Levítiku 5
5
Kona Ba Sala Seluk
1Bainhira ema ida halo sala tanba nia rona avizu nebee husu ema atu foo testemunha no nia mak sasin duni tanba nia haree ka hatene, maibee nia lakohi foo sai, nunee nia mak sala. 2No se ema ruma kona buat ruma nebee foer,#5:2 Foer nee refere ba buat nebee Maromak dehan nee mak foer, hanesan animál nebee iha Levitiku 11. animál fuik nebee foer no mate, ka animál hakiak nebee foer no mate ka animál dolar nebee foer no mate, no nia la hatene ida nee, nunee nia sai foer no nia sala. 3Ka bainhira nia kona foer hosi ema, ka saida deit nebee foer no nia sai foer tanba buat nee, no nia la hatene nee, maibee bainhira nia hatene nee, nunee nia sala. 4Bainhira ema ruma jura ho nia ibun atu halo buat nebee aat ka diak, ka saida deit mak nia jura ho nia ibun, no nia la hatene, maibee bainhira nia hatene nee, nunee nia sala liu hosi buat ida nee. 5Nunee se nia sala liu hosi buat ida nee, nia tenki rekonhese sala nebee nia halo tiha ona nee, 6no nia tenki lori nia oferta ba Nai hanesan oferta selu sala nian tanba sala nee, oferta nee tenki bibi inan ida hosi bibi lubun, bele bibi malae ka bibi timor, hodi halo sakrifísiu sala nian. Nunee saserdote nee bele taka ema nee nia sala.
7Maibee se nia la bele hetan bibi ida, entaun hodi selu nia sala tanba sala nebee nia halo tiha ona nee, nia tenki lori manu lakateu rua ka manu pombu nia oan rua ba Nai, manu ida hodi sai sakrifísiu sala nian no ida seluk hodi sai sakrifísiu tunu. 8Nia tenki lori ba saserdote, no saserdote tenki oferese uluk ida nebee oferta sala nian. No nia tenki dulas nia ulun ba leten maibee la bele too kotu. 9Nia sei fakar raan balu hosi sakrifísiu sala nee ba altár nia sorin, no raan restu tenki hanehan sai ba iha altár nia okos; ida nee mak sakrifísiu sala nian. 10Nia sei oferese ida seluk nee nudar sakrifísiu tunu motuk tuir lei. Nunee saserdote taka ema nee nia sala nebee nia halo tiha ona, nunee nia simu perdaun. 11Maibee se nia la bele lori manu lakateu rua ka manu pombu nia oan rua, entaun nia nebee halo sala nee tenki lori oferta nebee trigu diak kilo ida#5:11 Ebreu dehan ‘efa porsentu sanulu’, nebee efa ida maizoumenus litru rua-nulu resin rua. hodi sai oferta sala nian. La bele tau mina ka insensu iha oferta nee tanba buat nee mak oferta sala nian. 12Nia tenki lori ba saserdote no saserdote tenki foti uitoan ho nia liman hodi foo hanoin, no tunu iha altár nia leten tuir dalan nebee halo iha sakrifísiu ho ahi ba Nai; ida nee sakrifísiu sala nian. 13Nunee saserdote taka ema nee nia sala nebee nia halo ona kona ba buat ida nee, nunee nia simu perdaun. No oferta restu nee sai saserdote nian, hanesan oferta trigu nian.”
Sakrifísiu Multa
14 Nai koalia ba Moisés, no dehan, 15“Se iha ema ruma sala hasoru buat sira nebee santu nebee Nai nian, no nia la hatene katak buat nee sala, nia tenki lori oferta ba Nai hodi selu nia sala, nebee bibi malae aman ida nebee perfeitu, ho nia folin tuir osan mutin nia folin, tuir sukat hosi Fatin Santu nia osan mutin, hodi sai oferta multa. 16No nia tenki selu fali buat nebee nia halo aat kona ba buat santu nee, no nia tenki selu aumenta porsentu rua-nulu, depois entrega ba saserdote. Saserdote sei halo taka ema nia sala nee ho bibi malae aman nebee sakrifísiu multa nee, nunee nia simu perdaun.
17Se ema ruma halo sala no halo saida deit nebee Nai bandu iha ukun fuan sira, maski nia la hatene, nia sala no nia rasik simu todan nee. 18Nia tenki lori bibi malae aman ida nebee perfeitu hosi bibi lubun, nebee iha folin loos, hodi sai oferta multa, no lori ba saserdote. No saserdote nee sei halo dame ba ema nee tanba ninia hahalok nebee nia sala no nia lahatene, nunee nia simu perdaun. 19Ida nee mak sakrifísiu multa; ema nee halo sala duni hasoru Nai.”
Currently Selected:
Levítiku 5: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.