Exodu 32
32
Estátua Karau Oan Osan Mean
1Povu haree katak Moisés kleur tebe-tebes no la tuun mai hosi foho. Entaun sira halibur hamutuk no haleu Arão. Sira dehan ba nia, “Mai, halo maromak ida mai ami, hodi lao iha ami nia oin. Kona ba Moisés, mane ida nebee lori ita sai hosi Ejitu nee, ita la hatene saida mak akontese ba nia.” 2Arão dehan ba sira, “Hasai brinkus osan mean hosi imi nia feen, oan mane no oan feto sira nia tilun, no lori mai hau.” 3Nunee povu hotu hasai sira nia brinkus osan mean nebee iha sira nia tilun no lori ba Arão. 4Nia foti brinkus sira nee, depois halo nabeen hamutuk no tuku hodi halo estátua karau oan ida hosi osan mean. Povu nee hatete, “Oh Israel, ida nee mak imi nia maromak nebee lori imi sai hosi Ejitu.” 5Bainhira Arão haree buat nee, nia harii altár ida iha estátua nia oin. Nia foo hatene ba povu, “Aban sei iha festa ida hodi foo respeitu ba Nai.” 6Iha aban dadeer-saan nakukun, ema Israel sira oferese oferta tunu motuk sira no oferta dame nian. Depois povu nee tuur hodi haan-hemu, no hamriik hodi halimar.#32:6 Haree 1 Korinto 10:7.
7Entaun Nai hatete ba Moisés, “Tuun ba kraik lai, tanba o nia povu nebee o lori sai hosi Ejitu nee, sira estraga aan ona. 8Sira fila lalais hosi dalan nebee Hau manda ba sira. Sira halo ona estátua karau oan ho osan mean. Depois sira adora no foo sakrifísiu ba nia. Sira dehan, ‘Oh Israel, nee mak imi nia maromak nebee lori imi sai hosi Ejitu!’” 9No Nai hatete ba Moisés, “Hau haree tiha ona povu nee, no povu nee mak ulun toos tebe-tebes. 10Nee duni husik Hau, agora Hau fakar Hau nia hirus manas ba ema sira nee hodi harahun tiha sira. Depois Hau sei halo o sai nasaun boot ida.”
11Moisés husu ba Nai, nia Maromak, no dehan, “Nai, tanba saa mak O tenki hirus manas hasoru O nia povu, nebee O lori sai hosi Ejitu ho kbiit makaas no liman forti? 12Tanba saa mak ema Ejitu sira bele dehan, ‘Nia lori povu nee sai hosi Ejitu hodi oho sira iha foho no halakon sira hosi mundu’? Fila hosi O nia hirus manas, no husik planu aat nebee atu hasoru O nia povu. 13Hanoin O nia atan sira, Abraão, Isak, no Israel. Hanoin sira nebee O jura liu hosi O nia aan rasik bainhira O dehan, ‘Hau sei halo o nia jerasaun sai barak hanesan fitun iha loro leten. No mos rai hotu nebee Hau dehan ona nee, Hau sei foo ba o nia jerasaun, no sira sei simu rai nee too tinan ba tinan.’” 14Nunee, Nai fila hosi Ninia hanoin no la haraik kastigu ba Ninia povu tuir Ninia planu.
15Moisés tuun fila fali hosi foho nee, no nia lori fatuk belar rua aliansa nian. No Maromak hakerek iha sor-sorin, iha sorin ida no iha sorin seluk.
16Maromak rasik mak halo fatuk belar rua nee no Nia rasik hakerek liafuan iha fatuk rua nee. 17Bainhira Josué rona povu haklalak, nia dehan ba Moisés, “Iha lian funu nian iha akampamentu.” 18Moisés hatete, “Ema nebee manaan la haklalak hanesan nee no ema nebee lakon iha funu la hakilar hanesan nee. Maibee hau rona hanesan ema kanta.” 19Bainhira Moisés besik ona ba akampamentu nee, nia haree estátua karau oan osan mean, no ema sira dansa. No nia sai hirus tebe-tebes. Moisés riba tiha fatuk belar rua nebee nia lori nee, no harahun tiha sira iha foho huun. 20Depois Moisés foti estátua karau oan osan mean nebee sira halo nee. Nia sunu iha ahi no fai too uut. Depois nia soe uut nee ba bee. Depois nia haruka ema Israel sira hemu bee nee.
21Moisés hatete ba Arão, “Sira halo saida ba o, too o lori sala boot nee ba sira?” 22Arão hataan, “Senhor keta sai hirus makaas, ita boot hatene katak povu ida nee sempre gosta halo buat aat. 23Sira hatete mai hau, ‘Halo maromak ida mai ami hodi lao iha ami nia oin. Kona ba Moisés, ema ida nebee lori ita sai hosi Ejitu, ita la hatene saida mak akontese ba nia.’ 24Depois hau haruka sira nebee iha osan mean hasai no foo mai hau. Osan mean sira nee hotu hau soe ba ahi. Depois karau oan nee sai tiha.”
