Apostolu 6
6
Ema Nain Hitu Hodi Serví
1Iha tempu nebaa, bainhira eskolante sira aumenta ba beibeik, ema Helen sira#6:1 Ema Judeu sira nebee koalia lian Gregu. hamriik hodi murmura hasoru ema Ebreu sira. Tanba sira nia feto faluk sira la hetan ai haan nebee fahe loro-loron. 2Entaun sira nain sanulu resin rua bolu mai disípulu hotu, no dehan, “Ida nee la loos katak ami tenki husik Maromak nia liafuan atu serví iha meza. 3Nunee maun-alin sira, hili mane nain hitu hosi imi nia leet nebee iha naran diak, nakonu ho Espíritu Santu no matenek klean. No ami bele foo knaar ba sira atu lori servisu nee. 4Maibee ami sei foo aan tomak ba orasaun no ministériu liafuan nian.” 5Ema hotu kontenti ho liafuan nee. Entaun sira hili Estevão, ema ida nebee nakonu ho fiar no Espíritu Santu, no Filipe, Prokoro, Nikanor, Timão, Parmenas, no Nicolau, hosi Antiokia nebee uluk muda ba relijiaun Judeu nian. 6Disípulu sira tau ema nain hitu nee iha apostolu sira nia oin. No apostolu sira halo orasaun no tau liman ba sira nain hitu nee.
7No Maromak nia liafuan habelar ba beibeik. No eskolante sira iha Jerusalém sai barak tebes. No saserdote barak mos halo tuir fiar nee.
Ema Kaer Estevão
8No Estevão, nebee nakonu ho grasa no kbiit, halo sinál boot no milagre sira iha povu nia leet. 9Depois ema balu mai hosi sinagoga naran Ema Livre, no ema Sirene, ema Alexandria, ema Silisia no ema Ázia sira. Ema sira nee mai diskuti malu ho Estevão. 10No sira la bele hasoru matenek klean no Espíritu nebee nia koalia nee. 11Depois ho hahalok sub-subar, sira haruka ema nebee dehan, “Ami rona nia koalia aat hasoru Moisés no Maromak.” 12No sira soran povu nee, no katuas sira, no eskriba sira. Sira mai hasoru nia, kaer nia no lori nia ba tribunál. 13Sira foti sasin falsu nebee dehan, “Mane nee la para atu koalia liafuan aat hasoru fatin santu nee no lei. 14Tanba ami rona tiha nia dehan katak Jesus hosi Nazaré sei halakon fatin nee, no sei troka kostumi sira nebee Moisés entrega mai ita.” 15No ema hotu nebee tuur iha tribunál hateke ba Estevão. No sira haree ninia oin hanesan anju nia oin.
Currently Selected:
Apostolu 6: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Apostolu 6
6
Ema Nain Hitu Hodi Serví
1Iha tempu nebaa, bainhira eskolante sira aumenta ba beibeik, ema Helen sira#6:1 Ema Judeu sira nebee koalia lian Gregu. hamriik hodi murmura hasoru ema Ebreu sira. Tanba sira nia feto faluk sira la hetan ai haan nebee fahe loro-loron. 2Entaun sira nain sanulu resin rua bolu mai disípulu hotu, no dehan, “Ida nee la loos katak ami tenki husik Maromak nia liafuan atu serví iha meza. 3Nunee maun-alin sira, hili mane nain hitu hosi imi nia leet nebee iha naran diak, nakonu ho Espíritu Santu no matenek klean. No ami bele foo knaar ba sira atu lori servisu nee. 4Maibee ami sei foo aan tomak ba orasaun no ministériu liafuan nian.” 5Ema hotu kontenti ho liafuan nee. Entaun sira hili Estevão, ema ida nebee nakonu ho fiar no Espíritu Santu, no Filipe, Prokoro, Nikanor, Timão, Parmenas, no Nicolau, hosi Antiokia nebee uluk muda ba relijiaun Judeu nian. 6Disípulu sira tau ema nain hitu nee iha apostolu sira nia oin. No apostolu sira halo orasaun no tau liman ba sira nain hitu nee.
7No Maromak nia liafuan habelar ba beibeik. No eskolante sira iha Jerusalém sai barak tebes. No saserdote barak mos halo tuir fiar nee.
Ema Kaer Estevão
8No Estevão, nebee nakonu ho grasa no kbiit, halo sinál boot no milagre sira iha povu nia leet. 9Depois ema balu mai hosi sinagoga naran Ema Livre, no ema Sirene, ema Alexandria, ema Silisia no ema Ázia sira. Ema sira nee mai diskuti malu ho Estevão. 10No sira la bele hasoru matenek klean no Espíritu nebee nia koalia nee. 11Depois ho hahalok sub-subar, sira haruka ema nebee dehan, “Ami rona nia koalia aat hasoru Moisés no Maromak.” 12No sira soran povu nee, no katuas sira, no eskriba sira. Sira mai hasoru nia, kaer nia no lori nia ba tribunál. 13Sira foti sasin falsu nebee dehan, “Mane nee la para atu koalia liafuan aat hasoru fatin santu nee no lei. 14Tanba ami rona tiha nia dehan katak Jesus hosi Nazaré sei halakon fatin nee, no sei troka kostumi sira nebee Moisés entrega mai ita.” 15No ema hotu nebee tuur iha tribunál hateke ba Estevão. No sira haree ninia oin hanesan anju nia oin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.