Roma 11
11
Ema Restu Hosi Israel
1Entaun hau husu, Maromak rejeita ona Ninia povu ka? La bele! Tanba hau rasik mak ema Israel. Hau mak bei-oan ida hosi Abraão, nebee hosi suku Benjamin. 2Maromak la rejeita Ninia povu nebee Nia hili hori uluk kedas. Laos imi hatene buat nebee Eskritura dehan kona ba Elias, oinsaa nia halo orasaun ba Maromak hasoru Israel? Nia dehan, 3“Nai, sira oho ona Ita nia profeta sira, no sobu ona Ita nia altár sira. Hela deit hau mesak, no sira buka atu halakon hau nia moris.”#11:3 Hosi 1 Liurai 19:10,14. 4Maibee oinsaa mak Maromak hataan ba nia? “Hau sei iha ema nain rihun hitu nebee la hakneak ba estátua Baal.”#11:4 Hosi 1 Liurai 19:18. 5Hanesan agora mos, sei iha ema restu,#11:5 Sei iha ema restu hosi nasaun Israel – ema Israel uitoan nebee fiar. nebee Maromak hili liu hosi grasa. 6No se liu hosi grasa, entaun laos liu hosi ema nia hahalok. Se lae, grasa nee laos grasa ona.
7Entaun oinsaa? Israel la konsege hetan buat nebee sira buka. Ema nebee Maromak hili mak hetan ida nee, maibee sira seluk fuan toos. 8Hanesan ema hakerek nanis ona,
“Maromak foo ona espíritu dukur ba sira,
matan nebee la haree,
no tilun nebee la rona,
too ohin loron.”#11:8 Haree Deuteronómiu 29:4 no Isaias 29:10.
9No David dehan,
“Husik sira nia meza sai lasu atu kasa sira,
no buat nebee halo sira sidi atu selu fali sira nia hahalok,
10husik sira nia matan sai nakukun atu sira la bele haree,
no halo sira nia kotuk hakruuk ba nafatin.”#11:9-10 Hosi Salmu 69:22-23.
Maromak Simu Ema Jentiu Sira
11Entaun hau husu, sira sidi atu monu lakon ka? La bele! Maibee liu hosi sira nia sala mak salvasaun too ba ema Jentiu sira. Ho ida nee ema Israel sira sai laran moras. 12Agora, se sira nia sala lori riku-soin ba mundu, no bainhira sira lakon ema Jentiu sira hetan riku-soin, oinsaa liu tan bainhira sira sai nakonu!
13Agora hau koalia ba imi nebee ema Jentiu sira. Hau mak apostolu ba ema Jentiu sira entaun hau aumenta hau nia ministériu. 14Tanba hau buka oinsaa atu hau bele provoka hau nia maluk Judeu sira atu sai laran moras. No karik liu hosi dalan nee sira balu bele hetan salvasaun. 15Tanba se bainhira Maromak rejeita sira, ida nee loke dalan atu mundu bele dame malu ho Maromak, entaun oinsaa bainhira Maromak simu fali sira? Nee katak ema bele moris hias hosi mate! 16Tanba se trigu masa rohan ida nebee oferese nudar rezultadu primeiru sai santu, nunee masa tomak sai santu. No se abut mak santu, entaun sanak sira mos santu.#11:16 Tuir ema judeu sira nia lei, sira tenki foti trigu uitoan hosi sira nia rezultadu hodi halo paun atu oferese ba Maromak (haree Númeru 15:17-21 no Levítiku 23:9-18). Abut no sanak, haree João 15:5.
17Maibee Maromak silu sai sanak balu, no Nia taka fali imi ba ai huun hakiak nee, maski imi mak ai oliveira fuik, atu imi hetan benefísiu hosi ai oliveira nia abut nee.
18Maibee keta gaba aan hasoru sanak sira nee. Se imi halo nunee karik, hanoin katak laos imi mak suporta abut, maibee abut mak suporta imi. 19Depois imi sei dehan, “Nia silu sai sanak sira hodi taka fali hau ba ai huun hakiak nee.” 20Nee loos. Nia silu sai sira tanba sira la fiar. No imi hamriik metin liu hosi fiar. Entaun keta foti aan, maibee hamtauk ba. 21Tanba se Maromak la husik ai sanak orijinál, Nia sei la husik imi. 22Haree took Maromak nia laran diak no oinsaa Nia tesi lia. Nia tesi lia ba sira nebee monu tiha. Maibee Nia hatudu laran diak ba imi, se imi kontinua iha Ninia laran diak. Se lae, Nia sei tesi sai imi. 23No ba sira mos, se sira la kontinua ho laran nebee la fiar, sira bele tama fali. Tanba Maromak bele taka fali sira ba ai huun hakiak nee. 24Tanba Nia tesi sai imi hosi ai oliveira fuik, no Nia taka fali imi ba ai oliveira diak maski ida nee kontra sistema naturais. Saa tan ai sanak sira nee, nebee ai sanak loos tuir sistema naturais, katak Nia bele taka fali sira ba sira nia ai huun rasik?
