kontinua halo nafatin buat sira nee. Laos nee deit, maibee sira apoia ema seluk nebee halo mos buat sira nee.
Currently Selected:
Roma 1: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Roma 1
1
Kumprimetus
1Paulo, atan ida hosi Jesus Kristu, nebee Jesus bolu atu sai apostolu, no haketak nia ba Maromak nia evanjelhu. 2Hori uluk kedas Maromak promesa evanjelhu nee liu hosi Ninia profeta sira iha Eskritura santu. 3Evanjelhu nee kona ba Ninia Oan Mane, nebee David nia bei-oan tuir isin. 4Maromak deklara katak Nia mak Maromak nia Oan ho kbiit, tuir Espíritu santidade nian. Maromak halo Nia moris hias ona hosi mate. Nia mak Jesus Kristu, ita nia Nai. 5Liu hosi Nia, ami simu ona grasa no knaar apostolu nian atu dada nasaun hotu hodi halo tuir fiar tanba Ninia naran. 6Ida nee inklui mos imi, nebee Nia bolu atu sai Jesus Kristu nian.
7Ba ema hotu iha Roma, nebee Maromak hadomi no bolu atu sai santu sira: Grasa no dame ba imi hosi ita nia Aman Maromak no Nai Jesus Kristu.
Paulo Hakarak Ba Roma
8Uluk nanain, hau foo agradese ba hau nia Maromak liu hosi Jesus Kristu tanba imi hotu. Tanba ema iha mundu tomak konta kona ba imi nia fiar. 9Hau serví Maromak ho hau nia espíritu atu foo sai evanjelhu kona ba Ninia Oan Mane. Nia mak hau nia sasin katak hau la para atu temi imi iha hau nia orasaun. 10Hau sempre husu oinsaa, tuir Maromak nia hakarak, katak loron ida hau bele halo viajen ba imi. 11Tanba hau hakarak tebes atu haree imi, atu nunee hau bele hatoo prezenti espirituál ruma ba imi hodi hametin imi. 12Atu nunee ita bele foo korajen ba malu, liu hosi ita nia fiar - imi nian no hau nian. 13Hau hakarak foo hatene ba imi, maun-alin sira, katak dala barak ona hau hanoin atu baa vizita imi. Maibee too agora buat ruma taka dalan. Hau hakarak hetan rezultadu ruma iha imi nia leet, hanesan iha ema Jentiu seluk sira nia leet. 14Hau iha obrigasaun ba ema Gregu sira, no mos ba sira nebee laos ema Gregu, inklui ema matenek no ema beik. 15Nunee hau prontu duni atu haklaken evanjelhu ba imi mos, nebee iha Roma.
Moris Liu Hosi Fiar
16Hau la moe kona ba evanjelhu. Tanba evanjelhu nee mak kbiit hosi Maromak atu foo salvasaun ba ema hotu nebee fiar, primeiru ba ema Judeu no mos ba ema Gregu. 17Tanba evanjelhu nee hatudu Maromak nia hahalok loos, hosi fiar ba fiar, tuir buat nebee ema hakerek nanis ona, “Ema loos sei moris liu hosi fiar.”#1:17 Hosi Habakuke 2:4.
Maromak Nia Hirus Manas
18Tanba Maromak nia laran hirus mosu mai hosi lalehan hasoru ema nia hahalok nebee la hamtauk no la loos. Tanba liu hosi hahalok la loos ema hanehan lia loos. 19Tanba buat nebee ema bele hatene kona ba Maromak, ema bele hatene mo-moos deit, tanba Maromak hatudu ona buat sira nee ba ema. 20Tanba maski ema la haree ho matan buat nebee Maromak nian, katak Ninia kbiit rohan laek no Ninia karakter nudar Maromak, sira sei bele hatene mo-moos. Tanba dezde Nia kria mundu, ema bele kompriende buat sira nee liu hosi buat nebee Nia halo ona. Nunee ema la iha razaun atu la fiar. 21Tanba maski sira hatene Maromak, sira la foo glória ba Nia nudar Maromak no sira la foo agradese ba Nia. Maibee sira nia hanoin lakon ona folin, no sira nia laran beik sai nakukun. 22Sira foti aan nudar ema matenek klean, afinál sira sai ema beik. 23Sira husik glória hosi Maromak nebee nunka mate hodi hetan estátua ho modelu hanesan ema nebee bele mate, no hanesan manu, animál ain haat no animál sira nebee dolar.
24Nunee Maromak entrega sira ba sira nia laran nebee kaan atu sai foer no estraga sira nia isin lolon ho ema seluk. 25Tanba sira troka Maromak nia lia loos ho lia bosok. Sira adora no serví kriasaun laos Kriadór, nebee simu bensaun too rohan laek! Amén.
26Tanba razaun nee Maromak husik sira tuir sira nia hakarak nebee la loos. Sira nia feto sira troka relasaun naturál atu halo tuir buat nebee kontra hasoru hahalok naturál. 27Hanesan nee mos mane sira husik relasaun naturál ho feto sira no kaan fali mane seluk. Mane halao hahalok moe nian ho mane sira seluk, no sira simu kastigu tuir sira nia sala.
28Sira lakohi atu hanoin Maromak, entaun Maromak husik sira ba hanoin folin laek atu halo buat nebee tuir lo-loos la bele halo. 29Sira sai nakonu ho buat oi-oin nebee la loos, hahalok sala, laran kaan no hahalok aat. Sira sai nakonu ho laran moras no sira oho ema. Sira sempre istori malu, bosok malu, hanoin aat no lori lia. 30Sira koalia aat kona ba ema seluk, odi Maromak, la iha respeitu, foti aan, gaba aan, halo planu aat no la halo tuir inan-aman. 31Sira beik no la fiel. Sira la hatudu laran diak ka laran luak. 32Maski sira hatene Maromak nia estatutu katak sira nebee halo buat sira nee merese atu mate, sira kontinua halo nafatin buat sira nee. Laos nee deit, maibee sira apoia ema seluk nebee halo mos buat sira nee.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.