Lucas 15
15
Ai Knanoik: Bibi Malae Lakon
1Ema kobradór impostu no sala nain sira hotu kontinua hakbesik ba Jesus. 2No ema Farizeu no eskriba sira murmura dehan, “Mane nee simu sala nain sira, no Nia haan hamutuk ho sira.”
3No Jesus konta ai knanoik ida nee ba sira dehan, 4“Se ema ida iha bibi atus ida, no nia lakon bibi ida hosi bibi lubun boot nee. See mak la husik bibi sia-nulu resin sia nee iha rai fuik, hodi baa buka ida nebee lakon too nia hetan fali bibi ida nee? 5No bainhira nia hetan ona bibi ida nee, nia haksolok no tau bibi nee iha ninia kabaas. 6Bainhira nia fila ba uma, nia bolu hamutuk ninia belun no maluk sira. Nia dehan ba sira, ‘Haksolok ba ho hau. Tanba hau hetan fali hau nia bibi nebee lakon.’ 7Nunee Hau hatete ba imi, iha lalehan sira haksolok kona ba sala nain ida nebee arepende. Sira haksolok liu fali duké ema loos nain sia-nulu resin sia nebee la presiza arepende.
Ai Knanoik: Osan Mutin Lakon
8Ka se iha feto ida nebee iha osan mutin sanulu#15:8 Lian Gregu dehan drakma nebee hosi reinu Gregu nian no hanesan ho denáriu iha reinu Roma nian. no nia lakon ida. Laos nia sunu ahi oan ida no dasa uma laran hodi buka di-diak too nia hetan fali osan nee? 9No bainhira nia hetan fali, nia bolu hamutuk ninia belun no vizinhu sira. No nia dehan, ‘Haksolok ba ho hau. Tanba hau hetan fali osan mutin ida nebee hau lakon.’ 10Nunee Hau hatete ba imi, Maromak nia anju sira haksolok kona ba sala nain ida nebee arepende.”
Ai Knanoik: Oan Mane Lakon
11Jesus dehan, “Mane ida iha oan mane nain rua. 12Oan mane kiik dehan ba ninia aman, ‘Aman, foo riku-soin parte ida nebee atu sai hau nian.’ Entaun aman nee fahe ninia riku-soin ba sira nain rua. 13Liu tiha loron balu, oan mane kiik halibur hamutuk ninia riku-soin hotu no halo viajen ba rai dook. Iha nebaa nia gasta ninia riku-soin ho moris arbiru deit. 14No bainhira nia gasta tiha buat hotu, fatin iha nebaa hasoru rai hamlaha boot. No nia komesa hamlaha. 15Entaun nia baa no servisu ba rai nain ida iha rai nebaa. No rai nain nee haruka nia hein fahi iha rai nain nia toos. 16No nia hakarak loos atu haan fahi nia hahaan.#15:16 Lian Gregu dehan keration katak ai fuan hosi Ceratonia siliqua nebee hanesan koto naruk. Maibee la iha ema ida nebee foo buat ida ba nia.
17Bainhira nia hanoin kona ba ninia aan, nia dehan, ‘Hau nia apaa iha atan hira nebee iha ai haan natoon no mos resin, maibee iha nee hau hamlaha atu mate! 18Hau sei hamriik no fila ba hau nia aman, no dehan ba nia, “Apaa, hau halo sala ona hasoru lalehan no iha ita boot nia oin. 19No hau la merese tan atu ita boot bolu hau ita boot nia oan. Halo hau nudar ita boot nia atan servisu nain ida.”’ 20Depois nia hamriik, no baa ninia aman. Maibee bainhira nia sei dook, ninia aman haree nia, no hanoin tebe-tebes nia. No ninia aman halai ba no hakuak nia#15:20 Lian Gregu dehan ‘monu ba ninia kokorok’. no rei nia. 21No oan mane dehan ba nia, ‘Apaa, hau halo ona sala hasoru lalehan no iha ita boot nia oin. Hau la merese tan atu ita boot bolu hau ita boot nia oan.’ 22Maibee aman nee dehan ba ninia atan sira, ‘Lori mai lalais ropa furak liu, no foo hatais nia. No tau kadeli ba ninia liman no sandálias ba ninia ain. 23Lori mai karau oan bokur ida no oho nia. Mai ita haan no selebra ba. 24Tanba hau nia oan nee uluk mate, no agora nia moris fali; uluk nia lakon, no agora hau hetan fali nia.’ No sira komesa selebra.
