Lucas 11
11
Orasaun Hosi Nai
1Tuir mai, Jesus halo orasaun iha fatin ida. Hotu tiha, Ninia eskolante ida dehan ba Nia, “Nai, hanorin ami atu halo orasaun, hanesan João mos hanorin ona ninia eskolante sira.”
2 #11:2-4 Haree Mateus 6:9-13. Nia dehan ba sira, “Bainhira imi halo orasaun, dehan,
‘Aman, O nia naran santu.
O nia reinu mai.
3Haraik ai haan#11:3 Gregu dehan ‘paun’. loro-loron nian mai ami.
4Foo perdaun mai ami nia sala,
hanesan ami mos foo perdaun ona ba ema nebee halo sala hasoru ami.
No keta husik ami monu ba tentasaun.’”#11:4 Gregu dehan ‘keta lori ami ba tentasaun’.
5No Jesus dehan ba sira, “See mak iha kolega nebee, se imi ida baa nia iha kalan boot, no dehan ba nia, ‘Kolega, foo netik paun fuan tolu mai hau. 6Tanba hau nia maluk ida foin mai hosi rai dook, no hau la iha buat ida atu foo ba nia haan.’ 7No nia hataan hosi uma laran, ‘Keta halo susar mai hau. Tanba odamatan taka metin tiha ona, no hau nia oan sira mak hamutuk ona ho hau iha kama. Hau la bele hadeer hodi foo buat ruma ba o’? 8Hau dehan ba imi, maski nia sei la hadeer no foo buat ruma tanba ema nee mak ninia kolega, maibee tanba ema husu nafatin, ikus mai nia sei hadeer no foo buat saida deit nebee ema nee presiza. 9#11:9-13 Haree Mateus 7:7-11.No Hau dehan, Husu ba, no o sei simu; buka ba, no o sei hetan; dere ba, no odamatan sei nakloke ba o. #11:9 Iha versíkulu nee, buka, husu no dere mak liafuan iha lian Gregu nebee ita halo nafatin deit too hetan. 10Tanba ema hotu nebee husu sei simu; no nia nebee buka sei hetan; no ba nia nebee dere, odamatan nee sei nakloke ba nia. 11Iha imi nia leet, iha aman ida nebee bainhira ninia oan husu ikan ida, nia sei foo fali samea#11:11 Manuskritu balu aumenta ‘fatuk ida ba oan nebee husu paun? Ka nia foo samea...’ ida ba ninia oan nee ka? 12Ka se nia sei husu manu tolun ida, aman sei foo fali sakunar ida ba nia ka? 13Nunee, se karik imi, maski imi aat, hatene oinsaa atu foo prezenti diak ba imi nia oan sira, saa tan imi nia Aman iha lalehan sei foo duni Espíritu Santu ba sira nebee husu Nia?”
Jesus No Belzebu
14 #11:14-23 Haree Mateus 12:22-32, Marcos 3:22-30. Jesus duni sai diabu ida nebee monok. Bainhira diabu sai ona, ema monok nee bele koalia fali. Nunee povu admira. 15Maibee ema balu dehan, “Nia duni sai diabu sira hodi Belzebu, nebee diabu sira nia xefi.” 16No ema seluk hakarak koko Nia. Entaun sira buka hela sinál ida hosi lalehan. 17Maibee Nia hatene sira nia hanoin, no Nia dehan ba sira, “Reinu hotu nebee fahe hodi hasoru ninia aan rasik sei rahun mohu deit; no uma kain ida nebee fahe sei monu. 18No se karik Satanás mos fahe aan hodi hasoru ninia aan rasik, oinsaa ninia reinu bele hamriik? Tanba imi dehan katak Hau duni sai diabu sira hodi Belzebu. 19Se Hau duni sai diabu sira hodi Belzebu, entaun imi nia oan sira duni sai diabu sira liu hosi see? Nunee sira sei tesi lia ba imi. 20Maibee se Hau duni sai diabu sira ho liman fuan hosi Maromak, entaun Maromak nia reinu too ona ba imi. 21Bainhira mane forti ida, nebee iha armas kompletu, hein ninia uma, ninia sasaan sei seguru. 22Maibee bainhira ema forti liu fali nia mai ataka nia, no manaan nia, ema forti liu nee hadau ninia armas hotu nebee nia tau fiar. Depois ema forti liu nee sei fahe ninia riku-soin. 23Ema nebee la hamutuk ho Hau mak kontra Hau. No ema nebee la halibur hamutuk ho Hau, namkari deit.
