Apostolu 7
7
Estevão Koalia
1Saserdote boot dehan, “Buat sira nee loos ka?” 2Estevão dehan, “Maun-alin no aman sira, rona hau ba. Maromak Glória Nain hatudu Aan ba ita nia bei-ala Abraão, bainhira nia sei hela iha Mezopotámia, molok nia hela iha Haran.#7:2 Haree Abraão nia istória iha Jénesis 11:31. 3Maromak dehan ba nia, ‘Lao sai hosi o nia rai, no hosi o nia família, no tama ba rai nebee Hau sei hatudu ba o.’#7:3 Hosi Jénesis 12:1. 4Depois nia sai hosi ema Kaldeia nia rai no hela iha Haran. Bainhira ninia aman mate ona, Maromak lori nia hosi fatin nebaa hodi tama mai iha rai nee, nebee agora imi hela dadaun. 5Maibee Maromak la foo liman rohan ida hosi rai nee ba nia, ain fatin ida mos lae. Maibee Maromak promete atu foo rai nee ba nia atu sai ninian,#7:5 Maromak promete ida nee iha Jénesis 12:7. no ba ninia bei-oan sira tuir nia, maski nia oan la iha. 6No Maromak koalia hanesan nee, katak ninia bei-oan sira sei sai ema lao rai iha rai seluk, no katak ema iha rai seluk nee sei kastigu sira no hanehan sira ba tinan atus haat. 7Maibee Maromak dehan, ‘Hau sei tesi lia ba nasaun nebee sira serví. Hotu tiha, sira sei sai mai no adora Hau iha fatin nee.’#7:7 Haree Jénesis 15:13-14. 8No Maromak foo aliansa sirkunsizaun nian ba Abraão. No Abraão hetan Isak, no foo sirkunsizaun ba nia iha loron ualu. Isak hetan Jacó, no Jacó hetan família nia nai ulun sanulu resin rua.#7:8 Maromak foo sirkunsizaun iha Jénesis 17:9-14. Isak moris no hetan sirkunsiazaun iha Jénesis 21:2-4. Jakó moris iha Jénesis 25:26. Jakó nia oan sira iha Jénesis 29:31-30:24.
9Família nia ulun sira nee faan José ba Ejitu tanba sira laran moras. Maibee Maromak hamutuk ho nia.#7:9 Sira faan José iha Jénesis 37:28. 10Maromak salva nia hosi ninia terus hotu, no foo grasa no matenek klean ba nia iha Faraó nia oin, liurai hosi Ejitu. No Faraó foo knaar ba José nudar governadór ba Ejitu no Faraó nia uma kain tomak.#7:10 José sai ema boot iha Ejitu iha Jénesis 41:38-44. 11Tuir mai, rai hamlaha boot mosu iha rai Ejitu no Kanaan, no sira hetan terus boot. No ita nia bei-ala sira la bele hetan ai haan.#7:11 José nia maun-alin sira mos iha rai hamlaha iha Jénesis 42:5. 12Maibee bainhira Jacó rona katak Ejitu iha batar, nia haruka ita nia bei-ala sira baa Ejitu ba dala ida.#7:12 Haree Jénesis 42:1-2. 13No bainhira sira baa Ejitu ba dala rua, José foo hatene ninia aan ba ninia maun-alin sira. No Faraó foin konhese José nia maun-alin sira.#7:13 Haree Jénesis 45:1-3, 16. 14Depois José haruka sira baa bolu ninia aman Jacó, no ninia família tomak, ema nain hitu-nulu resin lima atu mai ba nia.#7:14 Haree Jénesis 45:9-10. Ema nain hira nee iha Jénesis 46:26-27, Exodu 1:5. Testamentu Tuan iha Ebreu dehan ema nain 70. Maibee Testamentu Tuan iha Gregu, nebee Septuaginta, aumenta José nia bei-oan sira nain lima. Nunee Estevão dehan ema nain 75. 15Entaun Jacó tuun ba Ejitu. No nia ho ita nia bei-ala sira mate iha nebaa.#7:15 Haree Jénesis 46:5-7 no Exodu 1:6. 16No ema lori sira nia mate ruin baa Sikém no hakoi iha rate nebee uluk Abraão sosa ho osan folin ida hosi Hamor nia oan mane sira iha Sikém.#7:16 Abraão sosa rai iha Hebron (Jénesis 23) no Jacó sosa rai iha Sikém (Jénesis 33:19). Sira hakoi Jacó iha Hebron (Jénesis 50:13), no sira hakoi José iha Sikém (Josué 24:32).
