Gn 14
14
'Ix colchjcan 'el Lot yuj Abram
1A 'a yic jun tiempoal cha, a Amrafel 'aych reyl 'a Sinar, ax Arioc 'aych reyl 'a Elasar, ax Quedorlaomer 'aych reyl 'a Elam, ax Tidal 'aych reyl 'a Goím. 2A chan̈wn̈ eb' rey tic, tzyac' eb' owl yet' own̈ xo eb' rey, atn eb' tic: Bera sreyl Sodoma, Birsa sreyl Gomorra, Sinab sreyl Adma, Semeber sreyl Zeboim, yet' sreyl Bela, atn jun chon̈b' chi tzcuch pax Zoar. 3A own̈ eb' rey tic, 'ix smol alj eb', xya'n eb' syam sb'a eb' soldado 'a span̈nil lum Sidim, 'a 'aj 'ay a Mar Muerto. 4A eb' rey tic, lajchwe xo ab'il 'aych eb' 'a yaln̈ sley win rey Quedorlaomer cha. Palta ax 'a yoxlajn̈il ab'il 'ix snan eb', to tzyij 'el sb'a eb' 'a yaln̈ sley winac. 5Ax 'a yic junx ab'il cha, a Quedorlaomer yet' eb' 'oxwn̈ rey 'aych yet'oc, 'ix jaw eb' 'a yol yic Astarot Karnaim. Ata 'ix 'ajx ganar ewin refaíta yuj eb'. 'Ix 'ajx ganar pax ewin zuzita yuj eb' 'a yol yic Ham, ax ewin emita 'ix 'a'n ganar eb' 'a Save-quiriataim. 6Ax ewin horeo, 'ix 'ajx ganar 'a lum tzaln tzcuch Seir, pechb'il ewinac masnto xjaw ewin 'a niwquil pan̈n 'a'lic Parán, 'a sla'nil lum cusltac lu'um. 7Ax yic xmeltzj win rey Quedorlaomer yet' smasnil eb' ajun yet'oc, 'ix 'emch eb' 'a En-mispat, a jun lugar chi tzcuch pax Cades. Ata 'ix ya'cn lajwc 'el eb' smasnil tastc 'ix chachj yuj 'a yol b'e, 'a yol yic eb' amalecita. 'Ixta 'ix yutj can pax eb' ewin amorreo 'ay 'a yol yic Hazezon-tamar.
8-9Ax eb' own̈ rey cha, atn win yic Sodoma, win yic Gomorra, win yic Adma, win yic Zeboim, yet' win yic Bela, 'ix 'at eb' yown̈il 'a lum niwn pan̈n yic Sidim. Ata 'ix yac' ewin owl yet' eb' rey cha, atn Quedorlaomer, Tidal, Amrafel, yet' Arioc. A eb' tic rey eb' 'a Elam, 'a Goím, 'a Sinar, yet' 'a Elasar. 10A 'a smasnil lum niwn pan̈n yic Sidim, til wal 'aj tzpac' q'uet jun asfalto lajn 'icha tzataj. Yuj cha, a yic x'at win sreyl Sodoma yet' win yic Gomorra 'eloc, 'ay eb' soldado eb' x'atcn 'a scal asfalto cha, ax jun tzo'n̈ xo eb', x'at eb' 'elc 'a jolmctac witz.
11A eb' chan̈wn̈ rey 'ix 'a'n ganar owl cha, 'ix 'at yi'nc cot eb' smasnil tas tzc'uxxi, yet' smasnil tas caw chan̈ stojl 'a Sodoma yet' 'a Gomorra, xlajw cha, 'ix 'at eb'. 12Ax pax Lot, yunnal yu'tac Abram, ata cajn 'a Sodoma, an̈jtona 'ix 'ijx 'at 'icha presoal yuj ewinac, yet' smasnil tastc 'ay 'a 'a. 13Palta 'ay jun win 'ix yac' ganar yel 'a scal owal, 'ix 'at yalnc 'a Abram win hebreo, chajtlto tox 'ix 'ijx 'at Lot 'icha presoal. Ata cajn win 'a lum 'aj 'ay te ma'ach', 'a yol yic win Mamre amorreo. A win Mamre cha, yu'tac sb'a win yet' Escol, yet' pax Aner. A ewin cha, a yet' Abram 'aych ewinac.
