Lucas 8
8
Feto Sira Tuir Jesus
1Tuir tempu nee, Jesus lao ba sidade sira no aldeia sira hodi haklaken no foo sai evanjelhu kona ba Maromak nia reinu. No sira nain sanulu resin rua lao hamutuk ho Nia. 2Iha mos feto balu, nebee Nia kura tiha hosi espíritu aat sira no moras oi-oin, inklui Maria ho naran Madalena, nebee diabu nain hitu sai hosi nia, 3no Joana, feen hosi Kuza nebee Herodes nia xefi funsionáriu, no Susana, no ema barak seluk, nebee suporta sira hosi sira nia riku-soin rasik.
Ai Knanoik: Rai Oin Haat
4 #8:4-8 Haree Mateus 13:1-15, Marcos 4:1-12. Ema barak halibur hamutuk no sira baa haree Jesus hosi sidade ba sidade. No Nia koalia ho sira liu hosi ai knanoik ida: 5“Toos nain ida lao baa hodi kari ninia fini. Bainhira nia kari ba, balu monu iha dalan ninin. Ema sama fini nee no manu hosi loro leten haan hotu tiha fini nee. 6No balu monu iha fatuk leten. Bainhira sira foin tubun, sira namlaik hotu tanba bee la iha. 7No balu monu tiha iha ai tarak laran. No ai tarak moris hamutuk ho fini sira nee no hanehan tiha sira. 8No fini seluk monu iha rai diak, sira moris no foo isin too dala atus ida.” No bainhira Nia koalia ona buat sira nee, Nia hatete, “Nia nebee iha tilun hodi rona, husik nia rona ba.”
Jesus Esplika Ai knanoik
9 #8:9-15 Haree Mateus 13:10-23, Marcos 4:13-20. Jesus nia eskolante sira husu Nia kona ba ai knanoik nee katak saida. 10No Nia dehan, “Imi deit bele simu segredu kona ba Maromak nia reinu. Maibee sira seluk rona liu hosi ai knanoik sira, ‘hodi nunee sira haree maibee la haree moos, no sira rona maibee la kompriende.’#8:10 Isaias 6:9-10. 11Agora, ai knanoik hanesan nee: fini mak Maromak nia liafuan. 12Sira nebee iha dalan ninin mak sira nebee rona, depois diabu mai no hasai liafuan hosi sira nia fuan laran, hodi sira la bele fiar no hetan salvasaun. 13Sira nebee iha fatuk leten mak sira nebee rona no simu liafuan nee ho haksolok, maibee sira nia abut la iha. Nunee sira fiar too tempu uitoan, maibee bainhira tempu susar mai, sira monu lakon tiha. 14No sira nebee monu iha ai tarak laran mak sira nebee rona, maibee bainhira sira lao ba oin sira preokupa no buka riku-soin no buat nebee halo sira nia moris kontenti. Buat sira nee mai hanehan sira too sira la foo fuan tasak. 15Maibee sira nebee iha rai diak mak sira nebee iha fuan laran nebee onestu no diak. Sira rona liafuan nee no kaer metin, no ho pasiénsia sira foo fuan.
Ahi Oan Iha Sanan Okos
16 #8:16-18 Haree Marcos 4:21-25. “La iha ema ida mak sunu ahi oan ida, depois taka ho sanan rai ka tau fali iha kama okos. Maibee nia tau ahi oan iha ahi oan nia fatin atu nunee sira nebee tama mai bele haree naroman nee. 17Nunee la iha buat ida nebee subar, nebee sei la hatudu sai; no la iha segredu ida, nebee sei la nakloke hodi ema hatene.#8:17 Lian Gregu dehan ‘hatene no tama ba naroman.’ 18Entaun hanoin di-diak oinsaa imi rona: tanba nia nebee iha ona, nia sei hetan tan; maibee nia nebee la iha, buat nebee nia hanoin nia sei iha, buat nee mos sei foti sai hosi nia.”