17Maibee bainhira tempu atu kumpri promesa besik ona, nebee Maromak jura ba Abraão, povu nee aumenta no sai barak iha Ejitu.#7:17 Haree Exodu 1:7. 18Tuir mai, liurai seluk ukun nebee la konhese José.#7:18-19 Haree Exodu 1:8-22. 19Liurai nee halo aat ba ita nia família. Nia haruka ita nia bei-ala sira husik sira nia kiik-oan sira iha liur atu sira la bele moris. 20Iha tempu nebaa mak Moisés moris. Nia bonitu iha Maromak nia oin. Ninia família hakiak nia iha ninia aman nia uma too fulan tolu.#7:20-22 Haree Moisés nia istória bainhira nia kiik iha Exodu 2:1-10. 21Bainhira sira husik Moisés iha liur, Faraó nia oan feto foti nia, no hakiak nia nudar ninia oan rasik. 22No Moisés simu hanorin tuir ema Ejitu sira nia matenek hotu. No nia iha kbiit boot iha liafuan no hahalok.
23Bainhira nia tinan haat-nulu, nia hanoin atu vizita ninia maluk sira, nebee ema Israel.#7:23-29 Moisés koko resolva problema, haree Exodu 2:11-22. 24Nia haree ema Ejitu halo aat ba ema Israel ida. Nia defende ema Israel nebee simu terus nee no baku ema Ejitu hodi selu fali terus nee. 25Tanba nia hanoin ninia maluk sira sei kompriende oinsaa Maromak foo salvasaun ba sira liu hosi ninia liman. Maibee sira la kompriende. 26Loron tuir mai, nia baa haree sira no ema Israel nain rua baku malu. Nia koko ajuda sira halo dame no dehan, ‘Mane sira, imi mak maluk sira. Tanba saa mak imi halo aat ba malu?’ 27Maibee ema nebee halo aat ba ninia maluk dudu sees Moisés, no dehan, ‘See mak halo ita ukun nain no juis ida ba ami? 28Ita atu oho hau, hanesan horiseik ita oho tiha ema Ejitu nee?’ 29Bainhira Moisés rona liafuan nee, nia halai no sai ema lao rai iha rai Midian. Iha nebaa nia hetan oan mane nain rua.
30Liu tiha tinan haat-nulu, anju ida mosu mai ba Moisés iha rai fuik maran, iha Foho Sinai, iha ai badak ida nebee lakan.#7:30-34 Moisés ho ai badak lakan, haree Exodu 3:1-12. 31Bainhira Moisés haree ida nee, nia admira. No bainhira nia hakbesik hodi haree tan, nia rona lian hosi Nai. 32Nai dehan, ‘Hau mak o nia bei-ala sira nia Maromak, Abraão nia Maromak, Isak nia Maromak, no Jacó nia Maromak.’ Moisés nakdedar, no nia la brani atu haree tan. 33Depois Nai dehan ba nia, ‘Hasai sandálias hosi o nia ain, tanba fatin nebee o hamriik mak rai santu. 34Hau haree duni Hau nia povu nia terus iha Ejitu. No Hau rona tiha sira nia halerik. No Hau tuun mai hodi salva sira. Agora, mai, Hau sei haruka o baa Ejitu.’