25Maibee ninia oan mane boot sei iha toos hela. No bainhira nia fila mai besik uma nia rona múzika no ema dansa. 26Nunee nia bolu atan ida, no husu kona ba buat sira nee. 27Atan nee dehan ba nia, ‘Ita nia alin fila fali mai ona. No ita nia aman oho tiha karau oan bokur tanba nia hetan fali ninia oan ho isin diak.’ 28Ho ida nee oan boot sai hirus, no nia lakohi tama ba uma laran. Ninia aman sai hodi hamaus nia. 29No oan boot nee hataan ba ninia aman dehan, ‘Haree took, tinan barak ona hau serví ita boot. Hau nunka kontra ita boot nia orden. Maibee ita boot nunka foo mai hau bibi oan ida hodi hau bele halo festa ho hau nia belun sira. 30Maibee bainhira ita boot nia oan nee mai fali, nebee halakon ita boot nia riku-soin#15:30 Lian Gregu dehan ‘haan mohu ita boot nia moris’. ho feto aat sira, ita boot oho kedas karau oan bokur tanba nia.’ 31Aman nee dehan ba nia, ‘Oan, o sempre hamutuk ho hau, no buat hotu nebee hau nian mak o nian. 32Maibee ida nee loos katak ita selebra no haksolok. Tanba o nia alin nee uluk mate, no agora nia moris fali; uluk nia lakon, no agora hau hetan fali nia.’”
Currently Selected:
Lucas 15: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Lucas 15
15
Ai Knanoik: Bibi Malae Lakon
1Ema kobradór impostu no sala nain sira hotu kontinua hakbesik ba Jesus. 2No ema Farizeu no eskriba sira murmura dehan, “Mane nee simu sala nain sira, no Nia haan hamutuk ho sira.”
3No Jesus konta ai knanoik ida nee ba sira dehan, 4“Se ema ida iha bibi atus ida, no nia lakon bibi ida hosi bibi lubun boot nee. See mak la husik bibi sia-nulu resin sia nee iha rai fuik, hodi baa buka ida nebee lakon too nia hetan fali bibi ida nee? 5No bainhira nia hetan ona bibi ida nee, nia haksolok no tau bibi nee iha ninia kabaas. 6Bainhira nia fila ba uma, nia bolu hamutuk ninia belun no maluk sira. Nia dehan ba sira, ‘Haksolok ba ho hau. Tanba hau hetan fali hau nia bibi nebee lakon.’ 7Nunee Hau hatete ba imi, iha lalehan sira haksolok kona ba sala nain ida nebee arepende. Sira haksolok liu fali duké ema loos nain sia-nulu resin sia nebee la presiza arepende.
Ai Knanoik: Osan Mutin Lakon
8Ka se iha feto ida nebee iha osan mutin sanulu#15:8 Lian Gregu dehan drakma nebee hosi reinu Gregu nian no hanesan ho denáriu iha reinu Roma nian. no nia lakon ida. Laos nia sunu ahi oan ida no dasa uma laran hodi buka di-diak too nia hetan fali osan nee? 9No bainhira nia hetan fali, nia bolu hamutuk ninia belun no vizinhu sira. No nia dehan, ‘Haksolok ba ho hau. Tanba hau hetan fali osan mutin ida nebee hau lakon.’ 10Nunee Hau hatete ba imi, Maromak nia anju sira haksolok kona ba sala nain ida nebee arepende.”