Jesus Nia Inan No Alin Sira
19 #8:19-21 Haree Mat 12:46-50, Marcos 3:31-35. Depois Jesus nia inan no alin sira mai too Nia. Maibee sira la konsege hakbesik ba Nia tanba ema barak nee. 20No ema foo hatene ba Nia, no dehan, “O nia inan no alin sira hamriik iha liur, no sira hakarak haree O.” 21Maibee Nia hataan sira, dehan, “Hau nia inan no Hau nia alin sira mak sira nebee rona Maromak nia liafuan, no halo tuir.”
Tasi Siak Sai Hakmatek
22 #8:22-25 Haree Mat 8:23-27, Marcos 4:35-41. Loron ida, Jesus sae roo ida ho Ninia eskolante sira. No Nia dehan ba sira, “Mai ita hakur ba tasi#8:22 Lian Gregu dehan ‘lagoa’. sorin ba.” Entaun sira baa. 23Maibee bainhira sira baa dadaun, Jesus toba dukur. Depois anin boot tuun mai ba tasi nee, no sira nia roo sai nakonu ho bee. Sira hasoru perigu duni. 24Sira baa Jesus, fanu Nia no dehan, “Mestri, Mestri, ita atu mate!” Nunee Nia hamriik, no siak anin no laloran boot. Depois anin no laloran para no sai hakmatek tiha.
25Nia dehan ba sira, “Imi nia fiar iha nebee?” No sira tauk no admira, no dehan ba malu, “See mak nee? Tanba Nia manda mos anin no tasi, no sira halo tuir Nia.”
Mane Nebee Iha Diabu Ida
26 #8:26-39 Haree Mat 8:28-34, Marcos 5:1-20. Sira too ba rai Gerasa, nebee iha Galileia nia sorin ba. 27No bainhira Jesus foin too tasi ibun, Nia hasoru mane ida hosi sidade nee, nebee iha diabu sira. Kleur ona mane nee la hatais ropa, no nia la hela iha uma ida, maibee nia hela iha rate laran. 28Bainhira nia haree Jesus, nia hakilar, no monu iha Jesus nia oin. Ho lian makaas nia dehan, “O hakarak saida hosi hau, Jesus, Oan Mane hosi Maromak Nebee Aas Liu? Hau husu boot, keta haterus hau.” 29Tanba Jesus manda ona espíritu foer atu sai hosi mane nee. (Tanba dala barak espíritu foer nee kastigu nia, no ema kesi nia ho korenti no besi, maibee nia hakotu besi sira nee no diabu duni nia tama ba rai fuik.) 30No Jesus husu nia, dehan, “O nia naran saida?” No nia hataan, “Batalhaun.” #8:30 Lian Gregu dehan Lejiaun. Lejiaun ida iha soldadu nain 4.800. Tanba diabu barak tama tiha ona ba nia. 31No sira husu beibeik ba Jesus atu la bele haruka sira tama ba infernu.#8:31 Lian Gregu dehan abusos (Portugés abismo) katak rai kuak klean nebee okos la iha. 32Iha tempu nee, fahi barak haan hela iha foho. Entaun sira husu Jesus atu husik sira tama ba fahi sira nee. No Jesus husik sira baa. 33Nunee diabu sira sai hosi mane nee, no tama tiha ba fahi sira. Depois fahi hotu halai saruntu, tuun foho lolon, tama tasi, no sira mout hotu.
