Lucas 16
16
Ai Knanoik: Responsavel La Onestu
1Jesus dehan mos ba Ninia eskolante sira, “Ema riku ida iha ema responsavel ida. No nia rona katak ema responsavel nee gasta ninia riku-soin. 2Entaun nia bolu ema nee no dehan ba nia, ‘Tanba saa mak hau rona liafuan nee kona ba o? Foo relatóriu ida mai hau kona ba o nia servisu. Tanba o la bele kontinua nudar ema responsavel.’ 3Depois ema responsavel nee hanoin iha ninia laran, ‘Hau atu halo saida? Tanba hau nia nai atu hasai hau hosi hau nia knaar. Hau la iha forsa atu kee rai, no hau moe atu husu ezmola. 4Hau hatene ona saida mak hau sei halo, atu nunee bainhira nia hasai hau hosi knaar nee, ema bele simu hau iha sira nia uma laran.’ 5Entaun nia bolu ema ida-idak nebee debe osan hosi ninia nai, no nia dehan ba ida primeiru, ‘O debe hira hosi hau nia nai?’ 6Ema nee dehan, ‘Mina azeiti kalen atus ida.’#16:6 Maizoumenus mina 3.000L. Ema responsavel dehan ba nia, ‘Foti o nia nota, tuur lalais lai, no hakerek lima-nulu.’ 7Depois nia dehan ba ida seluk, ‘No o debe hira?’ Ema nee dehan, ‘Trigu bidoon atus ida.’#16:7 Maizoumenus trigu tonelada 30. No nia dehan ba ema nee, ‘Foti o nia nota, no hakerek ualu-nulu.’ 8Patraun gaba ema responsavel nebee la onestu, tanba nia hatudu matenek kroat. Tanba mundu nee nia oan sira hatudu matenek kroat ba sira nia jerasaun, liu fali naroman nia oan sira. 9No Hau hatete ba imi, halo belun sira ba imi nia aan liu hosi riku-soin aat. Nunee bainhira buat sira nee lakon, sira bele simu imi ba fatin rohan laek.
10Ema nebee hatudu fidelidade ho buat kiik, nia sei hatudu fidelidade mos ho buat boot. No ema nebee la onestu ho buat kiik, nia sei la onestu mos ho buat boot. 11Nunee se imi la hatudu fidelidade ho riku-soin aat, see mak fiar imi ho riku-soin lo-loos? 12No se imi la hatudu fidelidade ho buat nebee ema seluk nian, see mak foo imi buat ruma atu sai imi nian? 13La iha atan ida nebee bele serví patraun rua. Tanba nia sei odi ida, no hadomi ida seluk; ka nia sei apoia ida, no hakribi ida seluk. Imi la bele serví Maromak no riku-soin.”
Lei No Maromak Nia Reinu
14Ema Farizeu sira nebee hadomi osan rona buat sira nee hotu, no sira hakribi Nia. 15No Nia dehan ba sira, “Imi mak ema nebee hatudu aan nudar ema loos iha ema nia oin, maibee Maromak hatene imi nia fuan laran. Tanba buat nebee ema foti aas, buat nee mak foer liu iha Maromak nia oin.
16Lei no profeta sira foo sai too João. Hosi tempu nebaa ema haklaken evanjelhu kona ba Maromak nia reinu, no ema hotu hakaas aan atu tama. 17Maibee fasil liu katak lalehan no mundu lakon, duké asentu ida lakon hosi Lei.
Ema La Bele Soe Malu
18Ema hotu nebee soe ninia feen, no kaben ho ema seluk, halo sala adultériu. No ema nebee kaben ho feto nee, nebee ninia laen soe ona, mak halo sala adultériu.
