Lucas 12
12
Kuidadu Fermentu Farizeu Nian
1Iha tempu nebaa, bainhira ema rihun ba rihun halibur hamutuk too sira sena malu, Jesus komesa koalia uluk ba Ninia eskolante sira dehan, “Kuidadu kona ba ema Farizeu sira nia fermentu, katak laran makerek. 2#12:2-9 Haree Mateus 10:26-33. Tanba buat hotu nebee taka hela, sei nakloke; no buat hotu nebee subar hela, ema sei hatene. 3Nunee buat hotu nebee imi koalia iha fatin nakukun, ema sei rona iha fatin naroman; no buat nebee imi bis-bisu ba tilun iha kuartu laran, ema sei foo sai fali hosi uma leten.
Keta Tauk
4“Hau hatete ba imi, Hau nia belun sira, keta tauk sira nebee bele oho isin lolon, depois sira la bele halo buat ida tan. 5Maibee Hau sei foo hatene ba imi see loos mak imi tenki tauk: imi tenki tauk Nia, nebee bainhira Nia oho tiha, depois Nia iha kbiit atu soe ba infernu.#12:5 Lian Gregu dehan gehena. Sin, Hau hatete ba imi, tenki tauk Nia. 6Laos manu liin lima faan ho folin dolar ida?#12:6 Lian Gregu ‘folin asarion rua’, nebee 1/16 hosi denarius ida, no denarius ida mak folin ba ema nebee servisu loron ida. Maibee ida deit mos Maromak la haluha. 7Maibee Nia sura imi nia fuuk lahan hotu iha imi nia ulun. Nunee keta tauk, tanba imi folin boot liu manu liin barak.
Foo Sai Kona Ba Kristu
8Hau hatete ba imi, ema hotu nebee rekonhese Hau iha ema nia oin, Ema Nia Oan mos sei rekonhese nia iha Maromak nia anju sira nia oin. 9Maibee nia nebee nega Hau iha ema nia oin, Hau mos sei nega nia iha Maromak nia anju sira nia oin. 10No ema hotu nebee koalia liafuan ida hasoru Ema Nia Oan sei hetan perdaun. Maibee nia nebee koalia aat hasoru Espíritu Santu sei la hetan perdaun. 11Bainhira sira lori imi ba sinagoga sira, ba xefi sira, no ba autoridade sira nia oin, lalika preokupa oinsaa atu defende aan, ka saida mak imi sei dehan. 12Tanba Espíritu Santu sei hanorin imi iha oras nebaa duni kona ba buat nebee imi sei dehan.
Ai Knanoik: Ema Riku Nebee Beik
13Ema ida hosi ema lubun nee dehan ba Nia, “Mestri, haruka hau nia maun atu fahe liman rohan ho hau.” 14Maibee Jesus dehan ba nia, “See mak foti Hau atu sai juis ka tesi lia ba imi?” 15Depois Jesus dehan ba sira, “Rona di-diak, no kuidadu kona ba laran kaan. Tanba ema nia moris laos kona ba riku-soin nebee nia iha.” 16No Nia konta ai knanoik ida ba sira, no dehan, “Ema riku ida nia toos foo rezultadu boot. 17No ema nee hanoin iha nia laran, no dehan, ‘Hau sei halo saida? Tanba Hau la iha fatin atu rai hau nia ai haan nee.’ 18Ema nee dehan, ‘Hau sei halo ida nee: Hau sei sobu hau nia armazén, no harii fali boot liu tan. Depois hau sei rai hau nia ai haan no sasaan hotu. 19No hau sei dehan ba hau nia klamar, “Klamar, o rai tiha ona sasaan barak nebee natoon ba tinan barak. Deskansa lai - haan, hemu no haksolok ba.”’ 20Maibee Maromak dehan ba nia, ‘Beik-teen! Iha kalan nee kedas, Hau sei foti fali o nia klamar. Nunee see mak hetan sasaan nebee o rai tiha ona nee?’ 21Nunee mos ba nia nebee halibur riku-soin ba ninia aan rasik, maibee la sai riku ba Maromak.”