34Bainhira ema sira nebee hein fahi haree saida mak akontese, sira halai baa no konta sai istória nee iha sidade no iha rai nebaa. 35Nunee ema sira sai atu haree saida mak akontese. Sira mai too Jesus, no hetan mane nebee diabu sira sai tiha ona hosi nia. Nia tuur hela iha Jesus nia ain no nia hatais ona ropa no hanoin loos ona. Nunee sira tauk. 36No sira nebee haree rasik buat sira nee konta fali oinsaa Jesus kura mane ida nee, nebee uluk diabu domina. 37Nunee ema hotu hosi rai Gerasa iha nebaa husu Jesus atu sai hosi sira. Tanba sira tauk tebes. Entaun Jesus sae roo no fila fali. 38Mane ida nebee diabu sira sai tiha hosi nia husu beibeik atu bele baa hamutuk ho Jesus, maibee Jesus haruka nia fila ba, no dehan, 39“Fila ba o nia uma, no foo sai buat barak nebee Maromak halo tiha ona ba o.” No nia fila ba, no foo sai iha sidade tomak kona ba buat hotu nebee Jesus halo tiha ona ba nia.
Jesus Kura Feto Ida No Jairo Nia Oan
40No tuir mai, bainhira Jesus fila mai, ema lubun boot simu Nia ho laran kontenti, tanba sira hotu hein hela Nia. 41#8:41-56 Haree Mateus 9:18-26, Marcos 5:21-43.No mane ida naran Jairo mai. Nia mak ukun nain ida iha sinagoga nee. Nia monu iha Jesus nia ain no husu Jesus atu tama ba ninia uma. 42Tanba nia iha oan feto ida deit, nebee maizoumenus tinan sanulu resin rua, no feto nee besik atu mate. Maibee bainhira Jesus baa dadaun, ema lubun boot sena Nia. 43No iha nebaa iha feto ida nebee iha moras raan suli durante tinan sanulu resin rua. Feto nee gasta buat hotu nebee nia iha hodi selu doutór sira.#8:43 Manuskritu balu la iha fraze ida nee. Maibee la iha ema ida nebee bele kura nia. 44Feto ida nee hakbesik ba Jesus hosi kotuk, no nia kona Jesus nia ropa ninin. Depois ninia raan suli nee para kedas. 45No Jesus dehan, “See mak kona Hau?” Bainhira sira hotu nega kona ba ida nee, Pedro no sira nebee hamutuk ho Jesus dehan, “Mestri, ema lubun boot nee haleu O no sena hela O.” 46Maibee Jesus dehan, “Ema ida kona ona Hau, tanba Hau hatene katak kbiit sai ona hosi Hau.” 47No bainhira feto ida nee haree katak nia la bele subar, nia mai ho nakdedar no monu iha Jesus nia oin. Iha ema hotu nia oin, nia foo sai ba Jesus tanba saa mak nia kona Jesus no oinsaa ninia isin sai diak kedas. 48Depois Jesus dehan ba nia, “Oan feto, o nia fiar salva ona o. Lao ba ho dame.”
49Bainhira Jesus koalia hela, ema ida mai hosi Jairo nia uma, no dehan ba sinagoga nia ukun nain nee, “Ita boot nia oan feto mate ona, lalika halo kole tan Mestri nee.” 50Maibee bainhira Jesus rona tiha nunee, Nia hataan ba Jairo, “Keta tauk, fiar deit, no nia sei sai diak fali.”#8:50 Ka ‘nia sei hetan salvasaun.’ 51Bainhira Jesus mai too uma, Nia la husik ema ida atu tama hamutuk ho Nia, só deit Pedro, Tiago, no João, no labarik feto nee nia inan-aman. 52No ema hotu tanis lelir tanba labarik feto nee. Maibee Jesus dehan, “Keta tanis. Nia la mate ida, nia só toba deit.” 53No hamnasa fali Jesus, tanba sira hatene katak nia mate ona. 54Maibee Jesus kaer labarik feto nia liman, no bolu nia, dehan, “Noi, hadeer ba!” 55No ninia espíritu mai fali, no nia hamriik kedas. Jesus haruka sira foo haan ba nia. 56Ninia inan-aman hakfodak. Maibee Jesus manda sira atu la bele foo sai ba ema ida buat nebee akontese nee.