35Uluk sira lakohi simu Moisés, no dehan, ‘See mak halo ita sai ukun nain no juis ida?’ Maibee depois Maromak haruka nia nudar ukun nain no hola-nain,#7:35 Hola-nain mak ema nebee bele hola ema hosi tempu susar. Haree Rut 4:1-6 no nota. liu hosi anju nebee mosu ba nia iha ai badak. 36Mane nee lori sira sai, no nia hatudu milagre no sinál sira iha rai Ejitu, no iha Tasi Teberau, no iha rai fuik too tinan haat-nulu.#7:36 Maromak halo milagre barak liu hosi Moisés, ezemplu Exodu 11:10, 12:29, 14:21, 16:13-15, 17:6. 37Nia mak Moisés, nebee dehan ba ema Israel sira, ‘Maromak sei foti Profeta ida ba imi hosi imi nia maluk sira nebee hanesan hau.’#7:37 Hosi Deuteronómiu 18:15. 38Nia mak ida nebee hamutuk ho povu Israel#7:38 Lian Gregu dehan eklésia nebee ‘sorumutu’. Iha Testementu Foun, baibain bele refere ba igreja. iha rai fuik ho anju nebee koalia ba nia iha Foho Sinai, no ba ita nia bei-ala sira.#7:38 Moisés sae Foho Sinai iha Exodu 19:17-20. Nia simu liafuan moris hodi hatoo ba ita. 39Ita nia bei-ala sira lakohi halo tuir Moisés maibee sira dudu nia sees. Iha sira nia fuan laran sira fila ba Ejitu. 40Sira dehan ba Arão, ‘Halo maromak sira ba ami atu lao iha ami nia oin. Tanba Moisés nee, nebee lori ami sai hosi rai Ejitu, ami la hatene saida mak akontese ba nia.’ 41No iha tempu nebaa, sira halo karau oan, no oferese sakrifísiu ba ídulu nee. Sira haksolok ho buat nebee sira halo ho sira nia liman.#7:40-41 Sira haruka Arão halo estátua osan mean ho oin hanesan karau oan iha Exodu 32:1-6. 42Maibee Maromak fila oin, no husik sira adora forsa sira iha lalehan, tuir liafuan nebee hakerek nanis ona iha profeta sira nia livru,
‘Imi oferese mai Hau animál no sakrifísiu
durante tinan haat-nulu iha rai fuik ka?
43Imi foti sae Moloke nia tenda,
no fitun hosi imi nia maromak Refan,
estátua sira nebee imi halo hodi adora;
no Hau sei haruka imi sai ba Babilónia nia sorin ba.’#7:42-43 Hosi Amos 5:25-27. Haree nota iha nebaa.
44Ita nia bei-ala sira iha Tenda Testemunha iha rai fuik. Maromak koalia ho Moisés no foo hatene oinsaa atu halo Tenda nee, tuir modelu nebee Moisés haree.#7:44 Moisés hetan dezenhu Tenda nian iha Exodu 26. 45Tuir mai, ita nia bei-ala sira lori Tenda nee ho Josué no tama ba rai nee. Sira hadau nasaun sira nebee Maromak duni sai iha ita nia bei-ala sira nia oin. No Tenda nee hela too tempu David nian.#7:45 Maromak haruka Josué tama rai, Josué 1:1-5. Sira komesa hadau rai iha Josué 6. 46David hetan grasa iha Maromak nia oin. Nia husu atu buka fatin hodi Jakó nia Maromak bele hela.#7:46 Manuskritu balu dehan ‘Jakó nia uma kain’. David hakarak halo Templu ba Maromak, 2 Samuel 7:2. 47Maibee Salomão mak harii uma ba Maromak.#7:47 Salomão halo Templu, 1 Liurai 6. 48Maski nunee, Ida Nebee Aas Liu la hela iha uma sira nebee ema nia liman mak halo, hanesan profeta dehan nanis ona,
49‘Lalehan mak Hau nia kadunan,
no mundu mak fatin nebee Hau tau Hau nia ain.