Espíritu Foer Fila Fali Mai
24 #11:24-26 Haree Mateus 12:43-45. Bainhira espíritu foer sai ona hosi ema ida, nia lao liu hosi rai maran hodi buka fatin deskansa. No bainhira nia la hetan, nia dehan, ‘Hau sei fila fali ba hau nia uma nebee hau husik ona.’ 25Bainhira nia too, nia hetan uma nee dasa tiha no aruma ona. 26Entaun nia baa, no lori tan espíritu hitu nebee aat liu nia. Sira tama no hela iha nebaa. Ikus mai, ema ida nee sai aat liu fali uluk.”
Haksolok Loos
27Bainhira Jesus koalia dadaun, feto ida hosi ema lubun nia leet, hakilar no dehan ba Nia, “Haksolok ba oan fatin nebee kous O, no susun nebee foo susu ba O!” 28Maibee Nia dehan, “Tuir lo-loos, haksolok ba sira nebee rona Maromak nia liafuan no halo tuir!”
Sinál Hosi Jonas
29 #11:29-32 Haree Mateus 12:39-42. Bainhira ema lubun sira aumenta liu tan, Nia komesa koalia dehan, “Ida nee mak jerasaun aat. Sira buka sinál ida. Maibee sira sei la hetan sinál ida, só deit sinál Jonas nian. 30Tanba hanesan Jonas sai sinál ida ba ema Nínive sira,#11:30 Haree istória Jonas nian iha ikan boot laran iha Jonas 1:17; no tuir mai ema Nínive iha Jonas 3:7. nunee mos Ema Nia Oan sei sai sinál ba jerasaun nee. 31Liurai feto hosi parte súl sei hamriik ho jerasaun nee iha tempu Tesi Lia nian, no nia sei kondena imi. Tanba nia mai hosi mundu rohan hodi rona matenek klean hosi Salomão.#11:31 Haree istória kona ba liurai feto hosi parte súl iha 1 Liurai 10:1-13. No tebes, iha nee iha ema ida nee nebee boot liu fali Salomão. 32Ema Nínive sei hamriik ho jerasaun nee iha tempu Tesi Lia nian, no sira sei kondena imi. Tanba sira arepende bainhira sira rona haklaken hosi Jonas. No tebes, iha nee iha ema ida nebee boot liu fali Jonas.
Ema Nia Ahi Oan
33 #11:33-36 Haree Mateus 5:15, 6:22-23. Ema la sunu ahi oan hodi subar iha fatin segredu, ka taka fali iha baldi okos. Maibee nia tau iha ahi oan nia fatin hodi ema nebee tama uma bele haree naroman nee. 34Matan mak ahi oan ba isin lolon. Nunee se o nia matan moos, o nia isin tomak sei nakonu ho naroman. Maibee se o nia matan aat, o nia isin tomak sei nakonu ho nakukun. 35Nunee kuidadu ba, katak naroman nebee iha o nia laran nee laos nakukun. 36Se o nia isin tomak nakonu ho naroman, no la iha parte ida nebee nakukun, nunee o nia isin tomak sei naroman hanesan ahi oan nebee leno hodi foo naroman ba o.
Susar Ba Ema Farizeu Sira
37Bainhira Jesus koalia hela, ema Farizeu ida husu Jesus atu mai haan ho nia. Entaun Jesus baa ho nia, no tuur iha meza. 38Ema Farizeu nee hakfodak tanba Jesus la hamoos aan molok atu haan. 39#11:39-52 Haree Mateus 23:1-36.No Nai dehan ba nia, “Imi ema Farizeu sira fasi kopu no bikan nia liur, maibee imi nia laran nakonu fali ho hahalok kaan-teen no hahalok aat. 40Beik-teen sira! Laos Nia nebee kria buat nebee iha liur kria mos buat nebee iha laran? 41Maibee foo ezmola hosi buat nebee iha laran, no tebes, buat hotu sei sai moos ba imi.
42Maibee susar ba imi, ema Farizeu sira! Tanba imi foo porsentu sanulu hosi ortelaun, aruda#11:42 Buat rua nee mak modo tahan kiik nebee ema tau uitoan ba hahaan hodi halo gostu. (ruku mak Mentha spp., aruda mak Ruta graveolens) Sira haketak porsentu sanulu hosi buat kamaan nee, maibee sira haluha buat importante ba Maromak. Haree porsentu sanulu iha Levítiku 27:30. no modo oi-oin, maibee imi husik fali justisa no Maromak nia domin. Tuir lo-loos imi tenki halo buat uluk nee, no la bele husik buat sira seluk. 43Susar ba imi, ema Farizeu sira! Tanba imi gosta kadeira importante iha sinagoga sira, no imi gosta bainhira ema kumprimenta imi iha merkadu. 44Susar ba imi, ema eskriba no Farizeu sira, ema laran makerek sira! Tanba imi hanesan rate nebee la iha marka, no ema lao sama iha leten mos la hatene.”