Israel Nia Salvasaun
25Maun-alin sira, hau hakarak imi kompriende mistériu ida nee atu imi la hanoin katak imi matenek klean iha imi nia matan rasik: Ema Israel sai ulun toos uitoan too ema Jentiu sira tama mai too kompletu ona. 26No liu hosi ida nee, ema Israel hotu sei hetan salvasaun. Hanesan ema hakerek nanis ona,
“Salvadór ida sei mai hosi Zion,
no Nia sei hasai laran nebee la hamtauk Jacó nia Maromak.
27Tanba ida nee mak Hau nia aliansa ho sira,
bainhira Hau hasai sira nia sala sira nee.”#11:26-27 Jacó nee mak povu Israel nia bei-ala, nunee nia koalia kona ba ema Judeu sira. Hosi Isaias 59:20-21.
28Kona ba evanjelhu, sira mak Maromak nia inimigu sira tanba imi. Maibee kona ba ema nebee Maromak hili, Nia hadomi sira tanba sira nia bei-ala sira. 29Tanba bainhira Maromak foo prezenti sira no bolu ema, Nia la troka fali Ninia hanoin nee. 30Tanba iha tempu uluk imi la halo tuir Maromak. Maibee agora imi simu laran luak tanba sira la halo tuir Maromak. 31Nunee mos sira nebee agora la halo tuir Maromak bele simu laran luak, hanesan imi mos simu ona laran luak. 32Tanba Maromak taka ema hotu hamutuk ba hahalok nebee la halo tuir Nia, atu nunee Nia bele hatudu laran luak ba ema hotu.
33Oh klean tebes mak Maromak nia riku-soin matenek klean no konhesimentu! Ita la bele kompriende oinsaa Nia tesi lia, no ita la bele buka tuir hodi hatene Ninia dalan sira!
34“See mak hatene Nai nia hanoin?
Ka see mak sai Ninia konselheiru?”#11:34 Konselheiru mak ema nebee foo ideia diak ka hanorin ema seluk. Hosi Isaias 40:13.
35“See mak foo ona prezenti ba Nia,
hodi nunee Nia tenki selu fali sira?”#11:35 Hosi Job 41:11.
36Tanba hosi Nia no liu hosi Nia no ba Nia mak buat hotu. Glória ba Nia too rohan laek. Amén.
Currently Selected:
Roma 11: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Roma 11
11
Ema Restu Hosi Israel
1Entaun hau husu, Maromak rejeita ona Ninia povu ka? La bele! Tanba hau rasik mak ema Israel. Hau mak bei-oan ida hosi Abraão, nebee hosi suku Benjamin. 2Maromak la rejeita Ninia povu nebee Nia hili hori uluk kedas. Laos imi hatene buat nebee Eskritura dehan kona ba Elias, oinsaa nia halo orasaun ba Maromak hasoru Israel? Nia dehan, 3“Nai, sira oho ona Ita nia profeta sira, no sobu ona Ita nia altár sira. Hela deit hau mesak, no sira buka atu halakon hau nia moris.”#11:3 Hosi 1 Liurai 19:10,14. 4Maibee oinsaa mak Maromak hataan ba nia? “Hau sei iha ema nain rihun hitu nebee la hakneak ba estátua Baal.”#11:4 Hosi 1 Liurai 19:18. 5Hanesan agora mos, sei iha ema restu,#11:5 Sei iha ema restu hosi nasaun Israel – ema Israel uitoan nebee fiar. nebee Maromak hili liu hosi grasa. 6No se liu hosi grasa, entaun laos liu hosi ema nia hahalok. Se lae, grasa nee laos grasa ona.
7Entaun oinsaa? Israel la konsege hetan buat nebee sira buka. Ema nebee Maromak hili mak hetan ida nee, maibee sira seluk fuan toos. 8Hanesan ema hakerek nanis ona,
“Maromak foo ona espíritu dukur ba sira,
matan nebee la haree,
no tilun nebee la rona,
too ohin loron.”#11:8 Haree Deuteronómiu 29:4 no Isaias 29:10.
9No David dehan,
“Husik sira nia meza sai lasu atu kasa sira,
no buat nebee halo sira sidi atu selu fali sira nia hahalok,
10husik sira nia matan sai nakukun atu sira la bele haree,
no halo sira nia kotuk hakruuk ba nafatin.”#11:9-10 Hosi Salmu 69:22-23.
Maromak Simu Ema Jentiu Sira
11Entaun hau husu, sira sidi atu monu lakon ka? La bele! Maibee liu hosi sira nia sala mak salvasaun too ba ema Jentiu sira. Ho ida nee ema Israel sira sai laran moras. 12Agora, se sira nia sala lori riku-soin ba mundu, no bainhira sira lakon ema Jentiu sira hetan riku-soin, oinsaa liu tan bainhira sira sai nakonu!