Currently Selected:
Lucas 8: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Lucas 8
8
Feto Sira Tuir Jesus
1Tuir tempu nee, Jesus lao ba sidade sira no aldeia sira hodi haklaken no foo sai evanjelhu kona ba Maromak nia reinu. No sira nain sanulu resin rua lao hamutuk ho Nia. 2Iha mos feto balu, nebee Nia kura tiha hosi espíritu aat sira no moras oi-oin, inklui Maria ho naran Madalena, nebee diabu nain hitu sai hosi nia, 3no Joana, feen hosi Kuza nebee Herodes nia xefi funsionáriu, no Susana, no ema barak seluk, nebee suporta sira hosi sira nia riku-soin rasik.
Ai Knanoik: Rai Oin Haat
4 #8:4-8 Haree Mateus 13:1-15, Marcos 4:1-12. Ema barak halibur hamutuk no sira baa haree Jesus hosi sidade ba sidade. No Nia koalia ho sira liu hosi ai knanoik ida: 5“Toos nain ida lao baa hodi kari ninia fini. Bainhira nia kari ba, balu monu iha dalan ninin. Ema sama fini nee no manu hosi loro leten haan hotu tiha fini nee. 6No balu monu iha fatuk leten. Bainhira sira foin tubun, sira namlaik hotu tanba bee la iha. 7No balu monu tiha iha ai tarak laran. No ai tarak moris hamutuk ho fini sira nee no hanehan tiha sira. 8No fini seluk monu iha rai diak, sira moris no foo isin too dala atus ida.” No bainhira Nia koalia ona buat sira nee, Nia hatete, “Nia nebee iha tilun hodi rona, husik nia rona ba.”
Jesus Esplika Ai knanoik
9 #8:9-15 Haree Mateus 13:10-23, Marcos 4:13-20. Jesus nia eskolante sira husu Nia kona ba ai knanoik nee katak saida. 10No Nia dehan, “Imi deit bele simu segredu kona ba Maromak nia reinu. Maibee sira seluk rona liu hosi ai knanoik sira, ‘hodi nunee sira haree maibee la haree moos, no sira rona maibee la kompriende.’#8:10 Isaias 6:9-10. 11Agora, ai knanoik hanesan nee: fini mak Maromak nia liafuan. 12Sira nebee iha dalan ninin mak sira nebee rona, depois diabu mai no hasai liafuan hosi sira nia fuan laran, hodi sira la bele fiar no hetan salvasaun. 13Sira nebee iha fatuk leten mak sira nebee rona no simu liafuan nee ho haksolok, maibee sira nia abut la iha. Nunee sira fiar too tempu uitoan, maibee bainhira tempu susar mai, sira monu lakon tiha. 14No sira nebee monu iha ai tarak laran mak sira nebee rona, maibee bainhira sira lao ba oin sira preokupa no buka riku-soin no buat nebee halo sira nia moris kontenti. Buat sira nee mai hanehan sira too sira la foo fuan tasak. 15Maibee sira nebee iha rai diak mak sira nebee iha fuan laran nebee onestu no diak. Sira rona liafuan nee no kaer metin, no ho pasiénsia sira foo fuan.
Ahi Oan Iha Sanan Okos
16 #8:16-18 Haree Marcos 4:21-25. “La iha ema ida mak sunu ahi oan ida, depois taka ho sanan rai ka tau fali iha kama okos. Maibee nia tau ahi oan iha ahi oan nia fatin atu nunee sira nebee tama mai bele haree naroman nee. 17Nunee la iha buat ida nebee subar, nebee sei la hatudu sai; no la iha segredu ida, nebee sei la nakloke hodi ema hatene.#8:17 Lian Gregu dehan ‘hatene no tama ba naroman.’ 18Entaun hanoin di-diak oinsaa imi rona: tanba nia nebee iha ona, nia sei hetan tan; maibee nia nebee la iha, buat nebee nia hanoin nia sei iha, buat nee mos sei foti sai hosi nia.”
