Exodu 33
33
Lao Hosi Foho Sinai
1 Nai hatete ba Moisés, “Husik tiha fatin nee. Baa hamutuk ho povu nebee o lori sai hosi Ejitu ba iha rai nebee Hau promete ona ba Abrãao, Isak, no Jacó. Rai nee Hau hatete ona, ‘Hau sei foo rai nee ba imi nia jerasaun.’ 2Hau sei haruka anju ida atu lao iha imi nia oin. Hau sei duni sai ema Kanaan, ema Amoreu, ema Hiti, ema Perizeu, ema Heveu, no ema Jebuseu. 3Imi sei baa rai ida nebee suli ho susu been no bani been.#33:3 Rai nebee bokur no riku. Maibee Hau sei la baa hamutuk ho imi, hodi Hau la halakon imi iha dalan, tanba imi mak povu nebee ulun fatuk toos.”
4Bainhira povu rona liafuan todan nee, sira komesa laran susar no la iha ema ida nebee tau brinkus.#33:4 Brinkus: buat hotu hanesan nee nebee ita hatais - brinkus, kadeli, korenti, kelu no buat seluk tan. 5Nai hatete ba Moisés, “Hatete ba ema Israel sira, ‘Imi iha ulun fatuk toos tebe-tebes. Se Hau baa hamutuk ho imi, too mos momentu ida deit, Hau sei halakon imi hotu. Agora hasai tiha imi nia brinkus sira, no Hau sei hanoin saida mak Hau atu halo ho imi.” 6Nunee dezde tempu nebee sira husik tiha foho Horeb, povu Israel la uza tan brinkus.
Maromak Nia Tenda
7Moisés lori Tenda no nia harii Tenda nee iha akampamentu liur, dook uitoan hosi akampamentu nee. Nia hanaran Tenda nee, “Tenda Enkontru.” Tuir mai, see mak hakarak husu buat ruma ba Nai bele sai ba Tenda Enkontru nebee iha akampamentu liur. 8Se Moisés baa iha fatin nee, ema Israel ida-idak hamriik iha sira nia tenda nia oin hodi haree tuir Moisés too nia tama ba Tenda. 9Bainhira Moisés tama ona ba Tenda, kalohan riin ida tuun mai no para iha Tenda nee nia odamatan. No Nai#33:9 Ebreu dehan ‘Nia’. koalia ho Moisés. 10Bainhira ema Israel sira haree kalohan riin iha Tenda nia odamatan oin, sira hotu hakneak iha sira ida-idak nia tenda oin. 11Nai koalia ho Moisés oin ho oin, hanesan ema koalia ho nia kolega. Liu tiha nee, Moisés fila fali ba akampamentu. Maibee Josué, Nun nia oan, joven nebee ajuda Moisés, hela nafatin iha Tenda nee.
Nai Sei Tau Matan Ba Povu
12No Moisés hatete ba Nai, “Haree ba, O hatete mai hau ona, ‘Lori povu nee.’ Maibee O la hatete see mak O atu haruka baa ho hau. O dehan katak O konhese hau no kontenti ho hau. 13Agora, se hau hetan grasa iha O nia oin, hatudu O nia hahalok mai hau, hodi hau bele konhese O, no hau bele hetan grasa iha O nia oin. Keta haluha, O hili ona povu ida nee hodi sai O nian.” 14Depois Nai hatete, “Hau nia prezensa sei hamutuk ho o, no Hau sei foo deskansa ba o.” 15Moisés hataan, “Se O nia prezensa la baa hamutuk ho ami, keta haruka ami husik fatin ida nee. 16Oinsaa ema bele hatene katak hau ho povu nee bele hetan grasa iha O nia oin? Se Nai baa hamutuk ho ami, nee hatudu katak ami la hanesan ho povu sira seluk iha mundu nee.”
17 Nai hatete ba Moisés, “Hau sei halo tuir o nia pedidu nee tanba o hetan grasa iha Hau nia oin no Hau konhese o nia naran.” 18Depois Moisés husu, “Favór ida, hatudu O nia glória mai hau.” 19Nai hataan, “Hau sei halo Hau nia hahalok diak lao liu iha o nia oin. No Hau sei hatoo Hau nia naran nebee Nai. Hau sei foo grasa ba ema nebee Hau hakarak foo grasa, no hadomi ema nebee Hau hadomi.” 20Nai hatete tan, “O la bele haree Hau nia oin, tanba la iha ema ida nebee haree Hau nia oin, no sei moris nafatin.” 21Nai hatete, “Haree lai, iha fatin ida besik Hau, nebee o bele hamriik iha fatuk boot nia leten. 22Bainhira Hau nia glória lao liu, Hau sei tau o iha fatuk boot nee nia kuak, no Hau sei taka kuak ho Hau nia liman, too Hau lao liu ona. 23Depois Hau sei hasai fali Hau nia liman no o sei haree Hau nia kotuk. Maibee o sei la haree Hau nia oin.”