Keta Hanoin Resin
22 #12:22-31 Haree Mateus 6:25-33. Jesus dehan ba Ninia eskolante sira, “Nunee Hau hatete ba imi: keta preokupa kona ba imi nia moris, atu haan saida; no kona ba imi nia isin, atu hatais saida. 23Moris iha folin liu fali ai haan, no isin iha folin liu fali ropa. 24Hanoin took manu metan sira: Sira la kuda ka silu, no sira la iha gudang ka armazén. Maibee Maromak foo haan ba sira. Oinsaa liu tan mak imi iha folin boot liu fali manu sira nee! 25See mak bele aumenta oras ida ba ninia moris rasik#12:25 Ka ‘aumenta ninia isin lolon hodi sai aas sentimu haat-nulu resin tan?’ liu hosi preokupa nee? 26Nunee se imi la bele halo buat kiik hanesan nee, tanba saa mak imi preokupa kona ba buat seluk? 27Hanoin took, oinsaa ai funan sai buras. Sira la servisu ka dulas kabas.#12:27 Manuskritu balu dehan ‘dulas kabas ka soru’. Maibee Hau hatete ba imi, katak Salomão nia glória hotu#12:27 Lee kona ba Salomão nia glória iha 1 Liurai 10. mos la hatais furak hanesan ai funan sira nee ida. 28Entaun, se Maromak foo hatais ba duut hanesan nee, nebee loron ohin moris iha rai luan, depois loron aban ema soe fali ba ahi, oinsaa liu tan mak Nia sei foo hatais imi? Oh imi nebee fiar kiik! 29Lalika buka buat ruma atu haan ka buat ruma atu hemu, no keta hanoin barak. 30Tanba nasaun hotu iha mundu buka buat sira nee. No imi nia Aman hatene katak imi presiza buat sira nee. 31Maibee buka Maromak nia reinu, no Nia sei haraik buat sira nee hotu ba imi. 32“Bibi lubun kiik, keta tauk. Tanba imi nia Aman hakarak foo reinu ba imi. 33Faan tiha imi nia sasaan, no foo ba ema kiak. Prepara ba imi nia aan osan fatin nebee la sai tuan, katak riku-soin iha lalehan nebee la lakon. Tanba naok-teen la bele hakbesik no ular#12:33 Borboleta kalan nian, nebee oan mak ular nebee haan ropa. la bele estraga riku-soin nebee iha lalehan. 34Tanba iha fatin nebee imi rai imi nia riku-soin, imi nia fuan laran mos iha nebaa.
Imi Tenki Prontu
35Imi tenki hatais hodi prontu, no imi nia ahi oan tenki lakan nafatin. 36Sai hanesan ema nebee hein sira nia patraun atu fila hosi festa kazamentu. Nunee bainhira nia dere odamatan, sira bele loke kedas ba nia. 37Haksolok ba atan sira nee, nebee bainhira patraun#12:37 Lian Gregu kurios nebee ‘nai’, hanesan nee mos iha versíkulu tuir mai. too mai, nia hetan sira hein hela. Tebes Hau dehan ba imi, katak nia sei hatais aan hodi servisu no haruka sira tuur hodi haan. No nia sei mai no serví sira. 38Se nia mai kalan boot ka dadeer-saan nakukun,#12:38 Gregu dehan ‘tempu segundu ka tempu terseiru.’ Ema Judeu sira fahe kalan ba tempu tolu hodi ema seguransa bele hein uma. no hetan sira hein hela, nunee haksolok ba atan sira nee! 39Hatene ba, katak se uma nain hatene oras saida mak naok-teen atu mai, nia sei la husik ninia uma atu naok-teen bele tama. 40Nunee mos, imi tenki prontu nafatin. Tanba Ema Nia Oan sei mai iha oras nebee imi la hatene.”
