Joani 5
5
Jesu aa oza unkosi ku kaziba
1Aa na kwa ita inako inde, Jesu kale ga kambamina ku munzi gwa Jelusalema, ku mukiti gumwinya go Majuda. 2Momo mu munzi gwa Jelusalema, mo ka ka li a kaziba aka ka kugigwa Bbetesida mu mushobo go Ciebelu, afuwi no Manginino go Ngu, aka ka ka jakilwe u tujugo twa 5 tu kwesi a malibela ga sungamine momo mu kaziba. 3Momo mo ka ku lalanga a balwele a bangi, a baofu, bo ku kubala i bilama, no bo ku golomena i mibili aba ka ba lindile uku selauka ko menzi. 4Kakuli a mwinya iñiloi lyo Mwini Bumi, ka li sezumukilangamo no ku selagula a menzi, mi u mulwele uju ka li tangiza uku sezumukila momo mu kaziba a menzi na ga selauka, ka lwaluka ku bulwele bonse ubu ka lwala.#5:4 A mabuka go Cigelike gamwinya no mabuka gamwinya ta ga kwesi intimana ja 4. 5Mo ka li unkosi momo uju na ga lwala a myaka ja 38. 6Jesu aa mu bona na lele, kale ga ziba buti na ga inda inako inde na lwala bulyao. Jesu kale ga mu buza nage, “U la shaka uku lwaluka?”
7U mulwele kale ga mu taba nage, “Mfumwangu, ndi li bulite u muntu uju a ndi tusa uku ndi sezumwina mu kaziba a menzi na ga selauka. Ndi la ku jelekanga uku sezelangamo kono aa ndi seza, jumwinya sa la ndi tanta.”
8Cwale Jesu kale ga mu ta nage, “Zimana! U inde ishasha lyako mi u jende.”
9Aobulyo jojo unkosi kale ga lwaluka, mi kale ga inda ishasha lyakwe na ka li jila. Kalili ijuba lyo Nsabata#5:9 Ijuba lyo bu 7 mu nsunda, ili ta ka ba sebezanga a Majuda na ba lapela Nyambe mi mu Cishanjo ndya Mukibelo kampa ijuba lyo ku wisa. aa ka bi tendaala byebyo, 10mi a bajendesi a bakulu bo Majuda kale ba ta jojo unkosi na ga lwaluka nabo, “Shunu ndya Nsabata mi u mulao gwa sa kanisa uku inda ishasha lyako.”
11Ige kale ga ba taba nage, “Unkosi uju a la ndi ozi ndege a la ndi ti buti, ‘Inda ishasha lyako mi u jende.’ ”
12Kale ba mu buza nabo, “Ndini jojo unkosi uju a la kuti buti u inde ishasha no ku ta buti u jende?”
13Jojo unkosi na ga lwaluka kale ga kangwa uku ziba buti ndini wawa kakuli Jesu na ga ja bu yongobela mukati ko bantu a bangi aba ka ba lio. 14Aa na kwa ita inako, Jesu kale ga ka gwana jojo unkosi mu tempele mi kale ga mu ta nage, “Ngo lole, u la lwaluki. U zwe ku bitendantu i bimangoju buti i cintu i cimangoju wawa mane na ci tendaale kwako.” 15Jojo unkosi kale ga ka lugwila a bajendesi bo Majuda buti ndi Jesu a la mu ozi.
Inguzu ja Mwana Nyambe
16Kebaka lyo ku ta buti Jesu ndya Nsabata na ga tenda byebyo i bintu, a bajendesi bo Majuda kale ba tatika uku pengisa Jesu. 17Mu ku li lamwina kwakwe, Jesu kale ga ba taba nage, “Tata mwijuba-mwijuba a sebeza, mi neme nda sa sebeza.” 18Kebaka lelyo, kale ba jeleka wawa uku shaka a kaito buti ba mu yage. Kakuli ta ka shwauza ijuba lyo Nsabata bulyo kono kame ka kuga Nyambe buti Ndisi wawa, ku li tenda u muntu a jelekelele no Nyambe.
19Jesu kale ga ba lugwila kame nage, “Mbyaconse ndi mi lugwila buti ime nde Mwana ta ndi goli uku li tendela i bintu kangu bulyo, mbulyo ndi gola uku tenda ibi ndi bona kwa Tata na bi tenda. I bintu byonse a tenda Tata, neme nde Mwana mbebyo ndi gola uku tenda. 20Kakuli Tata a la ndi shaka ime nde Mwane mi ga sa ndi sunda ibi a tenda byonse. Ee, mane ga sa ndi sunda i misebezi i minene ku ita jeji mu la boni buti mu komokwe. 21Kakuli sinagwe ndi Tata aa busa a bafu no ku ba wa u bumi, neme nde Mwane ndi la wa u bumi ku bantu bonse aba ndi shaka buti ndi bu ba we. 22Ku zwao kame, Tata ta atuli u muntu, kono na ga ndi wa inguzu ime nde Mwane jo ku atula, 23buti a bantu bonse ba ndi kutike ime nde Mwana sinagwe ubu ba kutikila Tata. Uju ta ndi kutiki ime nde Mwana, ta kutiki no Tata uju na ga ndi tuma.