Currently Selected:
Exodu 33: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Exodu 33
33
Lao Hosi Foho Sinai
1 Nai hatete ba Moisés, “Husik tiha fatin nee. Baa hamutuk ho povu nebee o lori sai hosi Ejitu ba iha rai nebee Hau promete ona ba Abrãao, Isak, no Jacó. Rai nee Hau hatete ona, ‘Hau sei foo rai nee ba imi nia jerasaun.’ 2Hau sei haruka anju ida atu lao iha imi nia oin. Hau sei duni sai ema Kanaan, ema Amoreu, ema Hiti, ema Perizeu, ema Heveu, no ema Jebuseu. 3Imi sei baa rai ida nebee suli ho susu been no bani been.#33:3 Rai nebee bokur no riku. Maibee Hau sei la baa hamutuk ho imi, hodi Hau la halakon imi iha dalan, tanba imi mak povu nebee ulun fatuk toos.”
4Bainhira povu rona liafuan todan nee, sira komesa laran susar no la iha ema ida nebee tau brinkus.#33:4 Brinkus: buat hotu hanesan nee nebee ita hatais - brinkus, kadeli, korenti, kelu no buat seluk tan. 5Nai hatete ba Moisés, “Hatete ba ema Israel sira, ‘Imi iha ulun fatuk toos tebe-tebes. Se Hau baa hamutuk ho imi, too mos momentu ida deit, Hau sei halakon imi hotu. Agora hasai tiha imi nia brinkus sira, no Hau sei hanoin saida mak Hau atu halo ho imi.” 6Nunee dezde tempu nebee sira husik tiha foho Horeb, povu Israel la uza tan brinkus.
Maromak Nia Tenda
7Moisés lori Tenda no nia harii Tenda nee iha akampamentu liur, dook uitoan hosi akampamentu nee. Nia hanaran Tenda nee, “Tenda Enkontru.” Tuir mai, see mak hakarak husu buat ruma ba Nai bele sai ba Tenda Enkontru nebee iha akampamentu liur. 8Se Moisés baa iha fatin nee, ema Israel ida-idak hamriik iha sira nia tenda nia oin hodi haree tuir Moisés too nia tama ba Tenda. 9Bainhira Moisés tama ona ba Tenda, kalohan riin ida tuun mai no para iha Tenda nee nia odamatan. No Nai#33:9 Ebreu dehan ‘Nia’. koalia ho Moisés. 10Bainhira ema Israel sira haree kalohan riin iha Tenda nia odamatan oin, sira hotu hakneak iha sira ida-idak nia tenda oin. 11Nai koalia ho Moisés oin ho oin, hanesan ema koalia ho nia kolega. Liu tiha nee, Moisés fila fali ba akampamentu. Maibee Josué, Nun nia oan, joven nebee ajuda Moisés, hela nafatin iha Tenda nee.
Nai Sei Tau Matan Ba Povu
12No Moisés hatete ba Nai, “Haree ba, O hatete mai hau ona, ‘Lori povu nee.’ Maibee O la hatete see mak O atu haruka baa ho hau. O dehan katak O konhese hau no kontenti ho hau. 13Agora, se hau hetan grasa iha O nia oin, hatudu O nia hahalok mai hau, hodi hau bele konhese O, no hau bele hetan grasa iha O nia oin. Keta haluha, O hili ona povu ida nee hodi sai O nian.” 14Depois Nai hatete, “Hau nia prezensa sei hamutuk ho o, no Hau sei foo deskansa ba o.” 15Moisés hataan, “Se O nia prezensa la baa hamutuk ho ami, keta haruka ami husik fatin ida nee. 16Oinsaa ema bele hatene katak hau ho povu nee bele hetan grasa iha O nia oin? Se Nai baa hamutuk ho ami, nee hatudu katak ami la hanesan ho povu sira seluk iha mundu nee.”
17 Nai hatete ba Moisés, “Hau sei halo tuir o nia pedidu nee tanba o hetan grasa iha Hau nia oin no Hau konhese o nia naran.” 18Depois Moisés husu, “Favór ida, hatudu O nia glória mai hau.” 19Nai hataan, “Hau sei halo Hau nia hahalok diak lao liu iha o nia oin. No Hau sei hatoo Hau nia naran nebee Nai. Hau sei foo grasa ba ema nebee Hau hakarak foo grasa, no hadomi ema nebee Hau hadomi.” 20Nai hatete tan, “O la bele haree Hau nia oin, tanba la iha ema ida nebee haree Hau nia oin, no sei moris nafatin.” 21Nai hatete, “Haree lai, iha fatin ida besik Hau, nebee o bele hamriik iha fatuk boot nia leten. 22Bainhira Hau nia glória lao liu, Hau sei tau o iha fatuk boot nee nia kuak, no Hau sei taka kuak ho Hau nia liman, too Hau lao liu ona. 23Depois Hau sei hasai fali Hau nia liman no o sei haree Hau nia kotuk. Maibee o sei la haree Hau nia oin.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.