Ɛsedɔ 6
6
1Nya ƃe Yâwɛɛ è mò Mose mà ǹyɛɛi, “Ƃa pâi nâa gâai mɛnii ŋa pâi gɛ̂i a Gâloŋ. Ŋa pâi gɛ̂i a wála-wala-laa a gɛɛ é dílɛɛ naa dí lí. Ŋa pâi máŋ gɛ̂i a wála-wala-laa é díkula ŋɔlɔii su”
Ɣâla è Mose tòli ŋɔ́nɔ
2Ɣâla è mò Mose ma ǹyɛɛi, “Ńyãa ƃa Yâwɛɛ. 3Ŋá pà Eberaɣɛ̃ɛ pɔ́, Aise da Zeeka yɛ̂ɛ Wála-wala Kélee Ɣala. Kɛ́lɛ fé ŋ́gbîŋ lɛ́ ní dîa a ǹáai nyii gáa a Yâwɛɛ. 4Ŋá ŋákpanaŋ-wooi kɛ̀ máŋ díyêei a gɛɛ ŋá Keena lɔii tɛ́ɛ dípɔ nyii dí kɛ̀ zu a ŋɔ̃ya-ŋai. 5Ŋa nâa Eezuɛ-ŋai dímɔ̃lɛi maa wɔlɔ-wooi mɛni, nyii-ŋai Ize-ŋai dí dísoŋ a luɛ-ŋai. Ǹyaŋ ŋákpanaŋ-wooi kíli a tóo ŋá. 6Mɛni ma, m̀ó Eezuɛ-ŋai dîa yɛ̂ɛi, ‘Ńyãa ƃa Yâwɛɛ. Ŋa pâi kákulâi mɛni-solii su nyii Ize-ŋai da dɛɛ̂i kápɔi. Ŋa pâi kákulâi díyêei ǹuɛ-laai su. Ŋa pâi ŋáwala-wala-yeei sãai mɛni ŋá-teɛɛ su ŋá kákùla díyêei. 7Ŋa pâi kásiyêi a ŋánûa, ŋá kɛ́ a Káɣâla. Ka pâi gɔlɔnîi a gɛɛ ŋ́gaa a Yâwɛɛ Káɣâlai nyii kákùla m̀ɛni-kpɔlui su nyii Ize-ŋai dí ǹaa kâai. 8Ŋa pâi pâi a káa ǹɔii su nyii ŋá ŋ́gono tèe a gɛɛ ŋá dɛɛ Eberaɣɛ̃ɛ pɔ́ da Aise é pɛ́lɛ Zeeka mai. Ŋa pâi dɛɛ̂i kápɔ a kápɔɔ. Ńyãa ƃa Yâwɛɛ.’ ” 9Mose è nyíŋi su kùla Eezuɛ-ŋai dîa. Kɛ́lɛ dífe díwoli tɔɔ ní ŋ̀óo ma. Kpɛ́ni fêi, dílii è kɛ̀ a doɔ́ɔ pôlu ǹuɛ-laai mɛni ma dí kɛ̀ zui.
10Nya ƃe Yâwɛɛ è mò Mose ma ǹyɛɛi, 11“Lí í mó Ize kaloŋ mâ, a gɛɛ é Eezuɛ-ŋai lɛ́ɛ naa dí kúla ŋɔlɔii su.”
12Kɛ́lɛ Mose è mò Yâwɛɛ ma ǹyɛɛi, “Gáa Eezuɛ-ŋai dífe nîi díwoli tɔɔ ni ŋ́oo ma. Gâloŋ a pɔ̂ri ŋ̀óli tɔɔ̂i léŋ ŋ́oo ma ńyãai fa pɔ̂ri lônoi a ǹɛ́lɛɛi.”
13Kɛ́lɛ Yâwɛɛ è mò Mose da Eelɔŋ dîa a gɛɛ dí mò Eezuɛ-ŋai dîa da Gâloŋ nyii gáa a Ize kaloŋ, a gɛɛ ǹyaa Ɣâla ƃé dítɛɛ a gɛɛ dí Eezuɛ-ŋai kúla Ize lɔii su.
