Roma 12
12
Sakrifísiu Moris Nian
1Nunee hau husu imi, maun-alin sira, tanba Maromak nia laran luak, atu foo imi nia isin nudar sakrifísiu moris nian, nebee santu no Maromak bele simu. Ida nee mak imi nia ministériu espirituál nian.#12:1 Ka ‘ministériu nebee tuir hanoin loos’. 2Keta halo tuir mundu nee. Maibee troka imi nia hahalok liu hosi hanoin foun. Atu nunee imi bele hili dalan nebee tuir Maromak nia hakarak, nebee diak no perfeitu no Maromak bele simu.
Prezenti Liu Hosi Grasa
3Tanba liu hosi grasa nebee hau simu, hau dehan ba ema hotu iha imi nia leet, keta hanoin aan diak liu fali buat nebee loos. Maibee hanoin lo-loos, tuir fiar nebee Maromak fahe ona ba imi. 4Tanba isin lolon ida iha parte barak, no parte ida-idak iha knaar nebee la hanesan. 5Nunee mos ho ita, maski ita barak, maibee ita isin lolon ida deit iha Kristu. No ita ida-idak mak membru hamutuk ho ita nia maluk. 6No ita iha prezenti oi-oin tuir grasa nebee ita simu ona. Entaun mai ita uza prezenti sira nee: se foo sai profesia, uza tuir ita nia fiar; 7se ita serví, entaun serví ba; ema nebee hanorin, hanorin ba; 8nia nebee foo korajen, foo korajen ba; nia nebee fahe, fahe ba ho laran moos; nia nebee lidera, halo ba ho laran badinas; nia nebee hatudu laran luak, halo ba ho laran haksolok.
Moris Ho Domin
9Hatudu domin nebee la finji. Odi buat nebee aat. Kaer metin ba buat nebee diak. 10Hadomi malu tebe-tebes ho domin maun-alin nian.#12:10 ‘Hadomi malu tebe-tebes’ mai hosi lian Gregu ‘filostorgé’ nebee hadomi metin hanesan ba ita nia família no liga ba Maromak nia ‘laran diak’, Salmu 103:8. ‘Domin maun-alin nian’ mai hosi lian Gregu ‘filadelfia’ nebee hadomi hanesan ho domin ba ita nia maun-alin. Buka uluk atu foo onra ba malu. 11Keta baruk atu hatudu laran badinas, manas iha espíritu, no serví Nai. 12Sai haksolok iha esperansa. Hatudu pasiénsia iha terus laran no halo orasaun nafatin. 13Bainhira santu sira presiza buat ruma, fahe ba. Hakaas aan atu simu bainaka ho laran diak.
14Foo bensaun ba sira nebee haterus imi. Foo bensaun, keta foo malisan. 15Haksolok ba ho sira nebee haksolok, no tanis ba ho sira nebee tanis. 16Lao ho neon ida laran ida. Keta foti aan, maibee lao hamutuk ho ema kiik. Keta haree aan nudar ema matenek klean. 17Se ema halo aat ba ita, keta selu aat fali ba sira. Hanoin atu halo buat nebee diak iha ema hotu nia oin. 18Se ita bele karik, tuir ita nia kbiit, dame malu ho ema hotu. 19Hau nia doben sira, keta selu fali aat ba ema seluk, maibee husik buat nee ba Maromak nia laran hirus. Tanba ema hakerek nanis ona, “Vingansa mak Hau nian, no Hau sei selu fali, dehan Nai.”#12:19 Hosi Deuteronómiu 32:35. 20Maibee, “Se ita nia inimigu hamlaha, foo hahaan ba nia. Se nia hamrook, foo nia hemu. Tanba liu hosi hahalok nee ita sei tau ahi klaak iha ninia ulun leten.”#12:20 Hosi Provérbiu 25:21-22. ‘tau ahi klaak iha ninia ulun leten’ signifika katak ita foo susar ba nia ka ita halo nia arepende (tuir kostumi Ejitu nian nebee lori ahi klaak iha bikan ida iha ulun leten hodi hatudu ema arepende). 21Keta husik hahalok aat manaan imi, maibee manaan hahalok aat ho hahalok diak.
Currently Selected:
Roma 12: BK
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.