Imi sei halo uma saida ba Hau? hatete Nai,
no Hau sei deskansa iha fatin ida nebee?
50Laos Hau nia liman mak halo buat sira nee hotu?’#7:49-50 Hosi Isaias 66:1-2.
51Imi ema ulun toos no ema nebee la halo sirkunsizaun ba fuan laran no tilun.#7:51 Haree Roma 2:28-29 no nota. Imi sempre kontra Espíritu Santu. Hanesan imi nia bei-ala sira halo, nunee mos imi halo. 52Profeta ida nebee mak imi nia bei-ala sira la haterus? Sira oho ema sira nebee uluk foo sai kona ba Ida Nebee Loos nebee atu mai. No imi rasik faan no oho Nia. 53Imi simu lei nebee anju sira hatoo, maibee imi la halo tuir lei nee.”
Ema Tuda Mate Estevão
54Bainhira sira rona tiha buat sira nee, sira sai hirus makaas no ruun nehan ba Estevão. 55Maibee Estevão, nebee nakonu ho Espíritu Santu, hateke sae ba lalehan, no haree Maromak nia glória, no Jesus hamriik iha Maromak nia liman loos. 56Nia dehan, “Tebes, hau haree lalehan nakloke, no Ema Nia Oan hamriik iha Maromak nia liman loos.” 57Maibee sira hakilar ho lian makaas, no taka sira nia tilun, no halai hamutuk ba nia. 58Sira soe nia ba sidade liur no tuda mate nia ho fatuk. No sasin sira tau sira nia ropa iha joven mane ida nia ain nebee naran Saul. 59Bainhira sira tuda dadaun Estevão, nia dehan, “Nai Jesus, simu hau nia espíritu.” 60Nia hakneak, no hakilar ho lian makaas, “Nai, keta foo sala nee ba sira.” Koalia tiha ida nee, nia toba mate.#7:60 Nia ‘toba dukur’, signifika katak nia mate.
Currently Selected:
Apostolu 7: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Apostolu 7
7
Estevão Koalia
1Saserdote boot dehan, “Buat sira nee loos ka?” 2Estevão dehan, “Maun-alin no aman sira, rona hau ba. Maromak Glória Nain hatudu Aan ba ita nia bei-ala Abraão, bainhira nia sei hela iha Mezopotámia, molok nia hela iha Haran.#7:2 Haree Abraão nia istória iha Jénesis 11:31. 3Maromak dehan ba nia, ‘Lao sai hosi o nia rai, no hosi o nia família, no tama ba rai nebee Hau sei hatudu ba o.’#7:3 Hosi Jénesis 12:1. 4Depois nia sai hosi ema Kaldeia nia rai no hela iha Haran. Bainhira ninia aman mate ona, Maromak lori nia hosi fatin nebaa hodi tama mai iha rai nee, nebee agora imi hela dadaun. 5Maibee Maromak la foo liman rohan ida hosi rai nee ba nia, ain fatin ida mos lae. Maibee Maromak promete atu foo rai nee ba nia atu sai ninian,#7:5 Maromak promete ida nee iha Jénesis 12:7. no ba ninia bei-oan sira tuir nia, maski nia oan la iha. 6No Maromak koalia hanesan nee, katak ninia bei-oan sira sei sai ema lao rai iha rai seluk, no katak ema iha rai seluk nee sei kastigu sira no hanehan sira ba tinan atus haat. 7Maibee Maromak dehan, ‘Hau sei tesi lia ba nasaun nebee sira serví. Hotu tiha, sira sei sai mai no adora Hau iha fatin nee.’#7:7 Haree Jénesis 15:13-14. 8No Maromak foo aliansa sirkunsizaun nian ba Abraão. No Abraão hetan Isak, no foo sirkunsizaun ba nia iha loron ualu. Isak hetan Jacó, no Jacó hetan família nia nai ulun sanulu resin rua.#7:8 Maromak foo sirkunsizaun iha Jénesis 17:9-14. Isak moris no hetan sirkunsiazaun iha Jénesis 21:2-4. Jakó moris iha Jénesis 25:26. Jakó nia oan sira iha Jénesis 29:31-30:24.