14A yic 'ix yab'n Abram to 'ix 'ijx 'at Lot 'icha presoal, yuj cha, 'ix syamb'tzan smasnil ewin schecb' to cuyb'il 'a owal, atn eb' 'aljnac 'a yatut, 'ay 3l8 eb' 'a smasnil. Xlajw cha, 'ix 'at eb' 'a spatc chan̈wn̈ eb' rey cha, atta 'ix yamchj eb' yuj eb' 'a chon̈b' Dan. 15Ax 'a yic 'ac'wal, 'ix spojn 'at Abram smasnil eb' winc ajun yet' cha, 'ix ya'n eb' owl yet' chan̈wn̈ eb' rey cha. 'Ix pechx 'at eb' yuj eb', masnto 'a Hoba. A jun lugar cha, ata 'ay 'a yojltac 'at Damasco. 16'Ix yi'n 'ec' Abram smasnil tas yet' eb'. 'Ixta 'ix yutj scoln can 'el Lot yet' smasnil tastc 'ay 'a 'a. 'Ix colchj can pax eb' 'ix 'ix, yet' jun tzo'n̈ xo eb' 'aj Sodoma 'ix 'ijx 'at cha.
Swach' paxti Melquisedec 'a Abram
17A yic tox 'ix 'ajx ganar win rey Quedorlaomer yuj eb' rey 'aych yet' win Abram, 'ix meltzj Abram yet' eb' xcolchj 'el yuj cha. 'Ix 'elt win sreyl Sodoma scha Abram 'a jun niwquil pan̈n Save sb'i. A jun pan̈n cha, yicn̈ej eb' rey yaji. 18Ax Melquisedec, sreyl Salem ya'mal pax 'och sti eb' 'anma 'a Dios, atn Dios to Cojxn Niwn Yel'chi, 'ix yac' pan yet' yal uva 'a Abram. 19'Ix yaln wach' paxti 'a yib'n̈ Abram 'ixtic:
Ya' cab' Dios swach'c'ojlal 'a eb'an̈, atn Dios to Cojxn Niwn Yel'chi, a xb'on satcha'an̈ yet' lum lum tic.
20Alx cab' wach' paxti 'a Dios to Cojxn Niwn Yel'chi, a 'ix colwj et'oc, yuj cha, xa'n ganar eb' 'ajc'ojl yajch 'ayach, xchi 'a Abram cha.
Xlajw cha, 'ix yi'n 'el Abram junjn 'a junjn lajn̈e 'a smasnil tastc 'ix 'at yi'cn 'ec' 'a eb' rey cha, 'ix ya'n 'a Melquisedec. 21Ax win sreyl Sodoma cha, 'ix yaln win 'a Abram 'ixtic:
—Cojn eb' 'anma tzac' meltzjoc 'ayin, ax smasnil tastac, tzcan 'ayach, xchi 'a Abram.
22Yuj cha, xta'w Abram, 'ix yaln 'ixtc 'a 'a:
—Tox 'ix wac' in ti 'a Jehová Dios Cojxn Niwn Yel'chi, a xb'on satcha'an̈ yet' lum lum tic, 23to a 'a scal smasnil tas 'ay 'ayach, ma'oj stac' wi'n 'at jab'oc, man̈oc jac ch'al, man̈oc pax junc sc'ab' xan̈ab', sec ma'oj ala', to o'oj ax woch ricoal. 24May tas x'at wi'cn 'ec' tzin nib'j wico'oc, cojn tas 'ix sc'ux ewin in checab'. Ax ewin xit'c wet' tic, atn Aner, Escol, yet' pax Mamre, a ewin tic, 'oj scha ewin yico', xchi Abram.
Currently Selected:
Gn 14: CSS
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.