41Depois Pedro dehan ba Jesus, “Nai, O konta ai knanoik nee ba ami deit ka ba ema hotu?” 42No Nai dehan, “Entaun see mak atan fiel ho matenek klean, nebee ninia patraun sei halo nia sai ulun ba ninia uma kain, atu foo ema sira nia ai haan tuir oras nebee loos? 43Haksolok ba atan nee, nebee ninia patraun sei mai no hetan nia halo tuir nunee. 44Tebes Hau dehan ba imi, nia sei foti atan nee hodi toma konta ba ninia riku-soin hotu. 45Maibee se karik atan nee dehan iha ninia fuan laran, ‘Hau nia patraun tardi atu fila mai.’ Nunee nia komesa baku atan mane no atan feto sira. No nia haan hemu too lanu. 46Depois atan nee nia patraun sei mai iha loron nebee atan nee la hein, no iha oras nebee nia la hatene. Patraun nee sei tesi rahun nia no tau nia ho ema nebee la fiel. 47Atan nebee hatene ninia patraun nia hakarak, maibee la prepara aan, ka la halo tuir ninia hakarak - atan nee sei hetan kastigu todan. 48Maibee atan nebee la hatene, no halo buat nebee merese atu simu kastigu, nia sei simu kastigu kamaan. Tanba ema hotu nebee simu barak, tenki foo barak. No nia nebee simu knaar boot, tenki halo boot liu tan.
Laos Dame
49Hau mai atu soe ahi ba mundu nee. No Hau hakarak katak ahi nee lakan ona! 50Hau iha batizmu ida nebee Hau atu simu. No Hau nia laran susar tebe-tebes too ida nee halo tiha ona!#12:50 Jesus koalia kona ba kastigu nebee sira prega Nia ba krus. Haree Marcos 10:38. 51#12:51-53 Bele lee iha Mateus 10:34-35.Imi hanoin katak Hau mai atu foo dame ba mundu ka? Laos! Hau dehan ba imi katak Hau sei halo ema kontra malu. 52Tanba hosi agora ba oin, ema nain lima iha uma ida sei fahe malu. Nain tolu sei kontra nain rua, no nain rua sei kontra nain tolu. 53Aman sei kontra hasoru oan mane, no oan mane sei hasoru aman. Inan sei hasoru oan feto, no oan feto sei hasoru inan. Banin feto sei hasoru ninia feto foun, no feto foun sei hasoru banin feto.”
Hatene Di-diak Tempu Nee
54No Nia dehan mos ba ema lubun nee, “Bainhira imi haree kalohan ida mosu mai iha parte loromonu, imi dehan kedas, ‘Udan atu mai.’ No ida nee akontese duni. 55No bainhira imi haree anin huu hosi parte súl, imi dehan, ‘Tempu manas sei mai.’ No ida nee akontese duni.#12:54-55 Iha rai Israel, parte loromonu iha Tasi Mediterania nebee foo udan. Iha parte súl, iha rai maran no manas. 56Imi ema laran makerek sira! Imi hatene siik buat nebee mosu iha rai no iha loro-leten, maibee tanba saa mak imi la hatene fali atu siik tempu ida nee?
Halo Dame Ho Akuzadór
57Tanba saa mak imi rasik la desidi kona ba buat nebee loos? 58#12:58-59 Haree Mateus 5:25-26.Bainhira o lao baa juis ho o nia akuzadór, hakaas aan atu resolve lai ho akuzadór iha dalan. Keta halo be nia entrega o ba juis, no juis entrega o ba guarda, no sira soe o ba komarka laran. 59Tebes, Hau hatete ba o katak o sei la sai hosi fatin nee too o selu osan hotu too sentavu#12:59 Gregu lepton, osan riti kiik hosi governu Roma nian. ikus nian.”