Ema Riku No Lázaro
19“Iha ema riku ida nebee hatais ho hena kór uvas no hena linhu.#16:19 Hena kór uvas mak karun liu fali buat seluk no ema la bele hatais, só deit liurai foo lisensa. Se lae sira simu kastigu mate. Hena linhu nee mihis no hena kualidade diak. No loro-loron nia haan hahaan festa nian. 20No iha ema kiak naran Lázaro nebee tuur iha ema riku nia portaun hodi husu ezmola. No ninia isin nakonu ho kanek fisur. 21Nia hakarak haan hahaan rahun nebee monu hosi ema riku nia meza. No mos asu sira mai no lambe ninia fisur. 22Tuir mai, ema kiak nee mate, no anju sira lori nia ba Abraão nia sorin.#16:22 Ka ‘ba Abraão nebee hakuak nia.’ Lian Gregu dehan ‘lori nia ba Abraão nia hirus matan’, iha mos versíkulu 23. Ema riku mos mate no ema hakoi nia. 23Iha infernu, ema riku hetan terus boot. Nia foti matan no haree Abraão iha fatin dook, no Lázaro iha ninia sorin. 24Ema riku hakilar dehan, ‘Aman Abraão, hatudu laran luak mai hau. Haruka Lázaro atu habokon ninia liman fuan tutun ho bee hodi halo malirin hau nia nanaal. Tanba hau hetan terus boot iha ahi nee.’ 25Maibee Abraão dehan, ‘Oan, hanoin hetan katak durante o nia moris o hetan buat sira nebee diak, no Lázaro hetan buat sira nebee aat. Maibee agora nia senti kamaan iha nee, no o hetan terus boot. 26Liu tan nee, entre o ho ami iha rai kuak klean tebes. Nunee ema iha nee, nebee hakarak hakat ba o, la bele. No ema hosi nebaa la bele hakat mai ami.’ 27Depois nia dehan, ‘Entaun aman, favór ida, haruka Lázaro ba hau nia aman nia uma. 28Tanba hau iha maun-alin nain lima. Nia bele foo testemunha ba sira hodi sira mos la mai too fatin terus iha nee.’ 29Maibee Abraão dehan, ‘Sira iha Moisés no profeta sira. Husik sira rona ba ema sira nee.’ 30No nia dehan, ‘Lae, aman Abraão, maibee se ema ida hosi fatin mate baa hasoru sira, sira sei arepende.’ 31Abraão dehan ba nia, ‘Se sira la rona Moisés no profeta sira, nunee sira sei la troka hanoin maski ema ida moris hias hosi mate.’”
Currently Selected:
Lucas 16: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Lucas 16
16
Ai Knanoik: Responsavel La Onestu
1Jesus dehan mos ba Ninia eskolante sira, “Ema riku ida iha ema responsavel ida. No nia rona katak ema responsavel nee gasta ninia riku-soin. 2Entaun nia bolu ema nee no dehan ba nia, ‘Tanba saa mak hau rona liafuan nee kona ba o? Foo relatóriu ida mai hau kona ba o nia servisu. Tanba o la bele kontinua nudar ema responsavel.’ 3Depois ema responsavel nee hanoin iha ninia laran, ‘Hau atu halo saida? Tanba hau nia nai atu hasai hau hosi hau nia knaar. Hau la iha forsa atu kee rai, no hau moe atu husu ezmola. 4Hau hatene ona saida mak hau sei halo, atu nunee bainhira nia hasai hau hosi knaar nee, ema bele simu hau iha sira nia uma laran.’ 5Entaun nia bolu ema ida-idak nebee debe osan hosi ninia nai, no nia dehan ba ida primeiru, ‘O debe hira hosi hau nia nai?’ 6Ema nee dehan, ‘Mina azeiti kalen atus ida.’#16:6 Maizoumenus mina 3.000L. Ema responsavel dehan ba nia, ‘Foti o nia nota, tuur lalais lai, no hakerek lima-nulu.’ 7Depois nia dehan ba ida seluk, ‘No o debe hira?’ Ema nee dehan, ‘Trigu bidoon atus ida.’#16:7 Maizoumenus trigu tonelada 30. No nia dehan ba ema nee, ‘Foti o nia nota, no hakerek ualu-nulu.’ 8Patraun gaba ema responsavel nebee la onestu, tanba nia hatudu matenek kroat. Tanba mundu nee nia oan sira hatudu matenek kroat ba sira nia jerasaun, liu fali naroman nia oan sira. 9No Hau hatete ba imi, halo belun sira ba imi nia aan liu hosi riku-soin aat. Nunee bainhira buat sira nee lakon, sira bele simu imi ba fatin rohan laek.