Ai Knanoik: Oan Mane Lakon
11Jesus dehan, “Mane ida iha oan mane nain rua. 12Oan mane kiik dehan ba ninia aman, ‘Aman, foo riku-soin parte ida nebee atu sai hau nian.’ Entaun aman nee fahe ninia riku-soin ba sira nain rua. 13Liu tiha loron balu, oan mane kiik halibur hamutuk ninia riku-soin hotu no halo viajen ba rai dook. Iha nebaa nia gasta ninia riku-soin ho moris arbiru deit. 14No bainhira nia gasta tiha buat hotu, fatin iha nebaa hasoru rai hamlaha boot. No nia komesa hamlaha. 15Entaun nia baa no servisu ba rai nain ida iha rai nebaa. No rai nain nee haruka nia hein fahi iha rai nain nia toos. 16No nia hakarak loos atu haan fahi nia hahaan.#15:16 Lian Gregu dehan keration katak ai fuan hosi Ceratonia siliqua nebee hanesan koto naruk. Maibee la iha ema ida nebee foo buat ida ba nia.
17Bainhira nia hanoin kona ba ninia aan, nia dehan, ‘Hau nia apaa iha atan hira nebee iha ai haan natoon no mos resin, maibee iha nee hau hamlaha atu mate! 18Hau sei hamriik no fila ba hau nia aman, no dehan ba nia, “Apaa, hau halo sala ona hasoru lalehan no iha ita boot nia oin. 19No hau la merese tan atu ita boot bolu hau ita boot nia oan. Halo hau nudar ita boot nia atan servisu nain ida.”’ 20Depois nia hamriik, no baa ninia aman. Maibee bainhira nia sei dook, ninia aman haree nia, no hanoin tebe-tebes nia. No ninia aman halai ba no hakuak nia#15:20 Lian Gregu dehan ‘monu ba ninia kokorok’. no rei nia. 21No oan mane dehan ba nia, ‘Apaa, hau halo ona sala hasoru lalehan no iha ita boot nia oin. Hau la merese tan atu ita boot bolu hau ita boot nia oan.’ 22Maibee aman nee dehan ba ninia atan sira, ‘Lori mai lalais ropa furak liu, no foo hatais nia. No tau kadeli ba ninia liman no sandálias ba ninia ain. 23Lori mai karau oan bokur ida no oho nia. Mai ita haan no selebra ba. 24Tanba hau nia oan nee uluk mate, no agora nia moris fali; uluk nia lakon, no agora hau hetan fali nia.’ No sira komesa selebra.
25Maibee ninia oan mane boot sei iha toos hela. No bainhira nia fila mai besik uma nia rona múzika no ema dansa. 26Nunee nia bolu atan ida, no husu kona ba buat sira nee. 27Atan nee dehan ba nia, ‘Ita nia alin fila fali mai ona. No ita nia aman oho tiha karau oan bokur tanba nia hetan fali ninia oan ho isin diak.’ 28Ho ida nee oan boot sai hirus, no nia lakohi tama ba uma laran. Ninia aman sai hodi hamaus nia. 29No oan boot nee hataan ba ninia aman dehan, ‘Haree took, tinan barak ona hau serví ita boot. Hau nunka kontra ita boot nia orden. Maibee ita boot nunka foo mai hau bibi oan ida hodi hau bele halo festa ho hau nia belun sira. 30Maibee bainhira ita boot nia oan nee mai fali, nebee halakon ita boot nia riku-soin#15:30 Lian Gregu dehan ‘haan mohu ita boot nia moris’. ho feto aat sira, ita boot oho kedas karau oan bokur tanba nia.’ 31Aman nee dehan ba nia, ‘Oan, o sempre hamutuk ho hau, no buat hotu nebee hau nian mak o nian. 32Maibee ida nee loos katak ita selebra no haksolok. Tanba o nia alin nee uluk mate, no agora nia moris fali; uluk nia lakon, no agora hau hetan fali nia.’”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.