Lucas 5
5
Jesus Bolu Eskolante Balu
1Tuir mai, ema lubun boot nee sena malu atu hakbesik ba Jesus hodi rona Maromak nia liafuan bainhira Nia hamriik iha Lago Genesaré#5:1 Nee mak Tasi Galileia. ninin. 2Nia haree roo rua iha tasi ibun nee. Maibee peskadór sira tuun ona hosi roo sira nee hodi fasi sira nia dai. 3No Nia sae roo ida nebee Simão nian. Depois Nia husu Simão atu dudu roo sai uitoan hosi rai. Nia tuur no hanorin povu nee hosi roo laran. 4Bainhira Nia koalia hotu ona, Nia dehan ba Simão, “Lori roo ba tasi klean, no hatuun imi nia dai hodi kaer ikan.” 5Simão hataan no dehan ba nia, “Mestri, ami servisu todan kalan tomak tiha ona, no ami la hetan buat ida. Maski nunee, tanba O mak dehan, hau sei hatuun dai.” 6No bainhira sira halo nunee, sira kaer ikan barak tebes, too sira nia dai komesa naklees. 7Sira foti liman atu bolu ba sira nia maluk sira nebee iha roo seluk nee atu mai ajuda sira. Nunee sira seluk mai no halo roo rua nee nakonu, too roo besik atu mout. 8Bainhira Simão Pedro haree ida nee, nia monu iha Jesus nia ain. No nia dehan, “Hadook aan hosi hau, Oh Nai, tanba hau ema sala nain.” 9Tanba Simão no ema hotu ho nia hakfodak kona ba ikan nebee sira hetan nee. 10Ema sira nee inklui mos Tiago no João, Zebedeu nia oan mane sira, nebee servisu hamutuk ho Simão. No Jesus dehan ba Simão, “Keta tauk. Hosi agora ba oin o sei kaer ema.” 11No bainhira sira dada roo ba rai maran, sira husik buat hotu, no tuir Nia.
Jesus Kura Ema Moras Lepra
12 #5:12-14 Haree Mateus 8:2-4, Marcos 1:40-44. Bainhira Jesus iha sidade ida, tebes mane ida mai nebee nakonu ho moras lepra. Bainhira mane nee haree Jesus, nia monu ho oin ba rai, no husu makaas ba Jesus, “Nai, se O hakarak, O bele halo hau sai moos.” 13Jesus lolo liman no kona mane nee, no dehan, “Hau hakarak. Sai moos ba.” No moras lepra sai kedas hosi mane nee. 14Jesus manda nia atu la bele koalia ho ema ida, no dehan, “Baa hatudu aan ba saserdote. Foo oferta hodi hamoos aan nebee Moisés manda hodi sai testemunha ba sira.”#5:14 Haree regulamentu kona ba moras lepra iha Levítiku 13-14. 15Maibee ema habelar liu tan fali liafuan kona ba Jesus. Nunee ema lubun boot sira mai halibur hamutuk atu rona Nia, no atu Nia bele kura sira nia moras.
16Maibee Jesus hadook aan ba rai fuik maran no halo orasaun.