Currently Selected:
Lucas 12: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Lucas 12
12
Kuidadu Fermentu Farizeu Nian
1Iha tempu nebaa, bainhira ema rihun ba rihun halibur hamutuk too sira sena malu, Jesus komesa koalia uluk ba Ninia eskolante sira dehan, “Kuidadu kona ba ema Farizeu sira nia fermentu, katak laran makerek. 2#12:2-9 Haree Mateus 10:26-33. Tanba buat hotu nebee taka hela, sei nakloke; no buat hotu nebee subar hela, ema sei hatene. 3Nunee buat hotu nebee imi koalia iha fatin nakukun, ema sei rona iha fatin naroman; no buat nebee imi bis-bisu ba tilun iha kuartu laran, ema sei foo sai fali hosi uma leten.
Keta Tauk
4“Hau hatete ba imi, Hau nia belun sira, keta tauk sira nebee bele oho isin lolon, depois sira la bele halo buat ida tan. 5Maibee Hau sei foo hatene ba imi see loos mak imi tenki tauk: imi tenki tauk Nia, nebee bainhira Nia oho tiha, depois Nia iha kbiit atu soe ba infernu.#12:5 Lian Gregu dehan gehena. Sin, Hau hatete ba imi, tenki tauk Nia. 6Laos manu liin lima faan ho folin dolar ida?#12:6 Lian Gregu ‘folin asarion rua’, nebee 1/16 hosi denarius ida, no denarius ida mak folin ba ema nebee servisu loron ida. Maibee ida deit mos Maromak la haluha. 7Maibee Nia sura imi nia fuuk lahan hotu iha imi nia ulun. Nunee keta tauk, tanba imi folin boot liu manu liin barak.
Foo Sai Kona Ba Kristu
8Hau hatete ba imi, ema hotu nebee rekonhese Hau iha ema nia oin, Ema Nia Oan mos sei rekonhese nia iha Maromak nia anju sira nia oin. 9Maibee nia nebee nega Hau iha ema nia oin, Hau mos sei nega nia iha Maromak nia anju sira nia oin. 10No ema hotu nebee koalia liafuan ida hasoru Ema Nia Oan sei hetan perdaun. Maibee nia nebee koalia aat hasoru Espíritu Santu sei la hetan perdaun. 11Bainhira sira lori imi ba sinagoga sira, ba xefi sira, no ba autoridade sira nia oin, lalika preokupa oinsaa atu defende aan, ka saida mak imi sei dehan. 12Tanba Espíritu Santu sei hanorin imi iha oras nebaa duni kona ba buat nebee imi sei dehan.
Ai Knanoik: Ema Riku Nebee Beik
13Ema ida hosi ema lubun nee dehan ba Nia, “Mestri, haruka hau nia maun atu fahe liman rohan ho hau.” 14Maibee Jesus dehan ba nia, “See mak foti Hau atu sai juis ka tesi lia ba imi?” 15Depois Jesus dehan ba sira, “Rona di-diak, no kuidadu kona ba laran kaan. Tanba ema nia moris laos kona ba riku-soin nebee nia iha.” 16No Nia konta ai knanoik ida ba sira, no dehan, “Ema riku ida nia toos foo rezultadu boot. 17No ema nee hanoin iha nia laran, no dehan, ‘Hau sei halo saida? Tanba Hau la iha fatin atu rai hau nia ai haan nee.’ 18Ema nee dehan, ‘Hau sei halo ida nee: Hau sei sobu hau nia armazén, no harii fali boot liu tan. Depois hau sei rai hau nia ai haan no sasaan hotu. 19No hau sei dehan ba hau nia klamar, “Klamar, o rai tiha ona sasaan barak nebee natoon ba tinan barak. Deskansa lai - haan, hemu no haksolok ba.”’ 20Maibee Maromak dehan ba nia, ‘Beik-teen! Iha kalan nee kedas, Hau sei foti fali o nia klamar. Nunee see mak hetan sasaan nebee o rai tiha ona nee?’ 21Nunee mos ba nia nebee halibur riku-soin ba ninia aan rasik, maibee la sai riku ba Maromak.”