Jesus Nia Inan No Alin Sira
19 #8:19-21 Haree Mat 12:46-50, Marcos 3:31-35. Depois Jesus nia inan no alin sira mai too Nia. Maibee sira la konsege hakbesik ba Nia tanba ema barak nee. 20No ema foo hatene ba Nia, no dehan, “O nia inan no alin sira hamriik iha liur, no sira hakarak haree O.” 21Maibee Nia hataan sira, dehan, “Hau nia inan no Hau nia alin sira mak sira nebee rona Maromak nia liafuan, no halo tuir.”
Tasi Siak Sai Hakmatek
22 #8:22-25 Haree Mat 8:23-27, Marcos 4:35-41. Loron ida, Jesus sae roo ida ho Ninia eskolante sira. No Nia dehan ba sira, “Mai ita hakur ba tasi#8:22 Lian Gregu dehan ‘lagoa’. sorin ba.” Entaun sira baa. 23Maibee bainhira sira baa dadaun, Jesus toba dukur. Depois anin boot tuun mai ba tasi nee, no sira nia roo sai nakonu ho bee. Sira hasoru perigu duni. 24Sira baa Jesus, fanu Nia no dehan, “Mestri, Mestri, ita atu mate!” Nunee Nia hamriik, no siak anin no laloran boot. Depois anin no laloran para no sai hakmatek tiha.
25Nia dehan ba sira, “Imi nia fiar iha nebee?” No sira tauk no admira, no dehan ba malu, “See mak nee? Tanba Nia manda mos anin no tasi, no sira halo tuir Nia.”
Mane Nebee Iha Diabu Ida
26 #8:26-39 Haree Mat 8:28-34, Marcos 5:1-20. Sira too ba rai Gerasa, nebee iha Galileia nia sorin ba. 27No bainhira Jesus foin too tasi ibun, Nia hasoru mane ida hosi sidade nee, nebee iha diabu sira. Kleur ona mane nee la hatais ropa, no nia la hela iha uma ida, maibee nia hela iha rate laran. 28Bainhira nia haree Jesus, nia hakilar, no monu iha Jesus nia oin. Ho lian makaas nia dehan, “O hakarak saida hosi hau, Jesus, Oan Mane hosi Maromak Nebee Aas Liu? Hau husu boot, keta haterus hau.” 29Tanba Jesus manda ona espíritu foer atu sai hosi mane nee. (Tanba dala barak espíritu foer nee kastigu nia, no ema kesi nia ho korenti no besi, maibee nia hakotu besi sira nee no diabu duni nia tama ba rai fuik.) 30No Jesus husu nia, dehan, “O nia naran saida?” No nia hataan, “Batalhaun.” #8:30 Lian Gregu dehan Lejiaun. Lejiaun ida iha soldadu nain 4.800. Tanba diabu barak tama tiha ona ba nia. 31No sira husu beibeik ba Jesus atu la bele haruka sira tama ba infernu.#8:31 Lian Gregu dehan abusos (Portugés abismo) katak rai kuak klean nebee okos la iha. 32Iha tempu nee, fahi barak haan hela iha foho. Entaun sira husu Jesus atu husik sira tama ba fahi sira nee. No Jesus husik sira baa. 33Nunee diabu sira sai hosi mane nee, no tama tiha ba fahi sira. Depois fahi hotu halai saruntu, tuun foho lolon, tama tasi, no sira mout hotu.