Jesus Kura Ema Isin Mate
17Iha loron ida, bainhira Jesus hanorin hela, ema Farizeu sira no mestri sira nebee hanorin Lei tuur iha nebaa. Sira mai hosi aldeia hotu hosi Galileia, Judeia no Jerusalém. No Nai nia kbiit mak hamutuk ho Jesus hodi kura ema. 18#5:18-26 Haree Mateus 9:2-8, Marcos 2:1-12.No tebes, ema balu lori mane ida nebee isin mate, nebee latan hela iha toba fatin. Sira buka dalan atu lori mane nee ba Jesus, no tau nia iha Jesus nia oin. 19Maibee sira la bele hetan dalan atu lori mane nee ba uma laran tanba ema lubun boot. Entaun sira sae ba uma leten no loke kuak iha telha.#5:19 Telha mak keramik nebee uza iha uma leten hanesan uma Portugés nian iha tempu uluk. Sira hatuun nia ho ninia biti iha ema nia leet iha Jesus nia oin. 20Bainhira Jesus haree sira nia fiar, Nia dehan, “Mane, o nia sala hetan perdaun ona.” 21Eskriba no ema Farizeu sira komesa hanoin, no dehan, “See mak nee, nebee hatete aat Maromak? See mak bele foo perdaun ba sala? Só Maromak deit mak bele.” 22Maibee bainhira Jesus hatene sira nia hanoin, Nia hataan ba sira, “Imi hanoin saida iha imi nia fuan laran? 23Saida mak fasil liu, atu dehan, ‘O nia sala hetan perdaun ona?’ ka atu dehan, ‘Hamriik no lao ba’? 24Maibee hodi imi bele hatene katak Ema Nia Oan iha kbiit iha mundu atu foo perdaun ba sala, (Nia hatete ba ema isin mate nee) Hau dehan ba o, hamriik ba, foti o nia biti, no fila ba o nia uma.” 25Mane nee hamriik kedas iha sira nia oin. Nia foti ninia toba fatin, sai ba ninia uma rasik no hahii Maromak. 26Sira hotu hakfodak no hahii Maromak. Sira tauk tebes no dehan, “Ohin loron, ita haree buat oin seluk#5:26 Gregu dehan paradoxos katak buat nebee la normál ka la hanesan baibain. duni!”
Jesus Bolu Levi
27 #5:27-38 Haree Mateus 9:9-17, Marcos 2:13-22. Tuir buat sira nee Jesus sai ba no haree kobradór impostu ida, naran Levi, nebee tuur hela iha fatin nebee ema selu taxa. Nia dehan ba Levi, “Tuir Hau!” 28Nunee Levi husik buat hotu no tuir Nia.
29No Levi halo festa boot iha ninia uma. Ema barak mai hosi kobradór impostu sira no ema seluk nebee tuur hamutuk ho sira. 30Maibee eskriba no ema Farizeu sira murmura hasoru Jesus nia eskolante sira, no dehan, “Tanba saa mak imi haan no hemu ho kobradór impostu sira no sala nain sira?” 31No Jesus hataan ba sira, “Ema ho saude diak la presiza doutór, maibee ema moras mak presiza. 32Hau mai, laos atu bolu ema moris loos, maibee atu bolu sala nain sira hodi arepende.”
Pergunta Ida Kona Ba Jejún
33Sira dehan ba Jesus, “Tanba saa mak João nia eskolante sira jejún beibeik no halo orasaun, no ema Farizeu sira nia eskolante sira halo mos nunee, maibee Ita Boot nian haan no hemu hela deit?” 34Jesus dehan ba sira, “Ita bele haruka noivu nia belun sira atu halo jejún bainhira sira sei hamutuk ho noivu nee ka? 35Maibee loron sei too mai bainhira ema foti noivu nee hosi sira, depois sira sei jejún iha loron nebaa.” 36No Nia koalia mos ai knanoik ida ba sira, “La iha ema ida lees ropa foun hodi taka ropa tuan. Se hanesan nee, nia lees tiha ona ropa foun no hena foun nee haree la hanesan ho hena tuan. 37No la iha ema ida tau tua uvas foun ba tua kulit tuan.#5:37 Iha tempu antigu sira uza animál nia kulit hodi tau tua uvas. Haree dezenhu iha Mateus 9:17. Tanba se ema halo nunee, tua uvas foun bele halo tua kulit nakfera. Tua uvas nee sei nakfakar no tua kulit mos sei sai aat. 38Maibee ema tau tua uvas foun iha tua kulit foun. 39No la iha ema ida nebee hemu ona tua uvas tuan hakarak hemu fali tua uvas foun. Tanba nia dehan, ‘Tuan nee mak diak.’”