9Família nia ulun sira nee faan José ba Ejitu tanba sira laran moras. Maibee Maromak hamutuk ho nia.#7:9 Sira faan José iha Jénesis 37:28. 10Maromak salva nia hosi ninia terus hotu, no foo grasa no matenek klean ba nia iha Faraó nia oin, liurai hosi Ejitu. No Faraó foo knaar ba José nudar governadór ba Ejitu no Faraó nia uma kain tomak.#7:10 José sai ema boot iha Ejitu iha Jénesis 41:38-44. 11Tuir mai, rai hamlaha boot mosu iha rai Ejitu no Kanaan, no sira hetan terus boot. No ita nia bei-ala sira la bele hetan ai haan.#7:11 José nia maun-alin sira mos iha rai hamlaha iha Jénesis 42:5. 12Maibee bainhira Jacó rona katak Ejitu iha batar, nia haruka ita nia bei-ala sira baa Ejitu ba dala ida.#7:12 Haree Jénesis 42:1-2. 13No bainhira sira baa Ejitu ba dala rua, José foo hatene ninia aan ba ninia maun-alin sira. No Faraó foin konhese José nia maun-alin sira.#7:13 Haree Jénesis 45:1-3, 16. 14Depois José haruka sira baa bolu ninia aman Jacó, no ninia família tomak, ema nain hitu-nulu resin lima atu mai ba nia.#7:14 Haree Jénesis 45:9-10. Ema nain hira nee iha Jénesis 46:26-27, Exodu 1:5. Testamentu Tuan iha Ebreu dehan ema nain 70. Maibee Testamentu Tuan iha Gregu, nebee Septuaginta, aumenta José nia bei-oan sira nain lima. Nunee Estevão dehan ema nain 75. 15Entaun Jacó tuun ba Ejitu. No nia ho ita nia bei-ala sira mate iha nebaa.#7:15 Haree Jénesis 46:5-7 no Exodu 1:6. 16No ema lori sira nia mate ruin baa Sikém no hakoi iha rate nebee uluk Abraão sosa ho osan folin ida hosi Hamor nia oan mane sira iha Sikém.#7:16 Abraão sosa rai iha Hebron (Jénesis 23) no Jacó sosa rai iha Sikém (Jénesis 33:19). Sira hakoi Jacó iha Hebron (Jénesis 50:13), no sira hakoi José iha Sikém (Josué 24:32).
17Maibee bainhira tempu atu kumpri promesa besik ona, nebee Maromak jura ba Abraão, povu nee aumenta no sai barak iha Ejitu.#7:17 Haree Exodu 1:7. 18Tuir mai, liurai seluk ukun nebee la konhese José.#7:18-19 Haree Exodu 1:8-22. 19Liurai nee halo aat ba ita nia família. Nia haruka ita nia bei-ala sira husik sira nia kiik-oan sira iha liur atu sira la bele moris. 20Iha tempu nebaa mak Moisés moris. Nia bonitu iha Maromak nia oin. Ninia família hakiak nia iha ninia aman nia uma too fulan tolu.#7:20-22 Haree Moisés nia istória bainhira nia kiik iha Exodu 2:1-10. 21Bainhira sira husik Moisés iha liur, Faraó nia oan feto foti nia, no hakiak nia nudar ninia oan rasik. 22No Moisés simu hanorin tuir ema Ejitu sira nia matenek hotu. No nia iha kbiit boot iha liafuan no hahalok.
