Exodu 21
21
Lei Kona Ba Atan Sira
1“Ida nee mak regulamentu sira nebee o tenki foo hatene ba sira. 2Bainhira o sosa atan Ebreu ida, nia tenki servisu ba o durante tinan neen. Maibee iha tinan hitu nia tenki sai hanesan ema nebee livre no la selu buat ida. 3Se nia mai mesak deit, nunee nia mos sai mesak deit. Se nia iha feen, ninia feen nee tenki iha lisensa atu sai hamutuk ho nia. 4Se ninia patraun foo nia feto ida atu sai nia feen no feto foo oan mane ka oan feto ba nia; nunee feto ho ninia oan sira tenki hela nafatin ho ninia patraun. Atan mane nee tenki sai mesak. 5Maibee se atan nee tebe-tebes hatete, ‘Hau hadomi loos hau nia patraun, hau nia feen no hau nia oan sira, no hau lakohi sai nudar ema nebee livre,’ 6nunee ninia patraun nee tenki lori nia ba hasoru Maromak. Patraun sei lori nia ba odamatan ka ba ai riin odamatan, no ninia patraun nee sei halo kuak iha nia tilun ho pregu no atan nee sei servisu ba ninia patraun nee too rohan laek.
7Bainhira ema ida faan ninia oan feto ida nudar atan, nunee feto nee la bele sai hanesan atan mane sira. 8Se patraun nee la gosta ona feto nee, no la simu nia atu kaben, nunee patraun nee tenki foo lisensa hodi família bele hola fali feto nee. Ninia patraun la iha direitu atu faan nia ba ema rai liur, tanba nia la tuir ninia promesa ba feto nee. 9Se ninia patraun nee prepara feto nee ba patraun nia oan mane, nunee patraun tenki halo ba nia hanesan nia halo ba ninia oan feto rasik sira. 10Se patraun nee kaben ho feto seluk, nia la bele hamenus hahaan ba feto nee. Nia la bele hamenus feto nee nia ropa no patraun nia responsabilidade atu toba hamutuk ho feto nee. 11Se patraun la halo buat tolu nee, nunee nia tenki foo lisensa hodi husik feto sai gratis, no la bele hetan fali osan.”
Kona Ba Ema Seluk Nia Moris
12“See mak baku mate ema seluk, tenki foo kastigu mate ba nia. 13Maibee se nia la iha planu atu oho ema nee, maibee Maromak mak husik ema nee tama ba ninia liman, nunee Hau sei hatudu fatin ida ba o, hodi nia bele halai ba fatin nee. 14Maibee se ema ida iha hanoin aat ba ninia maluk, too halo planu bosok hodi oho nia, o tenki foti ema nee hosi Hau nia altár, no foo kastigu mate ba nia.
15See mak baku ninia aman ka inan, tenki foo kastigu mate ba nia.
16See mak naok ema ida no faan ema nee, no see mak hetan ema nee, tenki foo kastigu mate ba sira.
17See mak foo malisan ba ninia aman ka inan, tenki foo kastigu mate ba nia.
18Bainhira ema hirus malu no ema ida baku ema seluk ho fatuk ka tuku nia ho liman, no ema seluk nee la mate, maibee nia tenki toba iha kama, 19nunee ema nebee baku nia nee sei la hetan kastigu. Se ida moras nee hamriik fali no lao iha liur uza ai tonka; nia tenki selu ema moras nee tanba nia la bele servisu, no nia selu mos aimoruk too ema moras nee hetan diak.
20Bainhira ema ida baku mate ninia atan mane ka feto, nia tenki selu. 21Maibee se atan nee sei moris loron ida ka rua, nunee keta husu patraun atu selu tanba atan nee mak ninian.
22Bainhira iha ema baku malu no sira kona feto ida nebee isin rua, too nia oan monu maibee la halo feto nee mate, nunee ema tenki simu kastigu tuir buat nebee feto nee nia laen foo ba nia; no nia tenki selu tuir desizaun juis nian. 23Maibee se feto nee mate, nunee nia tenki selu: moris troka moris, 24matan troka matan, nehan troka nehan, liman troka liman, ain troka ain, 25sunu troka sunu, kanek troka kanek, bubu troka bubu.
