Levítiku 12
12
Hamoos Aan Tuir Tempu Tuur Ahi
1 Nai koalia ba Moisés no dehan, 2“Koalia ba ema Israel sira, no dehan, Se feto ida sai isin rua no nia tuur ahi hetan oan mane ida, entaun nia la moos too loron hitu, hanesan tempu nebee nia iha raan fulan no nia la moos. 3Iha loron ualu ita halo sirkunsizaun no tesi sai oan nee nia oin-lulik nia kulit rohan.#12:3 Lee kona ba sunat nee iha Jénesis 17:11 no nota. 4Depois feto nee sei kontinua hamoos aan hosi raan durante loron tolu-nulu resin tolu. Nia keta kona buat nebee santu ka tama ba Fatin Santu, too tempu nebee hamoos aan nee hotu ona. 5Maibee se nia tuur ahi hetan oan feto, nunee nia la moos too semana rua, hanesan nia iha raan fulan. No nia tenki kontinua hamoos aan hosi raan durante loron neen-nulu resin neen. 6Bainhira tempu hamoos aan nee hotu ona, se oan mane ka oan feto, nia tenki lori ba odamatan ba saserdote iha Tenda Enkontru, bibi malae oan nebee tinan ida hodi halo sakrifísiu tunu motuk, no manu pombu oan ida ka manu lakateu ida hodi halo sakrifísiu sala nian. 7No nia sei oferese buat nee iha Nai nia oin hodi taka nia sala, no nia sei sai moos hosi raan nebee sai hosi nia. Ida nee mak lei ba feto nebee tuur ahi hetan oan mane ka oan feto. 8Se karik nia la bele lori bibi malae oan ida, entaun nia tenki lori manu lakateu rua ka manu pombu oan rua, ida hodi halo sakrifísiu tunu motuk no ida seluk hodi halo sakrifísiu sala nian, no saserdote sei taka nia sala no nia sai moos.”
Currently Selected:
Levítiku 12: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.