Nɔŋba 29
29
Góraŋ nina ɣelei maa-sâla-ŋai
(Levetekɔ 23:23-25)
1Ŋ̀áloŋ ǹɔ́ɔlu mɛi feerɛi ŋɔɣele-kûu maa-ŋuŋ ɣelei, ka Ɣâla fɛli koyaŋ maa waa tóo, káfe tíi da kɛ̀. Gáa a túru fɛ́ɛ-ɣêle kámɛni ma. 2Fɛ̂ɛ ká zâlai ŋí kúla nyii gáa a kéreŋ-sala kúŋ nɛ̃ɛ Yâwɛɛ mɛni mai. Niŋa-sirɛ loŋ tɔnɔ, ƃála-sirɛ tɔnɔ, kóraŋ tɔnɔ ƃála-sirɛ lɔ́ɔlu mɛi feerɛ nyii-ŋai pɔ́ɔ fé diai. 3Ka maa mii-sɛŋ-salai kúla máŋ a felaƃa-fũa lɛ́lɛɛ sumoɔɔ a ɔle wulɔ pãŋ lɔ́ɔlu mɛi da niŋa-sîrɛi mɛni ma, pãŋ náaŋ m̀ála-sîrɛi mɛni ma, 4é pɛ́lɛ pãŋ feerɛ ma m̀ála-sîrɛ lɔ́ɔlu mɛi feerɛ tɛi-tɛi mɛi ma. 5Ka ƃoli-sîrɛ tɔnɔ kula a sâla nyii pâi kɛ̂i a ǹûai dísɔnyɔ̂ŋ su-mɛni-lɛɛ sâlai. 6Ka zâla-ŋai ŋí kúla ŋáloŋ ŋɔɣele-kuui maa-ŋuŋ ŋɔkereŋ-salai da maa mii-sɛŋ-salai tɛɛ pôlu ma é pɛ́lɛ ŋ̀ele-kelee kereŋ-salai kuláa ma da maa mii-sɛŋ-salai, bɛ́lɛɛ maa kpele-sɛŋ-salai mâ. Díkaa a kéreŋ-sala kúŋ nɛ̃ɛ Yâwɛɛ mɛni ma.
Zɔnyɔ̂ŋ su-mɛni lɛɛ ɣelei maa sâla-ŋai
(Levetekɔ 23:26-32)
7Ŋáloŋ ǹɔ́ɔlu mɛi feerɛi ŋí ŋɔɣele-kuui buu-ɣelei ka Ɣâla fɛli koyâŋ maa waa tóo. Káfe sɛŋ da mìi, káfe tíi da kɛ̀. 8Ka zâlai ŋí kúla nyii gáa a kéreŋ-sala kúŋ nɛ̃ɛ Yâwɛɛ mɛni mai. Niŋa-sirɛ loŋ tɔnɔ, ƃála-sirɛ tɔnɔ é pɛ́lɛ kóraŋ tɔnɔ ƃala-sirɛ lɔ́ɔlu mɛi feerɛ ma nyii-ŋai pɔ́ɔ fé diai. 9Ka maa mii-sɛŋ-salai kúla máŋ a felaƃa-fũa lɛ́lɛɛ sumoɔ a ɔle wúlɔ pàŋ lɔ́ɔlu mɛi da niŋa-sirɛi mɛni ma, pãŋ náaŋ m̀ála-sirɛi mɛni ma, 10É pɛ́lɛ pãŋ feerɛ ma ƃála-sirɛ lɔ́ɔlu mɛi feerɛ tɛi-tɛi mɛni ma. 11Ka ƃoli-sirɛ tɔnɔ kula a sɔnyɔ̂ŋ su-mɛni-lɛɛ sâla. Zâlai ŋí káa zɔnyɔ̂ŋ su-mɛni-lɛɛ sâlai tɛɛ pôlu ma da ŋ̀ele-kelee kereŋ-salai da maa mii-sɛŋ sâlai é pɛ́lɛ maa kpele-sɛŋ-salai ma.
Mûu-ŋai tɔɔ-ɣele maa-sala-ŋai
(Levetekɔ 23:33-44)
12Ŋ̀áloŋ ǹɔ́ɔlu mɛi feerɛi ŋɔɣele-kûu puu káo lɔ́ɔlu ɣelei ka Ɣâla fɛli koyâŋ maa waa tóo. Káfe tíi da kɛ̀, ká kúu kɛ́ Yâwɛɛ mɛni ma ɣele-kuu lɔ́ɔlu mɛi feerɛ yée mu. 13Kɛ́lɛ ka zâlai ŋí kúla nyii gáa a kéreŋ-sala kúŋ nɛ̃ɛ Yâwɛɛ mɛni mai. Niŋa-sirɛ puu káo saaƃa, ƃála-sirɛ, é pɛ́lɛ kóraŋ-tɔnɔ ƃala-sirɛ puu káo náaŋ ma nyii-ŋai pɔ́ɔ fé diai. 14Ka maa mii-sɛŋ-salai kúla a felaƃa-fũa lɛ́lɛɛ sumoɔ a ɔle wúlɔ pãŋ lɔ́ɔlu mɛi da, niŋa-sirɛ feerɛ tɛi-tɛi mɛni ma, pãŋ náaŋ moli-sirɛ tɛi-tɛi mɛni ma, 15è pɛ́lɛ pãŋ feerɛ ma m̀ála-sirɛ puu káo náaŋ tɛi-tɛi mɛni ma. 16Ka ƃoli-sirɛ kula a sâla sɔnyɔ̂ŋ su-mɛni lɛɛ mɛni ma, ka zâlai ŋí kúla ŋ̀ele-kelee kereŋ-salai da maa mii-sɛŋ-salai é pɛ́lɛ maa kpele-sɛŋ-salai kuláa pôlu ma.