26Bainhira ema ida baku ninia atan mane nia matan ka atan feto nia matan no matan nee sai aat, nunee nia tenki husik atan nudar ema livre hodi selu kona ba ninia matan. 27No se nia baku nia atan mane ka atan feto too nehan monu, nunee nia tenki husik ninia atan nee nudar ema livre hodi selu kona ba ninia nehan.
28Se karau ida tuku mate mane ka feto ida, nunee tuda mate karau. Keta haan ninia isin, no karau nia nain sei la hetan kastigu. 29Maibee se karau nee toman atu tuku ema no ema foo hatene tiha ona ba karau nia nain, maibee nia lakohi kuidadu no karau nee tuku mate fali mane ka feto ida, nunee tenki tuda mate karau nee no tenki foo kastigu mate ba karau nia nain. 30Se imi haruka nia selu osan, nia bele selu atu hola fali ninia moris tuir folin nebee desidi ona. 31Se karau nee tuku oan mane ka feto, karau nia nain tenki selu tuir tesi lia. 32Se karau nee tuku atan mane ka atan feto ida, karau nia nain tenki selu osan mutin tolu-nulu, no karau nee tenki tuda mate.
33Bainhira iha ema ruma loke bee posu ka kee bee posu maibee la taka, no karau ka kuda buru monu ba kuak nee, 34nunee bee posu nia nain tenki selu. Nia tenki foo osan ba animál nia nain, maibee animál nebee mate nee sei sai ninian.
35Bainhira ema ida nia karau tuku mate ema seluk nia karau, entaun imi tenki faan karau nebee moris nee. Osan nee tenki fahe no animál nebee mate nee mos tenki fahe. 36Maibee se karau nee toman atu tuku beibeik no ninia nain lakohi tau matan ba karau, nunee nia tenki selu tomak: karau troka karau, maibee karau nebee mate nee sei sai ninian.”
Currently Selected:
Exodu 21: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Exodu 21
21
Lei Kona Ba Atan Sira
1“Ida nee mak regulamentu sira nebee o tenki foo hatene ba sira. 2Bainhira o sosa atan Ebreu ida, nia tenki servisu ba o durante tinan neen. Maibee iha tinan hitu nia tenki sai hanesan ema nebee livre no la selu buat ida. 3Se nia mai mesak deit, nunee nia mos sai mesak deit. Se nia iha feen, ninia feen nee tenki iha lisensa atu sai hamutuk ho nia. 4Se ninia patraun foo nia feto ida atu sai nia feen no feto foo oan mane ka oan feto ba nia; nunee feto ho ninia oan sira tenki hela nafatin ho ninia patraun. Atan mane nee tenki sai mesak. 5Maibee se atan nee tebe-tebes hatete, ‘Hau hadomi loos hau nia patraun, hau nia feen no hau nia oan sira, no hau lakohi sai nudar ema nebee livre,’ 6nunee ninia patraun nee tenki lori nia ba hasoru Maromak. Patraun sei lori nia ba odamatan ka ba ai riin odamatan, no ninia patraun nee sei halo kuak iha nia tilun ho pregu no atan nee sei servisu ba ninia patraun nee too rohan laek.
7Bainhira ema ida faan ninia oan feto ida nudar atan, nunee feto nee la bele sai hanesan atan mane sira. 8Se patraun nee la gosta ona feto nee, no la simu nia atu kaben, nunee patraun nee tenki foo lisensa hodi família bele hola fali feto nee. Ninia patraun la iha direitu atu faan nia ba ema rai liur, tanba nia la tuir ninia promesa ba feto nee. 9Se ninia patraun nee prepara feto nee ba patraun nia oan mane, nunee patraun tenki halo ba nia hanesan nia halo ba ninia oan feto rasik sira. 10Se patraun nee kaben ho feto seluk, nia la bele hamenus hahaan ba feto nee. Nia la bele hamenus feto nee nia ropa no patraun nia responsabilidade atu toba hamutuk ho feto nee. 11Se patraun la halo buat tolu nee, nunee nia tenki foo lisensa hodi husik feto sai gratis, no la bele hetan fali osan.”