Gn 14
14
'Ix colchjcan 'el Lot yuj Abram
1A 'a yic jun tiempoal cha, a Amrafel 'aych reyl 'a Sinar, ax Arioc 'aych reyl 'a Elasar, ax Quedorlaomer 'aych reyl 'a Elam, ax Tidal 'aych reyl 'a Goím. 2A chan̈wn̈ eb' rey tic, tzyac' eb' owl yet' own̈ xo eb' rey, atn eb' tic: Bera sreyl Sodoma, Birsa sreyl Gomorra, Sinab sreyl Adma, Semeber sreyl Zeboim, yet' sreyl Bela, atn jun chon̈b' chi tzcuch pax Zoar. 3A own̈ eb' rey tic, 'ix smol alj eb', xya'n eb' syam sb'a eb' soldado 'a span̈nil lum Sidim, 'a 'aj 'ay a Mar Muerto. 4A eb' rey tic, lajchwe xo ab'il 'aych eb' 'a yaln̈ sley win rey Quedorlaomer cha. Palta ax 'a yoxlajn̈il ab'il 'ix snan eb', to tzyij 'el sb'a eb' 'a yaln̈ sley winac. 5Ax 'a yic junx ab'il cha, a Quedorlaomer yet' eb' 'oxwn̈ rey 'aych yet'oc, 'ix jaw eb' 'a yol yic Astarot Karnaim. Ata 'ix 'ajx ganar ewin refaíta yuj eb'. 'Ix 'ajx ganar pax ewin zuzita yuj eb' 'a yol yic Ham, ax ewin emita 'ix 'a'n ganar eb' 'a Save-quiriataim. 6Ax ewin horeo, 'ix 'ajx ganar 'a lum tzaln tzcuch Seir, pechb'il ewinac masnto xjaw ewin 'a niwquil pan̈n 'a'lic Parán, 'a sla'nil lum cusltac lu'um. 7Ax yic xmeltzj win rey Quedorlaomer yet' smasnil eb' ajun yet'oc, 'ix 'emch eb' 'a En-mispat, a jun lugar chi tzcuch pax Cades. Ata 'ix ya'cn lajwc 'el eb' smasnil tastc 'ix chachj yuj 'a yol b'e, 'a yol yic eb' amalecita. 'Ixta 'ix yutj can pax eb' ewin amorreo 'ay 'a yol yic Hazezon-tamar.
8-9Ax eb' own̈ rey cha, atn win yic Sodoma, win yic Gomorra, win yic Adma, win yic Zeboim, yet' win yic Bela, 'ix 'at eb' yown̈il 'a lum niwn pan̈n yic Sidim. Ata 'ix yac' ewin owl yet' eb' rey cha, atn Quedorlaomer, Tidal, Amrafel, yet' Arioc. A eb' tic rey eb' 'a Elam, 'a Goím, 'a Sinar, yet' 'a Elasar. 10A 'a smasnil lum niwn pan̈n yic Sidim, til wal 'aj tzpac' q'uet jun asfalto lajn 'icha tzataj. Yuj cha, a yic x'at win sreyl Sodoma yet' win yic Gomorra 'eloc, 'ay eb' soldado eb' x'atcn 'a scal asfalto cha, ax jun tzo'n̈ xo eb', x'at eb' 'elc 'a jolmctac witz.
11A eb' chan̈wn̈ rey 'ix 'a'n ganar owl cha, 'ix 'at yi'nc cot eb' smasnil tas tzc'uxxi, yet' smasnil tas caw chan̈ stojl 'a Sodoma yet' 'a Gomorra, xlajw cha, 'ix 'at eb'. 12Ax pax Lot, yunnal yu'tac Abram, ata cajn 'a Sodoma, an̈jtona 'ix 'ijx 'at 'icha presoal yuj ewinac, yet' smasnil tastc 'ay 'a 'a. 13Palta 'ay jun win 'ix yac' ganar yel 'a scal owal, 'ix 'at yalnc 'a Abram win hebreo, chajtlto tox 'ix 'ijx 'at Lot 'icha presoal. Ata cajn win 'a lum 'aj 'ay te ma'ach', 'a yol yic win Mamre amorreo. A win Mamre cha, yu'tac sb'a win yet' Escol, yet' pax Aner. A ewin cha, a yet' Abram 'aych ewinac.