13Agora hau koalia ba imi nebee ema Jentiu sira. Hau mak apostolu ba ema Jentiu sira entaun hau aumenta hau nia ministériu. 14Tanba hau buka oinsaa atu hau bele provoka hau nia maluk Judeu sira atu sai laran moras. No karik liu hosi dalan nee sira balu bele hetan salvasaun. 15Tanba se bainhira Maromak rejeita sira, ida nee loke dalan atu mundu bele dame malu ho Maromak, entaun oinsaa bainhira Maromak simu fali sira? Nee katak ema bele moris hias hosi mate! 16Tanba se trigu masa rohan ida nebee oferese nudar rezultadu primeiru sai santu, nunee masa tomak sai santu. No se abut mak santu, entaun sanak sira mos santu.#11:16 Tuir ema judeu sira nia lei, sira tenki foti trigu uitoan hosi sira nia rezultadu hodi halo paun atu oferese ba Maromak (haree Númeru 15:17-21 no Levítiku 23:9-18). Abut no sanak, haree João 15:5.
17Maibee Maromak silu sai sanak balu, no Nia taka fali imi ba ai huun hakiak nee, maski imi mak ai oliveira fuik, atu imi hetan benefísiu hosi ai oliveira nia abut nee.
18Maibee keta gaba aan hasoru sanak sira nee. Se imi halo nunee karik, hanoin katak laos imi mak suporta abut, maibee abut mak suporta imi. 19Depois imi sei dehan, “Nia silu sai sanak sira hodi taka fali hau ba ai huun hakiak nee.” 20Nee loos. Nia silu sai sira tanba sira la fiar. No imi hamriik metin liu hosi fiar. Entaun keta foti aan, maibee hamtauk ba. 21Tanba se Maromak la husik ai sanak orijinál, Nia sei la husik imi. 22Haree took Maromak nia laran diak no oinsaa Nia tesi lia. Nia tesi lia ba sira nebee monu tiha. Maibee Nia hatudu laran diak ba imi, se imi kontinua iha Ninia laran diak. Se lae, Nia sei tesi sai imi. 23No ba sira mos, se sira la kontinua ho laran nebee la fiar, sira bele tama fali. Tanba Maromak bele taka fali sira ba ai huun hakiak nee. 24Tanba Nia tesi sai imi hosi ai oliveira fuik, no Nia taka fali imi ba ai oliveira diak maski ida nee kontra sistema naturais. Saa tan ai sanak sira nee, nebee ai sanak loos tuir sistema naturais, katak Nia bele taka fali sira ba sira nia ai huun rasik?
Israel Nia Salvasaun
25Maun-alin sira, hau hakarak imi kompriende mistériu ida nee atu imi la hanoin katak imi matenek klean iha imi nia matan rasik: Ema Israel sai ulun toos uitoan too ema Jentiu sira tama mai too kompletu ona. 26No liu hosi ida nee, ema Israel hotu sei hetan salvasaun. Hanesan ema hakerek nanis ona,
“Salvadór ida sei mai hosi Zion,
no Nia sei hasai laran nebee la hamtauk Jacó nia Maromak.
27Tanba ida nee mak Hau nia aliansa ho sira,
bainhira Hau hasai sira nia sala sira nee.”#11:26-27 Jacó nee mak povu Israel nia bei-ala, nunee nia koalia kona ba ema Judeu sira. Hosi Isaias 59:20-21.
28Kona ba evanjelhu, sira mak Maromak nia inimigu sira tanba imi. Maibee kona ba ema nebee Maromak hili, Nia hadomi sira tanba sira nia bei-ala sira. 29Tanba bainhira Maromak foo prezenti sira no bolu ema, Nia la troka fali Ninia hanoin nee. 30Tanba iha tempu uluk imi la halo tuir Maromak. Maibee agora imi simu laran luak tanba sira la halo tuir Maromak. 31Nunee mos sira nebee agora la halo tuir Maromak bele simu laran luak, hanesan imi mos simu ona laran luak. 32Tanba Maromak taka ema hotu hamutuk ba hahalok nebee la halo tuir Nia, atu nunee Nia bele hatudu laran luak ba ema hotu.
33Oh klean tebes mak Maromak nia riku-soin matenek klean no konhesimentu! Ita la bele kompriende oinsaa Nia tesi lia, no ita la bele buka tuir hodi hatene Ninia dalan sira!
34“See mak hatene Nai nia hanoin?
Ka see mak sai Ninia konselheiru?”#11:34 Konselheiru mak ema nebee foo ideia diak ka hanorin ema seluk. Hosi Isaias 40:13.
35“See mak foo ona prezenti ba Nia,
hodi nunee Nia tenki selu fali sira?”#11:35 Hosi Job 41:11.
36Tanba hosi Nia no liu hosi Nia no ba Nia mak buat hotu. Glória ba Nia too rohan laek. Amén.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.