25Moisés haree katak Arão husik ona ema Israel sira halo arbiru deit. Nunee sira hamoe aan iha sira nia inimigu nia leet. 26Entaun Moisés hamriik iha sira nia akampamentu nia oin hodi hatete, “See mak hosi Nai? Mai hamutuk ho hau iha nee!” Entaun suku Levi hotu hamriik haleu Moisés. 27No nia hatete ba sira, “Nai, ema Israel nia Maromak, haruka imi ida-idak foti imi nia surik hodi lao iha akampamentu nee hosi rohan ba rohan hodi oho imi nia maun-alin sira, oho imi nia belun sira, no oho imi nia maluk sira.” 28Ema suku Levi sira halo tuir buat hotu nebee Moisés haruka, no iha loron nee sira oho maizoumenus ema nain rihun tolu. 29Moisés hatete ba ema Levi sira, “Ohin loron, konsagra imi nia aan ba Nai tanba imi oho ona imi nia oan sira no imi nia maun-alin sira. Nunee Nai foo bensaun ba imi.”
30Iha loron tuir mai Moisés hatete ba povu, “Imi halo ona sala boot. Maibee agora hau atu sae fali ba foho nee hodi hasoru Nai. Karik hau bele husu hodi taka imi nia sala.” 31Depois Moisés ba hasoru fali Nai no hatete, “Povu nee halo ona sala boot. Sira halo maromak hosi osan mean. 32Favór ida, foo perdaun ba sira nia sala, se lae, hamoos#32:32 Liafuan iha Ebreu ‘apaga’. Haree Isaias 43:25 no nota. tiha hau nia naran hosi O nia livru nebee O hakerek ona.” 33Nai hataan ba Moisés, “Só ema nebee halo sala hasoru Hau, sira nia naran mak Hau sei hamoos hosi Hau nia livru nee. 34Agora baa, no lori sira ba iha fatin nebee Hau hatudu ona ba o. Hau nia anju sei lao iha o nia oin. Maibee bainhira Hau vizita sira, Hau sei kastigu povu nee tanba sira nia sala.”
35Depois Nai foo kastigu ba povu nee, tanba estátua karau oan nebee Arão halo nee.
Currently Selected:
Exodu 32: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Exodu 32
32
Estátua Karau Oan Osan Mean
1Povu haree katak Moisés kleur tebe-tebes no la tuun mai hosi foho. Entaun sira halibur hamutuk no haleu Arão. Sira dehan ba nia, “Mai, halo maromak ida mai ami, hodi lao iha ami nia oin. Kona ba Moisés, mane ida nebee lori ita sai hosi Ejitu nee, ita la hatene saida mak akontese ba nia.” 2Arão dehan ba sira, “Hasai brinkus osan mean hosi imi nia feen, oan mane no oan feto sira nia tilun, no lori mai hau.” 3Nunee povu hotu hasai sira nia brinkus osan mean nebee iha sira nia tilun no lori ba Arão. 4Nia foti brinkus sira nee, depois halo nabeen hamutuk no tuku hodi halo estátua karau oan ida hosi osan mean. Povu nee hatete, “Oh Israel, ida nee mak imi nia maromak nebee lori imi sai hosi Ejitu.” 5Bainhira Arão haree buat nee, nia harii altár ida iha estátua nia oin. Nia foo hatene ba povu, “Aban sei iha festa ida hodi foo respeitu ba Nai.” 6Iha aban dadeer-saan nakukun, ema Israel sira oferese oferta tunu motuk sira no oferta dame nian. Depois povu nee tuur hodi haan-hemu, no hamriik hodi halimar.#32:6 Haree 1 Korinto 10:7.
7Entaun Nai hatete ba Moisés, “Tuun ba kraik lai, tanba o nia povu nebee o lori sai hosi Ejitu nee, sira estraga aan ona. 8Sira fila lalais hosi dalan nebee Hau manda ba sira. Sira halo ona estátua karau oan ho osan mean. Depois sira adora no foo sakrifísiu ba nia. Sira dehan, ‘Oh Israel, nee mak imi nia maromak nebee lori imi sai hosi Ejitu!’” 9No Nai hatete ba Moisés, “Hau haree tiha ona povu nee, no povu nee mak ulun toos tebe-tebes. 10Nee duni husik Hau, agora Hau fakar Hau nia hirus manas ba ema sira nee hodi harahun tiha sira. Depois Hau sei halo o sai nasaun boot ida.”