Mose da Eelɔŋ dísuui pîlaŋ-pere
14Dínuu-suu-ŋai ŋuŋ-tuɛ-ƃelai ká ŋí. Lubiŋ, nyii kɛ̀ a Zeeka ǹóŋ maa-ŋuŋ, ǹônii-sinaai ká ŋí nyii-ŋai kɛ̀ a ŋɔsuui su-ƃelai. Anɔ, Palu, Ɛzɔrɔŋ da Kami. 15Simiɔŋ ǹônii-sinaai ká ŋí nyii-ŋai kɛ̀ a ŋɔsuui su-ƃelai. Zemuɛ, Zamiŋ, Oa, Zakiŋ, Zoa da Sâo nyii kɛ̀ a Keena-nɛni tɔnɔ ǹóŋ. 16Liiva ǹônii-sinaai láa ká ŋí yɛ̂ɛ berei dísuu-ŋai díkaa lai. Gɛsɔŋ, Koa da Melali. Liiva è kóraŋ ŋuŋ tɔnɔ pôlu buu saaƃa káo lɔ́ɔlu mɛi feerɛ (138) kɛ̀ ɣele ma. 17Gɛsɔŋ ǹônii-sinaai ká ŋí nyii-ŋai díkaa ŋɔsuui sui. Lini da Simi. 18Koa ǹônii-sinaai ká ŋí. Amaraŋ, Iza, Iburɔŋ da Uziɛ. Koa è kóraŋ ŋuŋ tɔnɔ pôlu buu saaƃa káo saaƃa (133) kɛ̀ ɣele ma. 19Melali ǹônii-sinaai ká ŋí. Mali da Musi. Liiva ŋɔsuu-ŋai ká ŋí yɛ̂ɛ berei dípîlaŋ-pere káa lai.
20Amaraŋ è ǹâŋ ŋɔsaaƃɔlɔ-nɛnii Zokɛƃɛ kùla a nɛnî nyii è Eelɔŋ da Mose dímaa sɔlɔ ƃò mai. Amaraŋ è kóraŋ ŋuŋ tɔnɔ pôlu buu saaƃa káo lɔ́ɔlu mɛi feerɛ (132) kɛ̀ ɣele ma. 21Iza ǹônii-sinaai ká ŋí. Koa, Nɛfɛŋ da Ziki. 22Uziɛ ǹyaŋ ǹônii-sinaai ká ŋí. Misae, Esafaŋ da Siti.
23Eelɔŋ è Amenɛda ǹóŋ nɛnii Ileseƃɛ kùla a nɛnî nyii kɛ̀ a Nasuŋ zaaƃɔlɔi. È Nada da Abiyu maa sɔlɔ ƃo mà é pɛ́lɛ Ilieazɛ ma da Itama. 24Koa ǹônii-sinaai ká ŋí. Asiɛ, Ekana da Aƃiasa. Koa ŋɔsuu-ŋai ká ŋí. 25Eelɔŋ ǹóŋ-surɔ̂ŋ Ilieazɛ è Putie ǹônii-nɛyãai dɔnɔ kùla a nɛnî é Finea maa sɔlɔ ƃo mà. Liiva ŋɔsuu-ŋai ŋuŋ tûɛ-ƃelai ká ŋí yɛ̂ɛ berei dísuu-ŋai pîlaŋ-pere káa lai.
26Eelɔŋ ŋí da Mose ƃé Yâwɛɛ è mò dîa a gɛɛ dí Eezuɛ-ŋai kúla Ize lɔii su díkpulu mai. 27Dia ƃé mò Ize kaloŋ mâ a gɛɛ é Eezuɛ-ŋai kula Ize lɔii su.
Yâwɛɛ è lòno Mose da Eelɔŋ dípɔ
28Tãi Yâwɛɛ è lòno la Mose pɔ́ Ize lɔii sui, 29è mò mà ǹyɛɛi, “Ńyãa ƃa Yâwɛɛ. Mɛnii kélee ŋa pâi môi yâi, m̀ó Ize kaloŋ ma.”
30Kɛ́lɛ Mose è mò Yâwɛɛ m̀a ǹyɛɛi, “Í gɔ́lɔŋ a gɛɛ fa pɔ̂ri lônoi a ǹɛ́lɛɛ, ǹyaŋ, Gâloŋ a pâi ŋ̀óli tɔɔ-pere kɛ̂i léŋ ŋ́oo ma?”
Currently Selected:
Ɛsedɔ 6: KWB
Highlight
Share
Compare
Copy
Want to have your highlights saved across all your devices? Sign up or sign in
© 2012 Bible Society in Liberia