Roma 12
12
Sakrifísiu Moris Nian
1Nunee hau husu imi, maun-alin sira, tanba Maromak nia laran luak, atu foo imi nia isin nudar sakrifísiu moris nian, nebee santu no Maromak bele simu. Ida nee mak imi nia ministériu espirituál nian.#12:1 Ka ‘ministériu nebee tuir hanoin loos’. 2Keta halo tuir mundu nee. Maibee troka imi nia hahalok liu hosi hanoin foun. Atu nunee imi bele hili dalan nebee tuir Maromak nia hakarak, nebee diak no perfeitu no Maromak bele simu.
Prezenti Liu Hosi Grasa
3Tanba liu hosi grasa nebee hau simu, hau dehan ba ema hotu iha imi nia leet, keta hanoin aan diak liu fali buat nebee loos. Maibee hanoin lo-loos, tuir fiar nebee Maromak fahe ona ba imi. 4Tanba isin lolon ida iha parte barak, no parte ida-idak iha knaar nebee la hanesan. 5Nunee mos ho ita, maski ita barak, maibee ita isin lolon ida deit iha Kristu. No ita ida-idak mak membru hamutuk ho ita nia maluk. 6No ita iha prezenti oi-oin tuir grasa nebee ita simu ona. Entaun mai ita uza prezenti sira nee: se foo sai profesia, uza tuir ita nia fiar; 7se ita serví, entaun serví ba; ema nebee hanorin, hanorin ba; 8nia nebee foo korajen, foo korajen ba; nia nebee fahe, fahe ba ho laran moos; nia nebee lidera, halo ba ho laran badinas; nia nebee hatudu laran luak, halo ba ho laran haksolok.
Moris Ho Domin
9Hatudu domin nebee la finji. Odi buat nebee aat. Kaer metin ba buat nebee diak. 10Hadomi malu tebe-tebes ho domin maun-alin nian.#12:10 ‘Hadomi malu tebe-tebes’ mai hosi lian Gregu ‘filostorgé’ nebee hadomi metin hanesan ba ita nia família no liga ba Maromak nia ‘laran diak’, Salmu 103:8. ‘Domin maun-alin nian’ mai hosi lian Gregu ‘filadelfia’ nebee hadomi hanesan ho domin ba ita nia maun-alin. Buka uluk atu foo onra ba malu. 11Keta baruk atu hatudu laran badinas, manas iha espíritu, no serví Nai. 12Sai haksolok iha esperansa. Hatudu pasiénsia iha terus laran no halo orasaun nafatin. 13Bainhira santu sira presiza buat ruma, fahe ba. Hakaas aan atu simu bainaka ho laran diak.
14Foo bensaun ba sira nebee haterus imi. Foo bensaun, keta foo malisan. 15Haksolok ba ho sira nebee haksolok, no tanis ba ho sira nebee tanis. 16Lao ho neon ida laran ida. Keta foti aan, maibee lao hamutuk ho ema kiik. Keta haree aan nudar ema matenek klean. 17Se ema halo aat ba ita, keta selu aat fali ba sira. Hanoin atu halo buat nebee diak iha ema hotu nia oin. 18Se ita bele karik, tuir ita nia kbiit, dame malu ho ema hotu. 19Hau nia doben sira, keta selu fali aat ba ema seluk, maibee husik buat nee ba Maromak nia laran hirus. Tanba ema hakerek nanis ona, “Vingansa mak Hau nian, no Hau sei selu fali, dehan Nai.”#12:19 Hosi Deuteronómiu 32:35. 20Maibee, “Se ita nia inimigu hamlaha, foo hahaan ba nia. Se nia hamrook, foo nia hemu. Tanba liu hosi hahalok nee ita sei tau ahi klaak iha ninia ulun leten.”#12:20 Hosi Provérbiu 25:21-22. ‘tau ahi klaak iha ninia ulun leten’ signifika katak ita foo susar ba nia ka ita halo nia arepende (tuir kostumi Ejitu nian nebee lori ahi klaak iha bikan ida iha ulun leten hodi hatudu ema arepende). 21Keta husik hahalok aat manaan imi, maibee manaan hahalok aat ho hahalok diak.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Kadi Timor. All rights reserved. Portions of scripture can be used without permission for the promotion of God's glory.