Levítiku 3
3
Sakrifísiu Dame Nian
1“Se ema nia oferta mak sakrifísiu dame nian, se nia oferese buat nee hosi karau lubun, aman ka inan, nia tenki lori karau nebee perfeitu ba Nai nia oin. 2Depois nia tenki tau nia liman iha oferta nee nia ulun, no oho iha odamatan Tenda Enkontru nian. Depois Arão nia oan mane sira, nebee saserdote sira, tenki fakar raan haleu iha altár. 3Nia sei oferese sakrifísiu dame nee, oferta ida nebee halo ho ahi ba Nai, ho bokur nebee belit iha teen boot, nebee bokur hotu iha teen boot nia leten, 4no rins rua no bokur nebee belit iha sira, nebee iha nia kanotak, no bokur nebee taka aten, nia tenki hasai ho rins sira. 5Arão nia oan mane sira tenki tunu iha altár nia leten, iha sakrifísiu tunu nia leten, nebee iha ai nia leten iha ahi nee. Buat nee mak oferta ida nebee halo ho ahi nebee nia morin diak ba Nai.
6Se nia foo oferta ba sakrifísiu dame nian ba Nai mak hosi bibi malae, aman ida ka inan ida, nia tenki oferese animál ida nebee perfeitu. 7Se nia oferese bibi malae oan ida nudar ninia oferta, nia tenki oferese bibi malae nee iha Nai nia oin. 8Depois nia tenki tau nia liman ba iha ninia oferta nee nia ulun no oho nia iha Tenda Enkontru nia oin, nunee Arão nia oan mane sira tenki fakar nia raan haleu iha altár nee. 9Nia sei oferese hosi sakrifísiu dame nee, nebee oferta ida nebee halo ho ahi ba Nai, nia tenki oferese bokur, no ikun tomak nebee bokur nebee tenki tesi besik nia ruin kotuk, nia bokur nebee falun iha teen boot, no bokur hotu nebee taka nia teen boot, 10no rins rua no bokur nebee belit iha sira, nebee iha nia kanotak, no bokur nebee taka aten, nia tenki hasai ho rins sira. 11Saserdote tenki tunu buat nee iha altár nia leten nudar oferese hahaan nian nebee halo ho ahi ba Nai.
12Se ninia oferta nee mak bibi ida, nia tenki oferese bibi nee iha Nai nia oin. 13Depois nia tenki tau nia liman ba iha bibi nee nia ulun no oho nia iha Tenda Enkontru nia oin, nunee Arão nia oan mane sira tenki fakar nia raan haleu iha altár nee. 14Nia sei oferese hosi ninia oferta nee, nebee oferta ida nebee halo ho ahi ba Nai, nia bokur nebee falun iha teen boot, no bokur hotu nebee taka nia teen boot, 15no rins rua no bokur nebee belit iha sira, nebee iha nia kanotak, no bokur nebee taka aten, nia tenki hasai ho rins sira. 16Saserdote tenki tunu hotu iha altár nia leten nudar oferese hahaan nian nebee halo ho ahi hodi sai morin nebee diak. No nia bokur sira hotu nee mak Nai nian. 17Ida nee estatutu ida ba imi too tinan ba tinan no iha nebee deit mak imi hela: imi keta haan bokur ka hemu raan.
Currently Selected:
Levítiku 3: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.