Keta Hanoin Resin
22 #12:22-31 Haree Mateus 6:25-33. Jesus dehan ba Ninia eskolante sira, “Nunee Hau hatete ba imi: keta preokupa kona ba imi nia moris, atu haan saida; no kona ba imi nia isin, atu hatais saida. 23Moris iha folin liu fali ai haan, no isin iha folin liu fali ropa. 24Hanoin took manu metan sira: Sira la kuda ka silu, no sira la iha gudang ka armazén. Maibee Maromak foo haan ba sira. Oinsaa liu tan mak imi iha folin boot liu fali manu sira nee! 25See mak bele aumenta oras ida ba ninia moris rasik#12:25 Ka ‘aumenta ninia isin lolon hodi sai aas sentimu haat-nulu resin tan?’ liu hosi preokupa nee? 26Nunee se imi la bele halo buat kiik hanesan nee, tanba saa mak imi preokupa kona ba buat seluk? 27Hanoin took, oinsaa ai funan sai buras. Sira la servisu ka dulas kabas.#12:27 Manuskritu balu dehan ‘dulas kabas ka soru’. Maibee Hau hatete ba imi, katak Salomão nia glória hotu#12:27 Lee kona ba Salomão nia glória iha 1 Liurai 10. mos la hatais furak hanesan ai funan sira nee ida. 28Entaun, se Maromak foo hatais ba duut hanesan nee, nebee loron ohin moris iha rai luan, depois loron aban ema soe fali ba ahi, oinsaa liu tan mak Nia sei foo hatais imi? Oh imi nebee fiar kiik! 29Lalika buka buat ruma atu haan ka buat ruma atu hemu, no keta hanoin barak. 30Tanba nasaun hotu iha mundu buka buat sira nee. No imi nia Aman hatene katak imi presiza buat sira nee. 31Maibee buka Maromak nia reinu, no Nia sei haraik buat sira nee hotu ba imi. 32“Bibi lubun kiik, keta tauk. Tanba imi nia Aman hakarak foo reinu ba imi. 33Faan tiha imi nia sasaan, no foo ba ema kiak. Prepara ba imi nia aan osan fatin nebee la sai tuan, katak riku-soin iha lalehan nebee la lakon. Tanba naok-teen la bele hakbesik no ular#12:33 Borboleta kalan nian, nebee oan mak ular nebee haan ropa. la bele estraga riku-soin nebee iha lalehan. 34Tanba iha fatin nebee imi rai imi nia riku-soin, imi nia fuan laran mos iha nebaa.
Imi Tenki Prontu
35Imi tenki hatais hodi prontu, no imi nia ahi oan tenki lakan nafatin. 36Sai hanesan ema nebee hein sira nia patraun atu fila hosi festa kazamentu. Nunee bainhira nia dere odamatan, sira bele loke kedas ba nia. 37Haksolok ba atan sira nee, nebee bainhira patraun#12:37 Lian Gregu kurios nebee ‘nai’, hanesan nee mos iha versíkulu tuir mai. too mai, nia hetan sira hein hela. Tebes Hau dehan ba imi, katak nia sei hatais aan hodi servisu no haruka sira tuur hodi haan. No nia sei mai no serví sira. 38Se nia mai kalan boot ka dadeer-saan nakukun,#12:38 Gregu dehan ‘tempu segundu ka tempu terseiru.’ Ema Judeu sira fahe kalan ba tempu tolu hodi ema seguransa bele hein uma. no hetan sira hein hela, nunee haksolok ba atan sira nee! 39Hatene ba, katak se uma nain hatene oras saida mak naok-teen atu mai, nia sei la husik ninia uma atu naok-teen bele tama. 40Nunee mos, imi tenki prontu nafatin. Tanba Ema Nia Oan sei mai iha oras nebee imi la hatene.”