23Bainhira nia tinan haat-nulu, nia hanoin atu vizita ninia maluk sira, nebee ema Israel.#7:23-29 Moisés koko resolva problema, haree Exodu 2:11-22. 24Nia haree ema Ejitu halo aat ba ema Israel ida. Nia defende ema Israel nebee simu terus nee no baku ema Ejitu hodi selu fali terus nee. 25Tanba nia hanoin ninia maluk sira sei kompriende oinsaa Maromak foo salvasaun ba sira liu hosi ninia liman. Maibee sira la kompriende. 26Loron tuir mai, nia baa haree sira no ema Israel nain rua baku malu. Nia koko ajuda sira halo dame no dehan, ‘Mane sira, imi mak maluk sira. Tanba saa mak imi halo aat ba malu?’ 27Maibee ema nebee halo aat ba ninia maluk dudu sees Moisés, no dehan, ‘See mak halo ita ukun nain no juis ida ba ami? 28Ita atu oho hau, hanesan horiseik ita oho tiha ema Ejitu nee?’ 29Bainhira Moisés rona liafuan nee, nia halai no sai ema lao rai iha rai Midian. Iha nebaa nia hetan oan mane nain rua.
30Liu tiha tinan haat-nulu, anju ida mosu mai ba Moisés iha rai fuik maran, iha Foho Sinai, iha ai badak ida nebee lakan.#7:30-34 Moisés ho ai badak lakan, haree Exodu 3:1-12. 31Bainhira Moisés haree ida nee, nia admira. No bainhira nia hakbesik hodi haree tan, nia rona lian hosi Nai. 32Nai dehan, ‘Hau mak o nia bei-ala sira nia Maromak, Abraão nia Maromak, Isak nia Maromak, no Jacó nia Maromak.’ Moisés nakdedar, no nia la brani atu haree tan. 33Depois Nai dehan ba nia, ‘Hasai sandálias hosi o nia ain, tanba fatin nebee o hamriik mak rai santu. 34Hau haree duni Hau nia povu nia terus iha Ejitu. No Hau rona tiha sira nia halerik. No Hau tuun mai hodi salva sira. Agora, mai, Hau sei haruka o baa Ejitu.’
35Uluk sira lakohi simu Moisés, no dehan, ‘See mak halo ita sai ukun nain no juis ida?’ Maibee depois Maromak haruka nia nudar ukun nain no hola-nain,#7:35 Hola-nain mak ema nebee bele hola ema hosi tempu susar. Haree Rut 4:1-6 no nota. liu hosi anju nebee mosu ba nia iha ai badak. 36Mane nee lori sira sai, no nia hatudu milagre no sinál sira iha rai Ejitu, no iha Tasi Teberau, no iha rai fuik too tinan haat-nulu.#7:36 Maromak halo milagre barak liu hosi Moisés, ezemplu Exodu 11:10, 12:29, 14:21, 16:13-15, 17:6. 37Nia mak Moisés, nebee dehan ba ema Israel sira, ‘Maromak sei foti Profeta ida ba imi hosi imi nia maluk sira nebee hanesan hau.’#7:37 Hosi Deuteronómiu 18:15. 38Nia mak ida nebee hamutuk ho povu Israel#7:38 Lian Gregu dehan eklésia nebee ‘sorumutu’. Iha Testementu Foun, baibain bele refere ba igreja. iha rai fuik ho anju nebee koalia ba nia iha Foho Sinai, no ba ita nia bei-ala sira.#7:38 Moisés sae Foho Sinai iha Exodu 19:17-20. Nia simu liafuan moris hodi hatoo ba ita. 39Ita nia bei-ala sira lakohi halo tuir Moisés maibee sira dudu nia sees. Iha sira nia fuan laran sira fila ba Ejitu. 40Sira dehan ba Arão, ‘Halo maromak sira ba ami atu lao iha ami nia oin. Tanba Moisés nee, nebee lori ami sai hosi rai Ejitu, ami la hatene saida mak akontese ba nia.’ 41No iha tempu nebaa, sira halo karau oan, no oferese sakrifísiu ba ídulu nee. Sira haksolok ho buat nebee sira halo ho sira nia liman.#7:40-41 Sira haruka Arão halo estátua osan mean ho oin hanesan karau oan iha Exodu 32:1-6. 42Maibee Maromak fila oin, no husik sira adora forsa sira iha lalehan, tuir liafuan nebee hakerek nanis ona iha profeta sira nia livru,
‘Imi oferese mai Hau animál no sakrifísiu
durante tinan haat-nulu iha rai fuik ka?