10Ema nebee hatudu fidelidade ho buat kiik, nia sei hatudu fidelidade mos ho buat boot. No ema nebee la onestu ho buat kiik, nia sei la onestu mos ho buat boot. 11Nunee se imi la hatudu fidelidade ho riku-soin aat, see mak fiar imi ho riku-soin lo-loos? 12No se imi la hatudu fidelidade ho buat nebee ema seluk nian, see mak foo imi buat ruma atu sai imi nian? 13La iha atan ida nebee bele serví patraun rua. Tanba nia sei odi ida, no hadomi ida seluk; ka nia sei apoia ida, no hakribi ida seluk. Imi la bele serví Maromak no riku-soin.”
Lei No Maromak Nia Reinu
14Ema Farizeu sira nebee hadomi osan rona buat sira nee hotu, no sira hakribi Nia. 15No Nia dehan ba sira, “Imi mak ema nebee hatudu aan nudar ema loos iha ema nia oin, maibee Maromak hatene imi nia fuan laran. Tanba buat nebee ema foti aas, buat nee mak foer liu iha Maromak nia oin.
16Lei no profeta sira foo sai too João. Hosi tempu nebaa ema haklaken evanjelhu kona ba Maromak nia reinu, no ema hotu hakaas aan atu tama. 17Maibee fasil liu katak lalehan no mundu lakon, duké asentu ida lakon hosi Lei.
Ema La Bele Soe Malu
18Ema hotu nebee soe ninia feen, no kaben ho ema seluk, halo sala adultériu. No ema nebee kaben ho feto nee, nebee ninia laen soe ona, mak halo sala adultériu.
Ema Riku No Lázaro
19“Iha ema riku ida nebee hatais ho hena kór uvas no hena linhu.#16:19 Hena kór uvas mak karun liu fali buat seluk no ema la bele hatais, só deit liurai foo lisensa. Se lae sira simu kastigu mate. Hena linhu nee mihis no hena kualidade diak. No loro-loron nia haan hahaan festa nian. 20No iha ema kiak naran Lázaro nebee tuur iha ema riku nia portaun hodi husu ezmola. No ninia isin nakonu ho kanek fisur. 21Nia hakarak haan hahaan rahun nebee monu hosi ema riku nia meza. No mos asu sira mai no lambe ninia fisur. 22Tuir mai, ema kiak nee mate, no anju sira lori nia ba Abraão nia sorin.#16:22 Ka ‘ba Abraão nebee hakuak nia.’ Lian Gregu dehan ‘lori nia ba Abraão nia hirus matan’, iha mos versíkulu 23. Ema riku mos mate no ema hakoi nia. 23Iha infernu, ema riku hetan terus boot. Nia foti matan no haree Abraão iha fatin dook, no Lázaro iha ninia sorin. 24Ema riku hakilar dehan, ‘Aman Abraão, hatudu laran luak mai hau. Haruka Lázaro atu habokon ninia liman fuan tutun ho bee hodi halo malirin hau nia nanaal. Tanba hau hetan terus boot iha ahi nee.’ 25Maibee Abraão dehan, ‘Oan, hanoin hetan katak durante o nia moris o hetan buat sira nebee diak, no Lázaro hetan buat sira nebee aat. Maibee agora nia senti kamaan iha nee, no o hetan terus boot. 26Liu tan nee, entre o ho ami iha rai kuak klean tebes. Nunee ema iha nee, nebee hakarak hakat ba o, la bele. No ema hosi nebaa la bele hakat mai ami.’ 27Depois nia dehan, ‘Entaun aman, favór ida, haruka Lázaro ba hau nia aman nia uma. 28Tanba hau iha maun-alin nain lima. Nia bele foo testemunha ba sira hodi sira mos la mai too fatin terus iha nee.’ 29Maibee Abraão dehan, ‘Sira iha Moisés no profeta sira. Husik sira rona ba ema sira nee.’ 30No nia dehan, ‘Lae, aman Abraão, maibee se ema ida hosi fatin mate baa hasoru sira, sira sei arepende.’ 31Abraão dehan ba nia, ‘Se sira la rona Moisés no profeta sira, nunee sira sei la troka hanoin maski ema ida moris hias hosi mate.’”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.