45Depois ema nebee hatene lei hataan no dehan ba Nia, “Mestri, bainhira Ita Boot koalia hanesan nee, Ita Boot abuza mos ami.” 46No Jesus dehan, “Susar ba imi mos, ema nebee hatene lei! Tanba imi hatodan ema ho naha nebee susar atu lori, no imi rasik la book naha todan nee ho liman fuan ida. 47Susar ba imi! Tanba imi hada profeta sira nia rate, maibee imi nia bei-ala sira mak oho profeta sira nee. 48Tebes, imi sai sasin katak imi konkorda ho imi nia bei-ala sira nia hahalok: tanba sira oho profeta sira, no imi hada sira nia rate. 49Nunee mos matenek klean hosi Maromak dehan, ‘Hau sei haruka profeta no apostolu sira ba ema sira nee, no sira sei oho no hanehan balu.’ 50Nunee jerasaun nee sei simu kastigu tanba profeta hotu nia raan nebee fakar desde mundu hahuu, 51hosi Abel nia raan#11:51 Bele lee kona ba Kain nebee oho Abel iha Jénesis 4:8. too iha Zakarias nia raan,#11:51 Zakarias mak profeta ida (Zakarias 1:1). Liurai Joás oho Zakarias, oan hosi saserdote Jehoida, iha Templu oin (2 Krónikas 24:18-22). nebee ema oho iha Templu no altár nia klaran. Tebes Hau hatete ba imi, jerasaun ida nee sei lori todan nee. 52Susar ba imi, ema nebee hatene lei! Tanba imi hadau ona xavi ba fatin matenek. Imi rasik la tama, no imi taka netik dalan ba sira nebee atu tama.”
53Bainhira Jesus sai dadaun hosi fatin nee, ema eskriba no Farizeu sira komesa haleu Nia no provoka Nia atu koalia kona ba buat barak. 54Tanba sira hein atu kasa Nia liu hosi liafuan ruma nebee Nia koalia.
Currently Selected:
Lucas 11: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Lucas 11
11
Orasaun Hosi Nai
1Tuir mai, Jesus halo orasaun iha fatin ida. Hotu tiha, Ninia eskolante ida dehan ba Nia, “Nai, hanorin ami atu halo orasaun, hanesan João mos hanorin ona ninia eskolante sira.”
2 #11:2-4 Haree Mateus 6:9-13. Nia dehan ba sira, “Bainhira imi halo orasaun, dehan,
‘Aman, O nia naran santu.
O nia reinu mai.
3Haraik ai haan#11:3 Gregu dehan ‘paun’. loro-loron nian mai ami.
4Foo perdaun mai ami nia sala,
hanesan ami mos foo perdaun ona ba ema nebee halo sala hasoru ami.
No keta husik ami monu ba tentasaun.’”#11:4 Gregu dehan ‘keta lori ami ba tentasaun’.
5No Jesus dehan ba sira, “See mak iha kolega nebee, se imi ida baa nia iha kalan boot, no dehan ba nia, ‘Kolega, foo netik paun fuan tolu mai hau. 6Tanba hau nia maluk ida foin mai hosi rai dook, no hau la iha buat ida atu foo ba nia haan.’ 7No nia hataan hosi uma laran, ‘Keta halo susar mai hau. Tanba odamatan taka metin tiha ona, no hau nia oan sira mak hamutuk ona ho hau iha kama. Hau la bele hadeer hodi foo buat ruma ba o’? 8Hau dehan ba imi, maski nia sei la hadeer no foo buat ruma tanba ema nee mak ninia kolega, maibee tanba ema husu nafatin, ikus mai nia sei hadeer no foo buat saida deit nebee ema nee presiza. 9#11:9-13 Haree Mateus 7:7-11.No Hau dehan, Husu ba, no o sei simu; buka ba, no o sei hetan; dere ba, no odamatan sei nakloke ba o. #11:9 Iha versíkulu nee, buka, husu no dere mak liafuan iha lian Gregu nebee ita halo nafatin deit too hetan. 10Tanba ema hotu nebee husu sei simu; no nia nebee buka sei hetan; no ba nia nebee dere, odamatan nee sei nakloke ba nia. 11Iha imi nia leet, iha aman ida nebee bainhira ninia oan husu ikan ida, nia sei foo fali samea#11:11 Manuskritu balu aumenta ‘fatuk ida ba oan nebee husu paun? Ka nia foo samea...’ ida ba ninia oan nee ka? 12Ka se nia sei husu manu tolun ida, aman sei foo fali sakunar ida ba nia ka? 13Nunee, se karik imi, maski imi aat, hatene oinsaa atu foo prezenti diak ba imi nia oan sira, saa tan imi nia Aman iha lalehan sei foo duni Espíritu Santu ba sira nebee husu Nia?”