Currently Selected:
Lucas 5: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Lucas 5
5
Jesus Bolu Eskolante Balu
1Tuir mai, ema lubun boot nee sena malu atu hakbesik ba Jesus hodi rona Maromak nia liafuan bainhira Nia hamriik iha Lago Genesaré#5:1 Nee mak Tasi Galileia. ninin. 2Nia haree roo rua iha tasi ibun nee. Maibee peskadór sira tuun ona hosi roo sira nee hodi fasi sira nia dai. 3No Nia sae roo ida nebee Simão nian. Depois Nia husu Simão atu dudu roo sai uitoan hosi rai. Nia tuur no hanorin povu nee hosi roo laran. 4Bainhira Nia koalia hotu ona, Nia dehan ba Simão, “Lori roo ba tasi klean, no hatuun imi nia dai hodi kaer ikan.” 5Simão hataan no dehan ba nia, “Mestri, ami servisu todan kalan tomak tiha ona, no ami la hetan buat ida. Maski nunee, tanba O mak dehan, hau sei hatuun dai.” 6No bainhira sira halo nunee, sira kaer ikan barak tebes, too sira nia dai komesa naklees. 7Sira foti liman atu bolu ba sira nia maluk sira nebee iha roo seluk nee atu mai ajuda sira. Nunee sira seluk mai no halo roo rua nee nakonu, too roo besik atu mout. 8Bainhira Simão Pedro haree ida nee, nia monu iha Jesus nia ain. No nia dehan, “Hadook aan hosi hau, Oh Nai, tanba hau ema sala nain.” 9Tanba Simão no ema hotu ho nia hakfodak kona ba ikan nebee sira hetan nee. 10Ema sira nee inklui mos Tiago no João, Zebedeu nia oan mane sira, nebee servisu hamutuk ho Simão. No Jesus dehan ba Simão, “Keta tauk. Hosi agora ba oin o sei kaer ema.” 11No bainhira sira dada roo ba rai maran, sira husik buat hotu, no tuir Nia.
Jesus Kura Ema Moras Lepra
12 #5:12-14 Haree Mateus 8:2-4, Marcos 1:40-44. Bainhira Jesus iha sidade ida, tebes mane ida mai nebee nakonu ho moras lepra. Bainhira mane nee haree Jesus, nia monu ho oin ba rai, no husu makaas ba Jesus, “Nai, se O hakarak, O bele halo hau sai moos.” 13Jesus lolo liman no kona mane nee, no dehan, “Hau hakarak. Sai moos ba.” No moras lepra sai kedas hosi mane nee. 14Jesus manda nia atu la bele koalia ho ema ida, no dehan, “Baa hatudu aan ba saserdote. Foo oferta hodi hamoos aan nebee Moisés manda hodi sai testemunha ba sira.”#5:14 Haree regulamentu kona ba moras lepra iha Levítiku 13-14. 15Maibee ema habelar liu tan fali liafuan kona ba Jesus. Nunee ema lubun boot sira mai halibur hamutuk atu rona Nia, no atu Nia bele kura sira nia moras.
16Maibee Jesus hadook aan ba rai fuik maran no halo orasaun.