14A yic 'ix yab'n Abram to 'ix 'ijx 'at Lot 'icha presoal, yuj cha, 'ix syamb'tzan smasnil ewin schecb' to cuyb'il 'a owal, atn eb' 'aljnac 'a yatut, 'ay 3l8 eb' 'a smasnil. Xlajw cha, 'ix 'at eb' 'a spatc chan̈wn̈ eb' rey cha, atta 'ix yamchj eb' yuj eb' 'a chon̈b' Dan. 15Ax 'a yic 'ac'wal, 'ix spojn 'at Abram smasnil eb' winc ajun yet' cha, 'ix ya'n eb' owl yet' chan̈wn̈ eb' rey cha. 'Ix pechx 'at eb' yuj eb', masnto 'a Hoba. A jun lugar cha, ata 'ay 'a yojltac 'at Damasco. 16'Ix yi'n 'ec' Abram smasnil tas yet' eb'. 'Ixta 'ix yutj scoln can 'el Lot yet' smasnil tastc 'ay 'a 'a. 'Ix colchj can pax eb' 'ix 'ix, yet' jun tzo'n̈ xo eb' 'aj Sodoma 'ix 'ijx 'at cha.
Swach' paxti Melquisedec 'a Abram
17A yic tox 'ix 'ajx ganar win rey Quedorlaomer yuj eb' rey 'aych yet' win Abram, 'ix meltzj Abram yet' eb' xcolchj 'el yuj cha. 'Ix 'elt win sreyl Sodoma scha Abram 'a jun niwquil pan̈n Save sb'i. A jun pan̈n cha, yicn̈ej eb' rey yaji. 18Ax Melquisedec, sreyl Salem ya'mal pax 'och sti eb' 'anma 'a Dios, atn Dios to Cojxn Niwn Yel'chi, 'ix yac' pan yet' yal uva 'a Abram. 19'Ix yaln wach' paxti 'a yib'n̈ Abram 'ixtic:
Ya' cab' Dios swach'c'ojlal 'a eb'an̈, atn Dios to Cojxn Niwn Yel'chi, a xb'on satcha'an̈ yet' lum lum tic.
20Alx cab' wach' paxti 'a Dios to Cojxn Niwn Yel'chi, a 'ix colwj et'oc, yuj cha, xa'n ganar eb' 'ajc'ojl yajch 'ayach, xchi 'a Abram cha.
Xlajw cha, 'ix yi'n 'el Abram junjn 'a junjn lajn̈e 'a smasnil tastc 'ix 'at yi'cn 'ec' 'a eb' rey cha, 'ix ya'n 'a Melquisedec. 21Ax win sreyl Sodoma cha, 'ix yaln win 'a Abram 'ixtic:
—Cojn eb' 'anma tzac' meltzjoc 'ayin, ax smasnil tastac, tzcan 'ayach, xchi 'a Abram.
22Yuj cha, xta'w Abram, 'ix yaln 'ixtc 'a 'a:
—Tox 'ix wac' in ti 'a Jehová Dios Cojxn Niwn Yel'chi, a xb'on satcha'an̈ yet' lum lum tic, 23to a 'a scal smasnil tas 'ay 'ayach, ma'oj stac' wi'n 'at jab'oc, man̈oc jac ch'al, man̈oc pax junc sc'ab' xan̈ab', sec ma'oj ala', to o'oj ax woch ricoal. 24May tas x'at wi'cn 'ec' tzin nib'j wico'oc, cojn tas 'ix sc'ux ewin in checab'. Ax ewin xit'c wet' tic, atn Aner, Escol, yet' pax Mamre, a ewin tic, 'oj scha ewin yico', xchi Abram.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Chuj San Sebastian © Sociedades Bíblicas Unidas, 1999.