24“Mbyaconse wawa ndi mi lugwila buti, u muntu aa shugwa ijwi lyangu no ku zumina kwoju na ga ndi tuma, a li kwesi u bumi ta bu mani mi ta na atuligwe kono na ga shatuka ku zwa mu lufu ku ja mu bumi.
25“Mbyaconse wawa ndi mi lugwila buti, inako ji la keza mane na ja sika a bafu aa na ba shugwe ijwi lya Mwana Nyambe. Mi aba na ba li shugwe, kuti na ba joje. 26Kakuli sinagwe ndi Tata aa jojesa a bantu, na ga ndi zuminina neme nde Mwane buti ndi jojese a bantu. 27Mi na ga ndi wa inguzu jo ku atula kakuli ndime Mwana Muntu. 28Mu leke uku komokwa aa ndi ta bulyao kakuli inako ji la keza a bafu bonse aba ba li mu mabita aa na ba shugwe ijwi lyangu 29no ku zwamo. A bantu aba na ba tenda i bintu i bilotu kuti na ba buke no ku joja, mi aba na ba tenda i bitendantu i bimangoju kuti na ba bukile inkatulo. 30Ime bulyo, takuli ibi ndi gola uku tenda ndenke kono nda sa atula bulyo ku ja ko bu ndi shugwila kwa Tata, mi inkatulo jangu ji li lulikile. Kakuli ta ndi shaki buti ndi tende ibi bi ndi jangaza ndemwini kono buti ndi jangaze uju sa ndi tuma.
A bampaki ba Jesu
31“Aa ndi li pakila ndemwini u bupaki bwangu mbwa manya. 32Kono ndi li kwesi umpaki gwangu, mi ndi li zi buti u bupaki bwakwe mbwa niti. 33Se mu tuma a bantu kwa Joani u mukolobezi ka shakisisa byangu mi ige na ga ka paka initi. 34Ta ndi zundi u bupaki ubu bu zwa ku bantu, kono nda sa gamba ku ja ko bupaki bwa Joani u mukolobezi buti mu jojeswe. 35Joani ka kozete sinagwe ndi lambi a munika no ku wa ituba, mi na mwa shala ituba lyakwe buti mu li li kole mu nako imfuwi. 36Kono ndi si kwesi u bupaki u bunene bu ita bwa Joani u mukolobezi. Mbupaki bo misebezi iji na ga ndi wa Nyambe buti ndi ji maninine mi njejo ji paka buti Tata sa ndi tuma. 37Mi Tata uju na ga ndi tuma, nage na ga paka byangu. Ta mwa la shugwa ijwi lyakwe kampa ku bona ubu a kalile, 38nanga ndijwi lyakwe ta li kwesi u bukalo mukati kenu kakuli ta mu zumini ku muntu uju na ga tuma.
39“Mu la li ziga bya mu Mañolo lwini kakuli ngago mu gaja buti momo mu gola uku gwana u bumi ta bu mani. Gaga ngo Mañolo aga ga paka byangu, 40kono mwa sa kana uku keza kwangu buti mu gwane u bumi.
41“Ime ta ndi tambuli uku lumbigwa uku ku zwa ku bantu, 42kono ndi li mi zekelele. Ndi li zi buti ta mu kwesi u lushako lwa Nyambe mu myojo jenu. 43Ime na nda keza mwizina lya Tata, ta na mwa ndi tambula, kono ati u muntu na keza mwizina lyakwe, ige kuti na mu mu tambule. 44Mbuti mu golela uku zuminina uku na mu lilumba-lumba mwalyenu, kono ta mu shaki uku lumbigwa uku ku zwila kwa Nyambe genke?
45“Mu leke uku gaja buti kuti ndi mi gwanise u mulandu kwa Tata, uju a mi gwanisa u mulandu ndi Mushe, uju mu sepete. 46Ka li na mu la zumini Mushe, neme ka mu ndi zumina kakuli Mushe mbyangu ka ñola. 47Kono kakuli ta mu zumini ibi sa ñola, mbuti sa ka mu zuminine ibi ndi gamba?”
Currently Selected:
Joani 5: TOI
Highlight
Copy
Compare
Share
Want to have your highlights saved across all your devices? Sign up or sign in
2026 The Seed Company