43Imi foti sae Moloke nia tenda,
no fitun hosi imi nia maromak Refan,
estátua sira nebee imi halo hodi adora;
no Hau sei haruka imi sai ba Babilónia nia sorin ba.’#7:42-43 Hosi Amos 5:25-27. Haree nota iha nebaa.
44Ita nia bei-ala sira iha Tenda Testemunha iha rai fuik. Maromak koalia ho Moisés no foo hatene oinsaa atu halo Tenda nee, tuir modelu nebee Moisés haree.#7:44 Moisés hetan dezenhu Tenda nian iha Exodu 26. 45Tuir mai, ita nia bei-ala sira lori Tenda nee ho Josué no tama ba rai nee. Sira hadau nasaun sira nebee Maromak duni sai iha ita nia bei-ala sira nia oin. No Tenda nee hela too tempu David nian.#7:45 Maromak haruka Josué tama rai, Josué 1:1-5. Sira komesa hadau rai iha Josué 6. 46David hetan grasa iha Maromak nia oin. Nia husu atu buka fatin hodi Jakó nia Maromak bele hela.#7:46 Manuskritu balu dehan ‘Jakó nia uma kain’. David hakarak halo Templu ba Maromak, 2 Samuel 7:2. 47Maibee Salomão mak harii uma ba Maromak.#7:47 Salomão halo Templu, 1 Liurai 6. 48Maski nunee, Ida Nebee Aas Liu la hela iha uma sira nebee ema nia liman mak halo, hanesan profeta dehan nanis ona,
49‘Lalehan mak Hau nia kadunan,
no mundu mak fatin nebee Hau tau Hau nia ain.
Imi sei halo uma saida ba Hau? hatete Nai,
no Hau sei deskansa iha fatin ida nebee?
50Laos Hau nia liman mak halo buat sira nee hotu?’#7:49-50 Hosi Isaias 66:1-2.
51Imi ema ulun toos no ema nebee la halo sirkunsizaun ba fuan laran no tilun.#7:51 Haree Roma 2:28-29 no nota. Imi sempre kontra Espíritu Santu. Hanesan imi nia bei-ala sira halo, nunee mos imi halo. 52Profeta ida nebee mak imi nia bei-ala sira la haterus? Sira oho ema sira nebee uluk foo sai kona ba Ida Nebee Loos nebee atu mai. No imi rasik faan no oho Nia. 53Imi simu lei nebee anju sira hatoo, maibee imi la halo tuir lei nee.”
Ema Tuda Mate Estevão
54Bainhira sira rona tiha buat sira nee, sira sai hirus makaas no ruun nehan ba Estevão. 55Maibee Estevão, nebee nakonu ho Espíritu Santu, hateke sae ba lalehan, no haree Maromak nia glória, no Jesus hamriik iha Maromak nia liman loos. 56Nia dehan, “Tebes, hau haree lalehan nakloke, no Ema Nia Oan hamriik iha Maromak nia liman loos.” 57Maibee sira hakilar ho lian makaas, no taka sira nia tilun, no halai hamutuk ba nia. 58Sira soe nia ba sidade liur no tuda mate nia ho fatuk. No sasin sira tau sira nia ropa iha joven mane ida nia ain nebee naran Saul. 59Bainhira sira tuda dadaun Estevão, nia dehan, “Nai Jesus, simu hau nia espíritu.” 60Nia hakneak, no hakilar ho lian makaas, “Nai, keta foo sala nee ba sira.” Koalia tiha ida nee, nia toba mate.#7:60 Nia ‘toba dukur’, signifika katak nia mate.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.