41Depois Pedro dehan ba Jesus, “Nai, O konta ai knanoik nee ba ami deit ka ba ema hotu?” 42No Nai dehan, “Entaun see mak atan fiel ho matenek klean, nebee ninia patraun sei halo nia sai ulun ba ninia uma kain, atu foo ema sira nia ai haan tuir oras nebee loos? 43Haksolok ba atan nee, nebee ninia patraun sei mai no hetan nia halo tuir nunee. 44Tebes Hau dehan ba imi, nia sei foti atan nee hodi toma konta ba ninia riku-soin hotu. 45Maibee se karik atan nee dehan iha ninia fuan laran, ‘Hau nia patraun tardi atu fila mai.’ Nunee nia komesa baku atan mane no atan feto sira. No nia haan hemu too lanu. 46Depois atan nee nia patraun sei mai iha loron nebee atan nee la hein, no iha oras nebee nia la hatene. Patraun nee sei tesi rahun nia no tau nia ho ema nebee la fiel. 47Atan nebee hatene ninia patraun nia hakarak, maibee la prepara aan, ka la halo tuir ninia hakarak - atan nee sei hetan kastigu todan. 48Maibee atan nebee la hatene, no halo buat nebee merese atu simu kastigu, nia sei simu kastigu kamaan. Tanba ema hotu nebee simu barak, tenki foo barak. No nia nebee simu knaar boot, tenki halo boot liu tan.
Laos Dame
49Hau mai atu soe ahi ba mundu nee. No Hau hakarak katak ahi nee lakan ona! 50Hau iha batizmu ida nebee Hau atu simu. No Hau nia laran susar tebe-tebes too ida nee halo tiha ona!#12:50 Jesus koalia kona ba kastigu nebee sira prega Nia ba krus. Haree Marcos 10:38. 51#12:51-53 Bele lee iha Mateus 10:34-35.Imi hanoin katak Hau mai atu foo dame ba mundu ka? Laos! Hau dehan ba imi katak Hau sei halo ema kontra malu. 52Tanba hosi agora ba oin, ema nain lima iha uma ida sei fahe malu. Nain tolu sei kontra nain rua, no nain rua sei kontra nain tolu. 53Aman sei kontra hasoru oan mane, no oan mane sei hasoru aman. Inan sei hasoru oan feto, no oan feto sei hasoru inan. Banin feto sei hasoru ninia feto foun, no feto foun sei hasoru banin feto.”
Hatene Di-diak Tempu Nee
54No Nia dehan mos ba ema lubun nee, “Bainhira imi haree kalohan ida mosu mai iha parte loromonu, imi dehan kedas, ‘Udan atu mai.’ No ida nee akontese duni. 55No bainhira imi haree anin huu hosi parte súl, imi dehan, ‘Tempu manas sei mai.’ No ida nee akontese duni.#12:54-55 Iha rai Israel, parte loromonu iha Tasi Mediterania nebee foo udan. Iha parte súl, iha rai maran no manas. 56Imi ema laran makerek sira! Imi hatene siik buat nebee mosu iha rai no iha loro-leten, maibee tanba saa mak imi la hatene fali atu siik tempu ida nee?
Halo Dame Ho Akuzadór
57Tanba saa mak imi rasik la desidi kona ba buat nebee loos? 58#12:58-59 Haree Mateus 5:25-26.Bainhira o lao baa juis ho o nia akuzadór, hakaas aan atu resolve lai ho akuzadór iha dalan. Keta halo be nia entrega o ba juis, no juis entrega o ba guarda, no sira soe o ba komarka laran. 59Tebes, Hau hatete ba o katak o sei la sai hosi fatin nee too o selu osan hotu too sentavu#12:59 Gregu lepton, osan riti kiik hosi governu Roma nian. ikus nian.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.