Kona Ba Ema Seluk Nia Moris
12“See mak baku mate ema seluk, tenki foo kastigu mate ba nia. 13Maibee se nia la iha planu atu oho ema nee, maibee Maromak mak husik ema nee tama ba ninia liman, nunee Hau sei hatudu fatin ida ba o, hodi nia bele halai ba fatin nee. 14Maibee se ema ida iha hanoin aat ba ninia maluk, too halo planu bosok hodi oho nia, o tenki foti ema nee hosi Hau nia altár, no foo kastigu mate ba nia.
15See mak baku ninia aman ka inan, tenki foo kastigu mate ba nia.
16See mak naok ema ida no faan ema nee, no see mak hetan ema nee, tenki foo kastigu mate ba sira.
17See mak foo malisan ba ninia aman ka inan, tenki foo kastigu mate ba nia.
18Bainhira ema hirus malu no ema ida baku ema seluk ho fatuk ka tuku nia ho liman, no ema seluk nee la mate, maibee nia tenki toba iha kama, 19nunee ema nebee baku nia nee sei la hetan kastigu. Se ida moras nee hamriik fali no lao iha liur uza ai tonka; nia tenki selu ema moras nee tanba nia la bele servisu, no nia selu mos aimoruk too ema moras nee hetan diak.
20Bainhira ema ida baku mate ninia atan mane ka feto, nia tenki selu. 21Maibee se atan nee sei moris loron ida ka rua, nunee keta husu patraun atu selu tanba atan nee mak ninian.
22Bainhira iha ema baku malu no sira kona feto ida nebee isin rua, too nia oan monu maibee la halo feto nee mate, nunee ema tenki simu kastigu tuir buat nebee feto nee nia laen foo ba nia; no nia tenki selu tuir desizaun juis nian. 23Maibee se feto nee mate, nunee nia tenki selu: moris troka moris, 24matan troka matan, nehan troka nehan, liman troka liman, ain troka ain, 25sunu troka sunu, kanek troka kanek, bubu troka bubu.
26Bainhira ema ida baku ninia atan mane nia matan ka atan feto nia matan no matan nee sai aat, nunee nia tenki husik atan nudar ema livre hodi selu kona ba ninia matan. 27No se nia baku nia atan mane ka atan feto too nehan monu, nunee nia tenki husik ninia atan nee nudar ema livre hodi selu kona ba ninia nehan.
28Se karau ida tuku mate mane ka feto ida, nunee tuda mate karau. Keta haan ninia isin, no karau nia nain sei la hetan kastigu. 29Maibee se karau nee toman atu tuku ema no ema foo hatene tiha ona ba karau nia nain, maibee nia lakohi kuidadu no karau nee tuku mate fali mane ka feto ida, nunee tenki tuda mate karau nee no tenki foo kastigu mate ba karau nia nain. 30Se imi haruka nia selu osan, nia bele selu atu hola fali ninia moris tuir folin nebee desidi ona. 31Se karau nee tuku oan mane ka feto, karau nia nain tenki selu tuir tesi lia. 32Se karau nee tuku atan mane ka atan feto ida, karau nia nain tenki selu osan mutin tolu-nulu, no karau nee tenki tuda mate.
33Bainhira iha ema ruma loke bee posu ka kee bee posu maibee la taka, no karau ka kuda buru monu ba kuak nee, 34nunee bee posu nia nain tenki selu. Nia tenki foo osan ba animál nia nain, maibee animál nebee mate nee sei sai ninian.
35Bainhira ema ida nia karau tuku mate ema seluk nia karau, entaun imi tenki faan karau nebee moris nee. Osan nee tenki fahe no animál nebee mate nee mos tenki fahe. 36Maibee se karau nee toman atu tuku beibeik no ninia nain lakohi tau matan ba karau, nunee nia tenki selu tomak: karau troka karau, maibee karau nebee mate nee sei sai ninian.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.