17Ŋ̀ele-kûui veerɛ-ɣelei ka niŋa-sirɛ loŋ puu káo feerɛ kúla a sâla, ƃála-sirɛ feerɛ é pɛ́lɛ kóraŋ tɔnɔ ƃala-sirɛ puu káo náaŋ ma nyii-ŋai pɔ́ɔ fé diai. 18-19Ka díkula da zâla kpêli-ŋai kélee yɛ̂ɛ berei dɔ̂ŋ è mò la ŋ̀ele-kuui maa-ŋuŋ mɛni mai.
20Ŋ̀ele-kûui zaaƃa-ɣelei ka niŋa-sirɛ puu káo tɔnɔ kúla a sâla da ƃála-sîrɛ feerɛ é pɛ́lɛ kóraŋ tɔnɔ ƃala-loŋ-sirɛ puu káo náaŋ ma, nyii-ŋai pɔ́ɔ fé diai. 21-22Ka díkula da zâla kpêli-ŋai kélee yɛ̂ɛ berei dɔ̂ŋ è mò la ŋ̀ele-kuui maa-ŋuŋ mɛni mai.
23Ŋ̀ele-kûui náaŋ-ɣelei ká niŋa-sirɛ puu kúla a sâla da ƃála-sirɛ feerɛ é pɛ́lɛ kóraŋ tɔnɔ ƃala-sirɛ puu káo náaŋ ma nyii-ŋai pɔ́ɔ fé diai. 24-25Ka dí kúla da zâla kpéli-ŋai kélee yɛ̂ɛ berei dɔ̂ŋ è mò la ŋ̀ele-kuui maa-ŋuŋ mɛni mai.
26Ŋ̀ele-kûui ǹɔ́ɔlu-ɣelei ka niŋa-sirɛ lɔ́ɔlu mɛi náaŋ kúla a sâla da ƃála-sirɛ feerɛ é pɛ́lɛ kóraŋ tɔnɔ ƃala-sirɛ puu káo náaŋ ma nyii-ŋai pɔ́ɔ fé diai. 27-28Ka díkula da zâla kpéli-ŋai kélee yɛ̂ɛ berei dɔ̂ŋ è mò la ŋ̀ele-kuui maa-ŋuŋ mɛni mai.
29Ŋ̀ele-kûui ǹɔ́ɔlu mɛi da-ɣelei ka niŋa-sirɛ lɔ́ɔlu mɛi saaƃa kúla a sâla, da ƃála-sirɛ feerɛ é pɛ́lɛ kóraŋ-tɔnɔ ƃala-sirɛ puu káo náaŋ ma nyii-ŋai pɔ́ɔ fé diai. 30-31Ka díkula da zâla kpɛ́li-ŋai kélee yɛ̂ɛ berei dɔ̂ŋ è mò la ŋ̀ele-kuui maa-ŋuŋ mɛni mai.
32Ŋ̀ele-kûui ǹɔ́ɔlu mɛi feerɛ-ɣelei ká niŋa-sirɛ lɔ́ɔlu mɛi feerɛ kúla a sâla, da ƃála-sirɛ feerɛ é pɛ́lɛ kóraŋ-tɔnɔ ƃala-sirɛ puu káo náaŋ ma nyii-ŋai pɔ́ɔ fé diai. 33-34Ka díkula da zâla kpéli-ŋai délee yɛ̂ɛ berei dɔ̂ŋ è mò la ŋ̀ele-kuui maa-ŋuŋ mɛni mai.
35Ŋ̀ele-kûui ǹɔ́ɔlu mɛi saaƃa-ɣelei ka Ɣâla fɛli koyaŋ maa waa tóo. Káfe tíi da kélee kɛ̀. 36Kɛ́lɛ fɛ̂ɛ ka zâlai ŋí kúla nyii gáa a kéreŋ-sala kúŋ nɛ̃ɛ Yâwɛɛ mɛni mai. Niŋa-sirɛ tɔnɔ, da ƃála-sirɛ tɔnɔ é pɛ́lɛ kóraŋ-tɔnɔ ƃala-sirɛ lɔ́ɔlu mɛi feerɛ ma nyii-ŋai pɔ́ɔ fé diai. 37-38Ka díkula da zâla kpéli-ŋai kélee yɛ̂ɛ berei dɔ̂ŋ è mò la ŋ̀ele-kuui maa ŋuŋ mɛni mai.
39Fɛ̂ɛ ká zâla-ŋai kúla Yâwɛɛ mɛni ma a gúu-ŋai kɛ́-tãi. Zâla-ŋai ŋí díkaa géreŋ-sala-ŋai, da mii-sɛŋ-salai-ŋai da gbele-sɛŋ-salai-ŋai é pɛ́lɛ ǹii-see-sala-ŋai dîa kuláa pôlu ma nyii-ŋai núu-kpune tɛ-tɛi-ŋa da dɛɛ Ɣâla pɔ́ é kúla díkono-tee wooi su kpaa máŋ dílii sui.
40Nya ƃe Mose è m̀ɛnii kélee ƃò Eezuɛ-ŋai dîa yɛ̂ɛ berei Yâwɛɛ è mò la ma a gɛɛ dí gɛ́i.
Currently Selected:
Nɔŋba 29: KWB
Highlight
Copy
Compare
Share
Want to have your highlights saved across all your devices? Sign up or sign in
© 2012 Bible Society in Liberia