11Moisés husu ba Nai, nia Maromak, no dehan, “Nai, tanba saa mak O tenki hirus manas hasoru O nia povu, nebee O lori sai hosi Ejitu ho kbiit makaas no liman forti? 12Tanba saa mak ema Ejitu sira bele dehan, ‘Nia lori povu nee sai hosi Ejitu hodi oho sira iha foho no halakon sira hosi mundu’? Fila hosi O nia hirus manas, no husik planu aat nebee atu hasoru O nia povu. 13Hanoin O nia atan sira, Abraão, Isak, no Israel. Hanoin sira nebee O jura liu hosi O nia aan rasik bainhira O dehan, ‘Hau sei halo o nia jerasaun sai barak hanesan fitun iha loro leten. No mos rai hotu nebee Hau dehan ona nee, Hau sei foo ba o nia jerasaun, no sira sei simu rai nee too tinan ba tinan.’” 14Nunee, Nai fila hosi Ninia hanoin no la haraik kastigu ba Ninia povu tuir Ninia planu.
15Moisés tuun fila fali hosi foho nee, no nia lori fatuk belar rua aliansa nian. No Maromak hakerek iha sor-sorin, iha sorin ida no iha sorin seluk.
16Maromak rasik mak halo fatuk belar rua nee no Nia rasik hakerek liafuan iha fatuk rua nee. 17Bainhira Josué rona povu haklalak, nia dehan ba Moisés, “Iha lian funu nian iha akampamentu.” 18Moisés hatete, “Ema nebee manaan la haklalak hanesan nee no ema nebee lakon iha funu la hakilar hanesan nee. Maibee hau rona hanesan ema kanta.” 19Bainhira Moisés besik ona ba akampamentu nee, nia haree estátua karau oan osan mean, no ema sira dansa. No nia sai hirus tebe-tebes. Moisés riba tiha fatuk belar rua nebee nia lori nee, no harahun tiha sira iha foho huun. 20Depois Moisés foti estátua karau oan osan mean nebee sira halo nee. Nia sunu iha ahi no fai too uut. Depois nia soe uut nee ba bee. Depois nia haruka ema Israel sira hemu bee nee.
21Moisés hatete ba Arão, “Sira halo saida ba o, too o lori sala boot nee ba sira?” 22Arão hataan, “Senhor keta sai hirus makaas, ita boot hatene katak povu ida nee sempre gosta halo buat aat. 23Sira hatete mai hau, ‘Halo maromak ida mai ami hodi lao iha ami nia oin. Kona ba Moisés, ema ida nebee lori ita sai hosi Ejitu, ita la hatene saida mak akontese ba nia.’ 24Depois hau haruka sira nebee iha osan mean hasai no foo mai hau. Osan mean sira nee hotu hau soe ba ahi. Depois karau oan nee sai tiha.”
25Moisés haree katak Arão husik ona ema Israel sira halo arbiru deit. Nunee sira hamoe aan iha sira nia inimigu nia leet. 26Entaun Moisés hamriik iha sira nia akampamentu nia oin hodi hatete, “See mak hosi Nai? Mai hamutuk ho hau iha nee!” Entaun suku Levi hotu hamriik haleu Moisés. 27No nia hatete ba sira, “Nai, ema Israel nia Maromak, haruka imi ida-idak foti imi nia surik hodi lao iha akampamentu nee hosi rohan ba rohan hodi oho imi nia maun-alin sira, oho imi nia belun sira, no oho imi nia maluk sira.” 28Ema suku Levi sira halo tuir buat hotu nebee Moisés haruka, no iha loron nee sira oho maizoumenus ema nain rihun tolu. 29Moisés hatete ba ema Levi sira, “Ohin loron, konsagra imi nia aan ba Nai tanba imi oho ona imi nia oan sira no imi nia maun-alin sira. Nunee Nai foo bensaun ba imi.”
30Iha loron tuir mai Moisés hatete ba povu, “Imi halo ona sala boot. Maibee agora hau atu sae fali ba foho nee hodi hasoru Nai. Karik hau bele husu hodi taka imi nia sala.” 31Depois Moisés ba hasoru fali Nai no hatete, “Povu nee halo ona sala boot. Sira halo maromak hosi osan mean. 32Favór ida, foo perdaun ba sira nia sala, se lae, hamoos#32:32 Liafuan iha Ebreu ‘apaga’. Haree Isaias 43:25 no nota. tiha hau nia naran hosi O nia livru nebee O hakerek ona.” 33Nai hataan ba Moisés, “Só ema nebee halo sala hasoru Hau, sira nia naran mak Hau sei hamoos hosi Hau nia livru nee. 34Agora baa, no lori sira ba iha fatin nebee Hau hatudu ona ba o. Hau nia anju sei lao iha o nia oin. Maibee bainhira Hau vizita sira, Hau sei kastigu povu nee tanba sira nia sala.”
35Depois Nai foo kastigu ba povu nee, tanba estátua karau oan nebee Arão halo nee.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.