Mateu 3
3
Joani u mukolobezi aa shaba inzila
(Male 1:1-8; Luk 3:1-18; Joa 1:19-28)
1Momo mu majuba kale kwa keza Joani u mukolobezi, na tandaza a bantu aba ka ba joja mu mangusu gelonga lya Judeya. 2Ka tandaza nage, “Mu siguluke kakuli u mubuso gwegulu na gwa keza a fuwi.” 3Joani ndege ka gambigwa ku muboni gwa Nyambe Isaya buti,
“Ijwi lyo ju a kugiliza mu mangusu.
‘U shabe inzila jo Mfumu,
U mu golwele a mazila!’ ”#Isaya 40:3.
4I bizwato bya Joani ka bi li byo ku suma a boja bo nkamele, mi ka kwesi u lukaku lo mukumba mu munda jakwe. I bilyo byakwe ka bi li bipansi no buci bwa mu lugole. 5A bantu kale ba ka ja kwakwe ku zwa mwa Jelusalema no mwilonga lyonse lya Judeya mane nelonga lyonse lya Joodani. 6Ko ku li lugula i bitendantu i bimangoju byabo, Joani ka ba kolobeza mu Lwizi lwa Joodani.
7Joani aa bona u bungi bo Bafalisi no Basaduki na ba keza uku ka kolobezeza, kale ga ba ta nage, “Inwe mwe luasi lo bili! Ndini na ga mi nanguza uku anda ku bukali ubu bu keza? 8Mu ake i biyango bi jendelela no nsiguluko. 9Mi mu leke uku gaja buti mu la gola uku li ta mwebeni buti, ‘Isetu ndi Abbulaama.’ Nda sa mi lugwila buti Nyambe a la gola uku tendela Abbulaama a bana ku zwa a gaga a mabwe. 10A katemu se ka li li a miisi jo bishamu, mi i cishamu conse ici ta ci aki i biyango i bilotu kuti na ci temegwe no ku shonjelwa mu mulilo.
11“Nda sa mi kolobeza ko menzi buti mu gwane insiguluko. Kono nkwali uju a keza mwishule lyangu uju a kwesi inguzu ku ndi ita, mi ta ndi botele uku inda inshangu jakwe. Kuti na mi kolobeze ko Moya go Kucena no mulilo. 12I civuluzo cakwe mu maganja gakwe ci li, mi kuti na kule a cindanda cakwe, no ku gwanika u buloto bwakwe mu mayongo no ku tenta u luungu ko mulilo ugu ta gu zimi.”
Inkolobezo ja Jesu
(Male 1:9-11; Luk 3:21-22)
13Cwale Jesu kale ga zwa mwa Galileya no ku ja kwa Joodani buti aka kolobezigwe kwa Joani. 14Kono Joani kale ga jeleka uku mu kanina nage, “Ndigwe u botele uku ndi kolobeza, mi gwa sa keza kwangu?”
15Jesu kale ga taba nage, “U leke ku tendaale bulyao aano, ku li botele kwetu uku tenda bulyaa ku vumbiliza uku lulikila konse.” Cwale Joani kale ga zumina.
16Aobulyo Jesu aa sa la mani uku kolobezigwa, kale ga bomboka mu menzi. Mwa jejo inako igulu kale lya galuka, mi kale ga bona u Moya gwa Nyambe na gu sezumukila akwe sinagwe nu nziba. 17Mi ijwi kale lya zwa kwigulu li ta buti, “Joju ndi Mwanangu, ndi la mu shaka lwini mi a la ndi nyangulula nenja.”
Currently Selected:
Mateu 3: TOI
Highlight
Copy
Compare
Share
Want to have your highlights saved across all your devices? Sign up or sign in
2026 The Seed Company