Jesus No Belzebu
14 #11:14-23 Haree Mateus 12:22-32, Marcos 3:22-30. Jesus duni sai diabu ida nebee monok. Bainhira diabu sai ona, ema monok nee bele koalia fali. Nunee povu admira. 15Maibee ema balu dehan, “Nia duni sai diabu sira hodi Belzebu, nebee diabu sira nia xefi.” 16No ema seluk hakarak koko Nia. Entaun sira buka hela sinál ida hosi lalehan. 17Maibee Nia hatene sira nia hanoin, no Nia dehan ba sira, “Reinu hotu nebee fahe hodi hasoru ninia aan rasik sei rahun mohu deit; no uma kain ida nebee fahe sei monu. 18No se karik Satanás mos fahe aan hodi hasoru ninia aan rasik, oinsaa ninia reinu bele hamriik? Tanba imi dehan katak Hau duni sai diabu sira hodi Belzebu. 19Se Hau duni sai diabu sira hodi Belzebu, entaun imi nia oan sira duni sai diabu sira liu hosi see? Nunee sira sei tesi lia ba imi. 20Maibee se Hau duni sai diabu sira ho liman fuan hosi Maromak, entaun Maromak nia reinu too ona ba imi. 21Bainhira mane forti ida, nebee iha armas kompletu, hein ninia uma, ninia sasaan sei seguru. 22Maibee bainhira ema forti liu fali nia mai ataka nia, no manaan nia, ema forti liu nee hadau ninia armas hotu nebee nia tau fiar. Depois ema forti liu nee sei fahe ninia riku-soin. 23Ema nebee la hamutuk ho Hau mak kontra Hau. No ema nebee la halibur hamutuk ho Hau, namkari deit.
Espíritu Foer Fila Fali Mai
24 #11:24-26 Haree Mateus 12:43-45. Bainhira espíritu foer sai ona hosi ema ida, nia lao liu hosi rai maran hodi buka fatin deskansa. No bainhira nia la hetan, nia dehan, ‘Hau sei fila fali ba hau nia uma nebee hau husik ona.’ 25Bainhira nia too, nia hetan uma nee dasa tiha no aruma ona. 26Entaun nia baa, no lori tan espíritu hitu nebee aat liu nia. Sira tama no hela iha nebaa. Ikus mai, ema ida nee sai aat liu fali uluk.”
Haksolok Loos
27Bainhira Jesus koalia dadaun, feto ida hosi ema lubun nia leet, hakilar no dehan ba Nia, “Haksolok ba oan fatin nebee kous O, no susun nebee foo susu ba O!” 28Maibee Nia dehan, “Tuir lo-loos, haksolok ba sira nebee rona Maromak nia liafuan no halo tuir!”
Sinál Hosi Jonas
29 #11:29-32 Haree Mateus 12:39-42. Bainhira ema lubun sira aumenta liu tan, Nia komesa koalia dehan, “Ida nee mak jerasaun aat. Sira buka sinál ida. Maibee sira sei la hetan sinál ida, só deit sinál Jonas nian. 30Tanba hanesan Jonas sai sinál ida ba ema Nínive sira,#11:30 Haree istória Jonas nian iha ikan boot laran iha Jonas 1:17; no tuir mai ema Nínive iha Jonas 3:7. nunee mos Ema Nia Oan sei sai sinál ba jerasaun nee. 31Liurai feto hosi parte súl sei hamriik ho jerasaun nee iha tempu Tesi Lia nian, no nia sei kondena imi. Tanba nia mai hosi mundu rohan hodi rona matenek klean hosi Salomão.#11:31 Haree istória kona ba liurai feto hosi parte súl iha 1 Liurai 10:1-13. No tebes, iha nee iha ema ida nee nebee boot liu fali Salomão. 32Ema Nínive sei hamriik ho jerasaun nee iha tempu Tesi Lia nian, no sira sei kondena imi. Tanba sira arepende bainhira sira rona haklaken hosi Jonas. No tebes, iha nee iha ema ida nebee boot liu fali Jonas.