Jesus Kura Ema Isin Mate
17Iha loron ida, bainhira Jesus hanorin hela, ema Farizeu sira no mestri sira nebee hanorin Lei tuur iha nebaa. Sira mai hosi aldeia hotu hosi Galileia, Judeia no Jerusalém. No Nai nia kbiit mak hamutuk ho Jesus hodi kura ema. 18#5:18-26 Haree Mateus 9:2-8, Marcos 2:1-12.No tebes, ema balu lori mane ida nebee isin mate, nebee latan hela iha toba fatin. Sira buka dalan atu lori mane nee ba Jesus, no tau nia iha Jesus nia oin. 19Maibee sira la bele hetan dalan atu lori mane nee ba uma laran tanba ema lubun boot. Entaun sira sae ba uma leten no loke kuak iha telha.#5:19 Telha mak keramik nebee uza iha uma leten hanesan uma Portugés nian iha tempu uluk. Sira hatuun nia ho ninia biti iha ema nia leet iha Jesus nia oin. 20Bainhira Jesus haree sira nia fiar, Nia dehan, “Mane, o nia sala hetan perdaun ona.” 21Eskriba no ema Farizeu sira komesa hanoin, no dehan, “See mak nee, nebee hatete aat Maromak? See mak bele foo perdaun ba sala? Só Maromak deit mak bele.” 22Maibee bainhira Jesus hatene sira nia hanoin, Nia hataan ba sira, “Imi hanoin saida iha imi nia fuan laran? 23Saida mak fasil liu, atu dehan, ‘O nia sala hetan perdaun ona?’ ka atu dehan, ‘Hamriik no lao ba’? 24Maibee hodi imi bele hatene katak Ema Nia Oan iha kbiit iha mundu atu foo perdaun ba sala, (Nia hatete ba ema isin mate nee) Hau dehan ba o, hamriik ba, foti o nia biti, no fila ba o nia uma.” 25Mane nee hamriik kedas iha sira nia oin. Nia foti ninia toba fatin, sai ba ninia uma rasik no hahii Maromak. 26Sira hotu hakfodak no hahii Maromak. Sira tauk tebes no dehan, “Ohin loron, ita haree buat oin seluk#5:26 Gregu dehan paradoxos katak buat nebee la normál ka la hanesan baibain. duni!”
Jesus Bolu Levi
27 #5:27-38 Haree Mateus 9:9-17, Marcos 2:13-22. Tuir buat sira nee Jesus sai ba no haree kobradór impostu ida, naran Levi, nebee tuur hela iha fatin nebee ema selu taxa. Nia dehan ba Levi, “Tuir Hau!” 28Nunee Levi husik buat hotu no tuir Nia.
29No Levi halo festa boot iha ninia uma. Ema barak mai hosi kobradór impostu sira no ema seluk nebee tuur hamutuk ho sira. 30Maibee eskriba no ema Farizeu sira murmura hasoru Jesus nia eskolante sira, no dehan, “Tanba saa mak imi haan no hemu ho kobradór impostu sira no sala nain sira?” 31No Jesus hataan ba sira, “Ema ho saude diak la presiza doutór, maibee ema moras mak presiza. 32Hau mai, laos atu bolu ema moris loos, maibee atu bolu sala nain sira hodi arepende.”
Pergunta Ida Kona Ba Jejún
33Sira dehan ba Jesus, “Tanba saa mak João nia eskolante sira jejún beibeik no halo orasaun, no ema Farizeu sira nia eskolante sira halo mos nunee, maibee Ita Boot nian haan no hemu hela deit?” 34Jesus dehan ba sira, “Ita bele haruka noivu nia belun sira atu halo jejún bainhira sira sei hamutuk ho noivu nee ka? 35Maibee loron sei too mai bainhira ema foti noivu nee hosi sira, depois sira sei jejún iha loron nebaa.” 36No Nia koalia mos ai knanoik ida ba sira, “La iha ema ida lees ropa foun hodi taka ropa tuan. Se hanesan nee, nia lees tiha ona ropa foun no hena foun nee haree la hanesan ho hena tuan. 37No la iha ema ida tau tua uvas foun ba tua kulit tuan.#5:37 Iha tempu antigu sira uza animál nia kulit hodi tau tua uvas. Haree dezenhu iha Mateus 9:17. Tanba se ema halo nunee, tua uvas foun bele halo tua kulit nakfera. Tua uvas nee sei nakfakar no tua kulit mos sei sai aat. 38Maibee ema tau tua uvas foun iha tua kulit foun. 39No la iha ema ida nebee hemu ona tua uvas tuan hakarak hemu fali tua uvas foun. Tanba nia dehan, ‘Tuan nee mak diak.’”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.