34Bainhira ema sira nebee hein fahi haree saida mak akontese, sira halai baa no konta sai istória nee iha sidade no iha rai nebaa. 35Nunee ema sira sai atu haree saida mak akontese. Sira mai too Jesus, no hetan mane nebee diabu sira sai tiha ona hosi nia. Nia tuur hela iha Jesus nia ain no nia hatais ona ropa no hanoin loos ona. Nunee sira tauk. 36No sira nebee haree rasik buat sira nee konta fali oinsaa Jesus kura mane ida nee, nebee uluk diabu domina. 37Nunee ema hotu hosi rai Gerasa iha nebaa husu Jesus atu sai hosi sira. Tanba sira tauk tebes. Entaun Jesus sae roo no fila fali. 38Mane ida nebee diabu sira sai tiha hosi nia husu beibeik atu bele baa hamutuk ho Jesus, maibee Jesus haruka nia fila ba, no dehan, 39“Fila ba o nia uma, no foo sai buat barak nebee Maromak halo tiha ona ba o.” No nia fila ba, no foo sai iha sidade tomak kona ba buat hotu nebee Jesus halo tiha ona ba nia.
Jesus Kura Feto Ida No Jairo Nia Oan
40No tuir mai, bainhira Jesus fila mai, ema lubun boot simu Nia ho laran kontenti, tanba sira hotu hein hela Nia. 41#8:41-56 Haree Mateus 9:18-26, Marcos 5:21-43.No mane ida naran Jairo mai. Nia mak ukun nain ida iha sinagoga nee. Nia monu iha Jesus nia ain no husu Jesus atu tama ba ninia uma. 42Tanba nia iha oan feto ida deit, nebee maizoumenus tinan sanulu resin rua, no feto nee besik atu mate. Maibee bainhira Jesus baa dadaun, ema lubun boot sena Nia. 43No iha nebaa iha feto ida nebee iha moras raan suli durante tinan sanulu resin rua. Feto nee gasta buat hotu nebee nia iha hodi selu doutór sira.#8:43 Manuskritu balu la iha fraze ida nee. Maibee la iha ema ida nebee bele kura nia. 44Feto ida nee hakbesik ba Jesus hosi kotuk, no nia kona Jesus nia ropa ninin. Depois ninia raan suli nee para kedas. 45No Jesus dehan, “See mak kona Hau?” Bainhira sira hotu nega kona ba ida nee, Pedro no sira nebee hamutuk ho Jesus dehan, “Mestri, ema lubun boot nee haleu O no sena hela O.” 46Maibee Jesus dehan, “Ema ida kona ona Hau, tanba Hau hatene katak kbiit sai ona hosi Hau.” 47No bainhira feto ida nee haree katak nia la bele subar, nia mai ho nakdedar no monu iha Jesus nia oin. Iha ema hotu nia oin, nia foo sai ba Jesus tanba saa mak nia kona Jesus no oinsaa ninia isin sai diak kedas. 48Depois Jesus dehan ba nia, “Oan feto, o nia fiar salva ona o. Lao ba ho dame.”
49Bainhira Jesus koalia hela, ema ida mai hosi Jairo nia uma, no dehan ba sinagoga nia ukun nain nee, “Ita boot nia oan feto mate ona, lalika halo kole tan Mestri nee.” 50Maibee bainhira Jesus rona tiha nunee, Nia hataan ba Jairo, “Keta tauk, fiar deit, no nia sei sai diak fali.”#8:50 Ka ‘nia sei hetan salvasaun.’ 51Bainhira Jesus mai too uma, Nia la husik ema ida atu tama hamutuk ho Nia, só deit Pedro, Tiago, no João, no labarik feto nee nia inan-aman. 52No ema hotu tanis lelir tanba labarik feto nee. Maibee Jesus dehan, “Keta tanis. Nia la mate ida, nia só toba deit.” 53No hamnasa fali Jesus, tanba sira hatene katak nia mate ona. 54Maibee Jesus kaer labarik feto nia liman, no bolu nia, dehan, “Noi, hadeer ba!” 55No ninia espíritu mai fali, no nia hamriik kedas. Jesus haruka sira foo haan ba nia. 56Ninia inan-aman hakfodak. Maibee Jesus manda sira atu la bele foo sai ba ema ida buat nebee akontese nee.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.