Ema Nia Ahi Oan
33 #11:33-36 Haree Mateus 5:15, 6:22-23. Ema la sunu ahi oan hodi subar iha fatin segredu, ka taka fali iha baldi okos. Maibee nia tau iha ahi oan nia fatin hodi ema nebee tama uma bele haree naroman nee. 34Matan mak ahi oan ba isin lolon. Nunee se o nia matan moos, o nia isin tomak sei nakonu ho naroman. Maibee se o nia matan aat, o nia isin tomak sei nakonu ho nakukun. 35Nunee kuidadu ba, katak naroman nebee iha o nia laran nee laos nakukun. 36Se o nia isin tomak nakonu ho naroman, no la iha parte ida nebee nakukun, nunee o nia isin tomak sei naroman hanesan ahi oan nebee leno hodi foo naroman ba o.
Susar Ba Ema Farizeu Sira
37Bainhira Jesus koalia hela, ema Farizeu ida husu Jesus atu mai haan ho nia. Entaun Jesus baa ho nia, no tuur iha meza. 38Ema Farizeu nee hakfodak tanba Jesus la hamoos aan molok atu haan. 39#11:39-52 Haree Mateus 23:1-36.No Nai dehan ba nia, “Imi ema Farizeu sira fasi kopu no bikan nia liur, maibee imi nia laran nakonu fali ho hahalok kaan-teen no hahalok aat. 40Beik-teen sira! Laos Nia nebee kria buat nebee iha liur kria mos buat nebee iha laran? 41Maibee foo ezmola hosi buat nebee iha laran, no tebes, buat hotu sei sai moos ba imi.
42Maibee susar ba imi, ema Farizeu sira! Tanba imi foo porsentu sanulu hosi ortelaun, aruda#11:42 Buat rua nee mak modo tahan kiik nebee ema tau uitoan ba hahaan hodi halo gostu. (ruku mak Mentha spp., aruda mak Ruta graveolens) Sira haketak porsentu sanulu hosi buat kamaan nee, maibee sira haluha buat importante ba Maromak. Haree porsentu sanulu iha Levítiku 27:30. no modo oi-oin, maibee imi husik fali justisa no Maromak nia domin. Tuir lo-loos imi tenki halo buat uluk nee, no la bele husik buat sira seluk. 43Susar ba imi, ema Farizeu sira! Tanba imi gosta kadeira importante iha sinagoga sira, no imi gosta bainhira ema kumprimenta imi iha merkadu. 44Susar ba imi, ema eskriba no Farizeu sira, ema laran makerek sira! Tanba imi hanesan rate nebee la iha marka, no ema lao sama iha leten mos la hatene.”
45Depois ema nebee hatene lei hataan no dehan ba Nia, “Mestri, bainhira Ita Boot koalia hanesan nee, Ita Boot abuza mos ami.” 46No Jesus dehan, “Susar ba imi mos, ema nebee hatene lei! Tanba imi hatodan ema ho naha nebee susar atu lori, no imi rasik la book naha todan nee ho liman fuan ida. 47Susar ba imi! Tanba imi hada profeta sira nia rate, maibee imi nia bei-ala sira mak oho profeta sira nee. 48Tebes, imi sai sasin katak imi konkorda ho imi nia bei-ala sira nia hahalok: tanba sira oho profeta sira, no imi hada sira nia rate. 49Nunee mos matenek klean hosi Maromak dehan, ‘Hau sei haruka profeta no apostolu sira ba ema sira nee, no sira sei oho no hanehan balu.’ 50Nunee jerasaun nee sei simu kastigu tanba profeta hotu nia raan nebee fakar desde mundu hahuu, 51hosi Abel nia raan#11:51 Bele lee kona ba Kain nebee oho Abel iha Jénesis 4:8. too iha Zakarias nia raan,#11:51 Zakarias mak profeta ida (Zakarias 1:1). Liurai Joás oho Zakarias, oan hosi saserdote Jehoida, iha Templu oin (2 Krónikas 24:18-22). nebee ema oho iha Templu no altár nia klaran. Tebes Hau hatete ba imi, jerasaun ida nee sei lori todan nee. 52Susar ba imi, ema nebee hatene lei! Tanba imi hadau ona xavi ba fatin matenek. Imi rasik la tama, no imi taka netik dalan ba sira nebee atu tama.”
53Bainhira Jesus sai dadaun hosi fatin nee, ema eskriba no Farizeu sira komesa haleu Nia no provoka Nia atu koalia kona ba buat barak. 54Tanba sira hein atu kasa Nia liu hosi liafuan ruma nebee Nia koalia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.